Zang Shonang Yeesɔ 21:8 - Nyaa Shɔɔ Ɓɔɔ Laa a Ɓɛɛ

⁸ Nɔng naa gãntɛ ruu yupaa ruu daa Kayisariya. Ruu daa ka yeti gãa Filibu ɓɔɔ kɔɔrɔ zang Ruu Tɔ̃ɔ Laa ɓɛɛ, ruu nwang ka nɔngkɔ. Filibu kagn teteng zang manziti ɓɔɔ zang shɛ̃ɛrɛ ri ka Urushalima ɓɛɛ.

Zang Shonang Yeesɔ 21:8 ပူးပေါင်းရင်းမြစ်များ

Zang Shonang Yeesɔ 10:1

Zang bang sɔɔja ɓɔɔ kagn Kayisariya, zang ɓaa wu nɛɛ Koneliyu. Wukɔ zang bang vàá sɔɔja Rooma ɓɔɔ laa maani dakn mangbete, ɓɔɔ ɓi rɛɛ zang Italiya kɔ shɛ̃ɛning kagn ɓɛɛ.

Zang Shonang Yeesɔ 16:10

Ɓu doo ɓɔɔ Bulu rɔ̃kɔ naa weɓe, ruu kpalɛ bii daanang Makidoniya. Ruu zi kaa wukɔ nɛɛ Laa ɓaa ruu nyaa nɛɛ ruu daa kɔɔ rɛɛ zang kaɓa Ruu Tɔ̃ɔ ɓiɓɛ.

Zang Shonang Yeesɔ 16:13

Ka Diki Ɔ̃sɔnang ruu nwang ka nyaa gari biling, ruu daa ka nyaa rang. Ruu tɔɔ naa ruu wàlɛ́ nɔng Laa gaanang katɔ ka nɔng. Ruu nwang ka nɔngkɔ, ruu ràng rɛɛ zang soro ɓɔɔ ri kpálɛ́, yee Laa.

Zang Shonang Yeesɔ 16:16

Diki ɓɔɔgn, ruu daa ka nɔng ɓɔɔ zang gaa Laa kagn ɓɛɛ, a jaa zang soro ɓɔɔ ɓi jaafoo, kpisi ruu yuu. Jaafoo keɓe suru shi kpang kagn bii ɓiɓɛ ɓɔɔ shing wu hɛ̃ɛ zang paa ɓɛɛ. Zang ɓiɓɛ, ri walɛ vuu nɛɛ wu dɔɔli, ka ruu paa ɓɔɔ wu hɛ̃ɛ ɓɛɛ.

Zang Shonang Yeesɔ 18:22

Ɓɔɔ naa shɛ̃ɛ tipi Kayisariya, daa jee zang ɓɔɔ ri dũng Laa nyaa ka Urushalima. A tɛɛyi daa ka Antakiya.

Zang Shonang Yeesɔ 20:13

Ruu daa ɓuru kaa tĩng ruu vang laana ruu daa ka gari Aso, ruu tɔɔ ruu daa tuu Bulu ka nɔngkɔ, ka ruu ɓɔɔ, bɛ̀ɛ́ kɔɔyi nɛɛ wu daa ɓi nɛɛ doo ɓɛɛ.

Zang Shonang Yeesɔ 20:6

Ruu vang laana ka Filipi bɛ̀ɛ́ zang shaa nyaalaa borodi ɓɔɔ zang tɛ̃ɛ yisi kagn kpang tɔ. Ruu naa ĩi ri ka Torowasa, bɛ̀ɛ́ ri roo tɔ ka nɔng, diki ɓarɛ daa maani. Ruu nwáng ka nihn diki manziti.

Zang Shonang Yeesɔ 21:16

Ka teteng zang ɓɔɔ ri dũng Laa ka Kayisariya, zang ɓɔɔ ri shing ruu, ri atɛ ruu ka gãa yɔɔ gari Kuburu ɓɔɔ zang ɓaa wu nɛɛ Manasong ɓɛɛ. Nɛɛ ruu nwang ka gãa ɓiɓɛ kɔ. Yɔɔ keɓe, ka teteng zang ɓɔɔ ri gaayu Laa dũnnang doo pati ɓɛɛ.

