Zang Shonang Yeesɔ 2:30 - Nyaa Shɔɔ Ɓɔɔ Laa a Ɓɛɛ

³⁰ Dawuda ɓi zang nyaa shonang Laa, a ti zi vuu ɓɔɔ Laa tũng wu ɓi tɔ. Laa tũng wu vuu tɔɔ, wu yí zɔ̃ng ɓiɓɛ gbete wu roo kpanti.

Zang Shonang Yeesɔ 2:30 ပူးပေါင်းရင်းမြစ်များ

Matiyu 22:43

Yeesɔ hɛ̃ɛ ri tɔɔ, “A ka ruu vi, Suru Laa tusu Dawuda gbalang, a zirɛ, a ɓaa Kirisi nɛɛ, ‘Kpanti’ viya? Ka ruu ɓɔɔ, Dawuda kɔɔyi tɔɔ,

Matiyu 27:35

Ri ɓaa Yeesɔ naa tɔ ka laa. A ri naa shaa laa, ri basɛ fɔ̃ɔrɔ ɓiɓɛ nɛɛ mani ka naa ɓarɛ.

Maraku 12:36

Suru Laa kɔɔ nɛɛ nyaa Dawuda tɔɔ, “ ‘Kpanti Laa kɔɔ Kpanti mɛɛ tɔɔ, “Nwang ka naa nakn mɛɛ, n shing zang ɓɔɔ ri shing jĩng nɛɛ mɔɔ kpang ditɔ, mɔɔ naa ri nɛɛ doo ɓaaɓɛ.” ’

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Zang Shonang Yeesɔ 1:16

Kɔɔyi tɔɔ, “Rɛɛ manzung, vuu ɓɔɔ labeenang kɔɔyi nwáng ditɔ niizang. Suru Laa rang yee ka tĩng nɛɛ nyaa Dawuda ka yuu Yahuda ɓɔɔ sɔ̀ɔ zang ɓɔɔ ri daa yí Yeesɔ tĩng ɓɛɛ.

Rooma 1:3

Ruu keɓe, ɓi ka yuu Jaa ɓiɓɛ Kpanti ɓuru Yeesɔ Kirisi. Ka bii shɔnzang, wu ɓi zɔ̃ng Dawuda.

Rooma 15:12

Ishaya ti kɔɔyi nɛɛ, “Zɔ̃ng Jeesi gbete a ditɔ, zang naa nwangsɛ wu, wu nwang kpanti zang ɓɔɔ ri zang Yahudi kpang ɓɛɛ, a ri naa shing gn ɓarɛ ka bii ɓiɓɛ”.

2 Timoti 2:8

Danggn Yeesɔ Kirisi ɓɔɔ zang wisi paa nɛɛ saa, wu ning mɔɔ kpang. Yeesɔ ɓɔɔ wu jaa zɔ̃ng Dawuda ɓɛɛ, naa ɓɔɔ n túsú ka yeti Ruu Tɔ̃ɔ Laa kɔ n kɔ́ɔrɔ̀ zang ɓɛɛ.

Yahudi 1:1

Ka tĩng, Laa rang yee nɛɛ rɛɛ dabang ɓuru nɛɛ nyaa rɛɛ zang nyaa shonang ɓiɓɛ doo dɔɔli, a ka gbalang naabm naabm.

Yahudi 3:7

Ka ruu nɔngkɔ, naa ɓɔɔ Suru Laa kɔɔ ɓɛɛ, “Naa nɔɔ tãa yee Laa lɛ̀ɛ́kɔ,

Yahudi 4:7

Ka ruu nɔngkɔ, Laa shing diki ɓɔɔgn tɔkn ɓɔɔ ɓaayi nɛɛ, “Lɛɛkɔ”. Saa naa ɓa tɔ dɔɔli, Laa naa kɔɔ ruu ka yuu diki keɓe nɛɛ nyaa Dawuda. Ruu ɓɔɔ ruu bee nɔɔ tɔ ɓɛɛ nɛɛ, “Naa nɔɔ tãa yee ɓiɓɛ lɛ̀ɛ́kɔ, nɔ́ɔ bɛ̃ɛ shoo ɓaanang kpang.”

Yahudi 6:17

Laa kasɛ nɛɛ wu shingnɛ zang ɓɔɔ ri ta nyaa ɓɔɔ Laa a keɓe ri zirɛ, nɛɛ wu kɔ̃sɔ vuu ɓɔɔ wu kasɛ ɓɛɛ ɓi kpang. Ka ruu nɔngkɔ, tũng vuu tɔ̀ɔ, wu tusu kati nɛɛ, vuu ɓɔɔ wu a nyaa, wu naa palɛ katɔ.

Yahudi 7:21

A Yeesɔ nwang zang ɓɔɔ dɔɔ vuu ka Gãa Laa, ka ɓɔɔ Laa tũng vuu ɓɛɛ, Laa kɔɔ wu nɛɛ, “Kpanti Laa tũng vuu tɔ, kɔ̃sɔ yeti ɓiɓɛ takpang. ‘Mɔɔ ɓaa zang ɓɔɔ dɔɔ vuu ka Gãa Laa dòndòng.’ ”

2 Bituru 1:21

Ruu ɓɔɔ rɛɛ zang nyaa shonang ri kɔɔyi nwang ɓi nɛɛ rɛ̃rɛnang shɔnzang kpang. Ɓi Suru Laa kɔ a zang naa, wu ti shing zang, zang kɔɔ ruu ɓɔɔ a nɛɛ bii Laa ɓɛɛ.

Vuu ɓɔɔ zang nwangsɛ Yɔhana 17:14

Ri naa ta sĩiri nɛɛ Jaa Mɛ̀ɛrɛ́ Laa, a Jaa Mɛ̀ɛrɛ́ naa shaa ri katɔ, ka ruu ɓɔɔ, wukɔ kpanti ka yuu rɛɛ kpanti nandon. Kpanti roonang ɓiɓɛ, ɓa ɓɔɔ zang piti ɓɛɛ. Zang ɓiɓɛ ɓɔɔ wu zɔ̃ngkɔ, a ɓaa ri nyaa katɔ, ɓɔɔ ri dũng wu nɛɛ yeti gbete, ri naa shaa zang jong ka nyaa sĩiri nɛɛ wu.”

Vuu ɓɔɔ zang nwangsɛ Yɔhana 19:16

Ka fɔ̃ɔrɔ ɓiɓɛ, nɛɛ doo sãng ɓiɓɛ, zang bee nung ɓiɓɛ kagn nɛɛ, “Kpanti ɓɔɔ ka yuu rɛɛ kpanti nandon ɓɛɛ, kpanti roonang ɓiɓɛ ɓa ɓɔɔ kpanti piti.”