Zang Shonang Yeesɔ 2:38 - Nyaa Shɔɔ Ɓɔɔ Laa a Ɓɛɛ

³⁸ Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 2:38 ပူးပေါင်းရင်းမြစ်များ

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Matiyu 3:2

Kɔɔ zang tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, kpanti roonang Laa a naabm tɔ ɓɛɛ.”

Matiyu 3:6

Ri kɔɔrɔ Laa vuu shi kpang ɓarɛ, a Yɔhana palɛ ri batizima ka mii rang Urudung.

Matiyu 4:17

A Yeesɔ gaa tɔɔsung yee Laa rannang ka diki kaɓa kɔ. Kɔɔyi tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, diki ɓɔɔ Laa roo kpanti kagn a naabm tɔ ɓɛɛ.”

Maraku 1:15

“Diki a tɔ, diki ɓɔɔ Laa roo Kpanti yaa kaa naabm. Nɔɔ kɔ̃sɔ yeti manɛ ta, nɔ́ɔ shing danggn ka Ruu Tɔ̃ɔ Laa.”

Maraku 16:16

Zang ɓɔɔ nɛɛ tarɛ, nɛɛ shing danggn katɔ, a zang nɛɛ palɛ wu batizima, wukɔ naa walɛ suru bii ɓɔɔ waa nyaa kpang ɓɛɛ. Zang ɓɔɔ nɛɛ ti tãayi, a shing danggn kpang, Laa naa jɛ̃ɛ wukɔ ruu.

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Luka 3:10

A zang dɔɔli ɓɔɔ ri kpalɛ zɔɔ, ri hɛ̃ɛ Yɔhana tɔɔ, “A ruu pàlɛ ɓu kaa biya.”

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Zang Shonang Yeesɔ 10:48

A kɔɔyi nɛɛ, zang palɛ ri batizima nɛɛ nung Yeesɔ Kirisi. Ri gaa wu nɛɛ wu nwáng nɛɛ ri diki wu bee katɔ tɔkɔlɔng.

Zang Shonang Yeesɔ 13:38

“Ka ruu nɔngkɔ rɛɛ manzung, nɔɔ zirɛ, zang kɔɔ nɔɔ nɛɛ zang yàá nɔɔ gbalang vuu shi kpang manɛ katɔ ka ruu yɔɔ keɓe kɔ̀.

Zang Shonang Yeesɔ 16:15

Zang palɛ wu batizima tɔ, nɛɛ zang ɓɔɔ ri ka gãa ɓiɓɛ, a gaa ruu nɛɛ, “Nɔɔ nɛɛ zi tɔ nɛɛ n zang ɓɔɔ shing danggn tɔ ka bii Laa, nɔɔ a ta ka gãa mɛɛ nɔɔ nwang ka nɔng.” Yi ruu tĩng ka bii, a ruu kasɛ kati.

Zang Shonang Yeesɔ 17:30

Rɛɛ sáa ɓɔɔ bɛ̀ɛ́ nɔɔ zi vuu ɓɔɔ kagn kpang, Laa gã̀ ɓi takpang. Ɓɔɔ kãntang keɓe, Laa dang zang nyaa ka niya nandon, nɛɛ ri kɔ̃sɔ yeti ɓarɛ.

Zang Shonang Yeesɔ 20:21

N shaarɛ rɛɛ zang Yahudi nɛɛ zang ɓɔɔ ri zang Isirela kpang nyaa nandon, n tɔɔ ri yaa vuu shi kpang ɓɔɔ ri palɛ ɓɛɛ. Ri kɔ̃sɔ yeti ɓarɛ, ri a ka bii Laa. Ri shing danggn kaa bii Kpanti ɓuru Yeesɔ.

Zang Shonang Yeesɔ 22:16

Mɔɔ gã ɓu kaa vi kãntang viya? Yupaa zang palɛ mɔɔ batizima, zang kɔsɔ mɔɔ vuu shi kpang ɓaaɓɛ, ka ruu ɓɔɔ, mɔɔ ɓàa nung ɓiɓɛ ɓɛɛ.’

