Zang Shonang Yeesɔ 20:19 - Nyaa Shɔɔ Ɓɔɔ Laa a Ɓɛɛ

¹⁹ N palɛ shonang Kpanti Laa nɛɛ miiri ka jĩng mɛɛ, n lakɛ jĩng kpang. Ka yeti jĩng dannang ɓɔɔ n dangnɛ ka ɓɔɔ zang Yahudi ri tɔ̀ng zɔɔ ka yuu mɛɛ ɓɛɛ.

Zang Shonang Yeesɔ 20:19 ပူးပေါင်းရင်းမြစ်များ

Luka 19:41

Yeesɔ a tɔ, yaa Urushalima kaa naabm, naa zi gari, a wɔsɔ miiri.

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Zang Shonang Yeesɔ 17:13

Zang Yahudi ɓɔɔ ka Tesalonika ri tãa nyaa nɛɛ Bulu nɛɛ Siila ri kɔɔ zang ruu tɔ jong ka Beriya, a ri daayi ri daa zàrɛ̀ zang nɛɛ zang ri haa nyaa.

Zang Shonang Yeesɔ 17:5

Zang Yahudi ɓɔɔ ri shing danggn kpang, ri kaa sũnyaa, a ri gaarɛ zang shi kpang ɓɔɔ ri rakɛ kɛɛm kɛɛm ɓɛɛ. Ri gaayu nyaa haanang ka gari, ri daa ka gãa yɔɔ ɓɔɔgn zang ɓaa wu nɛɛ Jaasong, ka nɔng ɓɔɔ ri kãa rɛɛ Bulu nɛɛ Siila nɛɛ ri nwàngsɛ́ ri zang ka biling ɓɛɛ.

Zang Shonang Yeesɔ 20:3

Nwang ka Heleni shala taati. Bɛ̀ɛ́ kpalɛ bii kana nɛɛ wu vang laana wu daa kaa tipi Siriya a zirɛ zang Yahudi ri tɔ̀ng zɔɔ tɔ, ka yuu ɓiɓɛ. A mang ka yeti ɓiɓɛ, nɛɛ wu sɔɔ kaa nɛɛ tipi Makidoniya wu gbãayu.

Zang Shonang Yeesɔ 20:31

Nɔɔ gãng jĩng kagn, danggn wu ning nɔɔ naa ɓɔɔ ka saa taati, n yaa ɓɔɔ n mangkɛ zang ɓu kpang. N mangkɛ nɔɔ nɛɛ zĩi nɛɛ laagɛ̃ piti, nɛɛ miiri ka jĩng mɛɛ ɓɛɛ.

Zang Shonang Yeesɔ 21:27

Diki manziti bìí yaa ka tɔkɔlɔng waa nyaa kaa tɔ, a zang Yahudi tipi Asiya, ri zi Bulu ka yeti Gãa Laa. Ri zàrɛ̀ zang ɓɔɔ ri kpalɛ ɓɛɛ nandon, a ri yi wu.

Zang Shonang Yeesɔ 27:23

Ka ruu ɓɔɔ, ka ɓɔɔrɔ nɛɛ zĩi, zang nyaa shonang Laa ɓɔɔ ka lapa nɛɛ a ka bii mɛɛ. Laa ɓɔɔ n zang ɓiɓɛ, a n ti bang wu ɓɛɛ.

Rooma 1:1

Labeenang keɓe, a nɛɛ bii mɛɛ nkɔ Bulu ɓɔɔ n jaafoo Yeesɔ Kirisi ɓɛɛ. A n ti zang shonang ɓɔɔ Yeesɔ zɔ̃ng m, a shing m nɛɛ, n kɔ̀ɔrɔ̀ zang Ruu Tɔ̃ɔ Laa ɓɛɛ.

Rooma 1:9

Laa ɓɔɔ n pàlɛ́ wu shonang, nɛɛ suru mɛɛ ka ɓɔɔ n kɔɔrɔ zang Ruu Tɔ̃ɔ Jaa ɓiɓɛ, zi tɔ nɛɛ n gaa wu ka ruu manɛ, n yaa diki kpang.

Rooma 12:11

Nɔɔ pálɛ́ shonang nɛɛ kaka, nɔɔ si rang kpang. Nɔɔ pàlɛ́ Laa shonang nɛɛ yeti gbete.

2 Koranti 2:4

Ɓɔɔ n bèe nɔɔ labeenang kaɓa, vuu kpãa m ka yeti dɔɔli, a yeti mɛɛ ti lasɛ katɔ gbãng gbãng. N kaa nɛɛ miiri. N kasɛ kpang, n lasɛ nɔɔ yeti kpang. N kasɛ katɔ kɔ jong, nɔɔ zi naa ɓɔɔ n kasɛ nɔɔ gbãng gbãng nandon ɓɛɛ.