Zang Shonang Yeesɔ 23:23

A zang bang sɔɔja ɓaa nyaa ka rɛɛ zang bang sɔɔja ziti, a kɔɔ ri tɔɔ, “Nɔɔ sèe sɔɔja laa maani dakn ziti, a ɓɔɔ sɔɔja ɓɔɔ ri vang gbantang laa taati tu kopi, nɛɛ sɔɔja ɓɔɔ ri yiti shalang ɓɛɛ laa maani dakn ziti. Ri kpalɛ bii, ri daa ka Kayisariya. Mɔɔ kpalɛ bii nɔɔ yupaa daanang ka saka mandɛ̃ɛti nɛɛ zĩi keɓe.

Zang Shonang Yeesɔ 27:1

Zang naa kɔɔ ruu nɛɛ ruu daa tipi Italiya nɛɛ laana, ka ruu nɔngkɔ, zang a Yuliya zang bang sɔɔja Rooma, rɛɛ Bulu nɛɛ zang ɓɔɔ zang mã ri ka sãa ɓɛɛ. Yuliya ɓi ka teteng rɛɛ sɔɔja ɓɔɔ zang ɓaa ri nɛɛ “Sɔɔja Kayisa Agɔsitu ɓɛɛ.”

Zang Shonang Yeesɔ 28:11

Shala ɓa tɔ taati, a ruu naa vang laana ɓɔɔ a nɛɛ tipi Alezandiriya ɓɔɔ zang bee waa nyaating jaa bãnang varɛ ziti ka bii ɓiɓɛ ɓɛɛ. Laana keɓe nwáng ka gari Malita nɛɛ guusi.

Zang Shonang Yeesɔ 28:16

Ɓɔɔ ruu shɛ̃ɛ Rooma, zang yáa Bulu nɛɛ wu nwang ɓi ka bm nɛɛ sɔɔja ɓɔɔ gã wu ɓɛɛ.

Zang Shonang Yeesɔ 6:5

Ruu rɛɛ zang kopi tu ziti keɓe, daa zang piti ka yeti. A zang shɛ̃ɛrɛ rɛɛ Istifanu, yɔɔ ɓɔɔ shing danggn ka bii Laa dɔɔli, a Suru Laa ti kagn bii ɓiɓɛ ɓɛɛ, a ɓɔɔ Filibu, nɛɛ Porokoru, nɛɛ Nikana, nɛɛ Timon, nɛɛ Barimina, nɛɛ Nikola yɔɔ tipi Antakiya ɓɔɔ bɛ̀ɛ́ dũng gbalang zang Yahudi ɓɛɛ. Kãntang keɓe dũng kaa Yeesɔ Kirisi.

Zang Shonang Yeesɔ 9:30

Ɓɔɔ rɛɛ zang shonang Yeesɔ ri tãa nyaa, ri tuu Shaawulu ri daa nɛɛ wu ka gari Kayisariya. Ri daa shing wu nɛɛ wu dita ka gari Taasu.

Afisa 4:11

Wukɔ alɛ shɔnzang vuu Suru. Zɔ̃̀ng zang ɓɔɔ nɛɛ ri nwang zang shonang ɓiɓɛ. Zang ɓɔɔ nɛɛ ri nwang zang nyaa shonang Laa. Zang ɓɔɔ nɛɛ ri nwang ɓarɛ zang ɓɔɔ ri rakɛ, ri kɔɔrɔ zang Ruu Laa ɓɛɛ. A shing zang ɓɔɔ nɛɛ ri ɓarɛ kaa zang ɓɔɔ ri gãng jĩng ka zang Laa ɓɛɛ. A zang ɓɔɔ nɛɛ ri ɓarɛ zang ɓɔɔ ri tusu zang vuu ɓɛɛ.

2 Timoti 4:5

Ɓɔɔ ɓaaɓɛ, yiti yuu ɓaaɓɛ waasɛ̃ diki diki, mɔɔ nɛɛ dang jĩng, mã danggn, palɛ ɓaa shonang ɓɔɔ mɔɔ zang ɓɔɔ kɔɔrɔ zang Ruu Tɔ̃ɔ Laa mɔɔ nɛ̀ɛ́ pálɛ̀ ɓɛɛ. Pálɛ́ shonang ɓaaɓɛ nandon naa zang shonang Laa.