Zang Shonang Yeesɔ 20:6 - Nyaa Shɔɔ Ɓɔɔ Laa a Ɓɛɛ

⁶ Ruu vang laana ka Filipi bɛ̀ɛ́ zang shaa nyaalaa borodi ɓɔɔ zang tɛ̃ɛ yisi kagn kpang tɔ. Ruu naa ĩi ri ka Torowasa, bɛ̀ɛ́ ri roo tɔ ka nɔng, diki ɓarɛ daa maani. Ruu nwáng ka nihn diki manziti.

Zang Shonang Yeesɔ 20:6 ပူးပေါင်းရင်းမြစ်များ

Zang Shonang Yeesɔ 12:3

Zirɛ vuu kɔ wu pálɛ́ ɓee zang Yahudi ri tãa tĩnang dɔɔli, a yi Bituru kaa jong. Palɛ vuu keɓe ka diki nyaalaa Borodi ɓɔɔ zang tɛ̃ɛ yisi kagn kpang ɓɛɛ.

Zang Shonang Yeesɔ 16:10

Ɓu doo ɓɔɔ Bulu rɔ̃kɔ naa weɓe, ruu kpalɛ bii daanang Makidoniya. Ruu zi kaa wukɔ nɛɛ Laa ɓaa ruu nyaa nɛɛ ruu daa kɔɔ rɛɛ zang kaɓa Ruu Tɔ̃ɔ ɓiɓɛ.

Zang Shonang Yeesɔ 16:12

Ruu yupaa nɛɛ nihn, ruu daa kaa Filipi ɓɔɔ wukɔ gari bang ka tipi Makidoniya ɓɛɛ. Gari keɓe, ɓi gari zang Rooma. Ruu nwang ka gari keɓe, diki bee ruu katɔ tɔkɔlɔng.

Zang Shonang Yeesɔ 16:8

A ri sɔɔ yeti tipi Misiya ri tɛɛyi ri daa ka gari Torowasa.

Zang Shonang Yeesɔ 20:16

Bulu kɔɔ ɓi ka yeti ɓiɓɛ nɛɛ wu tɛɛ ɓi nɛɛ laana wu daa ka Afisa, ka ruu ɓɔɔ, wu kasɛ wu suukãng ka Asiya kpang ɓɛɛ. Làábii nɛɛ wu kasɛ wu shɛ̃ɛ Urushalima ka diki nyaalaa Pentiku.

Zang Shonang Yeesɔ 20:5

Ri daa ɓarɛ ka tĩng, ri daa gã ruu ka Torowasa.

Zang Shonang Yeesɔ 21:4

Ruu ĩi zang ɓɔɔ ri dũng Laa ɓɔɔ kagn ka nɔng, a ruu nwang nɛɛ ri diki manziti. Suru Laa kɔɔ ri nɛɛ ri kɔɔ Bulu nɛɛ wu daa Urushalima kpang.

Zang Shonang Yeesɔ 21:8

Nɔng naa gãntɛ ruu yupaa ruu daa Kayisariya. Ruu daa ka yeti gãa Filibu ɓɔɔ kɔɔrɔ zang Ruu Tɔ̃ɔ Laa ɓɛɛ, ruu nwang ka nɔngkɔ. Filibu kagn teteng zang manziti ɓɔɔ zang shɛ̃ɛrɛ ri ka Urushalima ɓɛɛ.

Zang Shonang Yeesɔ 28:14

Ruu ĩi zang ɓɔɔ ri dũng Laa ka nɔng. Ri gaa ruu nɛɛ ruu nwang nɛɛ ri, diki manziti. A ruu naa seepaa kaa nɛɛ nihn ruu shɛ̃ɛ Rooma kati.

Filipi 1:1

Labeenang keɓe nɛɛ bii mɛɛ Bulu nɛɛ Timoti, ɓɔɔ ruu jaafoo Yeesɔ Kirisi ɓɛɛ. Ruu bèé nɔɔ, zang Laa nandon, ɓɔɔ nɔɔ shing danggn tɔ ka bii Yeesɔ Kirisi, ɓɔɔ nɔɔ ka gari Filipi ɓɛɛ. A ɓɔɔ nɔkɔ zang bang bang nɛɛ zang ɓɔɔ ri palɛ shonang ka ruu zang Laa ɓɛɛ.

1 Tesalonika 2:2

Nɔɔ zi naa ɓɔɔ zang dang ruu jĩng, a zang dãlɛ ruu ka Filipi tɔ, a ruu naa a ka bii manɛ ka Tesalonika. Zang dɔɔli nɛɛ ri zãa ruu Ruu Tɔ̃ɔ kɔɔnang ka gari manɛ, a Laa mã ruu danggn doo nɛɛ mani, a ruu kɔɔ nɔɔ Ruu Tɔ̃ɔ ɓɔɔ a nɛɛ bii ɓiɓɛ ɓɛɛ.

2 Timoti 4:13

Mɔɔ nɛɛ a kaa tɔ, mɔɔ atɛ m fɔ̃ɔrɔ ɓɔɔ n hãa nɛɛ biling, ɓɔɔ n yaa ka nɔng Kaapu ka gari Torowasa ɓɛɛ ka naa ning. Mɔɔ ti atɛ rɛɛ labeenang kiɓi ka naa jong. Labeenang ɓɔɔ n shing danggn gbãng gbãng ɓɔɔ zang palɛ nɛɛ koo vuu ɓɛɛ.