Zang Shonang Yeesɔ 22:5 - Nyaa Shɔɔ Ɓɔɔ Laa a Ɓɛɛ

⁵ Zang bang zang ɓɔɔ ri dɔɔ vuu ka Gãa Laa ɓɛɛ nɛɛ rɛɛ zang bang bang zang Yahudi ri kɔ̀ɔ́ nɔɔ katɔ nɔɔ nɛɛ hɛ̃ɛ ri ɓɛɛ. N ta labeenang ka naa ɓarɛ kɔ nɛɛ n daa a rɛɛ manzung ɓuru zang Yahudi ɓɔɔ ri ka gari Damasiku ɓɛɛ. Ǹ daa ka nɔng kaɓa, nɛɛ n daa yiki rɛɛ zang keɓe, ń mã ri nɛɛ saka, n atɛ ri ka Urushalima, tɔ̀ɔ, zang naa dang ri jĩng.

Zang Shonang Yeesɔ 22:5 ပူးပေါင်းရင်းမြစ်များ

Luka 22:66

Nɔng naa gãntɛ tɔ, a rɛɛ zang bang Yahudi nɛɛ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ tusu zang labeenang Laa ɓɛɛ, ri kpalɛ zɔɔ, a zang atɛ Yeesɔ kati.

Zang Shonang Yeesɔ 1:15

Ka diki ɓɔɔ kagn, zang ɓɔɔ ri shíng danggn tɔ laa maani tu bmati, ri kpalɛ zɔɔ. A Bituru seepaa a shiiyi, rang yee.

Zang Shonang Yeesɔ 13:26

“Rɛɛ manzung zɔ̃ng Ibirayi, nɛɛ rɛɛ zang ɓɔɔ nɔɔ zi Laa kpang, ɓɔɔ nɔɔ kaa vɔrɔ Laa kaa tɔ ɓɛɛ, zang shong rùu kɔ nyaa nɛɛ ruu, ɓɔɔ ta yuu ɓuru keɓe.

Zang Shonang Yeesɔ 2:29

“Rɛɛ manzung, n kɔ̀ɔ́ nɔɔ ruu katɔ ka yuu dabang ɓuru Dawuda, nyaa zàa m kpang. Dawuda vɔrɛ, a zang gbãa wu, sàá ɓiɓɛ ti doogn ka nɔng ɓuru kãntang keɓe.

Zang Shonang Yeesɔ 22:1

“Rɛɛ manzung, nɛɛ rɛɛ daa mɛɛ, nɔɔ ɓaa shoo, ka ruu kɔ n kɔ̀ɔ́ nɔɔ ka yuu mɛɛ ɓee.”

Zang Shonang Yeesɔ 23:1

Bulu shù zang ɓɔɔ ri jɛ̃ɛ zang ruu jĩng ka bii, a kɔɔyi tɔɔ, “Rɛɛ manzung, n palɛ shonang ka tĩng Laa nɛɛ rɛ̃rɛnang mɛɛ kalang kalang, a nɛɛ mani lɛɛkɔ keɓe.”

Zang Shonang Yeesɔ 23:6

Bulu zirɛ nɛɛ zang ɓɔɔ ri jɛ̃ɛ ruu keɓe vaa ɓarɛ ziti. Nyaa dang gbete zang Saduki, nyaa dang gbete ɓi kaa rɛɛ Farisi. A mɛɛ nyaa ka nɔng ruu jɛ̃ɛnang tɔɔ, “Rɛɛ manzung, n zang Farisi, n ti jaa rɛɛ Farisi. Zang nɛɛ zang jɛ̃ɛ m ruu ka ruu danggn ɓɔɔ n shingnɛ nɛɛ zang nɛɛ vɔ tɔ zang naa seepaa ditɔ nɛɛ saa ɓɛɛ.”

Zang Shonang Yeesɔ 26:10

N palɛ nɔngkɔ ka Urushalima. Zang bang bang zang ɓɔɔ ri dɔɔ vuu ka Gãa Laa, ri yaa m gbalang, a n mãlɛ zang Laa ka sãa dɔɔli. Ɓɔɔ zang nyɔkɔ ri vɔrɔ, n kàsɛ̀ nyaa kagn.

Zang Shonang Yeesɔ 26:11

N shingnɛ zang dang ri jĩng ka rɛɛ gãa zɔɔ kpalɛnang diki diki. N pálɛ̀ ri nɔngkɔ nɛɛ tɔ̀ɔ, ri kɔɔ vuu shi kpang ka yuu danggn ɓɔɔ ri shing ka bii Laa ɓɛɛ kati. Yeti mɛɛ lasɛ nɛɛ ri gbãng gbãng, ka ruu nɔngkɔ, n dàarɛ́ ka rɛɛ gari ɓɔɔgn, n daa dang ri jĩng ka nɔngkɔ.

