Zang Shonang Yeesɔ 24:14 - Nyaa Shɔɔ Ɓɔɔ Laa a Ɓɛɛ

¹⁴ N kàsɛ́ nyaa katɔ ka tĩng ɓaaɓɛ nɛɛ, n bang Làá rɛɛ dabang ɓuru ka gbalang kɔ ri ɓaa nɛɛ shi kpang ɓɛɛ kɔ. N ti shing danggn ka vuu ɓɔɔ zang bee ka yeti labeenang nyaa dannang Musa nɛɛ ɓɔɔ labeenang rɛɛ zang nyaa shonang Laa.

Zang Shonang Yeesɔ 24:14 ပူးပေါင်းရင်းမြစ်များ

Matiyu 10:32

“Naa zang ɓɔɔ kɔɔ ka tĩng zang nɛɛ wu zang mɛɛ, n ti naa kɔɔ doo nɔngkɔ ka tĩng daa mɛɛ ɓɔɔ ka lapa, nɛɛ wu zang mɛɛ.

Matiyu 22:40

Labeenang Kpanti Laa ɓɔɔ Musa beeyi, nɛɛ yee ɓɔɔ rɛɛ zang nyaa shonang Kpanti Laa ri kɔɔrɔ piti, di yuu ɓi ka nyaa kɔ Kpanti Laa dang ziti ɓee kɔ.”

Matiyu 7:12

Ka ruu nɔngkɔ, vuu ɓɔɔ nɔɔ kasɛ nɛɛ zang ri palɛ nɔɔ, nɔɔ palɛ ri doo nɔngkɔ. Ruu keɓe kɔ, Labeenang Laa ɓɔɔ Musa beeyi nɛɛ vuu ɓɔɔ zang nyaa shonang Laa ri kɔɔ ka tĩng tɛ̃ɛ tɛ̃ɛ ɓɛɛ.

Luka 1:70

Laa palɛ tɔ naa ɓɔɔ wu kɔɔ nɛɛ nyaa zang nyaa shonang ɓiɓɛ ka tĩng tɛ̃ɛ tɛ̃ɛ ɓɛɛ.

Luka 16:16

“Labeenang Laa ɓɔɔ Musa beeyi nɛɛ ɓɔɔ zang nyaa shonang Laa piti, zang palɛ shonang nɛɛ wukɔ, a nɛɛ mani ka yuu Yɔhana ɓɔɔ pàlɛ́ zang batizima ɓɛɛ. Zang gaayu Ruu Tɔ̃ɔ Kpanti roonang Laa kɔɔnang doo nɛɛ diki Yɔhana kɔ. Zang ɓu ti ĩi ɓi yuu, tɔ̀ɔ, wu shɛ̃ɛyi.

Luka 16:29

“Ibirayi kasɛ wu nyaa tɔɔ, ‘Labeenang ɓɔɔ Musa beeyi nɛɛ ɓɔɔ zang nyaa shonang Laa ri beeyi kagn. Ri ti ɓaa shoo ka labeenang ɓarɛ.’

Luka 24:27

A Yeesɔ kɔɔrɔ ri vuu ɓɔɔ zang bee ka labeenang Laa ka yuu ɓiɓɛ kati. Gaayu nɛɛ labeenang ɓɔɔ Musa beere ɓɛɛ, a à nɔng ka yuu ɓɔɔ rɛɛ zang nyaa shonang Laa nandon ri beere ɓɛɛ.

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Yɔhana 1:45

Filibu ti naa ĩi Natanalu, a kɔɔ wu tɔɔ, “Ruu ĩi zang ɓɔɔ Musa bee vuu ka yuu ɓiɓɛ ka yeti labeenang nyaa dannang Laa, a zang nyaa shonang Laa ri ti bee jong tɔ. Zang keɓe, wukɔ Yeesɔ yɔɔ Nazara, jaa Yusufu.”

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Zang Shonang Yeesɔ 13:15

Ka knti ɓɔɔ zang hangsɛ labeenang nyaa dannang Musa nɛɛ rɛɛ labeenang zang nyaa shonang Laa gãnang tɔ, zang bang gãa zɔɔ kpalɛnang, ri shong nyaa ka bii ɓarɛ tɔɔ, “Rɛɛ manzung ɓuru, vuu ɓɔɔ nɔɔ nɛ́ɛ tɔɔ nɔɔ kɔɔ zang kagn, ɓɔɔ mã ri danggn, nɔɔ kɔɔ ta.”

Zang Shonang Yeesɔ 15:5

A zang ɓɔɔ ri shing danggn tɔ, ɓɔɔ ri ɓarɛ ka vaa zang Farisi ɓɛɛ, ri yupaa ri kɔɔyi tɔɔ, “Zang ɓɔɔ ri zang Isirela kpang ɓɔɔ ri shing danggn tɔ, ri yée shaa katɔ. Zang ti kɔɔ ri nɛɛ ri dũng nyaa ɓɔɔ Musa dang ɓɛɛ.”

