Zang Shonang Yeesɔ 23:10 - Nyaa Shɔɔ Ɓɔɔ Laa a Ɓɛɛ

¹⁰ Ri haa nyaa kaa nɛɛ gnvɔ ning, ka ruu nɔngkɔ, yɔɔ zang bang sɔɔja kaa vɔrɔ nɛɛ ri nɛɛ lɔɔsɔ Bulu. Kɔɔ rɛɛ zang sɔɔja nɛɛ ri dita ka teteng ɓarɛ, ri ta Bulu nɛɛ gbãng gbãng ning, ri daa nɛɛ wu ka nɔng ɓɔɔ gãa rɛɛ sɔɔja kagn ɓɛɛ.

Zang Shonang Yeesɔ 23:10 ပူးပေါင်းရင်းမြစ်များ

Zang Shonang Yeesɔ 21:37

Yaa kaa tɔkɔlɔng nɛɛ ri shɛ̃ɛ kaa nɛɛ Bulu ka nɔng gãa rɛɛ sɔɔja, a Bulu hɛ̃ɛ zang bang sɔɔja tɔɔ, “Mɔɔ kàsɛ́ tɔ, n rang mɔɔ yee ya?” A zang bang sɔɔja kɔɔyi tɔɔ, “A ɓeekpang mɔɔ zunung nyaa Heleni ɓaa katɔ ya?”

Zang Shonang Yeesɔ 22:24

Yɔɔ zang bang sɔɔja Rooma kɔ̀ɔ zang ɓiɓɛ nɛɛ ri dita nɛɛ Bulu ka yeti nɔng ɓɔɔ gãa rɛɛ sɔɔja kagn ɓɛɛ. Nɛɛ ri nyɔ wu nɛɛ gbãa, tɔ̀ɔ, wu kɔɔ ruu vuu ɓɔɔ wu palɛ zang Yahudi, ri haa nyaa ka yuu ɓiɓɛ nɔngkɔ ɓɛɛ.

Zang Shonang Yeesɔ 23:16

Jaa ɓɔɔ jaa nàá Bulu ɓɔɔ soro yi ɓɛɛ, tãa ruu ɓɔɔ nɛɛ ri waa Bulu ka gbalang ɓɛɛ, a daa ka nɔng ɓɔɔ gãa rɛɛ sɔɔja kagn ɓɛɛ, daa kɔɔ Bulu.

Zang Shonang Yeesɔ 23:27

Zang Yahudi ri yí yɔɔ keɓe, bɛ̀ɛ́ ri nɛɛ ri nyɔ wu kaa vɔrɔ. N tãa nyaa nɛɛ wu zang Rooma, a n daa nɛɛ sɔɔja mɛɛ, n daa ta wu nɛɛ naa ɓarɛ.

Zang Shonang Yeesɔ 23:28

N kasɛ nɛɛ n tãa vuu shi kpang ɓɔɔ ri tɔɔ wu pálɛ̀ ɓɛɛ, ka ruu nɔngkɔ, n daa nɛɛ wu ka bii zang ɓarɛ ɓɔɔ ri jɛ̃ɛ ruu ɓɛɛ.

Zang Shonang Yeesɔ 23:32

Ɓɔɔ nɔng naa gãntɛ rɛɛ sɔɔja ɓɔɔ ri ra nɛɛ doo, ri gbãayu. Ri yaa kaa rɛɛ sɔɔja ɓɔɔ vang ka gbantang kɔ shɛ̃ɛning nɛɛ ri daa nɛɛ wu.

Zang Shonang Yeesɔ 24:7

A zang bang sɔɔja ɓɔɔ zang ɓaa wu nɛɛ Lisiya ɓɛɛ, naa ta wu ka naa ɓuru nɛɛ gbãng gbãng ning.

2 Koranti 11:26

Ka rakɛnang mɛɛ, ɓɔɔ n daarɛ dɔɔli ɓɛɛ, n dang jĩng tɔ ka mii ɓɔɔ kpaa ɓɛɛ, a ɓɔɔ ka naa zang ɓɔɔ ri ta zang vuu nɛɛ ɓangge ɓɛɛ. N dang jĩng tɔ ka naa zang ɓɔɔ ri zang Yahudi kɔ doori ɓɛɛ. A ɓɔɔ ka naa zang ɓɔɔ ri zang Yahudi kpang ɓɛɛ. N dang jĩng ka gari bang, ɓɔɔ ka jĩngti, ɓɔɔ ka mii waapo, a ɓɔɔ ka naa zang ɓɔɔ ri suu sèé nɛɛ ri doo zang ɓɔɔ ri dũng Laa kɔ.

Yakubu 1:19

Rɛɛ manzung ɓɔɔ n kasɛ ruu manɛ dɔɔli ɓɛɛ, danggn wu ning nɔɔ vuu keɓe kpang. Nɔɔ ɓaa shoo waasɛ̃, nɔ́ɔ tãa ruu pati, nɔ́ɔ kɔlɔ nyaa kaa tɔ̀ɔ́ nɔng yee rannang kpang. Nɔ́ɔ ti see gnvɔ pati kpang.

Yakubu 3:14

Nɔɔ nɛɛ kaa sũnyaa gbãng gbãng, nɔɔ nɛɛ ti kasɛ yuu manɛ dɔɔli ka yeti manɛ, nɔ́ɔ kɔɔrɔ ruu bang bang ka yuu manɛ kpang, nɔ́ɔ ti suu sèé ka ruu vuu ɓɔɔ niizang kpang.