Zang Shonang Yeesɔ 23:1 - Nyaa Shɔɔ Ɓɔɔ Laa a Ɓɛɛ

¹ Bulu shù zang ɓɔɔ ri jɛ̃ɛ zang ruu jĩng ka bii, a kɔɔyi tɔɔ, “Rɛɛ manzung, n palɛ shonang ka tĩng Laa nɛɛ rɛ̃rɛnang mɛɛ kalang kalang, a nɛɛ mani lɛɛkɔ keɓe.”

Zang Shonang Yeesɔ 23:1 ပူးပေါင်းရင်းမြစ်များ

Matiyu 5:22

A kãntang keɓe, n kɔɔ nɔɔ, naa shɔnzang ɓɔɔ tuu gnvɔ nɛɛ ɓeezung, zang naa jɛ̃ɛ wu ruu katɔ. Naa shɔnzang ɓɔɔ ti kɔɔ ɓeezung nɛɛ ‘Rang waati keɓe.’ Zang daa nɛɛ wu ka dabang kpanti. Naa zang ɓɔɔ ti ɓaa ɓeezung nɛɛ ‘Shoko.’ Zang tasɛ wu ka waa.

Zang Shonang Yeesɔ 22:1

“Rɛɛ manzung, nɛɛ rɛɛ daa mɛɛ, nɔɔ ɓaa shoo, ka ruu kɔ n kɔ̀ɔ́ nɔɔ ka yuu mɛɛ ɓee.”

Zang Shonang Yeesɔ 22:30

Zang bang sɔɔja keɓe, kasɛ nɛɛ wu zi vuu ɓɔɔ zang Yahudi ri haa Bulu nyaa kagn bii, ka ruu ɓiɓɛ ɓɛɛ. Ka ruu nɔngkɔ, ɓaa rɛɛ zang bang bang zang ɓɔɔ ri dɔɔ vuu ka Gãa Laa ɓɛɛ, nɛɛ rɛɛ zang ɓɔɔ ri jɛ̃ɛ zang ruu ɓɛɛ, nɛɛ ri nwáng ka tipi. A kɔɔ zang nɛɛ zang kãlɛ saka ɓɔɔ zang mã Bulu nɛɛ mani ɓɛɛ, zang atɛ wu nɛɛ wu shii ka tĩng ɓarɛ nandon.

Zang Shonang Yeesɔ 22:5

Zang bang zang ɓɔɔ ri dɔɔ vuu ka Gãa Laa ɓɛɛ nɛɛ rɛɛ zang bang bang zang Yahudi ri kɔ̀ɔ́ nɔɔ katɔ nɔɔ nɛɛ hɛ̃ɛ ri ɓɛɛ. N ta labeenang ka naa ɓarɛ kɔ nɛɛ n daa a rɛɛ manzung ɓuru zang Yahudi ɓɔɔ ri ka gari Damasiku ɓɛɛ. Ǹ daa ka nɔng kaɓa, nɛɛ n daa yiki rɛɛ zang keɓe, ń mã ri nɛɛ saka, n atɛ ri ka Urushalima, tɔ̀ɔ, zang naa dang ri jĩng.

Zang Shonang Yeesɔ 23:15

Ka ruu nɔngkɔ, nɔɔ nɛɛ rɛɛ zang ɓɔɔ ri jɛ̃ɛ zang ruu ɓɛɛ, nɔɔ shong nyaa ta ka bii zang bang sɔɔja Rooma kãntang nɛɛ wu atɛ nɔɔ Bulu. Nɔɔ palɛ naa ɓɔɔ nɔɔ kasɛ nɛɛ nɔɔ tãa ruu ka yuu ɓiɓɛ waasɛ̃ ɓɛɛ. Ruu kpalɛ bii tɔ, ruu nyɔ wu vɔrɔ ɓuru kaa gbalang bɛ̀ɛ́ a nihn gn kpang.”

Zang Shonang Yeesɔ 23:20

A jasang bìí kɔɔyi tɔɔ, “Zang Yahudi ri mã zɔɔ nyaa tɔ nɛɛ ri kɔɔ mɔɔ, ɓuru mɔɔ atɛ Bulu ka tĩng zang ɓɔɔ ri jɛ̃ɛ zang ruu ɓɛɛ. Nɛɛ ri palɛ mɔɔ kɔɔ nɛɛ, zang ɓɔɔ ri jɛ̃ɛ zang ruu ri kasɛ nɛɛ ri tãa ruu ka yuu ɓiɓɛ waasɛ̃.