Zang Shonang Yeesɔ 19:23

Ka diki kaɓa, zang hàa nyaa dɔɔli ka Afisa ka ruu gbalang keɓe.

Zang Shonang Yeesɔ 19:9

Zang ɓɔɔ ri taarɛ yuu, ri shing danggn kpang. Ri kɔɔ ruu shi kpang ka yuu gbalang keɓe, ka tĩng zang ɓɔɔ ri kpalɛ zɔɔ ɓɛɛ nandon. Ka ruu nɔngkɔ, Bulu yaa ri, sèe kaa zang ɓɔɔ ri dũng Laa kɔ shɛ̃ɛning daa nɛɛ ri ka yeti gãa ɓɔɔ zang tusu zang labeenang kagn ɓɔɔ zang ɓáa nɛɛ nung Tirana ɓɛɛ. Laa nyaa nɛɛ ri ka nɔngkɔ, ka yuu Ruu Laa diki diki.

Zang Shonang Yeesɔ 22:14

Kɔɔ m tɔɔ, ‘Làá rɛɛ dabang ɓuru zɔ̃ng mɔɔ nɛɛ mɔɔ zi vuu ɓɔɔ wu kasɛ ɓɛɛ, nɛɛ mɔɔ zi zang shonang ɓiɓɛ ɓɔɔ tɔ̃ɔ ɓɛɛ, nɛɛ mɔɔ ti tãa ruu nɛɛ nyaa ɓiɓɛ.

Zang Shonang Yeesɔ 24:22

Filiku zi ruu Gbalang keɓe tɔ gbãng gbãng ka ruu nɔngkɔ, kɔɔ ri tɔɔ, “Zang bang sɔɔja Lisiya nɛɛ a tɔ, tɔ̀ɔ, n naa dɔng nɔɔ ruu manɛ.” A di nyaa ruu ɓarɛ tãanang kaa nɔngkɔ.

Zang Shonang Yeesɔ 24:5

Ruu zirɛ yɔɔ keɓe, kpãa zang dɔɔli, shing zang Yahudi ɓɔɔ ri ka koo piti nɛɛ ri haa nyaa. Wukɔ ti zang bang rɛɛ vàá zang ɓɔɔ zang ɓaa ri nɛɛ zang Nazara ɓɛɛ.

Zang Shonang Yeesɔ 25:8

Bulu ta yuu ɓiɓɛ, a kɔɔyi tɔɔ, “N palɛ vuu shi kpang ɓɔɔ kagn ɓɔɔ ta nyaa dannang zang Yahudi kpang, wu ti ɓɔɔ lasɛ Gãa Laa kpang, n pàlɛ̀ wu kpanti Rooma vuu shi kpang, kpang.”

Zang Shonang Yeesɔ 26:22

Làá kɔ yi m naa ka bii sasak, a nɛɛ mani ka lɛɛkɔ kɔ n kɔɔ rɛɛ zang bang nɛɛ wujɛ piti ɓee. N kɔɔ m doo vuu ɓɔɔ rɛɛ zang nyaa shonang Laa nɛɛ Musa ri kɔɔyi nɛɛ naa palɛ ɓɛɛ kɔ.

Zang Shonang Yeesɔ 26:27

Kpanti Agiripa mɔɔ shing danggn katɔ, ka bii rɛɛ zang nyaa shonang Laa ya? N zi tɔ mɔɔ shing katɔ.”

Zang Shonang Yeesɔ 26:4

“Naa ɓɔɔ n nwangnɛ tĩng shɔɔnang bɛ̀ɛ́ n doo jasang ka teteng zang ɓuru ɓɔɔ ti ka Urushalima, a à nɛɛ mani ka lɛɛkɔ keɓe, zang Yahudi, ri zi tɔ nandon.

Zang Shonang Yeesɔ 26:6

Wee n shii ɓee, zang jɛ̃ɛ m ruu, ka ruu ɓɔɔ, n shing danggn ka nyaa ɓɔɔ Laa a rɛɛ dabang ɓuru doo tɛ̃ɛ tɛ̃ɛ ɓɛɛ.

Zang Shonang Yeesɔ 28:22

Ruu kasɛ ruu tɔɔ ruu tãa vuu ɓɔɔ ka yeti ɓaaɓɛ ɓɛɛ. Ka ruu ɓɔɔ, ruu zi tɔ zang ráng ruu nɛɛ nɔng piti piti ka ruu gbalang keɓe.”

Zang Shonang Yeesɔ 28:23

Ka ruu nɔngkɔ, ri kà zɔɔ diki nɛɛ Bulu. Ɓɔɔ diki ɓɔɔ ri ka zɔɔ naa arɛ zang dɔɔli ri kpalɛ zɔɔ ka nɔng ɓɔɔ Bulu nwàng kagn ɓɛɛ. Bulu nwangsɛ ri dĩiri ruu a ti kɔɔ ri ruu ka yuu Kpanti roonang Laa nɛɛ gãndi sasak nɔng tɔɔ nɛɛ mani. Kasɛ nɛɛ ri ta ruu ɓɔɔ wu kɔɔ ri ka yuu Yeesɔ ɓɛɛ, ka ruu nɔngkɔ, rang ri yee ka yuu ɓiɓɛ ka yeti labeenang Musa nɛɛ ɓɔɔ rɛɛ zang nyaa shonang Laa.

