Zang Shonang Yeesɔ 24:27 - Nyaa Shɔɔ Ɓɔɔ Laa a Ɓɛɛ

²⁷ Saa naa ɓa tɔ ziti, a Borokiya Fesitu naa nwang kpanti ka nɔng Filiku. Filiku kasɛ nɛɛ zang Yahudi ri kasɛ ruu ɓiɓɛ, ka ruu nɔngkɔ, yaa Bulu ka sãa ka nɔngkɔ.

Zang Shonang Yeesɔ 24:27 ပူးပေါင်းရင်းမြစ်များ

Maraku 15:15

Bilatu kasɛ nɛɛ wu pàlɛ́ zang ɓɔɔ ri kpalɛ zɔɔ vuu ɓɔɔ ri kasɛ ɓɛɛ, a yaa ri Baraba naa. A kɔɔ zang ɓiɓɛ nɛɛ ri nyɔ Yeesɔ nɛɛ gbãa. A á ri Yeesɔ kati nɛɛ zang daa ɓaa wu naa ta ka laa.

Zang Shonang Yeesɔ 12:3

Zirɛ vuu kɔ wu pálɛ́ ɓee zang Yahudi ri tãa tĩnang dɔɔli, a yi Bituru kaa jong. Palɛ vuu keɓe ka diki nyaalaa Borodi ɓɔɔ zang tɛ̃ɛ yisi kagn kpang ɓɛɛ.

Zang Shonang Yeesɔ 23:35

A kɔɔyi tɔɔ, zang ɓɔɔ ri kɔɔ ruu shi kpang ka yuu ɓaaɓɛ, ri nɛɛ a tɔ, tɔɔ n tãa vuu ɓɔɔ mɔɔ kɔɔ ɓɛɛ. A kɔɔ zang nɛɛ zang daa nɛɛ Bulu ka gãa kpanti Hiridu, zang gã wu katɔ.

Zang Shonang Yeesɔ 25:1

Ɓɔɔ bɛ̀ɛ́ diki Fesitu daa taati tɔ ka tipi kaɓa, yupaa nɛɛ Kayisariya daa ka Urushalima.

Zang Shonang Yeesɔ 25:14

Diki ɓarɛ bee tɔ ka Kayisariya tɔkɔlɔng, a Fesitu kɔɔ kpanti ruu Bulu kati tɔɔ, “Yɔɔ ɓɔɔ kagn Filiku yaa wu ka sãa.

Zang Shonang Yeesɔ 25:4

Fesitu kasɛ ri nyaa tɔɔ, “Zang mã Bulu ka sãa ka Kayisariya, n ti daa kaa doo nɔngkɔ.

Zang Shonang Yeesɔ 25:9

Fesitu kasɛ nɛɛ zang Yahudi ri kasɛ ruu ɓiɓɛ ka ruu nɔngkɔ, hɛ̃ɛ Bulu tɔɔ, “Mɔɔ kasɛ katɔ mɔɔ daa Urushalima, zang daa jɛ̃ɛ mɔɔ ruu ka yuu vuu kɔ zang kɔɔrɔ ka yuu ɓaaɓɛ ka tĩng mɛɛ ɓɛɛ ya?”

Zang Shonang Yeesɔ 26:32

A Agiripa kɔɔ Fesitu tɔɔ, “Naa yɔɔ keɓe nɛɛ kɔɔ kpang nɛɛ zang daa jɛ̃ɛ wu ruu ka tĩng Kayisa kpang, ruu nɛɛ yaa wu naa katɔ.”

Zang Shonang Yeesɔ 28:30

Bulu nwang ka bm ka nɔngkɔ saa ziti, ka gãa ɓɔɔ wu shu saka katɔ ɓɛɛ. Ta zang ɓɔɔ ri alɛ wu nyaa jeenang waasɛ̃.

Galati 1:10

Ruu keɓe nwang naa ɓɔɔ n kãayi nɛɛ nyaating mɛɛ wu puu ka bii shɔnzang ya? Kpang, n kasɛ nyaating mɛɛ wu puu ka bii Laa. N kasɛ nɛɛ tɔ zang piti ri zi m nung ya? Naa n nɛɛ palɛ nɔngkɔ, n nɛɛ tɔ̀ɔ́ zang ɓɔɔ palɛ Kirisi shonang kpang.