Zang Shonang Yeesɔ 20:2 - Nyaa Shɔɔ Ɓɔɔ Laa a Ɓɛɛ

² Riki tipi keɓe, mã ri danggn tɔ gbãng gbãng, a yaa ri daa kaa gari Heleni.

Zang Shonang Yeesɔ 20:2 ပူးပေါင်းရင်းမြစ်များ

Luka 3:18

Yɔhana tùsù zang vuu ɓɔɔ naa weɓe dɔɔli. A ti rang ri yee tɔ̃ɔ Laa.

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Zang Shonang Yeesɔ 15:41

Bulu daa ka Siriya nɛɛ Silisiya ri mã zang ɓɔɔ ri dũng Laa danggn.

Zang Shonang Yeesɔ 16:12

Ruu yupaa nɛɛ nihn, ruu daa kaa Filipi ɓɔɔ wukɔ gari bang ka tipi Makidoniya ɓɛɛ. Gari keɓe, ɓi gari zang Rooma. Ruu nwang ka gari keɓe, diki bee ruu katɔ tɔkɔlɔng.

Zang Shonang Yeesɔ 17:1

Bulu nɛɛ Siila ri sɔɔ nɛɛ rɛɛ gari Amfipoli nɛɛ Apoloniya, ri a ka Tesalonika, nɔng ɓɔɔ gãa zɔɔ kpalɛnang zang Yahudi kagn ɓɛɛ.

Zang Shonang Yeesɔ 17:10

Ɓɔɔ nɔng tɔ̀ɔ hn, zang ɓɔɔ ri dũng Laa, ri tantɛ Bulu nɛɛ Siila shinnang nɛɛ ri dita gari Beriya. Ɓɔɔ ri shɛ̃ɛ nɔng, ri daa ka nɔng zɔɔ kpalɛnang zang Yahudi.

Zang Shonang Yeesɔ 2:40

Bituru rangkɛ ri ruu ɓɔɔ kaa gn dɔɔli, a shaarɛ ri nyaa kati tɔɔ, “Nɔɔ ta yuu manɛ katɔ nɛɛ naa jĩng ɓɔɔ zang naa dǎng zang ɓɔɔ yeti ɓarɛ shi kpang ɓɛɛ.”

Zang Shonang Yeesɔ 20:1

Nyaa ɓɔɔ zang haa ɓɛɛ naa kaa tɔ, a Bulu shong nyaa ka rɛɛ zang ɓɔɔ ri dũng Laa nɛɛ ri arɛ. Mã ri danggn, a jee ri nyaa nɛɛ wu daa kaa tɔ. A yaa ri, daa kaa tipi Makidoniya.

Zang Shonang Yeesɔ 20:11

Bulu gbãayu ka lapa a shá borodi shaayi. Rang zang yee nɔng gãntɛ nɛɛ mani a yupaa daa ɓi kati.

Zang Shonang Yeesɔ 20:3

Nwang ka Heleni shala taati. Bɛ̀ɛ́ kpalɛ bii kana nɛɛ wu vang laana wu daa kaa tipi Siriya a zirɛ zang Yahudi ri tɔ̀ng zɔɔ tɔ, ka yuu ɓiɓɛ. A mang ka yeti ɓiɓɛ, nɛɛ wu sɔɔ kaa nɛɛ tipi Makidoniya wu gbãayu.

1 Koranti 4:19

Laa nɛɛ kasɛ nyaa tɔ, diki bee kpang, n a ditɔ ka nɔng manɛ. N naa zi kati nɛɛ jĩng mɛɛ, vuu ɓɔɔ zang ɓɔɔ ri lakɛ jĩng keɓe, ri nɛɛ ri zunung palɛnang tɔ ɓɛɛ. Wu vuu ɓɔɔ ri kɔɔ nɛɛ nyaa kɔ shɛ̃ɛning ɓɛɛ kpang.

Kolosi 1:28

Ka ruu nɔngkɔ, ruu kɔɔ zang piti, ruu Yeesɔ Kirisi. Ruu shaarɛ zang piti nyaa, a ruu ti tusu ri nɛɛ zũnang ɓuru nandon, tɔ̀ɔ ruu atɛ zang ɓu ka tĩng Laa naa zang ɓɔɔ zũng danggn tɔ, ɓɔɔ ɓakɛ yuu tɔ nɛɛ Yeesɔ Kirisi ɓɛɛ.

1 Tesalonika 2:11

Nɔɔ zi tɔ ruu palɛ zang ɓu ka teteng manɛ naa ɓɔɔ dáa palɛ wujɛ ɓiɓɛ ɓɛɛ.

1 Tesalonika 2:3

Ka ɓɔɔ ruu kãa gbalang nɛɛ nɔɔ ta Ruu Tɔ̃ɔ Laa, ruu sùu nɔɔ sèé kpang. Ruu mang vuu shi kpang kagn yeti ɓuru ka yuu manɛ kpang. Ruu ti tɔɔ kpang nɛɛ ruu nwãarɛ zang ɓɔɔ kpang.

1 Tesalonika 4:1

Ka ruu nɔngkɔ, rɛɛ manzung, n gisi nɔɔ ruu nɛɛ, nɔɔ kpɛ̃ɛrɛ naa ɓɔɔ nɔɔ nwang nɛɛ Laa wu tãa tĩnang manɛ tɔ ka bii ɓuru, a nɔɔ ti nwang kana nɔngkɔ kãntang. A ruu gaa nɔɔ nɛɛ nung Kpanti Yeesɔ Kirisi nɛɛ nɔɔ nɛɛ nwang nɔngkɔ sasak.