Zang Shonang Yeesɔ 20:16 - Nyaa Shɔɔ Ɓɔɔ Laa a Ɓɛɛ

¹⁶ Bulu kɔɔ ɓi ka yeti ɓiɓɛ nɛɛ wu tɛɛ ɓi nɛɛ laana wu daa ka Afisa, ka ruu ɓɔɔ, wu kasɛ wu suukãng ka Asiya kpang ɓɛɛ. Làábii nɛɛ wu kasɛ wu shɛ̃ɛ Urushalima ka diki nyaalaa Pentiku.

Zang Shonang Yeesɔ 20:16 ပူးပေါင်းရင်းမြစ်များ

Zang Shonang Yeesɔ 12:13

Bituru ɓaa nyaa ka nyaa gãa biling, a jaa zang soro ɓɔɔ palɛ shonang, ɓɔɔ zang ɓaa wu nɛɛ Rooda arɛ naa kasɛ wu nyaa.

Zang Shonang Yeesɔ 16:6

Suru Laa zãa ri Ruu Laa kɔɔnang ka tipi Asiya ka ruu nɔngkɔ, ri tɛ̀ɛrɛ̀ tipi Fijiya nɛɛ ɓɔɔ Galatiya.

Zang Shonang Yeesɔ 18:19

Ɓɔɔ ri naa a ka Afisa, Bulu yaa rɛɛ Pirisila nɛɛ Akpiila daa ɓi kaa gãa zɔɔ kpalɛnang, ri daa laa zɔɔ nyaa ɓi nɛɛ zang Yahudi.

Zang Shonang Yeesɔ 18:21

Ɓɔɔ wu tɔɔ wu daa kaa tɔ, kɔɔ ri katɔ kɔ jong nɛɛ, “Laa nɛɛ kasɛ tɔ, n gbãayu ditɔ ka bii manɛ.” A vang laana kaa nɛɛ Afisa.

Zang Shonang Yeesɔ 19:1

Ɓɔɔ bɛ̀ɛ́ Apolo doo ka Koranti, Bulu riki tipi kaɓa, a sòo nyaa daa ka Afisa. Ĩi zang ɓɔɔ ri dũng Laa ka nɔng,

Zang Shonang Yeesɔ 19:21

Ka knti ɓɔɔ vuu keɓe palɛ tɔ nɔngkɔ, Bulu kɔɔ ka yeti ɓiɓɛ nɛɛ wu sɔɔ nɛɛ tipi Makidoniya nɛɛ tipi Akaya wu daa kaa Urushalima. A ti kɔɔyi nɛɛ, “N nɛɛ daa tɔ Urushalima, n daa katɔ, n daa zi Rooma.”

Zang Shonang Yeesɔ 2:1

Diki Pentiku naa arɛ, a zang ɓɔɔ ri shíng danggn tɔ, ri kpalɛ zɔɔ ka nɔng gbete.

Zang Shonang Yeesɔ 20:13

Ruu daa ɓuru kaa tĩng ruu vang laana ruu daa ka gari Aso, ruu tɔɔ ruu daa tuu Bulu ka nɔngkɔ, ka ruu ɓɔɔ, bɛ̀ɛ́ kɔɔyi nɛɛ wu daa ɓi nɛɛ doo ɓɛɛ.

Zang Shonang Yeesɔ 20:18

Ɓɔɔ ri arɛ, kɔɔ ri tɔɔ, “Nɔɔ zi zɔ̃ng nwannang ɓɔɔ n nwang nɛɛ nɔɔ tɔ, ɓu doo ɓɔɔ n a ka tipi Asiya ɓɛɛ.

Zang Shonang Yeesɔ 20:22

Bɛ̀ɛ́ n daa kaa tɔ Urushalima. Suru Laa dɔ̃ɔ m nɛɛ n daayi, n ti zi vuu ɓɔɔ zang daa palɛ m ka nɔng kaɓa kpàng.

Zang Shonang Yeesɔ 20:4

Soopata jaa Firifu, yɔɔ gari Beriya daa nɛɛ wu, a ɓɔɔ zang gari Tesalonika rɛɛ Arisitaku nɛɛ Sakundu, nɛɛ Gaayu yɔɔ gari Daabe, nɛɛ Timoti a ɓɔɔ kaa rɛɛ Tikiku nɛɛ Torofimu zang tipi Asiya.

Zang Shonang Yeesɔ 20:6

Ruu vang laana ka Filipi bɛ̀ɛ́ zang shaa nyaalaa borodi ɓɔɔ zang tɛ̃ɛ yisi kagn kpang tɔ. Ruu naa ĩi ri ka Torowasa, bɛ̀ɛ́ ri roo tɔ ka nɔng, diki ɓarɛ daa maani. Ruu nwáng ka nihn diki manziti.

Zang Shonang Yeesɔ 21:4

Ruu ĩi zang ɓɔɔ ri dũng Laa ɓɔɔ kagn ka nɔng, a ruu nwang nɛɛ ri diki manziti. Suru Laa kɔɔ ri nɛɛ ri kɔɔ Bulu nɛɛ wu daa Urushalima kpang.

Zang Shonang Yeesɔ 24:17

“Saa mɛɛ bee tɔ tɔkɔlɔng n daa Urushalima kpang. Wee n nɛɛ daayi, n tɔɔ n daa a rɛɛ zang mɛɛ ɓɔɔ vuu ka naa kpang vuu ɓɔɔ zang kpalɛ, ń ti dɔɔ Laa vuu vaa.

1 Koranti 16:8

N naa nwang ka Afisa ka nihn diki nyaalaa Pentiku wu a nɛɛ mani.