Zang Shonang Yeesɔ 20:35 - Nyaa Shɔɔ Ɓɔɔ Laa a Ɓɛɛ

³⁵ N tusu nɔɔ ka vuu piti nɛɛ nɔɔ palɛ shonang gbãng gbãng naa weɓe, nɔ́ɔ yi zang ɓɔɔ ri lakɛ takpang naa ka bii. Danggn yee ɓɔɔ Kpanti Yeesɔ kɔɔ nɛɛ yuu ɓiɓɛ, wu ning nɔɔ kpang. Kɔɔyi tɔɔ, ‘Mɔɔ tã̀a tĩnang, ka ɓɔɔ mɔɔ a zang vuu, ɓa ɓɔɔ zang kɔ a mɔɔ jong katɔ.’ ”

Zang Shonang Yeesɔ 20:35 ပူးပေါင်းရင်းမြစ်များ

Matiyu 10:8

Nɔ́ɔ ti masɛ zang kɔnang, nɛɛ zang ɓɔɔ vuu bii shaa ri katɔ ɓɛɛ. Nɔ́ɔ ti wisi zang ɓɔɔ ri vɔ katɔ paa. Nɔ́ɔ ti nwangsɛ suru shi kpang. Nɔɔ tà waati, nɔɔ á zang doo waati kɔ.

Zang Shonang Yeesɔ 20:20

Nɔɔ ti zi naa ɓɔɔ n wàasɛ̀ nɔɔ vuu ɓɔɔ tɔ̃ɔ ɓɛɛ kpang tɔ. N kɔɔ nɔɔ ruu tɔ̃ɔ katɔ ka ɓɔɔ n tusu nɔɔ vuu ka jĩng zang piti, a n ti dṹng nɔɔ ɓɔɔ ka gãa gãa, n tùsú nɔɔ ɓɛɛ.

Zang Shonang Yeesɔ 20:27

Ka ruu ɓɔɔ, n kɔɔ nɔɔ vuu ɓɔɔ Laa kasɛ ɓɛɛ tɔ nandon, n zárɛ̀ doo kpang ɓɛɛ.

Zang Shonang Yeesɔ 20:34

Nɔɔ zi tɔ, n palɛ shonang nɛɛ naa mɛɛ keɓe, ń wàlɛ̀ vuu ɓɔɔ n kasɛ, nɛɛ vuu ɓɔɔ zang ɓɔɔ ri nɛɛ n ri kasɛ ɓɛɛ.

Zang Shonang Yeesɔ 20:36

Ɓɔɔ Bulu hangsɛ nyaa ruu keɓe, tang ka tipi, a gaa Laa nɛɛ ri nandon.

Rooma 15:1

Ɓɔɔ ruu shing danggn ɓuru tɔ gbãng gbãng ɓɛɛ, ruu yi zang ɓɔɔ ri shing danggn doo rɛ̃rɛkɛ naa ka bii, ri shing danggn jong gbãng gbãng. Rúu pálɛ̀ vuu ɓɔɔ shing ruu, rukɔ tãa tĩnang ka bm gbete kpang.

1 Koranti 9:12

Naa zang ɓɔɔ ri shing danggn nɛɛ, nɔɔ a ri vuu naa manɛ katɔ, daa naa ɓɔɔ nɔɔ alɛ ruu vuu, ɓa ɓɔɔ ɓarɛ katɔ kpang ya? Ruu zi tɔ nɔngkɔ, a ruu tɔɔ gngn nɛɛ, ruu gaa nɔɔ nɛɛ nɔɔ a ruu vuu naa manɛ kpang. Ruu kasɛ tɔ ruu dang jĩng kɔ jong, ka ɓɔɔ ruu, nɛ̀ɛ́ nɔ̀ɔ́ gbalang Ruu Tɔ̃ɔ ɓɔɔ ka yuu Yeesɔ Kirisi kɔɔnang ɓɛɛ.