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Zang Shonang Yeesɔ 26:20

Ɓɔɔ tĩng shɔɔnang n kɔɔ zang Ruu Laa ka Damasiku, a n ti daa kɔɔ ka Urushalima, a n ti riki tipi Yahudi nandon. N ti kɔɔ rɛɛ zang ɓɔɔ ri zang Isirela kpang jong n tɔɔ ri yaa vuu shi kpang ɓɔɔ ri palɛ ɓɛɛ, ri a ka bii Laa. Ri ti pálɛ́ vuu ɓɔɔ zang zi kagn nɛɛ ri yaa vuu shi kpang ɓɔɔ ri palɛ ɓɛɛ tɔ ɓɛɛ.

Zang Shonang Yeesɔ 3:19

Ka ruu nɔngkɔ, nɔɔ kɔ̃sɔ yeti manɛ ta, nɔɔ gbãayu kaa bii Laa, tɔ̀ɔ, wu yaa nɔɔ gbalang vuu shi kpang manɛ kati.

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Zang Shonang Yeesɔ 8:12

Ɓɔɔ ri shing danggn ka Ruu Tɔ̃ɔ kpanti roonang Laa ɓɔɔ Filibu kɔɔ ri, a ɓɔɔ kaa nung Yeesɔ Kirisi, zang palɛ ri batizima, zang varɛ nɛɛ zang soro nandon.

Zang Shonang Yeesɔ 8:20

Bituru kasɛ wu nyaa tɔɔ, “Mɔ́ɔ shaarɛ nɛɛ saka ɓaaɓɛ ning, ka ruu ɓɔɔ, mɔɔ kɔɔ nɛɛ mɔɔ hoo vuu ɓɔɔ Laa a zang waati katɔ ɓɛɛ.

Rooma 6:3

Nɔɔ zi kpang ya? Ka ɓɔɔ zang palɛ ruu batizima, zang ɓakɛ ruu nɛɛ Yeesɔ Kirisi, a ruu vɔ jong naa ɓɔɔ wu vɔ ɓɛɛ.

Afisa 1:7

Vɔrɔ Yeesɔ kɔ shingnɛ, Laa ta yuu ɓuru, a yaa ruu gbalang vuu shi kpang ɓuru. Ruu zi ka wukɔ nɛɛ tɔ̃ɔ Laa bang ɓi dɔɔli.

Titu 3:5

Ta yuu ɓuru kati. Wu ka ruu vuu tɔ̃ɔ ɓɔɔ kagn ɓɔɔ ruu nɛɛ yuu ɓuru ruu palɛ ɓɛɛ kpang. Tà yuu ɓuru, ɓi ka ruu gn ɓuru ɓɔɔ kɔ̀ng wu ɓɛɛ. Tà yuu ɓuru ka bii ɓɔɔ Suru Laa sɔɔ ruu ɓɛɛ. Bii sɔɔnang ɓɔɔ risi ruu naa zang yi ruu kaa shɔɔ, a á ruu suru bii shɔɔ ɓɛɛ.

1 Bituru 3:21

Mii kaɓa tùsú zang ɓi kaa batizima ɓɔɔ kãntang keɓe ta yuu manɛ ɓɛɛ. Batizima ɓɔɔ zang pàlɛ́ nɔɔ, sɔɔ nɔɔ manɛ bii rĩiti manɛ kpang, ɓi vuu ɓɔɔ ruu gaa Laa nɛɛ mani, nɛɛ wu kɔsɔ ruu vuu shi kpang nɛɛ yeti ɓuru ɓɛɛ. Laa ta yuu ɓuru ka ruu ɓɔɔ Yeesɔ Kirisi yupaa nɛɛ sàa ɓɛɛ.