Zang Shonang Yeesɔ 20:31 - Nyaa Shɔɔ Ɓɔɔ Laa a Ɓɛɛ

³¹ Nɔɔ gãng jĩng kagn, danggn wu ning nɔɔ naa ɓɔɔ ka saa taati, n yaa ɓɔɔ n mangkɛ zang ɓu kpang. N mangkɛ nɔɔ nɛɛ zĩi nɛɛ laagɛ̃ piti, nɛɛ miiri ka jĩng mɛɛ ɓɛɛ.

Zang Shonang Yeesɔ 20:31 ပူးပေါင်းရင်းမြစ်များ

Matiyu 13:25

A zang ɓɔɔ shing jĩng nɛɛ wu kpang, naa arɛ ɓaa zee lɔɔwɔ ka yeti jaa ɓiɓɛ, bɛ̀ɛ́ zang rooro katɔ, a daa kati.

Matiyu 3:7

Ɓu doo ɓɔɔ Yɔhana zi zang Farisi nɛɛ zang Saduki, ɓɔɔ ri alɛ̀ gaagaa nɛɛ wu naa pàlɛ̀ ri batizima hn ɓɛɛ, hɛ̃ɛ ri nɛɛ, “Rɛɛ pudi keɓe, ɓu wi kɔɔ nɔɔ nɛɛ nɔ́ɔ yúu jĩng dannang ɓɔ̀ɔ́ Kpanti Laa ɓɔɔ a kana naabm wiya?

Luka 21:36

Nɔɔ gãng jĩng kagn, nɔɔ gaa Laa diki diki, tɔ̀ɔ, nɔɔ walɛ kaka ɓɔɔ nɔɔ mã danggn jĩng dannang ɓɔɔ a ɓɛɛ. Tɔ̀ɔ, nɔɔ naa shii ka tĩng mɛɛ, ɓɔɔ n Jaa Shɔnzang ɓɛɛ.”

Zang Shonang Yeesɔ 19:10

Pálɛ́ nɔngkɔ, saa ziti ka ruu nɔngkɔ, zang ɓɔɔ ri ka tipi Asiya ri tãa Ruu Laa, zang Yahudi nɛɛ zang ɓɔɔ ri zang Isirela kpang ɓɛɛ nandon.

Zang Shonang Yeesɔ 19:8

Bulu daa ka yeti gãa zɔɔ kpalɛnang, kɔɔ zang Ruu Laa nɛɛ gbãng gbãng ning. Nwang nɛɛ ri ka nɔngkɔ shala taati. Làá nyaa nɛɛ zang, kasɛ nɛɛ ri ta ruu ɓɔɔ wu kɔ̀ɔ́ ri ka yuu Kpanti roonang Laa ɓɛɛ.

Zang Shonang Yeesɔ 20:11

Bulu gbãayu ka lapa a shá borodi shaayi. Rang zang yee nɔng gãntɛ nɛɛ mani a yupaa daa ɓi kati.

Zang Shonang Yeesɔ 20:19

N palɛ shonang Kpanti Laa nɛɛ miiri ka jĩng mɛɛ, n lakɛ jĩng kpang. Ka yeti jĩng dannang ɓɔɔ n dangnɛ ka ɓɔɔ zang Yahudi ri tɔ̀ng zɔɔ ka yuu mɛɛ ɓɛɛ.

Zang Shonang Yeesɔ 20:7

Ka Diki Ɔ̃sɔnang nɛɛ laarang, ruu kpalɛ zɔɔ ruu tɔɔ ruu shaa borodi, a Bulu rang zang ɓɔɔ ri kpalɛ ɓɛɛ yee, ka ruu ɓɔɔ tɔɔ nɔng nɛɛ gãntɛ tɔ, wu daa kaa tɔ ɓɛɛ. Rang ri yee sasak gãmbang zĩi a nɛɛ mani.

Zang Shonang Yeesɔ 24:17

“Saa mɛɛ bee tɔ tɔkɔlɔng n daa Urushalima kpang. Wee n nɛɛ daayi, n tɔɔ n daa a rɛɛ zang mɛɛ ɓɔɔ vuu ka naa kpang vuu ɓɔɔ zang kpalɛ, ń ti dɔɔ Laa vuu vaa.

