Zang Shonang Yeesɔ 20:28 - Nyaa Shɔɔ Ɓɔɔ Laa a Ɓɛɛ

²⁸ Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Zang Shonang Yeesɔ 20:28 ပူးပေါင်းရင်းမြစ်များ

Matiyu 16:18

N kɔɔ mɔɔ, mɔkɔ Bituru. Dĩiri nung keɓe ɓi pɛngkɛ. N mãa gãa mɛɛ, zang ɓɔɔ ri naa shing gn ka bii mɛɛ, ka yuu pɛngkɛ keɓe kɔ. Vɔrɔ zunung ɓɔɔ wu lasɛ kpang.

Matiyu 2:6

“ ‘Bɛtalami kɔ ka tipi Yahudi ɓee, wu mɔkɔ tɔkɔlɔng ka teteng gari bang bang ɓɔɔ ri ka tipi Yahudi kpang, ka ruu ɓɔɔ Kpanti ɓɔɔ náa gãng jĩng ka zang mɛɛ Isirela naa nwang ditɔ nɛɛ yeti ɓaaɓɛ ɓɛɛ.’ ”

Maraku 13:9

Nɔɔ shing yuu manɛ tɔ̃ɔ tɔ̃ɔ, ka ruu ɓɔɔ, zang naa a nɔɔ zang ɓɔɔ ri jɛ̃ɛ ruu ditɔ ɓɛɛ. Zang naa nyɔ nɔɔ ditɔ ka gãa zɔɔ kpalɛnang zang Yahudi. Zang naa atɛ nɔɔ ditɔ ka tĩng rɛɛ gɔmna nɛɛ rɛɛ kpanti ka ruu mɛɛ, tɔ̀ɔ, nɔ́ɔ kɔɔ ri Ruu Laa kati.

Luka 12:32

“Wee nɔɔ rukutu ɓee, nɔ́ɔ kaa vɔrɔ kpang, Daa manɛ kasɛ tɔ nɛɛ nɔɔ roo kpanti nɛɛ wu ka nɔng ɓɔɔ wu naa roo kpanti ɓɛɛ.

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

Zang Shonang Yeesɔ 13:2

Diki ɓɔɔgn ri bang Laa, a ri seng nyaalaa a Suru Laa kɔɔ ri tɔɔ, “Nɔɔ zɔ̃ng m Shaawulu nɛɛ Baranaba ka ruu shonang, ɓɔɔ n ɓàa ri nyaa ɓɛɛ.”

Zang Shonang Yeesɔ 14:23

Ri nɛɛ shɛ̃ɛrɛ zang ɓɔɔ ri sɔ̀ɔ́ zang ɓɔɔ ri dũng Laa tĩng tɔ, ri seng nyaalaa, ri ti gaa ri Laa. Ri ti gaa Laa ɓɔɔ ri shing danggn ka bii ɓiɓɛ nɛɛ wu yiti rɛɛ zang ɓɔɔ ri dũng wu keɓe waasɛ̃.

Zang Shonang Yeesɔ 20:17

Bulu shong nyaa nɛɛ Miletu nɛɛ zang daa ɓàa wu nyaa ka rɛɛ zang bang zang ɓɔɔ ri dũng Laa ka Afisa ɓɛɛ.

Zang Shonang Yeesɔ 20:29

N zi tɔ, n nɛɛ daa tɔ, zang ɓɔɔ ri tusu zang vuu, ɓɔɔ ri nwang naa zaa wisi ɓɔɔ shaa varɛ dɔɔli ɓɛɛ, ri naa a ditɔ ka teteng manɛ. Gn manɛ kɔng ri kpang.

Rooma 16:16

Nɔɔ jèe zɔɔ nyaa, nɔɔ kɔ̃ng zɔɔ katɔ, naa ɓɔɔ zang ɓɔɔ ri dũng Kirisi ri palɛ ɓɛɛ. Zang ɓɔɔ ri dũng doo Kirisi kɔ nɛɛ nɔng piti piti ri jée nɔɔ nyaa.