2 Koranti 11:12

N yaa vuu kɔ n palɛ ɓee kpang. Tɔ̀ɔ, n zãa zang ɓɔɔ ri ɓaa yuu ɓarɛ nɛɛ ri zang shonang Yeesɔ, vuu ɓɔɔ yi ri naa kagn, ri kɔɔ nɛɛ ri palɛ shonang doo naa ɓɔɔ ruu palɛ kɔ ɓɛɛ.

2 Koranti 11:9

Ka ɓɔɔ n dòo nɛɛ nɔɔ, kɔ́pɔ̀ nɛɛ ka naa mɛɛ kpang, n kpãa zang gbete ka teteng manɛ nɛɛ wu yi m naa ka bii kpang. Manzung ɓuru ɓɔɔ ri dũng doo Laa kɔ, ɓɔɔ ri a nɛɛ tipi Makidoniya, rikɔ a m vuu piti ɓɔɔ n kasɛ ɓɛɛ. N ĩ̀i nɔɔ ka yuu, nɛɛ nɔkɔ nɔɔ yi m naa ka bii kpang. N ĩi kãntang keɓe kpang, n ti ĩ̀i nɔɔ kpang dòndòng.

2 Koranti 12:13

N pàlɛ̀ zang ɓɔɔ ri dũng Laa ɓu vi, a n pàlɛ̀ nɔɔ manɛ kpang viya? Ɓi ka ɓɔɔ n kpãa nɔɔ nɛɛ nɔɔ a m vuu kpang kɔ shɛ̃ɛning. N gaa nɔɔ nɔ́ɔ kɔsɔ m vuu shi kpang kɔ n palɛ ɓee katɔ.

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

Afisa 4:28

Zang ɓɔɔ bɛ̀ɛ́ shɔngɓɔ wu yaa vuu ɓɔɔnang ta, wu gaayu shonang ɓɔɔ tɔ̃ɔ palɛnang ta nɛɛ naa ɓiɓɛ. Tɔ̀ɔ, wu walɛ vuu ɓɔɔ wu yi zang ɓɔɔ vuu ka naa ɓarɛ kpang naa ka bii.

1 Tesalonika 4:11

Nɔɔ mang ka yeti manɛ nɛɛ nɔɔ nwang manɛ kikiri, nɔɔ haarɛ nyaa kpang, nɔɔ haa nyaa ka ruu zang ɓɔɔ kpang, nɔɔ pálɛ̀ shonang nɛɛ naa manɛ naa ɓɔɔ ruu kɔɔ nɔɔ ka tĩng ɓɛɛ.

1 Tesalonika 5:14

Rɛɛ manzung ɓuru, ruu gaa nɔɔ, nɔɔ shaarɛ zang ɓɔɔ ri nwalɛ waati nyaa katɔ, nɔɔ mã zang ɓɔɔ ri yaa gn naa danggn pati nɔɔ yi zang ɓɔɔ ri lakɛ naa ka bii kpang naa ka bii, a nɔɔ ti mã danggn nɛɛ zang piti.

Yahudi 13:16

Danggn wu ti ning nɔɔ tɔ̃ɔ palɛnang nɛɛ vuu basɛnang nɛɛ zɔɔ kpang, ka ruu ɓɔɔ, Laa tãa tĩnang zɔ̃ng vuu keɓe ɓa vuu ɓɔɔ ruu dɔ̀ɔ́ wu katɔ ɓɛɛ.

Yahudi 13:3

Danggn zang ɓɔɔ zang mã ri ka sãa, wu ning nɔɔ kpang, nɔɔ nwang naa nɔɔ doo ka sãa kɔ nɛɛ ri. Danggn wu ti ning nɔɔ zang ɓɔɔ zang dang ri jĩng ɓɛɛ kpang, ka ruu ɓɔɔ, nɔɔ tá doo bii kɔ ɓɛɛ.

3 Yɔhana 1:7

Ri nwang zanti ka ruu shonang Yeesɔ palɛnang. Ri ta vuu ɓɔɔ kagn ka naa zang ɓɔɔ ri dũ̀ng Laa kpang ɓɛɛ kpang.