Zang Shonang Yeesɔ 20:33 - Nyaa Shɔɔ Ɓɔɔ Laa a Ɓɛɛ

³³ N tɔɔ kpang nɛɛ saka, kɔ fɔ̃ɔrɔ zang ɓɔɔ, wu nɛ̀ɛ́ raa ɓɔɔ mɛɛ kpang.

Zang Shonang Yeesɔ 20:33 ပူးပေါင်းရင်းမြစ်များ

1 Koranti 9:12

Naa zang ɓɔɔ ri shing danggn nɛɛ, nɔɔ a ri vuu naa manɛ katɔ, daa naa ɓɔɔ nɔɔ alɛ ruu vuu, ɓa ɓɔɔ ɓarɛ katɔ kpang ya? Ruu zi tɔ nɔngkɔ, a ruu tɔɔ gngn nɛɛ, ruu gaa nɔɔ nɛɛ nɔɔ a ruu vuu naa manɛ kpang. Ruu kasɛ tɔ ruu dang jĩng kɔ jong, ka ɓɔɔ ruu, nɛ̀ɛ́ nɔ̀ɔ́ gbalang Ruu Tɔ̃ɔ ɓɔɔ ka yuu Yeesɔ Kirisi kɔɔnang ɓɛɛ.

1 Koranti 9:15

Naa doo nɔngkɔ piti, n tɔɔ gngn nɛɛ, zang ɓɔɔ wu a m vuu ɓɔɔ kpang. Wee n bée laa keɓe, n bee wu nɛɛ nɔɔ a m vuu ɓɔɔ kpang. N vɔ katɔ gbã̀ágbãa, ka ɓɔɔ zang ɓɔɔ nɛɛ zãa m vuu ɓɔɔ n dɔɔ bii kagn ɓɛɛ.

1 Koranti 9:18

N walɛ ɓu viya? Wee n kɔɔrɔ zang Ruu Tɔ̃ɔ Laa waati ɓee, ɓi vuu ɓɔɔ n walɛ ɓɛɛ kɔ. Ka ruu nɔngkɔ, n gaa zang wu nɛɛ zang a m vuu ɓɔɔ kagn kpang.

1 Koranti 9:4

Daa naa ɓɔɔ zang a ruu vuu shaanang nɛɛ vuu ɓoonang ka ruu shonang ɓɔɔ ruu palɛ ɓɛɛ kpang ya?

2 Koranti 11:7

Wee n tɔɔ kpang nɛɛ, nɔ́ɔ shu m vuu ɓɔɔ kpang, ka ɓɔɔ n rang nɔɔ Ruu Tɔ̃ɔ Laa ɓee. Wee n tuu yuu kpang, tɔ̀ɔ, n risi nɔɔ, nɔɔ nwang zang bang kati ɓee. N palɛ vuu shi kpang ya?

2 Koranti 11:9

Ka ɓɔɔ n dòo nɛɛ nɔɔ, kɔ́pɔ̀ nɛɛ ka naa mɛɛ kpang, n kpãa zang gbete ka teteng manɛ nɛɛ wu yi m naa ka bii kpang. Manzung ɓuru ɓɔɔ ri dũng doo Laa kɔ, ɓɔɔ ri a nɛɛ tipi Makidoniya, rikɔ a m vuu piti ɓɔɔ n kasɛ ɓɛɛ. N ĩ̀i nɔɔ ka yuu, nɛɛ nɔkɔ nɔɔ yi m naa ka bii kpang. N ĩi kãntang keɓe kpang, n ti ĩ̀i nɔɔ kpang dòndòng.

2 Koranti 7:2

Nɔɔ tùsú ruu naa ɓɔɔ nɔɔ kàsɛ̀ ruu ɓɛɛ katɔ. Ruu palɛ zang ɓɔɔ kagn vuu shi kpang, kpang. Ruu shing zang ɓɔɔ lasɛ yuu ɓiɓɛ kpang, a ruu ti mulu zang ɓɔɔ kpang.

1 Tesalonika 2:5

Nɔɔ zi tɔ̃ɔ tɔ̃ɔ nɛɛ ɓɔɔ ruu a ka bii manɛ, ruu a wu nɛɛ nyaa tãa kpang. Ruu rang nɔɔ yee wu naa ɓɔɔ shingnɛ ruu walɛ vuu ɓɔɔ ruu kasɛ ɓɛɛ kpang, Laa zi yeti ɓuru tɔ.

1 Bituru 5:2

gãng jĩng ka rɛɛ zang Laa ɓɔɔ Laa a nɔɔ ri ka naa ɓɛɛ. Nɛɛ nɔ́ɔ gãng jĩng ka ri naa ɓɔɔ jagãng gãng jĩng ka mɛ̀ɛrɛ́ ɓɛɛ, vuu ɓɔɔ wu lee ri naa ka bii kpang. Nɔ́ɔ gãng jĩng wu naa zang mã nɔɔ nyaa kagn kpang, nɔɔ gãng jĩng naa vuu ɓɔɔ nɔɔ tãa tĩnang palɛnang katɔ nɛɛ yeti gbete ɓɛɛ. Wu ka ruu saka ɓɔɔ zang shu nɔɔ kɔ shɛ̃ɛning kpang, ka ruu ɓɔɔ, nɔɔ kasɛ tɔ ka yeti manɛ nɛɛ nɔɔ palɛ shonang keɓe katɔ ɓɛɛ.

3 Yɔhana 1:7

Ri nwang zanti ka ruu shonang Yeesɔ palɛnang. Ri ta vuu ɓɔɔ kagn ka naa zang ɓɔɔ ri dũ̀ng Laa kpang ɓɛɛ kpang.