Zang Shonang Yeesɔ 22:3 - Nyaa Shɔɔ Ɓɔɔ Laa a Ɓɛɛ

³ “N zang Yahudi. Zang yi m ka gari Taasu ka tipi Silisiya, n bang kaa Urushalima ka nihn. N bee laa ka bii Gamaliyel, zang tusu m nyaa dannang rɛɛ dabang ɓuru gbãng gbãng. N ti kasɛ nɛɛ n pàlɛ́ Laa shonang gbãng gbãng naa wee nɔɔ palɛ lɛɛkɔ ɓee.

Zang Shonang Yeesɔ 22:3 ပူးပေါင်းရင်းမြစ်များ

Luka 10:39

Jaa nàá Mata ɓɔɔ zang ɓaa nɛɛ Marayamu nwang ka tĩng Yeesɔ tãa vuu ɓɔɔ wu tusu ɓɛɛ.

Luka 2:46

Ri kãa wu diki taati, a ri naa ĩi wu ka Gãa Laa. Nwang tɔ ka teteng zang Yahudi ɓɔɔ ri tusu zang vuu ɓɛɛ. Ɓaa shoo ka yee ɓɔɔ ri rangkɛ, wu ti hɛ̃ɛlɛ ri ruu.

Luka 8:35

A zang nwangkɛ, nɛɛ ri daa zi vuu ɓɔɔ palɛ ɓɛɛ. Ri a tɔ, ka bii Yeesɔ, ri zi yɔɔ ɓɔɔ suru shi kpang nwangnɛ bii ɓiɓɛ, nwang tɔ ka tĩng Yeesɔ. Hãa fɔ̃ɔrɔ tɔ̃ɔ ka bii, suru bii ɓiɓɛ ti sɔɔ tɔ ka bii ɓiɓɛ tɔkn. A zang ɓɔɔ ri kpalɛ zɔɔ ka bii Yeesɔ ri kaa vɔrɔ kati.

Zang Shonang Yeesɔ 11:25

A Baranaba daa ka gari Taasu nɛɛ wu daa kãa nɔng Shaawulu.

Zang Shonang Yeesɔ 15:23

A zang shong ri nɛɛ labeenang keɓe tɔɔ, “Rukɔ zang shonang Yeesɔ, ruu nɛɛ rɛɛ zang bang bang, ɓɔɔ ruu manzung manɛ ɓɛɛ, ruu shong nyaa nɛɛ zang jèe ruu rɛɛ manzung ɓuru ɓɔɔ ri ɓarɛ zang Isirela kpang, a ri zi Laa ɓarɛ tɔ kati ɓɛɛ. Ɓɔɔ ri nwang ka Antakiya nɛɛ tipi Siriya nɛɛ Silisiya ɓɛɛ.

Zang Shonang Yeesɔ 15:41

Bulu daa ka Siriya nɛɛ Silisiya ri mã zang ɓɔɔ ri dũng Laa danggn.

Zang Shonang Yeesɔ 21:20

Ɓɔɔ ri tãa naa weɓe, ri dɔɔ Laa. A ri kɔɔ wu nɛɛ, “Manzung ɓuru, mɔɔ zi tɔ waa, zang labang dɔɔli ri shing danggn tɔ ka bii Laa ka teteng zang Yahudi, ri ti pĩiri jĩng nɛɛ nyaa dannang Laa dũnnang kpang.

Zang Shonang Yeesɔ 21:39

A Bulu kasɛ wu nyaa tɔɔ, “N m zang Yahudi, zang yi m ka gari Taasu ka tipi Silisiya. Zang zi gari ɓuru tɔ dɔɔli. Yàa m gbalang jong n ràng zang kɔ ri kpalɛ ɓee yee.”

Zang Shonang Yeesɔ 23:34

Gɔmna gã labeenang bìí, a hɛ̃ɛ Bulu nɛɛ wu zang tipi kiya? Zang kɔɔ wu nɛɛ wu yɔɔ tipi Silisiya.

Zang Shonang Yeesɔ 23:6

Bulu zirɛ nɛɛ zang ɓɔɔ ri jɛ̃ɛ ruu keɓe vaa ɓarɛ ziti. Nyaa dang gbete zang Saduki, nyaa dang gbete ɓi kaa rɛɛ Farisi. A mɛɛ nyaa ka nɔng ruu jɛ̃ɛnang tɔɔ, “Rɛɛ manzung, n zang Farisi, n ti jaa rɛɛ Farisi. Zang nɛɛ zang jɛ̃ɛ m ruu ka ruu danggn ɓɔɔ n shingnɛ nɛɛ zang nɛɛ vɔ tɔ zang naa seepaa ditɔ nɛɛ saa ɓɛɛ.”