Zang Shonang Yeesɔ 26:12

“N palɛ naa weɓe kɔ, a diki ɓɔɔ kagn zang bang zang ɓɔɔ ri dɔɔ vuu ka Gãa Laa ri yàa m gbalang, a ri a m nyaa shonang ɓarɛ nɛɛ n daa ka Damasiku.

Zang Shonang Yeesɔ 28:17

Diki ɓuru daa tɔ taati, a Bulu kpalɛ rɛɛ zang bang bang zang Yahudi ɓɔɔ ri ka gari ɓɛɛ. Ri kpalɛ zɔɔ, a kɔɔ ri tɔɔ, “Rɛɛ manzung, n pálɛ̀ rɛɛ zang ɓuru vuu ɓɔɔ kagn kpang. N ti shii bàng nɛɛ gbalang ɓɔɔ rɛɛ dabang ɓuru tusu ruu kpang. Zang mã m ka sãa ka Urushalima, a zang tuu m zang a zang Rooma.

Zang Shonang Yeesɔ 28:21

Ri kɔɔ wu nɛɛ, “Zang shong ruu nyaa gn nɛɛ labeenang nɛɛ tipi Yahudi ka yuu ɓaaɓɛ kpang. Rɛɛ manzung ɓɔɔ ri ti a kagn nɛɛ nɔng kaɓa, nɛɛ ruu naa weɓe kpang. Ri ti kɔɔ ruu shi kpang ɓɔɔ ka yuu ɓaaɓɛ kpang.

Zang Shonang Yeesɔ 3:17

“Rɛɛ manzung, n zi tɔ, vuu ɓɔɔ nɔɔ nɛɛ rɛɛ zang bang manɛ, nɔɔ pálɛ́ Yeesɔ, wu nɛɛ gbã́a kpang.

Zang Shonang Yeesɔ 4:5

Nɔng naa gãntɛ tɔ, a rɛɛ zang bang bang zang Yahudi nɛɛ rɛɛ dabang ɓarɛ, nɛɛ rɛɛ zang ɓɔɔ ri tusu zang labeenang Laa ɓɛɛ, ri kpalɛ zɔɔ ka Urushalima.

Zang Shonang Yeesɔ 5:21

Ɓɔɔ ri tãa naa weɓe, ri daa yeti Gãa Laa bɛ̀ɛ́ nɔng gãntɛ tɔ, a ri gáa tɔɔsung ɓɔɔ ri tusu zang vuu ɓɛɛ. Kpanti zang ɓɔɔ ri dɔɔ vuu ka Gãa Laa, nɛɛ zang ɓɔɔ ri nɛɛ wu, ri ɓaa nyaa ka rɛɛ zang bang bang zang Isirela, nɛɛ zang ɓɔɔ ri jɛ̃ɛ zang ruu ɓɛɛ. Ri shong nyaa nɛɛ zang daa atɛ rɛɛ zang shonang Yeesɔ kaɓa ta nɛɛ sãa.

Zang Shonang Yeesɔ 9:14

Wee à ka Damasiku ɓee, ɓi rɛɛ zang bang bang zang ɓɔɔ ri dɔɔ vuu ka Gãa Laa, a wu naa nɛɛ wu naa yiki zang ɓɔɔ ri ɓaa nung ɓaaɓɛ ɓɛɛ nandon.”

Galati 1:13

Zang kɔɔ nɔɔ naa ɓɔɔ n nwáng ka tĩng bɛ̀ɛ́ n dũng doo gbalang zang Yahudi nɛɛ yeti gbete ɓɛɛ tɔ. Naa ɓɔɔ n dang zang ɓɔɔ ri dũng gbalang Kirisi jĩng, gn ɓarɛ kɔng m kpang ɓɛɛ tɔ. N pálɛ́ vuu ɓɔɔ n zũnung katɔ nandon, n tɔɔ n ningsi ri dɔ̃ɔ gbete.

Filipi 3:6

Ɓeleng n tusu zang naa ɓɔɔ n palɛ vuu zang Yahudi nɛɛ kaka bii mɛɛ nandon ɓɛɛ. Ka ɓɔɔ n dang zang ɓɔɔ ri dũng Yeesɔ Kirisi jĩng. N ta nyaa dannang zang Yahudi ɓɔɔ shing zang, zang nwang zang tɔ̃ɔ ka tĩng Laa wu gbete kpang. Ka ruu nɔngkɔ, zang ɓɔɔ tɔɔ kpang nɛɛ n palɛ vuu shi kpang tɔ kpang.

1 Timoti 4:14

Palɛ shonang nɛɛ vuu ɓɔɔ Suru Laa a mɔɔ ɓɛɛ, mɔɔ yaa kpang. Ɓɔɔ wu a mɔɔ ka ɓɔɔ zang nyaa shonang ri rang yee, a zang bang Gãa Laa ri shìng mɔɔ naa ka yuu ɓɛɛ.