2 Koranti 3:5

Vuu ɓɔɔ kagn ka bii ɓuru, ɓɔɔ shingnɛ ruu kɔɔyi nɛɛ, ruu zunung shonang keɓe palɛnang katɔ kpang. Kaka ɓuru a ɓi nɛɛ bii Laa.

2 Koranti 7:5

Ka knti ɓɔɔ ruu naa shɛ̃ɛ Makidoniya tɔ, ruu ɔ̃sɔ kpang tingkiring. Jĩng dannang ɓi nɛɛ nɔng piti, piti, zang ri haa nyaa nɛɛ ruu, ruu ti kaa vɔrɔ ka yeti ɓuru.

Galati 1:10

Ruu keɓe nwang naa ɓɔɔ n kãayi nɛɛ nyaating mɛɛ wu puu ka bii shɔnzang ya? Kpang, n kasɛ nyaating mɛɛ wu puu ka bii Laa. N kasɛ nɛɛ tɔ zang piti ri zi m nung ya? Naa n nɛɛ palɛ nɔngkɔ, n nɛɛ tɔ̀ɔ́ zang ɓɔɔ palɛ Kirisi shonang kpang.

Afisa 6:7

Nɔɔ palɛ shonang jaafoo manɛ nyaa tabɛ̀ɛ́ kɔ shɛ̃ɛning. Nɔ́ɔ ti palɛ naa ɓɔɔ nɔɔ shǒng Kpanti Yeesɔ ɓɛɛ, wu naa ɓɔɔ nɔɔ shǒng shɔnzang kpang.

Filipi 3:18

N kɔ̀ɔrɔ̀ nɔɔ rɛɛ vuu keɓe tɔ, wu doo gbete kpang. Vuu kɔ n kɔɔrɔ tɔkn nɛɛ miiri ka jĩng ɓee. N kɔɔ nɔɔ nɛɛ zang ɓɔɔ ri kagn teteng manɛ, ri nwang naa zang ɓɔɔ ri shing jĩng nɛɛ vɔrɔ ɓɔɔ Kirisi vɔ ka yuu laa ɓɛɛ kpang.

Kolosi 3:24

Danggn wu ning nɔɔ kpang, Kpanti Yeesɔ naa sɔ̀ɔrɔ́ nɔɔ doo ditɔ. Naa a nɔɔ vuu ɓɔɔ wu shìng zang ɓiɓɛ katɔ ɓɛɛ ditɔ. Ka ruu ɓɔɔ, ɓi Yeesɔ Kirisi kɔ dabang gãa ɓɔɔ niizang ɓɔɔ nɔɔ pàlɛ́ wu shonang ɓɛɛ.

1 Tesalonika 1:9

Zang kaɓa nandon, ri kɔ̀ɔ ruu naa ɓɔɔ nɔɔ ta ruu ka ɓɔɔ ruu naa leng nɔɔ ɓɛɛ. A ɓɔɔ ti naa ɓɔɔ nɔɔ yaa vaka bannang, nɔɔ naa bang kaa Laa ɓɔɔ wukɔ niizang, a ɓi ti ningkãari ɓɛɛ.

2 Timoti 1:4

N nɛɛ kpaa danggn miiri ɓɔɔ mɔɔ tɛ̃ɛ tɔ, n kasɛ n zi jĩng ɓaaɓɛ, tɔ̀ɔ, n tãa tĩnang kaa gbãng gbãng.

Yakubu 1:2

Rɛɛ manzung, nɔɔ tãa manɛ tĩnang kɔ jong, naa zang gãsɛ nɔɔ nɛɛ vuu ka zɔ̃ng zɔ̃ng ɓɛɛ.

1 Bituru 1:6

Ka ruu nɔngkɔ, nɔɔ tãa tĩnang ta ka ruu rɛɛ vuu kɔ Laa palɛ ɓee. Kãntang keɓe, yeti manɛ lasɛ katɔ, ka ruu ɓɔɔ, zang gãsɛ nɔɔ nɛɛ vuu gãsɛnang ka zɔ̃ng zɔ̃ng ɓɛɛ. Nɔɔ ti zi tɔ, diki ɓɔɔ zang gãsɛ nɔɔ kagn keɓe bée kpang.

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

Vuu ɓɔɔ zang nwangsɛ Yɔhana 7:15

Ka ruu nɔngkɔ, “Ri shii ka tĩng laa nwannang Kpanti Laa ri bang wu nɛɛ zĩi nɛɛ laagɛ̃ ka yeti Gãa ɓɔɔ zang bang wu kagn ɓɛɛ. Zang ɓɔɔ nwang ka yuu laa nwannang kpanti yiti ri katɔ, wu gãng jĩng ka ri, tɔ̀ɔ, vuu ɓɔɔ wu lee ri naa kaa tɔ̀ɔ́ bii kpang.