Zang Shonang Yeesɔ 20:21 - Nyaa Shɔɔ Ɓɔɔ Laa a Ɓɛɛ

²¹ N shaarɛ rɛɛ zang Yahudi nɛɛ zang ɓɔɔ ri zang Isirela kpang nyaa nandon, n tɔɔ ri yaa vuu shi kpang ɓɔɔ ri palɛ ɓɛɛ. Ri kɔ̃sɔ yeti ɓarɛ, ri a ka bii Laa. Ri shing danggn kaa bii Kpanti ɓuru Yeesɔ.

Zang Shonang Yeesɔ 20:21 ပူးပေါင်းရင်းမြစ်များ

Matiyu 3:2

Kɔɔ zang tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, kpanti roonang Laa a naabm tɔ ɓɛɛ.”

Matiyu 4:17

A Yeesɔ gaa tɔɔsung yee Laa rannang ka diki kaɓa kɔ. Kɔɔyi tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, diki ɓɔɔ Laa roo kpanti kagn a naabm tɔ ɓɛɛ.”

Maraku 1:15

“Diki a tɔ, diki ɓɔɔ Laa roo Kpanti yaa kaa naabm. Nɔɔ kɔ̃sɔ yeti manɛ ta, nɔ́ɔ shing danggn ka Ruu Tɔ̃ɔ Laa.”

Maraku 6:12

A ri daa rang zang yee Laa kati. Ri kɔɔ zang tɔ́ɔ, zang ri yaa vuu shi kpang ɓarɛ ta, ri kɔ̃sɔ yeti ɓarɛ.

Luka 13:3

N kɔ̀ɔ́ nɔɔ, wu nɔngkɔ kpang, naa nɔɔ kɔ̃sɔ yeti, nɔɔ yaa vuu shi kpang manɛ kpang, nɔɔ naa vɔ̀lɔ́ doo nɔngkɔ nandon.

Luka 13:5

N kɔ̀ɔ́ nɔɔ, wu nɔngkɔ kpang, naa nɔɔ kɔ̃sɔ yeti, nɔɔ yaa vuu shi kpang manɛ kpang nɔɔ naa vɔlɔ doo nɔngkɔ nandon.”

Luka 15:10

A Yeesɔ naa hangsɛ nyaa kaa tɔɔ, ‘Zang nyaa shonang Laa ɓɔɔ ri ka lapa, ri tãa tĩnang doo nɔngkɔ, ka ruu zang gbete ɓɔɔ palɛ vuu shi kpang, ɓɔɔ yaa vuu shi kpang ɓiɓɛ a kɔ̃sɔ yeti ɓiɓɛ ɓɛɛ.’ ”

Luka 15:7

A Yeesɔ hangsɛ nyaa tɔɔ, ‘Zang Laa ɓɔɔ ka lapa tã̀á tĩnang doo nɔngkɔ, ka ruu zang gbete ɓɔɔ palɛ vuu shi kpang ɓɔɔ yaa vuu shi kpang ɓiɓɛ, a kɔ̃sɔ yeti ɓiɓɛ ɓɛɛ. Tĩnang tãanang kaɓa, ɓa ɓɔɔ zang tãa ka ruu zang laa dɛ̃ɛti tu kopi tu mandɛ̃ɛti ɓɔɔ ri tɔɔ ri palɛ vuu shi kpang ɓarɛ kpang ɓɛɛ katɔ.’

Luka 16:28

Jaa nàá mɛɛ zang varɛ kagn maani, wu daa shaarɛ ri nyaa, ka ruu ɓɔɔ, ri nɛ̀ɛ́ a jong ka nɔng jĩng dannang keɓe ɓɛɛ.’

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Yɔhana 20:31

Zang bee weɓe, nɛɛ tɔ̀ɔ, nɔɔ shing danggn kati, nɛɛ Yeesɔ kɔ Kirisi, Jaa Laa. Nɔɔ nɛɛ shing danggn tɔ ka bii ɓiɓɛ, nɔ́ɔ walɛ suru bii kati.

