Zang Shonang Yeesɔ 2:23 - Nyaa Shɔɔ Ɓɔɔ Laa a Ɓɛɛ

²³ Zang a nɔɔ yɔɔ keɓe, ka naa ɓɔɔ Laa shíng doo ka tĩng ɓɛɛ. Ti Laa kɔ kasɛ a nɔɔ ɓaa wu naa ka laa. Zang ɓɔɔ ri zi Laa kpang ri nyɔ wu vɔrɔ.

Zang Shonang Yeesɔ 2:23 ပူးပေါင်းရင်းမြစ်များ

Matiyu 20:19

Tɔ̀ɔ, ri naa tuu m, ri a zang ɓɔɔ ri dũng Laa kpang, nɛɛ tɔ̀ɔ ri kpaa m, ri nyɔ m nɛɛ gbãa, tɔ̀ɔ ri daa ɓaa m naa ka laa. A Kpanti Laa naa wisi m paa ka lee ɓɔɔ diki daa taati ɓɛɛ.”

Matiyu 26:24

Jaa Shɔnzang naa vɔ katɔ naa ɓɔɔ Labeenang Kpanti Laa kɔɔ ɓɛɛ. A jĩng dannang kagn yuu zang ɓɔɔ naa nyɔ yuu Jaa Shɔnzang ɓɛɛ. Zang nɛɛ yi zang kaɓa kpang kɔ gbã̀ágbãa, wukɔ nɛɛ daa wu.”

Matiyu 27:35

Ri ɓaa Yeesɔ naa tɔ ka laa. A ri naa shaa laa, ri basɛ fɔ̃ɔrɔ ɓiɓɛ nɛɛ mani ka naa ɓarɛ.

Maraku 15:24

A ri ɓaa wu naa ka laa. Ri shaa laa nɛɛ ri zi naa ɓɔɔ ri basɛ fɔ̃ɔrɔ ɓiɓɛ nɛɛ mani ɓɛɛ. A ri basɛ fɔ̃ɔrɔ ɓiɓɛ ka nɔng ka naa ɓarɛ.

Luka 22:22

Jaa Shɔnzang vɔ ɓi katɔ, naa ɓɔɔ Laa kɔɔ nɛɛ naa nwang ɓɛɛ, a jĩng dannang ɓi kagn yuu zang ɓɔɔ nyɔ yuu ɓiɓɛ ɓɛɛ.”

Luka 22:37

N kɔ̀ɔ́ nɔɔ, vuu ɓɔɔ labeenang kɔɔ nɛɛ, ‘A zang ɓakɛ wu nɛɛ zang ɓɔɔ ri ta nyaa dannang ɓɛɛ.’ Nwang ditɔ niizang ka yuu mɛɛ. Ka ruu ɓɔɔ, vuu ɓɔɔ zang kɔɔ ka yuu mɛɛ nwáng kana niizang ɓɛɛ.”

Luka 23:33

A ɓɔɔ ri a ka nɔng ɓɔɔ zang ɓaa nɛɛ zɔ̃pi ɓɛɛ, ri ɓaa wu naa ka laa, ka nɔngkɔ, nɛɛ rɛɛ zang ziti ɓɔɔ ri palɛ vuu shi kpang keɓe. Ɓɔɔ gbete ka nakn, a ɓɔɔ gbete ka nagang ɓiɓɛ.

Luka 24:20

A ɓɔɔ ti, naa ɓɔɔ, rɛɛ zang bang bang ɓuru ɓɔɔ dɔɔ vuu ka Gãa Laa, nɛɛ rɛɛ zang ɓɔɔ ri doo zang ɓɔɔ jɛ̃ɛ zang ruu kɔ ɓɛɛ, ri a wu zang, nɛɛ zang nyɔ wu vɔrɔ, a zang ɓaa wu naa ka laa ɓɛɛ.

Yɔhana 19:18

A ri ɓaa wu naa ka laa ka nɔngkɔ. Ri ti ɓaa zang ziti naa jong nɛɛ wu. Ɓɔɔ gbete ka nakn, ɓɔɔ ka nagang, a Yeesɔ ɓi kaa teteng.