1 Koranti 1:2

Ruu bèé zang ɓɔɔ ri dũng Laa, ɓɔɔ ri ka Koranti ɓɔɔ nɔɔ shing danggn tɔ ka bii Yeesɔ Kirisi ɓɛɛ. Laa zɔ̃ngkɔ nɔɔ nɛɛ nɔ́ɔ nwang zang ɓiɓɛ nɛɛ tɔɔ, nɔ́ɔ arɛ nɔ́ɔ nwang naa zang piti ɓɔɔ ri a nɛɛ dalɛ koo piti ɓɔɔ ri ɓaarɛ nung Kpanti ɓuru Yeesɔ Kirisi, ɓɔɔ wukɔ Kpanti ɓuru nɛɛ ri ɓɛɛ.

1 Koranti 10:32

Palɛ waasɛ̃, mɔɔ pálɛ̀ vuu ɓɔɔ lasɛ zang ɓɔɔ yeti kpang, naa zang keɓe ri doo zang Yahudi, naa doo zang ɓɔɔ ri dũ̀ng Laa kpang, naa doo zang ɓɔɔ ri dũng Laa ɓɛɛ.

1 Koranti 11:22

Ayii! Gãa manɛ kagn ɓɔɔ naa nɔɔ shaa vuu, nɔɔ ti ɓoo vuu ɓoonang kagn ɓɛɛ kpang ya? Nɔɔ seng zang Laa kpang ka ruu viya? A nɔɔ ti palɛ zang ɓɔɔ vuu ka naa ɓarɛ kpang vuu yusɛ̃ɛ wiya? N kɔ̀ɔ́ nɔɔ ɓu kaa nɛɛ viya? Nɔɔ shing ɓu ka yeti manɛ nɛɛ n dɔ̀ɔ́ nɔɔ katɔ ka ɓɔɔ nɔɔ palɛ naa weɓe ya? Kpang. N dɔ̀ɔ nɔɔ kpang tingkiring.

1 Koranti 15:9

Ka teteng zang shonang Yeesɔ nandon, nkɔ waa nyaa knti tingkiring. N daa naa ɓɔɔ zang ɓaa m nɛɛ zang shonang Yeesɔ kpang, ka ruu ɓɔɔ, ka ting, n dang zang ɓɔɔ ri dũng Laa jĩng ɓɛɛ.

1 Koranti 6:20

Ka ruu ɓɔɔ, hoo nɔɔ nɛɛ zĩi Yeesɔ Kirisi ɓɛɛ. Ka ruu nɔngkɔ, nɔɔ a Laa bannang nɛɛ bii manɛ.

Galati 1:13

Zang kɔɔ nɔɔ naa ɓɔɔ n nwáng ka tĩng bɛ̀ɛ́ n dũng doo gbalang zang Yahudi nɛɛ yeti gbete ɓɛɛ tɔ. Naa ɓɔɔ n dang zang ɓɔɔ ri dũng gbalang Kirisi jĩng, gn ɓarɛ kɔng m kpang ɓɛɛ tɔ. N pálɛ́ vuu ɓɔɔ n zũnung katɔ nandon, n tɔɔ n ningsi ri dɔ̃ɔ gbete.

Afisa 1:14

Suru Laa keɓe kɔ pálɛ̀, Laa á nɔɔ vuu ɓɔɔ Laa a nyaa nɛɛ wu a zang ɓiɓɛ ɓɛɛ. Wukɔ shing zang ɓɔɔ ri ɓarɛ zang Laa ri wɔrɛ dɔ̃ɔ gbete, tɔɔ zang ri dɔɔ bannang Laa kati.

Afisa 1:7

Vɔrɔ Yeesɔ kɔ shingnɛ, Laa ta yuu ɓuru, a yaa ruu gbalang vuu shi kpang ɓuru. Ruu zi ka wukɔ nɛɛ tɔ̃ɔ Laa bang ɓi dɔɔli.