Yɔhana 3:36

Zang ɓɔɔ nɛɛ shing danggn ka bii Jaa, wàlɛ̀ Suru bii ɓɔɔ waa nyaa kpang tɔ. Zang ɓɔɔ nɛɛ bɛ̃ɛ Jaa wàlɛ̀ suru bii ɓɔɔ waa nyaa kpang ɓi kpang. Jĩng dannang kagn yuu ɓiɓɛ ning.

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Zang Shonang Yeesɔ 11:18

Ka ɓɔɔ ri tãa vuu keɓe, ri rangkɛ rɛɛ Bituru takpang, ri dɔɔ kaa Laa, ri kɔɔyi nɛɛ, “Nɛɛ nɔngkɔ, Laa a rɛɛ zang ɓɔɔ ri zang Isirela kpang gbalang tɔ jong nɛɛ ri kɔ̃sɔ yeti ɓarɛ, tɔ̀ɔ, ri vɔ kaa takpang.”

Zang Shonang Yeesɔ 16:31

Ri kasɛ wu nyaa tɔɔ, “Shing danggn ka bìí Kpanti Yeesɔ, mɔɔ ta yuu ɓaaɓɛ katɔ. Mɔɔ nɛɛ zang ɓɔɔ ri ka gãa ɓaaɓɛ nandon.”

Zang Shonang Yeesɔ 17:30

Rɛɛ sáa ɓɔɔ bɛ̀ɛ́ nɔɔ zi vuu ɓɔɔ kagn kpang, Laa gã̀ ɓi takpang. Ɓɔɔ kãntang keɓe, Laa dang zang nyaa ka niya nandon, nɛɛ ri kɔ̃sɔ yeti ɓarɛ.

Zang Shonang Yeesɔ 19:17

Zang ɓɔɔ ri ka Afisa, rɛɛ zang Yahudi nɛɛ zang ɓɔɔ ri zang Isirela kpang, ri tãa vuu keɓe katɔ nandon. Zang ri ti kaa vɔrɔ nandon, a zang dɔɔ nung Kpanti Yeesɔ kati.

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 2:40

Bituru rangkɛ ri ruu ɓɔɔ kaa gn dɔɔli, a shaarɛ ri nyaa kati tɔɔ, “Nɔɔ ta yuu manɛ katɔ nɛɛ naa jĩng ɓɔɔ zang naa dǎng zang ɓɔɔ yeti ɓarɛ shi kpang ɓɛɛ.”

Zang Shonang Yeesɔ 20:23

Suru Laa shaarɛ m nyaa ka gari ɓɔɔ n daa kagn piti, nɛɛ zang daa mã m ka sãa, zang ti dang m jĩng.

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Zang Shonang Yeesɔ 24:24

Diki bee tɔ tɔkɔlɔng Filiku a nɛɛ ɓeeso Durusila ɓɔɔ ɓi zang Yahudi ɓɛɛ. A shong nyaa nɛɛ zang atɛ Bulu, a ri ɓaa shoo ri tãa naa ɓɔɔ Bulu kɔɔ ri ruu, ka ruu danggn shinnang ka bii Kirisi Yeesɔ.

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Zang Shonang Yeesɔ 26:20

Ɓɔɔ tĩng shɔɔnang n kɔɔ zang Ruu Laa ka Damasiku, a n ti daa kɔɔ ka Urushalima, a n ti riki tipi Yahudi nandon. N ti kɔɔ rɛɛ zang ɓɔɔ ri zang Isirela kpang jong n tɔɔ ri yaa vuu shi kpang ɓɔɔ ri palɛ ɓɛɛ, ri a ka bii Laa. Ri ti pálɛ́ vuu ɓɔɔ zang zi kagn nɛɛ ri yaa vuu shi kpang ɓɔɔ ri palɛ ɓɛɛ tɔ ɓɛɛ.