Yɔhana 19:24

Rɛɛ sɔɔja ri kɔɔ zɔɔ tɔɔ, “Ruu lɔɔsɔ kpang, ruu shaa laa, ruu zi zang ɓɔɔ fɔ̃ɔrɔ keɓe raa ɓɔɔ ɓiɓɛ ɓɛɛ.” Vuu keɓe nwang naa ɓɔɔ zang bée kaa yeti labeenang Laa ka tĩng tɛ̃ɛ tɛ̃ɛ ɓɛɛ. Zang beeyi nɛɛ, “Ri basɛ fɔ̃ɔrɔ mɛɛ ka bìí ɓarɛ, a ri ti shaa laa ka ruu fɔ̃ɔrɔ ɓɔɔ n hãa nɛɛ tĩng ɓɛɛ.” Wee vuu ɓɔɔ sɔɔja ri palɛ ɓɛɛ kɔ.

Zang Shonang Yeesɔ 13:27

Zang ɓɔɔ ri nwang ka Urushalima nɛɛ rɛɛ zang bang ɓarɛ ri zi Yeesɔ nung kpang. Ri ti zi rúu rɛɛ zang nyaa shonang Laa ɓɔɔ zang gã ka Diki Ɔ̃sɔnang diki diki kpang, ka ruu nɔngkɔ, ri palɛ vuu ɓɔɔ rɛɛ zang nyaa shonang Laa keɓe ri kɔɔ tɔ, ka ɓɔɔ ri dɔng wu ruu ɓɛɛ.

Zang Shonang Yeesɔ 15:18

Laa ɓɔɔ tùsù zang vuu keɓe doo tɛ̃ɛ tɛ̃ɛ, wukɔ kɔɔ vuu keɓe.’

Zang Shonang Yeesɔ 2:36

“Ka ruu nɔngkɔ, zang Isirela, nɔɔ zi ta tɔ̃ɔ tɔ̃ɔ nɛɛ Yeesɔ ɓɔɔ nɔɔ ɓaa wu naa ka laa keɓe, Laa shing kaa wukɔ nwàng Kpanti, wukɔ ti Kirisi zang ɓɔɔ Laa tɔɔ, wu naa a ɓɛɛ.”

Zang Shonang Yeesɔ 3:18

Laa kɔɔ ɓi tɔ doo tɛ̃ɛ tɛ̃ɛ nɛɛ nyaa rɛɛ zang nyaa shonang ɓiɓɛ nandon, nɛɛ Kirisi naa dang jĩng katɔ. Vuu keɓe ɓèe ɓi kaa nyaa ruu keɓe kɔ.

Zang Shonang Yeesɔ 4:28

Ri kpalɛ zɔɔ nɛɛ ri pálɛ̀ vuu ɓɔɔ mɔɔ shíng ɓaa doo ka tĩng nɛɛ naa vuu palɛnang ɓaaɓɛ nɛɛ, naa ɓɔɔ mɔɔ kasɛ wu nwang nɔngkɔ ɓɛɛ.

Zang Shonang Yeesɔ 5:28

“Ruu dàng nɔɔ nyaa gbãng gbãng nɛɛ nɔɔ tusu zang vuu tɔ̀ɔ́ nɛɛ nung yɔɔ keɓe kpang. Nɔɔ zi vuu ɓɔɔ nɔɔ palɛ ɓɛɛ ta, nɔɔ baa gari Urushalima tɔ nɛɛ vuu ɓɔɔ nɔɔ tusu ɓɛɛ. Nɔɔ kasɛ nɛɛ zang zirɛ nɛɛ rukɔ nyɔ wu vɔrɔ.”

Zang Shonang Yeesɔ 5:30

Làá rɛɛ dáa ɓuru wisi Yeesɔ paa nɛɛ sàa. Yeesɔ ɓɔɔ nɔɔ nyɔ wu vɔrɔ, ka ɓɔɔ nɔɔ ɓaa wu naa ka laa ɓɛɛ.

