Zang Shonang Yeesɔ 24:25 - Nyaa Shɔɔ Ɓɔɔ Laa a Ɓɛɛ

²⁵ Ɓɔɔ Bulu kɔɔ ruu ka yuu tɔ̃ɔ palɛnang nɛɛ naa ɓɔɔ zang yiti yuu zang waasɛ̃ ɓɛɛ, a ɓɔɔ ruu diki ɓɔɔ Laa naa jɛ̃ɛ zang ruu kagn ɓɛɛ. Filiku kaa vɔrɔ, a kɔɔ Bulu tɔɔ, “Dita gbongkarɛ, n nɛɛ walɛ diki tɔ, n ɓaa mɔɔ nyaa ditɔ tɔkn.”

Zang Shonang Yeesɔ 24:25 ပူးပေါင်းရင်းမြစ်များ

Matiyu 22:5

“A zang ɓɔɔ kpanti gaarɛ kaɓa, ri yee laa ɓarɛ kagn kpang. A ri daarɛ ɓarɛ ri. Zang gbete daa ka jaa ɓiɓɛ, a ɓɔɔ gbete daa ka nɔng vuu ɓiɓɛ malɛnang.

Yɔhana 16:8

Nɛɛ a tɔ, naa tusu zang koo rɛ̃rɛnang shi kpang ɓɔɔ ri rɛ̃rɛ ka yuu vuu shi kpang palɛnang, nɛɛ vuu tɔ̃ɔ ɓɔɔ Laa kasɛ ɓɛɛ, a ɓɔɔ ti naa ɓɔɔ Laa naa jɛ̃ɛ zang ruu ɓɛɛ, nɛɛ ri ning gbalang ɓarɛ katɔ.

Zang Shonang Yeesɔ 10:42

A á ruu nyaa nɛɛ ruu kɔɔ zang Ruu Tɔ̃ɔ Laa. Rùu kɔ̀ɔ́ zang nɛɛ Laa zɔ̃ng wukɔ nɛɛ wu nwang zang ɓɔɔ naa jɛ̃̀ɛ́ rɛɛ zang ɓɔɔ vɔ katɔ, nɛɛ zang ɓɔɔ nwang doo ningkãari ruu.

Zang Shonang Yeesɔ 17:13

Zang Yahudi ɓɔɔ ka Tesalonika ri tãa nyaa nɛɛ Bulu nɛɛ Siila ri kɔɔ zang ruu tɔ jong ka Beriya, a ri daayi ri daa zàrɛ̀ zang nɛɛ zang ri haa nyaa.

Zang Shonang Yeesɔ 17:2

Bulu daa ka gãa zɔɔ kpalɛnang naa ɓasidi wu daarɛ ɓɛɛ. Diki Ɔ̃sɔnang taati, ɓɔɔ Bulu rang yee nɛɛ rɛɛ zang, nwangsɛ ri dĩiri Ruu Laa ɓɛɛ.

Zang Shonang Yeesɔ 17:32

Ɓɔɔ ri tãayi Bulu kɔɔ ruu ka yuu paa yunang nɛɛ saa, zang ɓɔɔ ri kpaa wu, a zang ɓɔɔ ri kɔɔ wu nɛɛ “Ruu kasɛ nɛɛ ruu tãa ruu ka yuu vuu keɓe tɔkn.”

Zang Shonang Yeesɔ 2:37

Ɓɔɔ zang ri tãa ruu keɓe, kpãa ri ka yeti dɔɔli, a ri hɛ̃ɛ Bituru nɛɛ rɛɛ zang shonang ɓɔɔ nimbang tɔɔ, “Rɛɛ manzung, rúu palɛ ɓu kaa viya?”

Zang Shonang Yeesɔ 24:15

N ti shing danggn m doo nɔngkɔ, ka bii Laa, naa ɓɔɔ zang keɓe ri shing ɓɛɛ, nɛɛ zang tɔ̃ɔ, nɛɛ zang shi kpang, Laa naa wisi ri paa katɔ nɛɛ sàa.

Zang Shonang Yeesɔ 24:26

Shing danggn ɓi tɔɔ naa Bulu a wu saka, ka ruu nɔngkɔ, ɓáarɛ̀ wu nyaa rangkɛ yee nɛɛ wu.

Zang Shonang Yeesɔ 26:28

Agiripa kɔɔ Bulu tɔɔ, “Ɓɔɔ mɔɔ zi ka jĩng ɓaaɓɛ nwannang kɔ ruu nwang nɛɛ mɔɔ tɔkɔlɔng ɓee, daa naa ɓɔɔ mɔɔ risi m n nwang zang ɓɔɔ dũng Kirisi ɓɛɛ tɔ ya?”