Afisa 4:11

Wukɔ alɛ shɔnzang vuu Suru. Zɔ̃̀ng zang ɓɔɔ nɛɛ ri nwang zang shonang ɓiɓɛ. Zang ɓɔɔ nɛɛ ri nwang zang nyaa shonang Laa. Zang ɓɔɔ nɛɛ ri nwang ɓarɛ zang ɓɔɔ ri rakɛ, ri kɔɔrɔ zang Ruu Laa ɓɛɛ. A shing zang ɓɔɔ nɛɛ ri ɓarɛ kaa zang ɓɔɔ ri gãng jĩng ka zang Laa ɓɛɛ. A zang ɓɔɔ nɛɛ ri ɓarɛ zang ɓɔɔ ri tusu zang vuu ɓɛɛ.

Filipi 1:1

Labeenang keɓe nɛɛ bii mɛɛ Bulu nɛɛ Timoti, ɓɔɔ ruu jaafoo Yeesɔ Kirisi ɓɛɛ. Ruu bèé nɔɔ, zang Laa nandon, ɓɔɔ nɔɔ shing danggn tɔ ka bii Yeesɔ Kirisi, ɓɔɔ nɔɔ ka gari Filipi ɓɛɛ. A ɓɔɔ nɔkɔ zang bang bang nɛɛ zang ɓɔɔ ri palɛ shonang ka ruu zang Laa ɓɛɛ.

Kolosi 1:14

Jaa ɓɔɔ zang ta yuu ɓuru nɛɛ bii ɓiɓɛ, a zang yàa ruu gbalang vuu shi kpang ɓɔɔ rùu palɛ ɓɛɛ.

Kolosi 4:17

Nɔ́ɔ ti kɔɔ Akipu nɛɛ, “Shing jĩng, mɔɔ hangsɛ shonang ɓɔɔ mɔɔ ta ka bii Kpanti Yeesɔ katɔ.”

1 Timoti 3:1

Ruu keɓe niizang kɔ nwani, zang ɓɔɔ nɛɛ kasɛ nɛɛ wu nwang zang bang zang ɓɔɔ ri dũng Laa, kasɛ ɓi shonang ɓɔɔ tɔ̃ɔ kɔ.

1 Timoti 3:2

Zang bang zang ɓɔɔ ri dũng Laa, wu nwang ɓi zang ɓɔɔ shi kpang kagn bii ɓiɓɛ kpang ɓɛɛ, wu gee soro gbete kɔ nwani. Wu zang ɓɔɔ yeti ɓiɓɛ lasɛ pati kpang, zang ɓɔɔ yiti yuu ɓiɓɛ waasɛ̃ ɓɛɛ. Zang ɓɔɔ zang seng wu katɔ ɓɛɛ. Zang ɓɔɔ ta zang zanti ka gãa ɓiɓɛ waasɛ̃ ɓɛɛ, ti zunung naa ɓɔɔ wu tusu zang vuu katɔ.

1 Timoti 3:5

Ka ruu ɓɔɔ, naa zang ɓɔɔ zunung ɓɔɔ wu yiti zang ka gãa ɓiɓɛ kpang, palɛ biya, wu yiti zang ɓɔɔ ri dũng Laa viya?

1 Timoti 4:14

Palɛ shonang nɛɛ vuu ɓɔɔ Suru Laa a mɔɔ ɓɛɛ, mɔɔ yaa kpang. Ɓɔɔ wu a mɔɔ ka ɓɔɔ zang nyaa shonang ri rang yee, a zang bang Gãa Laa ri shìng mɔɔ naa ka yuu ɓɛɛ.

1 Timoti 4:16

Gãng jĩng ka yuu ɓaaɓɛ, mɔɔ ti gãng jĩng, ka vuu ɓɔɔ, mɔɔ tusu ɓɛɛ. Palɛ rɛɛ vuu keɓe diki diki. Ka ruu ɓɔɔ, mɔɔ nɛɛ palɛ tɔ, mɔɔ ta yuu ɓaaɓɛ nɛɛ ɓɔɔ zang ɓɔɔ ri tãa vuu ɓɔɔ mɔɔ kɔɔ ɓɛɛ katɔ ɓɛɛ.

