Zang Shonang Yeesɔ 23:12 - Nyaa Shɔɔ Ɓɔɔ Laa a Ɓɛɛ

¹² Ɓɔɔ nɔng naa gãntɛ zang Yahudi ri tɔ̀ng zɔɔ, a ri tũng zɔɔ vuu nɛɛ naa ri nyɔ Bulu vɔrɔ gn kpang, ri shaa vuu shaanang kpang, ri ti ɓoo mii kpang.

Zang Shonang Yeesɔ 23:12 ပူးပေါင်းရင်းမြစ်များ

Matiyu 26:4

A ri tɔ̀ng zɔɔ ka naa ɓɔɔ ri yi Yeesɔ nɛɛ nwĩiri, ri nyɔ wu ɓɛɛ.

Matiyu 26:74

A Bituru kɔɔ ri nɛɛ Laa tũnnang ning tɔɔ, “N zi yɔɔ keɓe nung m kpang. N nɛɛ suu sèé, Laa wu palɛ m vuu ɓɔɔ wu kasɛ ɓɛɛ.” A kǹ naa ɓaa nyaa kaa tantɛnang.

Matiyu 27:25

A ri goo nyaa nandon nɛɛ, “Rúu zĩi yɔɔ keɓe wu naa nwang ka yuu ɓuru nɛɛ wujɛ ɓuru gbã̀ágbãa.”

Zang Shonang Yeesɔ 23:13

Zang ɓɔɔ ri tɔ̀ng zɔɔ keɓe ri ɓa laa ziti katɔ.

Zang Shonang Yeesɔ 23:14

A ri daa ka bìí rɛɛ zang bang bang zang ɓɔɔ ri dɔɔ vuu ka Gãa Laa nɛɛ rɛɛ zang bang bang zang Yahudi, ri kɔɔ ri tɔɔ, “Ruu tũng zɔɔ vuu tɔ gbãng gbãng nɛɛ ruu nɛɛ nyɔ Bulu vɔrɔ gn kpang, nyaa ɓuru lèe vuu shaanang kpang.

Zang Shonang Yeesɔ 23:21

Mɔɔ kàsɛ̀ ɓaa kpang, ka ruu ɓɔɔ, zang kagn ri ɓa laa ziti katɔ, ri waa ka gbalang ri gã́ wu. Ri tũng zɔɔ vuu nɛɛ, ri nɛɛ nyɔ Bulu vɔrɔ gn kpang, ri shaa vuu shaanang kpang, ri ti ɓoo mii kpang. Ri kpalɛ bii tɔ, ri gã ɓarɛ kaa vuu ɓɔɔ mɔɔ kɔ̀ɔ́ ɓɛɛ.”

Zang Shonang Yeesɔ 23:30

N tãa nyaa nɛɛ zang Yahudi ɓɔɔ ri tɔ̀ng zɔɔ nɛɛ ri nyɔ wu vɔrɔ, ka ruu nɔngkɔ, n dɔ̃ wu ka bii ɓaaɓɛ. N kɔ̀ɔ́ zang ɓɔɔ ri kɔɔrɔ vuu ka yuu ɓiɓɛ, nɛɛ ri daa kɔɔrɔ kaa mɔkɔ.

Zang Shonang Yeesɔ 25:3

wu palɛ ri tɔ̃ɔ jong, wu kɔɔ zang nɛɛ zang atɛ Bulu ka Urushalima. Ka ruu ɓɔɔ, ri tɔ̀ng zɔɔ tɔ nɛɛ tɔɔ ri naa nyɔ wu vɔrɔ kaa gbalang ɓɛɛ.

Zang Shonang Yeesɔ 9:23

Diki naa bee tɔ, a rɛɛ zang Yahudi ri tɔ̀ng zɔɔ ri kãa gbalang ɓɔɔ naa ri nyɔ Shaawulu vɔrɔ ɓɛɛ.

Zang Shonang Yeesɔ 9:24

Zang naa kɔɔ wu vuu ɓɔɔ ri mangnɛ nɛɛ ri palɛ ɓɛɛ. Ri gã nyaa gãa gari nɛɛ laagɛ̃ nɛɛ zĩi piti nɛɛ tɔ̀ɔ, ri nyɔ wu vɔrɔ.

1 Koranti 16:22

Zang ɓɔɔ nɛɛ kagn ɓɔɔ kasɛ ruu Kpanti Yeesɔ Kirisi kpang, Laa wu shingnɛ wu shaarɛ dòndòng. Kpanti ɓuru Yeesɔ Kirisi, a ta.

2 Koranti 11:26

Ka rakɛnang mɛɛ, ɓɔɔ n daarɛ dɔɔli ɓɛɛ, n dang jĩng tɔ ka mii ɓɔɔ kpaa ɓɛɛ, a ɓɔɔ ka naa zang ɓɔɔ ri ta zang vuu nɛɛ ɓangge ɓɛɛ. N dang jĩng tɔ ka naa zang ɓɔɔ ri zang Yahudi kɔ doori ɓɛɛ. A ɓɔɔ ka naa zang ɓɔɔ ri zang Yahudi kpang ɓɛɛ. N dang jĩng ka gari bang, ɓɔɔ ka jĩngti, ɓɔɔ ka mii waapo, a ɓɔɔ ka naa zang ɓɔɔ ri suu sèé nɛɛ ri doo zang ɓɔɔ ri dũng Laa kɔ.

Galati 3:13

Yeesɔ Kirisi ta yuu ɓuru tɔ, ka nyaa ɓɔɔ Laa nɛɛ kù ruu, ka ruu ɓɔɔ, ruu dũng nyaa dannang kpang ɓɛɛ. Ka ruu ɓɔɔ, Laa kù Kirisi nyaa jong ka nung ɓɔɔ wu nɛɛ kù ruu ɓɛɛ. Ka ruu ɓɔɔ, zang bee ka yeti labeenang Laa tɔɔ, “Zang ɓɔɔ zang nɛɛ haatɛ wu ka lapa, Laa ku wu nyaa tɔ ɓɛɛ.”

1 Tesalonika 2:16

Ri ti kãa naa ɓɔɔ ri zãa ruu gbalang ɓɔɔ ruu kɔɔ zang ɓɔɔ ri zang Isirela kpang ruu, ɓɔɔ naa ta yuu ɓarɛ katɔ ɓɛɛ. Vuu kɔ̀ ri palɛ ɓee, kɔ shingnɛ vuu shi kpang ɓɔɔ ri palɛ diki diki ɓɛɛ, ɓèe nyaa kaa kiiri. A kãntang yeti Laa lasɛ tɔ nɛɛ ri, jɛ̃ɛ ri ruu kaa tɔ.