Zang Shonang Yeesɔ 9:6

“Yupaa ta mɔɔ daa ka yeti gari, zang daa kɔɔ mɔɔ vuu ɓɔɔ mɔɔ palɛ ɓɛɛ ditɔ.”

Rooma 12:1

Rɛɛ manzung, ka ruu tɔ̃ɔ palɛnang Laa, ɓɔɔ Laa tusu ruu dɔɔli ɓɛɛ, n gaa nɔɔ katɔ gbãng gbãng. Nɔɔ a Laa yuu manɛ, naa vuu ɓɔɔ zang dɔɔ wu ɓɛɛ. Nɔɔ nɛɛ a wu yuu manɛ tɔ naa vuu vaa ɓɔɔ zang dɔɔ wu ɓɛɛ, a nɔɔ kaa doo ningkãari ɓɛɛ. Nɔɔ shing yuu manɛ kaa gbãng gbãng nɔɔ pàlɛ́ wu shonang ɓɔɔ shing wu, wu tãa tĩnang manɛ ɓɛɛ. Wee gbalang ɓɔɔ Laa kàsɛ̀ nɛɛ nɔɔ báng wu ɓɛɛ kɔ.

Rooma 14:12

Zang naa shing zang ɓu ditɔ, wu kɔɔ Laa vuu ɓɔɔ wu palɛ ɓɛɛ.

Rooma 2:16

Ka diki keɓe, Laa naa jɛ̃ɛ zang ɓu ruu ka yuu vuu ɓɔɔ zang ɓu waasɛ katɔ ɓɛɛ. Jɛ̃ɛ ruu keɓe, nɛɛ bii Yeesɔ Kirisi naa ɓɔɔ n kɔɔ ka Ruu Laa kɔ n kɔ̀ɔrɔ̀ nɔɔ ɓee.

1 Koranti 4:5

Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

2 Koranti 5:10

Ka ruu ɓɔɔ, ruu nandon ruu naa shii ditɔ ka tĩng Yeesɔ Kirisi, wu jɛ̃ɛ rùu rúu. Wu jɛ̃ɛ ruu rúu, wu ti pàlɛ̀ zang ɓu vuu naa ɓɔɔ daa naa katɔ ɓɛɛ. Yeesɔ pàlɛ́ ruu vuu ka doo vuu tɔ̃ɔ nɛɛ vuu shi kpang ɓɔɔ zang ɓu palɛ ka koo keɓe ɓɛɛ.

2 Koranti 6:2

Laa kɔɔyi tɔɔ, “N tãa yee manɛ ka diki ɓɔɔ n nɛ̀ɛ́ palɛ nɔɔ tɔ̃ɔ kagn ɓɛɛ. N ti yì nɔɔ naa ka bii ka diki ɓɔɔ laa ɓɔɔ n ta yuu manɛ kagn a ɓɛɛ.” Nɔɔ ɓaa shoo ta, kãntang keɓe, ɓi kaa laa ɓɔɔ Laa yi nɔɔ naa ka bii ɓɛɛ kɔ. Wee ɓi kaa diki ɓɔɔ Laa ta yuu manɛ kagn kɔ.

Galati 3:22

A zang bee ɓi tɔ, ka labeenang Laa nɛɛ, shɔnzang ɓɔɔ ka koo nandon, ri nwàng ɓarɛ naa ɓɔɔ vuu shi kpang mã ri ka sãa ɓɛɛ. Tɔɔ vuu ɓɔɔ Laa a nyaa ka yuu ɓiɓɛ ka doo danggn shinnang ka bii Yeesɔ Kirisi wu raa ɓɔ̀ɔ́ zang ɓɔɔ ri shing danggn tɔ kati.

Galati 5:23

Zang wu tuu yuu ɓiɓɛ kpang, wu ti yiti yuu ɓiɓɛ waasɛ̃. Nyaa dannang ɓɔɔ zãa vuu ɓɔɔ naa weɓe palɛnang, ɓi kagn kpang.

2 Timoti 4:1

N gàa mɔɔ nɛɛ nung Laa nɛɛ ɓɔɔ Yeesɔ Kirisi ɓɔɔ naa jɛ̃ɛ zang ɓɔɔ ri vɔlɔ tɔ, nɛɛ zang ɓɔɔ ri doo ningkãari ruu ɓɛɛ. Ka ruu ɓɔɔ, Yeesɔ Kirisi naa nwang nyaa ditɔ, naa roo kpanti, ka ruu nɔngkɔ, n kɔɔ mɔɔ ruu keɓe.