Zang Shonang Yeesɔ 28:23

Ka ruu nɔngkɔ, ri kà zɔɔ diki nɛɛ Bulu. Ɓɔɔ diki ɓɔɔ ri ka zɔɔ naa arɛ zang dɔɔli ri kpalɛ zɔɔ ka nɔng ɓɔɔ Bulu nwàng kagn ɓɛɛ. Bulu nwangsɛ ri dĩiri ruu a ti kɔɔ ri ruu ka yuu Kpanti roonang Laa nɛɛ gãndi sasak nɔng tɔɔ nɛɛ mani. Kasɛ nɛɛ ri ta ruu ɓɔɔ wu kɔɔ ri ka yuu Yeesɔ ɓɛɛ, ka ruu nɔngkɔ, rang ri yee ka yuu ɓiɓɛ ka yeti labeenang Musa nɛɛ ɓɔɔ rɛɛ zang nyaa shonang Laa.

Zang Shonang Yeesɔ 3:19

Ka ruu nɔngkɔ, nɔɔ kɔ̃sɔ yeti manɛ ta, nɔɔ gbãayu kaa bii Laa, tɔ̀ɔ, wu yaa nɔɔ gbalang vuu shi kpang manɛ kati.

Zang Shonang Yeesɔ 8:25

Bituru nɛɛ Yɔhana ri kɔɔrɔ vuu ɓɔɔ Laa palɛ, a ri ti rang zang Ruu Laa tɔ, ri gbãayu ri daa Urushalima kati. Ri kɔɔrɔ zang Ruu Laa ka rɛɛ gari Samariya ka gbalang ɓɔɔ ri daa ɓɛɛ.

Rooma 1:14

N m zang ɓɔɔ pàlɛ́ zang piti shonang ɓɛɛ, zang Heleni nɛɛ zang ɓɔɔ ri zang Heleni kpang ɓɛɛ, zang ɓɔɔ ri bèe laa katɔ nɛɛ zang ɓɔɔ ri bèe laa kpang ɓɛɛ.

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

Rooma 10:9

Naa mɔɔ kɔɔ nɛɛ nyaa ɓaaɓɛ nɛɛ, “Yeesɔ kɔ Kpanti,” a mɔɔ ti shing danggn nɛɛ Laa wisi wu paa nɛɛ sàa. Laa ta yuu ɓaaɓɛ katɔ.

Rooma 2:4

Mɔɔ rɛ̃̀rɛ̀ waasɛ̃ ka yuu Laa kpang, ka ruu ɓɔɔ, palɛ mɔɔ tɔ̃ɔ dɔɔli, a dang mɔɔ jĩng tantɛnang kpang, a ti mã danggn nɛɛ mɔɔ dɔɔli ɓɛɛ ya? Laa pàlɛ́ mɔɔ tɔ̃ɔ, nɛɛ tɔ̀ɔ mɔɔ kɔ̃sɔ yeti ɓaaɓɛ kati.

Rooma 4:24

Zang bee kaa ruu ɓuru jong. Ɓɔɔ Laa naa ta rùu nɛɛ rùu zang tɔ̃ɔ ka tĩng ɓiɓɛ ɓɛɛ. Ɓɔɔ rùu shing danggn ka bii Laa, ɓɔɔ wisi Kpanti ɓuru Yeesɔ paa nɛɛ saa ɓɛɛ.

Rooma 5:1

Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

1 Koranti 1:22

Zang Yahudi ri kasɛ nɛɛ ri zi ɓarɛ, vuu ɓɔɔ zang zirɛ zang mã naa ka danggn ɓɛɛ, tɔ̀ɔ, ri zi kaa gn nɛɛ ruu keɓe niizang. Zang Heleni ri ti kasɛ ɓarɛ zũnang.

