Zang Shonang Yeesɔ 23:9 - Nyaa Shɔɔ Ɓɔɔ Laa a Ɓɛɛ

⁹ Ri haa nyaa kana nabm, a zang ɓɔɔ ri zi nyaa dannang Laa dɔɔli ɓɛɛ, ɓɔɔ ri ɓarɛ ka vàá zang Farisi kɔ doori ɓɛɛ, ri shii paa, ri laa nyaa ka yuu ruu keɓe nabm, ri tɔɔ, “Ruu zi vuu shi kpang ɓɔɔ yɔɔ keɓe palɛ ɓuru kpang. A nɛɛ zang nyaa shonang Laa ɓɔɔ ka lapa, kɔ́ suru nɛɛ rang wu yee, nɔɔ zi tɔ ya?”

Zang Shonang Yeesɔ 23:9 ပူးပေါင်းရင်းမြစ်များ

Maraku 2:16

Ɓɔɔ zang Farisi ɓɔɔ ri tusu zang ɓarɛ labeenang, ri zi Yeesɔ shaa vuu nɛɛ zang ɓɔɔ ri dũ̀ng nyaa ɓɔɔ Laa dangnɛ kpang hn, ri hɛ̃ɛ zang ɓɔɔ ri mantɛ vuu ka bìí ɓiɓɛ nɛɛ, “Shaa vuu nɛɛ zang ɓɔɔ ri ta saka tipi, nɛɛ zang ɓɔɔgn ɓɔɔ ri dũ̀ng nyaa ɓɔɔ Laa dangnɛ kpang ka ruu viya?”

Luka 23:22

Bilatu hɛ̃ɛ ri tɔkn, daa kaa nyaa taati nɛɛ, “Vuu shi kpang ɓɔɔ wu palɛ viya? N ĩi vuu shi kpang ɓɔɔ wu palɛ ɓɔɔ daa naa ɓɔɔ zang nyɔ wu vɔrɔ kpang. N nyɔ wu nɛɛ gbãa kɔ shɛ̃ɛning, n yaa wu naa.”

Luka 23:4

A Bilatu kɔɔ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang dɔɔli ɓɔɔ ri dũng ri ɓɛɛ, tɔɔ, “N zi vuu shi kpang ɓɔɔ yɔɔ keɓe palɛ ɓɛɛ kpang.”

Luka 5:30

Zang Farisi nɛɛ zang ɓɔɔ ri tusu zang vuu, ɓɔɔ ri doo zang Farisi kɔ, ri hɛ̃ɛlɛ zang ɓɔɔ ri mantɛ vuu ka bii Yeesɔ kana nɛɛ, “Ka ruu vi, nɔɔ shaa vuu shaanang nɔɔ ti ɓooro vuu nɛɛ zang saka tipi tanang nɛɛ zang ɓɔɔ ri dũng nyaa ɓɔɔ Laa dang ɓɛɛ kpang kɔ doori viya?”

Yɔhana 12:29

Zang dɔɔli ɓɔɔ ri kpalɛ zɔɔ ka nɔng, ri tãa yee bìí. Zang ɓɔɔ ri kɔɔyi nɛɛ ɓi shala mɛɛyi. Zang ɓɔɔ ri tɔɔ, “Ɓi zang nyaa shonang Laa ɓɔɔ ka lapa rang yee nɛɛ wu.”

Zang Shonang Yeesɔ 11:17

Ruu zi tɔ nɛɛ Laa a ri vuu ɓɔɔ wu a ruu ka diki ɓɔɔ ruu shing danggn ka bìí Kpanti Yeesɔ Kirisi tɔ jong. N m kaa wi, n zãa Laa wiya?”

Zang Shonang Yeesɔ 22:6

“N daa kana, n a tɔ ka Damasiku naabm, bɛ̀ɛ́ laa kaa dãngdãng yuu. Nɔng yakɛ nɛɛ lapa kiiri m nyaa ka teteng tantɛnang.

Zang Shonang Yeesɔ 22:7

N watɛ ka tipi, a n tãa yee ɓaa m nyaa nɛɛ lapa nɛɛ, ‘Shaawulu, Shaawulu, mɔɔ dang m jĩng vi nɔngkɔ viya?’

Zang Shonang Yeesɔ 23:29

N zi vuu ɓɔɔ wu palɛ, ɓɔɔ daa naa ɓɔɔ zang nyɔ wu vɔrɔ kɔ́ zang loo wu ka sãa ɓɛɛ kpang. Vuu shi kpang ɓɔɔ zang tɔɔ wu palɛ, ɓi ka gbalang nyaa dannang ɓarɛ.

Zang Shonang Yeesɔ 23:8

Ka ruu ɓɔɔ, zang Saduki ri kɔ̀ɔ́ ɓarɛ nɛɛ zang naa yupaa tɔ̀ɔ́ nɛɛ sàa kpang, nɛɛ zang nyaa shonang Laa ɓɔɔ ri ka lapa nɛɛ rɛɛ suru, ri ɓarɛ ti kpang ɓɛɛ. Zang Farisi ri ti kɔɔ ɓarɛ nɛɛ vuu taati keɓe kagn nandon.

Zang Shonang Yeesɔ 25:25

“N zi vuu ɓɔɔ wu ti palɛ, ɓɔɔ daa naa ɓɔɔ zang nyɔ wu vɔrɔ m kpang. Wee wukɔ ti gaa m nɛɛ nyaa ɓiɓɛ, nɛɛ zang dɔ̃sɔ ruu ɓiɓɛ ka bii Agɔsitu ɓee, n ti kasɛ tɔ n dɔ̃ wu ka bii ɓiɓɛ.

Zang Shonang Yeesɔ 26:31

Ri daa tɔ, a ri kɔɔ zɔɔ tɔɔ, “Yɔɔ keɓe palɛ vuu ɓɔɔ kagn ɓɔɔ daa naa ɓɔɔ zang nyɔ wu vɔrɔ, kɔ zang mã wu ka sãa ɓɛɛ kpang.”

Zang Shonang Yeesɔ 27:23

Ka ruu ɓɔɔ, ka ɓɔɔrɔ nɛɛ zĩi, zang nyaa shonang Laa ɓɔɔ ka lapa nɛɛ a ka bii mɛɛ. Laa ɓɔɔ n zang ɓiɓɛ, a n ti bang wu ɓɛɛ.

Zang Shonang Yeesɔ 5:39

Nɛɛ à nɛɛ bii Laa, nɔɔ zunung ɓɔɔ nɔɔ zãa ri palɛnang kpang. Naa nɔɔ zãa ri naa nwang ɓi kaa naa nɔɔ gaa nyaa manɛ nɛɛ Laa.”

Zang Shonang Yeesɔ 9:4

Watɛ ka tipi, a tãa yee kɔ̀ɔ́ wu nɛɛ, “Shaawulu, Shaawulu, mɔɔ dang m jĩng nɔngkɔ, ka ruu viya?”

1 Koranti 10:22

Rúu pálɛ̀ vuu ɓɔɔ shingnɛ, Kpanti Laa kaa sũnyaa nɛɛ ruu ɓɛɛ kpang. Ruu ɓa wu kaka katɔ ya?