Zang Shonang Yeesɔ 23:28

N kasɛ nɛɛ n tãa vuu shi kpang ɓɔɔ ri tɔɔ wu pálɛ̀ ɓɛɛ, ka ruu nɔngkɔ, n daa nɛɛ wu ka bii zang ɓarɛ ɓɔɔ ri jɛ̃ɛ ruu ɓɛɛ.

Zang Shonang Yeesɔ 23:6

Bulu zirɛ nɛɛ zang ɓɔɔ ri jɛ̃ɛ ruu keɓe vaa ɓarɛ ziti. Nyaa dang gbete zang Saduki, nyaa dang gbete ɓi kaa rɛɛ Farisi. A mɛɛ nyaa ka nɔng ruu jɛ̃ɛnang tɔɔ, “Rɛɛ manzung, n zang Farisi, n ti jaa rɛɛ Farisi. Zang nɛɛ zang jɛ̃ɛ m ruu ka ruu danggn ɓɔɔ n shingnɛ nɛɛ zang nɛɛ vɔ tɔ zang naa seepaa ditɔ nɛɛ saa ɓɛɛ.”

Zang Shonang Yeesɔ 24:16

Ka ruu nɔngkɔ, n kasɛ nɛɛ diki diki n palɛ vuu ɓɔɔ tɔ̃ɔ ka tĩng Laa nɛɛ tĩng shɔnzang piti.

Zang Shonang Yeesɔ 6:15

Zang ɓɔɔ ri nwalɛ ri jɛ̃ɛ zang ruu ɓɛɛ, ri shu jĩng ka waa nyaating Istifanu, ri zirɛ waa nyaating ɓiɓɛ nwáng naa waa nyaating zang nyaa shonang Laa ɓɔɔ ka lapa ɓɛɛ.

1 Koranti 4:4

Niizang, n zi vuu ɓɔɔ jĩng kpantɛ m, n palɛ ɓɛɛ kpang. Ɓi ti nkɔ dɔ̌ng yuu mɛɛ ruu nɛɛ zang yaa m tɔ kpang. Ɓi Laa dɔ̌ng m ruu ɓiri.

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

2 Koranti 4:2

Rùu dɔ̃ vuu ɓɔɔ zang waasɛ katɔ, nɛɛ vuu yusɛ̃ɛ tɔ piti nɛɛ kaa. Ruu palɛ vuu tɔ̀ɔ́ nɛɛ sèé kpang. Ruu ti risi Ruu Laa tɔ̀ɔ́ wu raa sèé kpang. Ruu kɔɔ rúu ɓɔɔ niizang ka dalɛ, ka tĩng Laa. Ruu kasɛ nɛɛ zang ɓu wu zi ka yeti ɓiɓɛ nɛɛ ruu ɓuru zang tɔ̃ɔ.

2 Timoti 1:3

N zãa Laa ɓɔɔ n pàlɛ́ wu shonang nɛɛ yeti gbete tɔ, naa ɓɔɔ rɛɛ dabang mɛɛ ri pálɛ́ ɓɛɛ. N zãa wu ka ɓɔɔ, n gaa wu nɛɛ laagɛ̃ nɛɛ zĩi n ɓaa nung ɓaaɓɛ kagn diki diki ɓɛɛ.

Yahudi 13:18

Nɔɔ gàa Ruu Laa diki diki, ka ruu ɓɔɔ, rùu zi tɔ, rɛ̃rɛnang ɓuru ɓi tɔ̃ɔ ɓɛɛ, a ruu ti kasɛ nɛɛ ruu pálɛ́ vuu ɓɔɔ daa naa katɔ ɓɛɛ diki diki.

1 Bituru 3:16

Ka ɓɔɔ nɔɔ kɔɔ zang Ruu Laa ɓɛɛ, nɔɔ tuu yuu manɛ katɔ kpang, nɔɔ seng zang katɔ. Nɔɔ ti pálɛ́ vuu ɓɔɔ nɔɔ zi ka yeti manɛ nɛɛ tɔ̃ɔ ɓɛɛ. Ka ruu ɓɔɔ, zang ɓɔɔ ri nɛɛ tɔɔ ri rang yee shi kpang ka yuu manɛ, yusɛ̃ɛ wu tuu ri ka ɓɔɔ ri dãlɛ nɔɔ ɓɛɛ. Ka ruu ɓɔɔ, ri naa zǐ nwannang manɛ ɓɔɔ daa naa ɓɔ̀ɔ́ zang ɓɔɔ ri dũng Kirisi ditɔ ɓɛɛ.