Zang Shonang Yeesɔ 7:52

Zang nyaa shonang Laa kagn gbete ɓɔɔ rɛɛ dáa manɛ dang wu jĩng kpang ya? Zang ɓɔɔ ri kɔɔ ruu anang zang tɔ̃ɔ keɓe ka tĩng, rɛɛ daa manɛ ti nyɔ̀kɔ̀ ri vɔrɔ. Wee nɔɔ ti nyɔ yuu ɓiɓɛ tɔ, zang nyɔ wu vɔrɔ tɔ.

Rooma 2:12

Zang ɓɔɔ ri zang Yahudi kpang, ɓɔɔ ri zi nyaa dannang Laa kpang ɓɛɛ, ɓɔɔ ri palɛ vuu shi kpang, ri shaarɛ doo nɛɛ mani. Ka wee zang jɛ̃ɛ ri ruu ka doo nyaa ɓɔɔ Musa dangnɛ kpang ɓee. Zang jɛ̃ɛ ɓi zang Yahudi ɓɔɔ ri palɛ vuu shi kpang ruu ka doo nyaa ɓɔɔ Musa dang ɓɛɛ, ka ruu ɓɔɔ, ri zi nyaa ɓɔɔ Musa dangnɛ ɓarɛ tɔ ɓɛɛ.

Rooma 4:17

Labeenang Laa kɔɔyi nɛɛ, “N shing mɔɔ tɔ, mɔ́ɔ nwang dabang zang koolaa dɔɔli.” Wukɔ daa ɓuru ka tĩng Laa ɓɔɔ wu shing danggn ka bii ɓiɓɛ ɓɛɛ. Laa ɓɔɔ wisi zang paa nɛɛ sàa, zang nwang ningkãari, a ti mãarɛ vuu shɔɔ katɔ ɓɛɛ.

1 Tesalonika 2:15

Zang Yahudi ɓɔɔ ri nyɔ rɛɛ zang nyaa shonang Laa nɛɛ kpanti Yeesɔ vɔrɔ, a ri ti hing ruu ɓɛɛ. Laa tãa tĩnang ɓarɛ kpang tingkiring. Ri ti shing jĩng nɛɛ zang ɓɔɔ kpang tingkiring.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.

1 Bituru 1:20

Ɓɔɔ bɛ̀ɛ́ Laa mãa koo gn kpang, Laa zɔ̃ng Yeesɔ Kirisi nɛɛ wu ta yuu zang nɔngkɔ. A kãntang keɓe, ka wee koo waa nyaa kaa tɔ ɓee, Laa nwangsɛ wu, ka ruu manɛ kɔ.

1 Bituru 2:8

Zang bèe ka nɔng ɓɔɔ ka yeti labeenang Laa nɛɛ, “Wee tari ɓɔɔ zang naa kpaa doo kagn, zang watɛ ɓɛɛ kɔ”. Ri kpaa doo, ri watɛ, ka ruu ɓɔɔ, ri dũ̀ng Ruu Laa kpang ɓɛɛ. Laa kɔ kasɛ nɛɛ wu nwang nɔngkɔ, doo ka tĩng tɛ̃ɛ tɛ̃ɛ.

Yahuza 1:4

Zang ɓɔɔ ri dũ̀ng Laa kpang, ɓɔɔ kagn ri hãa tɔ ka teteng manɛ nɛɛ nwĩiri, ruu zi kpang. Zang ɓɔɔ ri kɔ̃sɔ ruu tɔ̃ɔ ɓɔɔ Laa ɓuru pàlɛ́ zang, nwang ri ɓarɛ kaa naa zang yaa ri gbalang dũndũng palɛnang, a ri bɛ̃ɛ Yeesɔ Kirisi ɓɔɔ wukɔ gbete, Kpanti nɛɛ dabang ɓuru ɓɛɛ. Labeenang Laa kɔɔ ruu ɓi tɔ ka yuu ruu kɔ zang dɔ̀ng ri ɓee.

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.