Zang Shonang Yeesɔ 26:5

Naa ri tɔɔ ri kɔɔ ruu tɔ̃ɔ kɔ nwani, ri zi tɔ nɛɛ ɓɔɔ tĩng shɔɔnang n m zang Farisi, vàá zang ɓɔɔ ɓa rɛɛ vaa zang piti ɓɔɔ ka teteng zang ɓuru ka jĩng ɓɔɔ ri shing ka gbalang Laa dũnnang ɓuru gbãng gbãng ɓɛɛ.

Zang Shonang Yeesɔ 26:9

“N rɛ̃̀rɛ̀ m doo nɔngkɔ, n tɔɔ, n palɛ vuu ɓɔɔ n zunung katɔ nandon, n zãa zang nung Yeesɔ yɔɔ Nazara ɓaanang.

Zang Shonang Yeesɔ 5:34

A zang gbete ka teteng ɓarɛ, yɔɔ Farisi ɓɔɔ zang ɓaa wu nɛɛ Gamaliyel. Yɔɔ keɓe tusu zang nyaa dannang Laa, a zang ti á wu bannang dɔɔli. A shii paa ka teteng ɓarɛ, a kɔɔyi nɛɛ zang nwangsɛ rɛɛ zang shonang Yeesɔ ka biling ka gbongkarɛ.

Zang Shonang Yeesɔ 6:9

A zang ɓɔɔ ri ka gãa zɔɔ kpalɛnang ɓɔɔ zang ɓaa nɛɛ gãa zɔɔ kpalɛnang “Zang ɓɔɔ zang yaa ri naa tɔ”, ɓɔɔ ri ɓarɛ zang Yahudi nɛɛ gari Kiranɛ nɛɛ gari Alezandiriya, a ɓɔɔ nɛɛ tipi Silisiya nɛɛ tipi Asiya ri kasɛ ruu ɓiɓɛ kaa takpang. Zang keɓe ri gaayu nyaa laanang kaa nɛɛ wu.

Zang Shonang Yeesɔ 9:1

Bɛɛ gnvɔ yeti Shaawulu kà gň kpang, ka ɓɔɔ wu kasɛ nɛɛ wu nyɔkɔ rɛɛ zang ɓɔɔ ri mantɛ vuu ka bii Kpanti Yeesɔ vɔrɔ ɓɛɛ. Dàa ka bii kpanti zang ɓɔɔ ri dɔɔ vuu ka Gãa Laa ɓɛɛ,

Zang Shonang Yeesɔ 9:11

A Yeesɔ kɔɔ wu tɔɔ, “Yupaa mɔɔ daa ka gãa Yahuda ɓɔɔ ka gbalang ɓɔɔ zang ɓaa nɛɛ, ‘Gbalang ɓɔɔ shiiri katɔ’ ɓɛɛ, mɔ́ɔ daa hɛ̃ɛ nɔng yɔɔ gari Taasu, ɓɔɔ zang ɓaa wu nɛɛ Shaawulu ɓɛɛ. Kãntang keɓe, gaa Laa kana.

Zang Shonang Yeesɔ 9:30

Ɓɔɔ rɛɛ zang shonang Yeesɔ ri tãa nyaa, ri tuu Shaawulu ri daa nɛɛ wu ka gari Kayisariya. Ri daa shing wu nɛɛ wu dita ka gari Taasu.

Rooma 11:1

N hɛ̃ɛyi ɓɛɛ, Laa bɛ̃ɛ zang ɓiɓɛ tɔ ya? Kpang. N nɛɛ yuu mɛɛ, n zang Isirela, zɔ̃ng Ibirayi. N m nɛɛ doo laa Biliyaminu.

2 Koranti 11:22

Ri zang Yahudi ya? N m dòo nɔngkɔ. Ri zang Isirela ya? N m dòo nɔngkɔ. Ri zang zɔ̃ng Ibirayi ya? N m dòo nɔngkɔ.

Galati 1:14

Nkɔ ka tĩng rɛɛ sangvaa mɛɛ nandon, ka ruu gbalang zang Yahudi dũnnang. N shing jĩng ka vuu ɓɔɔ rɛɛ dabang ɓuru ri tusu ɓɛɛ palɛnang gbãng gbãng.

Galati 1:21

Nɛɛ knti, n naa daarɛ ka nɔng ɓɔɔ ka tipi Siriya nɛɛ tipi Silisiya.