Zang Shonang Yeesɔ 23:30 - Nyaa Shɔɔ Ɓɔɔ Laa a Ɓɛɛ

³⁰ N tãa nyaa nɛɛ zang Yahudi ɓɔɔ ri tɔ̀ng zɔɔ nɛɛ ri nyɔ wu vɔrɔ, ka ruu nɔngkɔ, n dɔ̃ wu ka bii ɓaaɓɛ. N kɔ̀ɔ́ zang ɓɔɔ ri kɔɔrɔ vuu ka yuu ɓiɓɛ, nɛɛ ri daa kɔɔrɔ kaa mɔkɔ.

Zang Shonang Yeesɔ 23:30 ပူးပေါင်းရင်းမြစ်များ

Zang Shonang Yeesɔ 15:29

Nɔ́ɔ shaa vuu ɓɔɔ zang yee vaka kpang, nɔɔ shaa zĩi kpang. Nɔɔ ti shaa vuu ɓɔɔ zang bɔ̃ɔ vɔ̃ɔrɔ katɔ ɓɛɛ kpang, nɔɔ rooro nɛɛ soro ɓɔɔ wu soro manɛ kpang, kpang. Naa nɔɔ pálɛ̀ rɛɛ vuu keɓe kpang, nɔɔ tãa tĩnang katɔ.”

Zang Shonang Yeesɔ 23:12

Ɓɔɔ nɔng naa gãntɛ zang Yahudi ri tɔ̀ng zɔɔ, a ri tũng zɔɔ vuu nɛɛ naa ri nyɔ Bulu vɔrɔ gn kpang, ri shaa vuu shaanang kpang, ri ti ɓoo mii kpang.

Zang Shonang Yeesɔ 23:20

A jasang bìí kɔɔyi tɔɔ, “Zang Yahudi ri mã zɔɔ nyaa tɔ nɛɛ ri kɔɔ mɔɔ, ɓuru mɔɔ atɛ Bulu ka tĩng zang ɓɔɔ ri jɛ̃ɛ zang ruu ɓɛɛ. Nɛɛ ri palɛ mɔɔ kɔɔ nɛɛ, zang ɓɔɔ ri jɛ̃ɛ zang ruu ri kasɛ nɛɛ ri tãa ruu ka yuu ɓiɓɛ waasɛ̃.

Zang Shonang Yeesɔ 23:31

Rɛɛ sɔɔja ri palɛ vuu ɓɔɔ wu kɔɔ ri ɓɛɛ. Ri tuu Bulu nɛɛ zĩi, ri daa nɛɛ wu sasak, ri daa ka gari Antipatiri.

Zang Shonang Yeesɔ 23:35

A kɔɔyi tɔɔ, zang ɓɔɔ ri kɔɔ ruu shi kpang ka yuu ɓaaɓɛ, ri nɛɛ a tɔ, tɔɔ n tãa vuu ɓɔɔ mɔɔ kɔɔ ɓɛɛ. A kɔɔ zang nɛɛ zang daa nɛɛ Bulu ka gãa kpanti Hiridu, zang gã wu katɔ.

Zang Shonang Yeesɔ 24:19

Bɛɛ rɛɛ zang Yahudi ɓɔɔ ri a nɛɛ tipi Asiya ri ka nɔng. Nɛɛ nɔngkɔ, ri a ta jong, ri ɓaa m nyaavaa ka bii ɓaaɓɛ, ri nɛɛ zirɛ n nɛɛ palɛ vuu shi kpang ɓɔɔ kagn ɓɛɛ.

Zang Shonang Yeesɔ 25:16

A n kɔɔ ri nɛɛ zang Rooma ri palɛ ɓarɛ nɔngkɔ kpang. Ri a zang, zang ɓɔɔ zang ɓaa wu nyaavaa wu waati nɔngkɔ kpang. Ri átɛ̀ ri ɓarɛ gbongkarɛ nɔng gbete nɛɛ zang ɓɔɔ ri ɓaa wu nyaavaa ɓɛɛ. Tɔ̀ɔ, zang yàa wu gbalang wu kɔɔ ruu ka yuu vuu ɓɔɔ zang ɓaa wu nyaavaa kagn ɓɛɛ.

Zang Shonang Yeesɔ 9:24

Zang naa kɔɔ wu vuu ɓɔɔ ri mangnɛ nɛɛ ri palɛ ɓɛɛ. Ri gã nyaa gãa gari nɛɛ laagɛ̃ nɛɛ zĩi piti nɛɛ tɔ̀ɔ, ri nyɔ wu vɔrɔ.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.