1 Timoti 5:17

Zang bang ɓɔɔ ri gãng jĩng ka zang ɓɔɔ ri dũng Laa ɓɛɛ. Ri nɛɛ palɛ shonang tɔ̃ɔ, zang shu ri saka tìng ziti. Zang ɓɔɔ shonang ɓarɛ ɓi Ruu Laa kɔɔrɔnang nɛɛ vuu tusunang, zang wu shu rikɔ nɔngkɔ gbãng gbãng.

Titu 1:7

Ka ruu ɓɔɔ, zang bang Gãa Laa gãng jĩng ɓi ka shonang Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Wu tuu yuu kpang, wu ti ta yeti gbãngko kpang. Wu zang ɓɔɔ sàa si wu kpang, wu zang ɓɔɔ laa nyaa kpang. Wu ti zang ɓɔɔ shing jĩng ka saka kãanang ɓɛɛ kpang, a wu ti zang ɓɔɔ shaa varɛ dɔɔli kpang.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 12:15

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ wàlɛ̀ tɔ̃ɔ Laa kpang, a zang ɓɔɔ nɛ̀ɛ́ ta yeti ɓɔɔ la katɔ ɓɛɛ, ɓɔɔ shingnɛ, nyaa haanang seepaa, ɓɔɔ lasɛ zang dɔɔli ɓɛɛ.

Yahudi 13:17

Nɔɔ ɓaa shoo ka nyaa rɛɛ zang bang manɛ, nɔɔ palɛ vuu ɓɔɔ ri kɔɔ nɔɔ ɓɛɛ. Ka ruu ɓɔɔ, rikɔ gãng jĩng ka nɔɔ ɓɛɛ, ri ti naa kɔɔ Laa naa ɓɔɔ ri yiti nɔɔ ditɔ ɓɛɛ. Ri pálɛ́ shonang keɓe nɛɛ tĩnang tãanang, wu nɛɛ yeti lasɛnang kpang. Ka ruu ɓɔɔ, naa ri palɛ nɔngkɔ, nwàng nɔɔ vuu ɓɔɔ kpang ɓɛɛ.

1 Bituru 2:25

Ɓeleng nɔɔ nwang manɛ naa mɛ̀ɛrɛ́ ɓɔɔ ning katɔ ɓɛɛ, kãntang keɓe, nɔɔ gbãayu tɔ, nɔɔ dũng kaa zang ɓɔɔ gã nɔɔ, kasɛ kpang nɛɛ vuu ɓɔɔ wu lee nɔɔ naa ka bii kpang.

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

1 Yɔhana 1:7

Ruu nɛɛ nwang ka nɔng ɓɔɔ yakɛ katɔ naa wukɔ, ruu nwang katɔ nyaa zɔɔ tɔ̃ɔ tɔ̃ɔ. Zĩi Jaa ɓiɓɛ Yeesɔ sɔɔ ruu vuu shi kpang ɓuru katɔ nandon.

Vuu ɓɔɔ zang nwangsɛ Yɔhana 5:9

Ri gaa soo shɔɔ, ri kɔɔyi nɛɛ, “Mɔɔ daa naa tɔ, mɔɔ ta labeenang kaɓa, mɔɔ ti tãlɛ lang ɓɔɔ zang ɓang nɛɛ mani ɓɛɛ. Ka ruu ɓɔɔ, zang nyɔ mɔɔ vɔrɔ ka tĩng, a mɔɔ ta Laa yuu zang dɔɔli nɛɛ zĩi ɓaaɓɛ ɓɛɛ. Zang ɓɔɔ mɔɔ ta yuu ɓarɛ keɓe, ri nwangnɛ zɔ̃ng zang piti ka koo keɓe, nɛɛ nyaa ɓɔɔ ka koo piti, ri nwangnɛ tipi piti, a ɓɔɔ nɛɛ tipi rɛɛ kpanti ka bm bm.