1 Koranti 4:14

N bèé nɔɔ vuu keɓe nɛɛ, tɔ̀ɔ, yusɛ̃ɛ wu tuu nɔɔ kpang. N kasɛ nɛɛ n tusu nɔɔ m vuu kɔ jong, ka ruu ɓɔɔ, nɔɔ manɛ wujɛ mɛɛ ɓɔɔ n kasɛ ri katɔ ɓɛɛ.

Filipi 3:18

N kɔ̀ɔrɔ̀ nɔɔ rɛɛ vuu keɓe tɔ, wu doo gbete kpang. Vuu kɔ n kɔɔrɔ tɔkn nɛɛ miiri ka jĩng ɓee. N kɔɔ nɔɔ nɛɛ zang ɓɔɔ ri kagn teteng manɛ, ri nwang naa zang ɓɔɔ ri shing jĩng nɛɛ vɔrɔ ɓɔɔ Kirisi vɔ ka yuu laa ɓɛɛ kpang.

Kolosi 1:28

Ka ruu nɔngkɔ, ruu kɔɔ zang piti, ruu Yeesɔ Kirisi. Ruu shaarɛ zang piti nyaa, a ruu ti tusu ri nɛɛ zũnang ɓuru nandon, tɔ̀ɔ ruu atɛ zang ɓu ka tĩng Laa naa zang ɓɔɔ zũng danggn tɔ, ɓɔɔ ɓakɛ yuu tɔ nɛɛ Yeesɔ Kirisi ɓɛɛ.

1 Tesalonika 5:14

Rɛɛ manzung ɓuru, ruu gaa nɔɔ, nɔɔ shaarɛ zang ɓɔɔ ri nwalɛ waati nyaa katɔ, nɔɔ mã zang ɓɔɔ ri yaa gn naa danggn pati nɔɔ yi zang ɓɔɔ ri lakɛ naa ka bii kpang naa ka bii, a nɔɔ ti mã danggn nɛɛ zang piti.

2 Tesalonika 2:5

Danggn ning nɔɔ katɔ ya? Ɓɔɔ n doo nɛɛ nɔɔ, n kɔɔ nɔɔ vuu keɓe tɔ nandon.

2 Tesalonika 3:8

Diki diki naa zang yi ruu naa ka bii, ruu shu ri katɔ. Ruu palɛ shonang gbãng gbãng, ka ruu ɓɔɔ, ruu kasɛ kpang, zang ɓɔɔ wu shu ruu vuu ɓɔɔ kpang ɓɛɛ.

2 Timoti 4:5

Ɓɔɔ ɓaaɓɛ, yiti yuu ɓaaɓɛ waasɛ̃ diki diki, mɔɔ nɛɛ dang jĩng, mã danggn, palɛ ɓaa shonang ɓɔɔ mɔɔ zang ɓɔɔ kɔɔrɔ zang Ruu Tɔ̃ɔ Laa mɔɔ nɛ̀ɛ́ pálɛ̀ ɓɛɛ. Pálɛ́ shonang ɓaaɓɛ nandon naa zang shonang Laa.

Yahudi 13:17

Nɔɔ ɓaa shoo ka nyaa rɛɛ zang bang manɛ, nɔɔ palɛ vuu ɓɔɔ ri kɔɔ nɔɔ ɓɛɛ. Ka ruu ɓɔɔ, rikɔ gãng jĩng ka nɔɔ ɓɛɛ, ri ti naa kɔɔ Laa naa ɓɔɔ ri yiti nɔɔ ditɔ ɓɛɛ. Ri pálɛ́ shonang keɓe nɛɛ tĩnang tãanang, wu nɛɛ yeti lasɛnang kpang. Ka ruu ɓɔɔ, naa ri palɛ nɔngkɔ, nwàng nɔɔ vuu ɓɔɔ kpang ɓɛɛ.

Vuu ɓɔɔ zang nwangsɛ Yɔhana 16:15

A Yeesɔ kɔɔyi tɔɔ, “N naa a naa shɔngɓɔ. Tĩnang tãanang ɓi zang ɓɔɔ nwang doo paa, gãng jĩng, hãa fɔ̃ɔrɔ ɓiɓɛ ka bii ɓɛɛ. Ka ruu ɓɔɔ nɛɛ yaa bii bɔ̃bɔ̃rɔ, yusɛ̃ɛ nɛɛ tuu wu ɓɛɛ.”