Zang Shonang Yeesɔ 24:15 - Nyaa Shɔɔ Ɓɔɔ Laa a Ɓɛɛ

¹⁵ N ti shing danggn m doo nɔngkɔ, ka bii Laa, naa ɓɔɔ zang keɓe ri shing ɓɛɛ, nɛɛ zang tɔ̃ɔ, nɛɛ zang shi kpang, Laa naa wisi ri paa katɔ nɛɛ sàa.

Zang Shonang Yeesɔ 24:15 ပူးပေါင်းရင်းမြစ်များ

Matiyu 25:46

“Ri naa daa ɓarɛ ka nɔng jĩng dannang ɓɔɔ waa nyaa kpang ɓɛɛ. A zang ɓiɓɛ kaɓa, ri naa wàlɛ́ ɓarɛ kaa suru bii ɓɔɔ waa nyaa kpang ɓɛɛ.”

Luka 14:14

Laa naa a mɔɔ tĩnang tãanang ditɔ, ka ruu ɓɔɔ, ri naa ɓàa mɔɔ nyaa ɓarɛ kpang ɓɛɛ. Laa naa shu mɔɔ ɓi kaa diki ɓɔɔ Laa naa wisi zang ɓɔɔ ri ɓaa shoo ka yee ɓiɓɛ paa nɛɛ saa ɓɛɛ.”

Yɔhana 11:24

Mata kasɛ wu nyaa tɔɔ, “N zi tɔ, naa yupaa ditɔ ka diki ɓɔɔ Laa naa wisi zang paa nɛɛ sàa, ka diki ɓɔɔ koo waa nyaa ɓɛɛ.”

Zang Shonang Yeesɔ 24:21

Ɓi ruu gbete ɓɔɔ n mɛ́ɛ nyaa ka teteng ɓarɛ n kɔɔyi nɛɛ, ‘Zang ɓàa m nyaavaa ka bii manɛ, ka ruu danggn ɓɔɔ n shingnɛ nɛɛ, zang naa yupaa ditɔ nɛɛ sàa ɓɛɛ kɔ shɛ̃ɛning.’ ”

Filipi 3:21

Nɛɛ a tɔ, naa palɛ shonang nɛɛ naa vuu palɛnang bang ɓiɓɛ ɓɔɔ shing zang piti ri palɛ vuu ka naa ɓɔɔ wu kasɛ ɓɛɛ. Naa kɔ̃̀sɔ́ bii ɓuru ɓɔɔ lakɛ naa ka bii kpang, ti vɔ katɔ keɓe, wu nwang kaa naa bii ɓiɓɛ ɓɔɔ bannang kagn ɓɛɛ.

Vuu ɓɔɔ zang nwangsɛ Yɔhana 20:6

Tĩnang ɓi ɓɔ̀ɔ́ zang ɓɔɔ ri yupaa jong ka paa yunang ɓɔɔ tĩng shɔɔnang keɓe. Ri ɓarɛ ti zang ɓɔɔ shi kpang ka bii ɓarɛ kpang ɓɛɛ. Vɔrɔ ɓɔɔ zang naa vɔ tɔkn, ɓɔɔ daa kaa doo ziti naa palɛ ri vuu ɓɔɔ ɓarɛ kpang. Ri naa nwang ɓarɛ kaa zang ɓɔɔ ri dɔɔ Laa nɛɛ Kirisi vuu, ka Gãa Laa ɓɛɛ. A ri naa roo kpanti nɛɛ wu, saa labang gbete.