2 Koranti 7:10

Ka ruu ɓɔɔ, yeti lasɛnang ɓɔɔ ɓi ka naa ɓɔɔ Laa kasɛ, shing zang, zang gbãayu ka bìí Laa, tɔ̀ɔ, Laa wu ta yuu zang kati. Zang ɓɔɔ lasɛ yeti kagn ka yuu vuu keɓe kpang. A yeti lasɛnang ɓɔɔ ɓi shɔnzang shingnɛ waati, shingnɛ zang vɔ vɔrɔ suru.

Galati 2:16

Naa dòo nɔngkɔ, ruu zi ɓuru tɔ nɛɛ shɔnzang nwáng zang tɔ̃ɔ ka tĩng Laa ka ruu danggn ɓɔɔ wu shing ka bii Yeesɔ Kirisi kɔ shɛ̃ɛning, wu ka ruu ɓɔɔ zang keɓe palɛ vuu ɓɔɔ nyaa dannang kasɛ ɓɛɛ kpang. Ruu shing danggn tɔ jong ka bii Yeesɔ Kirisi, tɔ̀ɔ, ruu nwang zang tɔ̃ɔ ka tĩng Laa nɛɛ bii danggn ɓɔɔ ruu shing ka bii Kirisi ɓɛɛ. Wu ka ruu ɓɔɔ, ruu palɛ vuu ɓɔɔ nyaa dannang kasɛ ɓɛɛ kpang. Ka ruu ɓɔɔ, zang nwàng zang tɔ̃ɔ ɓi jong ka tĩng Laa, ka ɓɔɔ zang palɛ vuu ɓɔɔ nyaa dannang kasɛ ɓɛɛ kpang.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Galati 3:22

A zang bee ɓi tɔ, ka labeenang Laa nɛɛ, shɔnzang ɓɔɔ ka koo nandon, ri nwàng ɓarɛ naa ɓɔɔ vuu shi kpang mã ri ka sãa ɓɛɛ. Tɔɔ vuu ɓɔɔ Laa a nyaa ka yuu ɓiɓɛ ka doo danggn shinnang ka bii Yeesɔ Kirisi wu raa ɓɔ̀ɔ́ zang ɓɔɔ ri shing danggn tɔ kati.

Afisa 1:15

Ka ruu keɓe kɔ, ɓu doo ɓɔɔ n tãa nyaa danggn ɓɔɔ nɔɔ shing ka bii Kpanti Yeesɔ, nɛɛ naa ɓɔɔ nɔɔ kasɛ zang Laa nandon ɓɛɛ,

Kolosi 2:5

Ka ruu ɓɔɔ, naa wee n nɛɛ nɔɔ kpang ɓee, n nɛɛ nɔɔ ka suru. N tãa tĩnang ka ɓɔɔ n zi naa ɓɔɔ nɔɔ palɛ vuu teetee, a nɔɔ ti shii gbãng gbãng ka danggn ɓɔɔ nɔɔ shing ka bìí Kirisi ɓɛɛ.

Filimon 1:5

Ka ruu ɓɔɔ, n tãa nyaa danggn ɓɔɔ mɔɔ shing ka bii Kpanti ɓuru Yeesɔ Kirisi, a ɓɔɔ ti naa ɓɔɔ mɔɔ kàsɛ̀ rɛɛ zang Laa ɓɛɛ.

1 Yɔhana 5:1

Zang ɓɔɔ nɛɛ kasɛ tɔɔ nɛɛ Yeesɔ wukɔ Kirisi ɓi jaa Laa. Zang ɓɔɔ nɛɛ kasɛ Daa jaa, kàsɛ́ jaa ɓi dòo katɔ kɔ.

1 Yɔhana 5:5

Ɓu wi ɓa yuu vuu ɓɔɔ nwãarɛ zang ka koo keɓe yuu wiya? Zang ɓɔɔ shing danggn nɛɛ Yeesɔ Jaa Laa ɓɛɛ.