Zang Shonang Yeesɔ 3:13

Làá rɛɛ dabang ɓuru Ibirayi, nɛɛ Ishaaku, nɛɛ Yakubu kɔ a zang shonang ɓiɓɛ Yeesɔ bannang ɓɔɔ waa nyaa kpang ɓɛɛ. A nɔɔ a zang bang bang Yahudi wu nɛɛ zang nyɔ wu vɔrɔ. Nɔɔ bɛ̃ɛ wu ka tĩng kpanti Bilatu, ka ɓɔɔ Bilatu kɔ̀ɔ́yi tɔ nɛɛ wu yaa wu naa kaa tɔ ɓɛɛ.

Zang Shonang Yeesɔ 5:30

Làá rɛɛ dáa ɓuru wisi Yeesɔ paa nɛɛ sàa. Yeesɔ ɓɔɔ nɔɔ nyɔ wu vɔrɔ, ka ɓɔɔ nɔɔ ɓaa wu naa ka laa ɓɛɛ.

Zang Shonang Yeesɔ 7:32

‘Nkɔ Làá rɛɛ dabang ɓaaɓɛ, Làá Ibirayi nɛɛ Ishaaku, nɛɛ Yakubu.’ Bii zàá Musa kana, ka ruu vɔrɔ ɓɔɔ wu kaa ɓɛɛ, a pɛ̃ɛrɛ nɔng bìí takpang.

Zang Shonang Yeesɔ 9:2

a gaa wu nɛɛ wu bee wu labeenang ɓɔɔ wu daa a zang ka rɛɛ gãa zɔɔ kpalɛnang ɓɔɔ ka gari Damasiku ɓɛɛ. Wu nɛɛ daa ĩi zang ɓɔɔ ri dũng Gbalang keɓe kagn nɔng, zang varɛ nɛɛ zang soro, wu yiki ri, wu mãlɛ naa ɓarɛ, wu a nɛɛ ri ka gari Urushalima.

Rooma 1:9

Laa ɓɔɔ n pàlɛ́ wu shonang, nɛɛ suru mɛɛ ka ɓɔɔ n kɔɔrɔ zang Ruu Tɔ̃ɔ Jaa ɓiɓɛ, zi tɔ nɛɛ n gaa wu ka ruu manɛ, n yaa diki kpang.

Rooma 3:21

Kãntang keɓe, Laa nwangsɛ gbalang ɓɔɔ wu shing zang, zang nwang zang tɔ̃ɔ ka tĩng ɓiɓɛ tɔ. Ruu gbalang keɓe, hãa ɓi kagn nɛɛ nyaa ɓɔɔ Laa dang ɓɛɛ kpang. Nyaa ɓɔɔ Laa dangnɛ, nɛɛ rɛɛ zang nyaa shonang Laa ri kɔɔ ruu ka yuu gbalang keɓe.

1 Koranti 11:19

Nɔɔ basɛ zɔɔ katɔ, ka ruu ɓɔɔ, naa nɔngkɔ kpang, zang zi zang ɓɔɔ ri dũng Yeesɔ Kirisi nɛɛ yeti gbete kpang ɓɛɛ.

Galati 5:20

Vaka bannang nɛɛ nvaa shaanang. Zang ri shing jĩng nɛɛ zɔɔ kpang, ri gaa nyaa, ri kaa sũnyaa, gnvɔ shàá ri, ri kasɛ vuu yuu ɓarɛ. Ri basɛ zɔɔ ka vaa vaa.

2 Timoti 1:3

N zãa Laa ɓɔɔ n pàlɛ́ wu shonang nɛɛ yeti gbete tɔ, naa ɓɔɔ rɛɛ dabang mɛɛ ri pálɛ́ ɓɛɛ. N zãa wu ka ɓɔɔ, n gaa wu nɛɛ laagɛ̃ nɛɛ zĩi n ɓaa nung ɓaaɓɛ kagn diki diki ɓɛɛ.

Titu 3:10

Zang ɓɔɔ nɛɛ tɔɔ wu basɛ teteng zang, shàarɛ̀ wu nyaa doo ziti kɔ nwani. Ka knti weɓe, ruu ɓaaɓɛ wu hãa tɔ̀ɔ́ kagn nɛɛ wu kpang.

1 Bituru 1:11

Suru Kirisi ɓɔɔ nwang ka yeti ɓarɛ kɔɔrɔ ri naa ɓɔɔ Kirisi naa dang jĩng, tɔ̀ɔ, zang naa a wu bannang kati ɓɛɛ. Ri kãa nɔng, ri kasɛ nɛɛ ri zi làa ɓɔɔ zang naa pálɛ̀ vuu keɓe kagn, nɛɛ naa ɓɔɔ zang naa pálɛ̀ ɓɛɛ.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.