Titu 1:8

Ɓi zang ɓɔɔ ta zang zanti ka gãa ɓiɓɛ waasɛ̃ ɓɛɛ, zang ɓɔɔ kasɛ vuu tɔ̃ɔ palɛnang ɓɛɛ, zang ɓɔɔ palɛ vuu sãnsãnrãng kpang ɓɛɛ, palɛ ɓi vuu ɓɔɔ daa bii katɔ diki diki, ti palɛ ɓi vuu ɓɔɔ Laa kasɛ ɓɛɛ, zang ɓɔɔ yiti yuu ɓiɓɛ waasɛ̃ ɓɛɛ.

Yahudi 12:21

Niizang, vuu ɓɔɔ ri zirɛ shing baabii dɔɔli, vuu bìí shingnɛ Musa kɔɔyi nɛɛ, “N kaa vɔrɔ dɔɔli, bii zaa m kagn.”

Yahudi 3:13

Nɔɔ mã zɔɔ danggn katɔ kɔ jong diki diki, tɔɔ vuu shi kpang wu shing zang ɓɔɔ kaa tɔ̀ɔ́ ka teteng manɛ wu taarɛ yuu kpang, ka laa ɓɔɔ nɔɔ doo ningkãari kɔ, zang ɓaa nɛɛ “Lɛɛkɔ” ɓee.

Yahudi 4:1

Ka ruu nɔngkɔ, wee nyaa ɓɔɔ Laa arɛ ka yuu daanang ka nɔng ɔ̃sɔnang ɓiɓɛ doo kagn ɓee, ruu palɛ waasɛ̃ zang ɓɔɔ ka teteng ɓuru nɛ̀ɛ́ dàa nɔng ɔ̃sɔnang kaɓa kpang.

Yahudi 6:2

Nɛɛ vuu tusunang, ka yuu batizima, nɛɛ naa shinnang ka yuu zang, nɛɛ naa ɓɔɔ zang wisi zang paa nɛɛ sàa ɓɛɛ, nɛɛ ɓɔɔ ruu ɓɔɔ Laa naa jɛ̃ɛ zang, ka ɓɔɔ koo naa waa nyaa ɓɛɛ.

Yahudi 9:27

Naa ɓɔɔ Laa shingnɛ nɛɛ shɔnzang wu vɔ doo gbete, nɛɛ knti wu naa jɛ̃ɛ zang ruu kati ɓɛɛ.

Yakubu 2:19

Nɔɔ shing danggn tɔ, nɛɛ Laa ɓi gbete kɔ nwani. Wukɔ tɔ̃ɔ, Suru shi kpang ri zi tɔ kɔ doori, bii káa ri vɔrɔ kagn.

1 Bituru 3:15

Shing jĩng ɓaa ka ɓɔɔ mɔɔ a Yeesɔ Kirisi bannang kɔ jong gbete. Wu nwáng kpanti ɓaaɓɛ ka vuu piti. Nɔɔ kpalɛ bii manɛ katɔ diki diki, nɔ́ɔ kɔɔ zang ɓɔɔ ri hɛ̃ɛ nɔɔ vuu ɓɔɔ palɛ, nɔɔ shing danggn ka bii Yeesɔ Kirisi ɓɛɛ.

2 Bituru 1:6

Wu zũnang kɔ shɛ̃ɛning kpang, nɔɔ ti yiti yuu manɛ waasɛ̃. Nɔɔ ti mã danggn gbãng gbãng, nɔɔ nɛɛ mã danggn tɔ, nɔɔ ti nwang nwannang ɓɔɔ Laa tãa tĩnang ɓɛɛ.

1 Yɔhana 3:10

Zang ɓɔɔ pálɛ̀ vuu tɔ̃ɔ kpang, ɓi zang Laa kpang. Zang ɓɔɔ ti kasɛ ruu ɓeezung kpang, ɓi doo zang Laa kpang kɔ. Wee naa ɓɔɔ ruu zi zang ɓɔɔ ri wujɛ Laa nɛɛ zang ɓɔɔ ri wujɛ sheetang kagn kɔ.

1 Yɔhana 3:7

Wujɛ mɛɛ, zang ɓɔɔ wu nwãarɛ nɔɔ kpang. Zang ɓɔɔ palɛ vuu tɔ̃ɔ, ɓi zang tɔ̃ɔ, naa ɓɔɔ Yeesɔ zang tɔ̃ɔ ɓɛɛ.