Zang Shonang Yeesɔ 23:6 - Nyaa Shɔɔ Ɓɔɔ Laa a Ɓɛɛ

⁶ Bulu zirɛ nɛɛ zang ɓɔɔ ri jɛ̃ɛ ruu keɓe vaa ɓarɛ ziti. Nyaa dang gbete zang Saduki, nyaa dang gbete ɓi kaa rɛɛ Farisi. A mɛɛ nyaa ka nɔng ruu jɛ̃ɛnang tɔɔ, “Rɛɛ manzung, n zang Farisi, n ti jaa rɛɛ Farisi. Zang nɛɛ zang jɛ̃ɛ m ruu ka ruu danggn ɓɔɔ n shingnɛ nɛɛ zang nɛɛ vɔ tɔ zang naa seepaa ditɔ nɛɛ saa ɓɛɛ.”

Zang Shonang Yeesɔ 23:6 ပူးပေါင်းရင်းမြစ်များ

Matiyu 10:16

“Kãntang keɓe, n shong nɔɔ naa mɛ̀ɛrɛ́ ka teteng zaa wisi. Ka ruu nɔngkɔ, nɔɔ zũng katɔ naa sɔkɔ, nɔɔ ti nwang zang tɔ̃ɔ naa koro ɓɔɔ palɛ zang vuu ɓi kpang ɓɛɛ.

Matiyu 22:23

Ka diki kaɓa, zang Saduki ɓɔɔ ri tɔɔ ɓarɛ nɛɛ zang nɛɛ vɔ tɔ, zang seepaa ɓi tɔ̀ɔ́ nɛɛ saa kpang, ri a ka bii ɓiɓɛ. A ri hɛ̃ɛ wu tɔɔ,

Matiyu 3:7

Ɓu doo ɓɔɔ Yɔhana zi zang Farisi nɛɛ zang Saduki, ɓɔɔ ri alɛ̀ gaagaa nɛɛ wu naa pàlɛ̀ ri batizima hn ɓɛɛ, hɛ̃ɛ ri nɛɛ, “Rɛɛ pudi keɓe, ɓu wi kɔɔ nɔɔ nɛɛ nɔ́ɔ yúu jĩng dannang ɓɔ̀ɔ́ Kpanti Laa ɓɔɔ a kana naabm wiya?

Zang Shonang Yeesɔ 22:3

“N zang Yahudi. Zang yi m ka gari Taasu ka tipi Silisiya, n bang kaa Urushalima ka nihn. N bee laa ka bii Gamaliyel, zang tusu m nyaa dannang rɛɛ dabang ɓuru gbãng gbãng. N ti kasɛ nɛɛ n pàlɛ́ Laa shonang gbãng gbãng naa wee nɔɔ palɛ lɛɛkɔ ɓee.

Zang Shonang Yeesɔ 22:30

Zang bang sɔɔja keɓe, kasɛ nɛɛ wu zi vuu ɓɔɔ zang Yahudi ri haa Bulu nyaa kagn bii, ka ruu ɓiɓɛ ɓɛɛ. Ka ruu nɔngkɔ, ɓaa rɛɛ zang bang bang zang ɓɔɔ ri dɔɔ vuu ka Gãa Laa ɓɛɛ, nɛɛ rɛɛ zang ɓɔɔ ri jɛ̃ɛ zang ruu ɓɛɛ, nɛɛ ri nwáng ka tipi. A kɔɔ zang nɛɛ zang kãlɛ saka ɓɔɔ zang mã Bulu nɛɛ mani ɓɛɛ, zang atɛ wu nɛɛ wu shii ka tĩng ɓarɛ nandon.

Zang Shonang Yeesɔ 22:5

Zang bang zang ɓɔɔ ri dɔɔ vuu ka Gãa Laa ɓɛɛ nɛɛ rɛɛ zang bang bang zang Yahudi ri kɔ̀ɔ́ nɔɔ katɔ nɔɔ nɛɛ hɛ̃ɛ ri ɓɛɛ. N ta labeenang ka naa ɓarɛ kɔ nɛɛ n daa a rɛɛ manzung ɓuru zang Yahudi ɓɔɔ ri ka gari Damasiku ɓɛɛ. Ǹ daa ka nɔng kaɓa, nɛɛ n daa yiki rɛɛ zang keɓe, ń mã ri nɛɛ saka, n atɛ ri ka Urushalima, tɔ̀ɔ, zang naa dang ri jĩng.

