Zang Shonang Yeesɔ 24:1 - Nyaa Shɔɔ Ɓɔɔ Laa a Ɓɛɛ

¹ Diki ɓa tɔ maani, a Hananiya kpanti zang ɓɔɔ ri dɔɔ vuu ka Gãa Laa, daa ka Kayisariya nɛɛ rɛɛ zang ɓɔɔ ka teteng zang bang bang zang Yahudi nɛɛ yɔɔ ɓɔɔ daa rang ri yee ɓɛɛ, zang ɓaa wu nɛɛ Tatulu. Ri daa ka bii Gɔmna Filiku, ri kɔɔ wu ruu ɓarɛ ka yuu Bulu.

Zang Shonang Yeesɔ 24:1 ပူးပေါင်းရင်းမြစ်များ

Zang Shonang Yeesɔ 12:21

Hiridu shìng zang keɓe diki. Ɓɔɔ diki ɓɔɔ wu shing ri naa arɛ, Hiridu hãa fɔ̃ɔrɔ kpanti ɓiɓɛ, a nwang ka yuu laa kpanti, a rang ri yee.

Zang Shonang Yeesɔ 21:27

Diki manziti bìí yaa ka tɔkɔlɔng waa nyaa kaa tɔ, a zang Yahudi tipi Asiya, ri zi Bulu ka yeti Gãa Laa. Ri zàrɛ̀ zang ɓɔɔ ri kpalɛ ɓɛɛ nandon, a ri yi wu.

Zang Shonang Yeesɔ 23:2

A Hananiya, kpanti zang ɓɔɔ ri dɔɔ vuu ka Gãa Laa kɔɔ zang ɓɔɔ shii nɛɛ Bulu naabm nɛɛ wu nyɔ Bulu naa ka kashoo kpãng.

Zang Shonang Yeesɔ 23:24

“Mɔ́ɔ walɛ Bulu rɛɛ vuu ɓɔɔ wu vang ɓɛɛ jong. Mɔɔ yiti wu tɔ̃ɔ, mɔɔ daa a Gɔmna Filiku wu.”

Zang Shonang Yeesɔ 23:30

N tãa nyaa nɛɛ zang Yahudi ɓɔɔ ri tɔ̀ng zɔɔ nɛɛ ri nyɔ wu vɔrɔ, ka ruu nɔngkɔ, n dɔ̃ wu ka bii ɓaaɓɛ. N kɔ̀ɔ́ zang ɓɔɔ ri kɔɔrɔ vuu ka yuu ɓiɓɛ, nɛɛ ri daa kɔɔrɔ kaa mɔkɔ.

Zang Shonang Yeesɔ 23:33

Ri daa nɛɛ wu ka Kayisariya, ri daa a Gɔmna labeenang bìí, a ri a wu Bulu kaa naa.

Zang Shonang Yeesɔ 23:35

A kɔɔyi tɔɔ, zang ɓɔɔ ri kɔɔ ruu shi kpang ka yuu ɓaaɓɛ, ri nɛɛ a tɔ, tɔɔ n tãa vuu ɓɔɔ mɔɔ kɔɔ ɓɛɛ. A kɔɔ zang nɛɛ zang daa nɛɛ Bulu ka gãa kpanti Hiridu, zang gã wu katɔ.

Zang Shonang Yeesɔ 24:11

Naa mɔɔ hɛ̃ɛ zang, zang kɔ̀ɔ́ mɔɔ katɔ nɛɛ diki daa kopi tu ziti ɓɔɔ n daa Laa bannang ka Urushalima ɓɛɛ.

Zang Shonang Yeesɔ 24:2

Zang ɓaa Bulu nyaa, a Tatulu gaayu ruu shi kpang kɔɔrɔnang ka yuu Bulu tɔɔ: “Zang bang Filiku, diki bee tɔ ruu tãa tĩnang nwannang nɛɛ zɔɔ, ka ruu ɓaaɓɛ. Mɔkɔ ti pálɛ̀, a zang atɛ rɛɛ vuu shɔɔ ka ruu tipi keɓe.

Zang Shonang Yeesɔ 25:15

Ɓɔɔ n daa ka Urushalima, a rɛɛ zang bang bang zang ɓɔɔ ri dɔɔ vuu ka Gãa Laa nɛɛ zang bang bang zang Yahudi ri kɔɔrɔ ruu shi kpang ka yuu ɓiɓɛ. Ri tɔɔ n nyɔ wu vɔrɔ.

Zang Shonang Yeesɔ 25:2

Zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang bang bang zang Yahudi, ri atɛ ruu Bulu ka bii ɓiɓɛ. Ri gaa Fesitu nɛɛ,

1 Koranti 2:1

Rɛɛ manzung, ɓɔɔ n á ka nɔng manɛ tĩng shɔɔnang, n kɔ̀ɔ nɔɔ vuu ɓɔɔ Laa waasɛ katɔ ɓɔɔ wu nwangsɛ ruu ɓɛɛ. N a wu nɛɛ nyaa naa tãa, a ɓɔɔ zinang ɓɔɔ ɓa ɓɔɔ manɛ katɔ kpang.

1 Koranti 2:4

Ka ɓɔɔ n rang nɔɔ yee Laa kaɓa, n ɓakɛ nɔɔ nɛɛ zũnang shɔnzang ɓɔɔ ri ka koo keɓe kpang. Ɓi Suru Laa nɛɛ naa vuu palɛnang Laa kɔ tusu nɔɔ nɛɛ, vuu keɓe niizang kɔ nwani.