Zang Shonang Yeesɔ 23:1

Bulu shù zang ɓɔɔ ri jɛ̃ɛ zang ruu jĩng ka bii, a kɔɔyi tɔɔ, “Rɛɛ manzung, n palɛ shonang ka tĩng Laa nɛɛ rɛ̃rɛnang mɛɛ kalang kalang, a nɛɛ mani lɛɛkɔ keɓe.”

Zang Shonang Yeesɔ 23:15

Ka ruu nɔngkɔ, nɔɔ nɛɛ rɛɛ zang ɓɔɔ ri jɛ̃ɛ zang ruu ɓɛɛ, nɔɔ shong nyaa ta ka bii zang bang sɔɔja Rooma kãntang nɛɛ wu atɛ nɔɔ Bulu. Nɔɔ palɛ naa ɓɔɔ nɔɔ kasɛ nɛɛ nɔɔ tãa ruu ka yuu ɓiɓɛ waasɛ̃ ɓɛɛ. Ruu kpalɛ bii tɔ, ruu nyɔ wu vɔrɔ ɓuru kaa gbalang bɛ̀ɛ́ a nihn gn kpang.”

Zang Shonang Yeesɔ 23:20

A jasang bìí kɔɔyi tɔɔ, “Zang Yahudi ri mã zɔɔ nyaa tɔ nɛɛ ri kɔɔ mɔɔ, ɓuru mɔɔ atɛ Bulu ka tĩng zang ɓɔɔ ri jɛ̃ɛ zang ruu ɓɛɛ. Nɛɛ ri palɛ mɔɔ kɔɔ nɛɛ, zang ɓɔɔ ri jɛ̃ɛ zang ruu ri kasɛ nɛɛ ri tãa ruu ka yuu ɓiɓɛ waasɛ̃.

Zang Shonang Yeesɔ 23:7

Ɓu doo ɓɔɔ wu kɔɔ vuu keɓe hn, rɛɛ zang Farisi nɛɛ zang Saduki ri gaayu nyaa haanang nɛɛ zɔɔ, a ri basɛ zɔɔ kati.

Zang Shonang Yeesɔ 24:15

N ti shing danggn m doo nɔngkɔ, ka bii Laa, naa ɓɔɔ zang keɓe ri shing ɓɛɛ, nɛɛ zang tɔ̃ɔ, nɛɛ zang shi kpang, Laa naa wisi ri paa katɔ nɛɛ sàa.

Zang Shonang Yeesɔ 24:21

Ɓi ruu gbete ɓɔɔ n mɛ́ɛ nyaa ka teteng ɓarɛ n kɔɔyi nɛɛ, ‘Zang ɓàa m nyaavaa ka bii manɛ, ka ruu danggn ɓɔɔ n shingnɛ nɛɛ, zang naa yupaa ditɔ nɛɛ sàa ɓɛɛ kɔ shɛ̃ɛning.’ ”

Zang Shonang Yeesɔ 28:20

N ɓaa nɔɔ nyaa ka ruu ɓiɓɛ kɔ n tɔɔ n rang yee nɛɛ nɔɔ. Ka ruu ɓɔɔ, zang mã m nɛɛ saka keɓe, ka ruu zang ɓɔɔ zang Isirela ri shing gn ka bii ɓiɓɛ kɔ ɓɛɛ.”

Filipi 3:5

Zang yee m shaa, bɛ̀ɛ́ zang yi m tɔ diki mɛɛ daa mantaati. N zang Isirela kirik. N zang zɔ̃ng Biliyaminu. N ti zang Yahudi kɔ nandon. Ka gbalang nyaa ɓɔɔ zang Yahudi ri dang ɓɛɛ, bɛ̀ɛ́ n ka vaa rɛɛ Farisi.

Kolosi 1:5

Nɔɔ palɛ naa wee waati kpang, nɔɔ palɛ ka ruu gn ɓɔɔ nɔɔ shing ka yuu vuu ɓɔɔ zang shing nɔɔ ka lapa, nɔɔ tãa nyaa vuu keɓe tɔ ka ting nɛɛ bìí Ruu Tɔ̃ɔ Laa ɓɔɔ zang kɔ̀ɔrɔ̀ nɔɔ ɓɛɛ.

Yahudi 6:19

Gn ɓɔɔ ruu shing keɓe kɔ yiti ruu gbatagbata, vuu ɓɔɔ lee ruu naa ka bii kpang. Ka ruu nɔngkɔ, ruu dàa ka nɔng ɓɔɔ Laa kagn. Ruu ɓa fɔ̃ɔrɔ ɓɔɔ zang ku nyaa gãa Nɔng ɓɔɔ shi kpang kagn kpang, nɛɛ mani ɓɛɛ.