Zang Shonang Yeesɔ 2:22 - Nyaa Shɔɔ Ɓɔɔ Laa a Ɓɛɛ

²² “Nɔɔ ɓaa shoo ka ruu keɓe, rɛɛ manzung zang Isirela. Yeesɔ yɔɔ Nazara, zang ɓɔɔ Laa tùsù nɔɔ wu ka vuu bang bang ɓɔɔ zang zirɛ zang mã naa ka danggn, ɓɔɔ Laa palɛ nɛɛ naa ɓiɓɛ ka teteng manɛ ɓɛɛ. Naa ɓɔɔ nɔɔ ti zi tɔ ɓɛɛ.

Zang Shonang Yeesɔ 2:22 ပူးပေါင်းရင်းမြစ်များ

Matiyu 12:28

A n nɛɛ nwangsɛ suru shi kpang nɛɛ Suru Laa, kpanti roonang Laa a bii manɛ tɔ.

Matiyu 2:23

A Yusufu daa nwang ka nɔng ɓɔɔ zang ɓaa nɛɛ Nazara ɓɛɛ. Vuu keɓe nwang kaa naa ɓɔɔ zang nyaa shonang Laa kɔɔ ka tĩng tɛ̃ɛ tɛ̃ɛ ɓɛɛ. Zang nyaa shonang Laa kɔɔyi tɔɔ, “Zang naa ɓaa wu nɛɛ yɔɔ Nazara.”

Matiyu 9:8

Zang dɔɔli ɓɔɔ ri kpalɛ zɔɔ, ri zi naa weɓe, ri mã naa ka danggn, a ri dɔɔ Kpanti Laa kati. Kaa ruu ɓɔɔ, wukɔ a zang naa vuu keɓe palɛnang ɓɛɛ.

Luka 11:20

N nɛɛ nwangsɛ suru shi kpang nɛɛ naa Laa, Kpanti ɓɔɔ Laa rooyi, a tɔ ka teteng manɛ.

Luka 18:37

Zang kɔɔ wu tɔɔ, “Yeesɔ yɔɔ Nazara tɛɛyi.”

Luka 24:18

A zang gbete ka teteng ɓarɛ ɓɔɔ zang ɓaa wu nɛɛ Kiliyopaa, kasɛ wu nyaa tɔɔ, “Mɔkɔ ɓaa zang zanti gbete ka Urushalima, ɓɔɔ zi vuu ɓɔɔ palɛ ka nɔng, diki bee gn kpang ɓɛɛ ya?”

Yɔhana 1:45

Filibu ti naa ĩi Natanalu, a kɔɔ wu tɔɔ, “Ruu ĩi zang ɓɔɔ Musa bee vuu ka yuu ɓiɓɛ ka yeti labeenang nyaa dannang Laa, a zang nyaa shonang Laa ri ti bee jong tɔ. Zang keɓe, wukɔ Yeesɔ yɔɔ Nazara, jaa Yusufu.”

Yɔhana 10:37

Nɔ́ɔ shing danggn ka bii mɛɛ kpang, n nɛɛ palɛ vuu ɓɔɔ Daa mɛɛ palɛ kpang ɓɛɛ.

Yɔhana 11:47

A rɛɛ kpanti zang ɓɔɔ ri dɔɔ vuu ka Gãa Laa nɛɛ rɛɛ zang Farisi, ri ɓaa nyaa ka rɛɛ zang ɓɔɔ ri jɛ̃ɛ zang doo ruu kɔ, ɓɔɔ nimbang, a ri hɛ̃ɛ ri tɔɔ, “Ruu pálɛ̀ nɔɔ ɓu kaa viya? Yɔɔ keɓe pálɛ̀ vuu ɓɔɔ zang zirɛ, zang mã naa ka danggn ka naa dɔɔli.

Yɔhana 12:17

Zang ɓɔɔ bɛ̀ɛ́ ri nɛɛ Yeesɔ, ka diki ɓɔɔ Yeesɔ ɓaa Liyazaru nyaa nɛɛ saa, a wisi wu paa nɛɛ vɔrɔ ɓɔɔ wu vɔ ɓɛɛ, ri daa kɔ̀ɔrɔ̀ zang vuu bìí.

Yɔhana 15:24

Naa n nɛɛ palɛ vuu ɓɔɔ, zang palɛ gngn kpang keɓe ka teteng ɓarɛ kpang, zang nɛɛ kɔɔ kpang nɛɛ ri palɛ vuu shi kpang tɔ kpang. Ri zi rɛɛ vuu ɓɔɔ zang zirɛ, zang mã naa ka danggn tɔ, a ri bɛ̃ɛ m doo nɛɛ mani, nɛɛ Daa mɛɛ piti.

Yɔhana 19:19

Bilatu kɔɔ zang nɛɛ zang bee vuu, zang ɓaa ka yuu laa ɓɔɔ zang ɓaa Yeesɔ naa kagn ɓɛɛ. Nɛɛ zang beeyi nɛɛ, “Yeesɔ yɔɔ Nazara, Kpanti zang Yahudi.”

Yɔhana 3:2

Yɔɔ keɓe, diki ɓɔɔ kagn daa ka bìí Yeesɔ nɛɛ zĩi. Kɔɔ Yeesɔ tɔɔ, “Maalang, ruu zi ɓuru tɔ nɛɛ mɔɔ ɓaa maalang ɓɔɔ a nɛɛ bii Laa ɓɛɛ, ka ruu ɓɔɔ, naa wu zang ɓɔɔ Laa nɛɛ wu kpang, zang ɓɔɔ zunung vuu ɓɔɔ zang zirɛ zang mã naa ka danggn kɔ mɔɔ pálɛ̀ ɓɛɛ gbete kpang.”

Yɔhana 4:48

Yeesɔ kɔɔ wu tɔɔ, “Nɔɔ nɛɛ zi vuu ɓɔɔ zang zirɛ zang mã naa ka danggn, zang ti ãa nyaa ka nɔng ɓɔɔ zang zi ɓɛɛ gn kpang, nɔɔ shing danggn kpang.”

Yɔhana 5:36

Vuu ɓɔɔ n palɛ, tusu zang vuu ka yuu mɛɛ, ɓa vuu ɓɔɔ Yɔhana kɔɔ ka yuu mɛɛ katɔ. Shonang ɓɔɔ Daa mɛɛ a m nɛɛ n palɛ kɔ, n palɛ ɓee. Wukɔ tusu zang, tɔɔ zang zi kagn nɛɛ Daa kɔ shong m.

Yɔhana 6:14

Ɓɔɔ zang ri zi vuu ɓɔɔ zang zirɛ zang mã naa ka danggn ɓɔɔ Yeesɔ palɛ, ri kɔɔrɔ nɛɛ, “Niizang, wee zang nyaa shonang Laa ɓɔɔ naa a ka koo ɓɛɛ kɔ.”

Yɔhana 6:27

Nɔ́ɔ dang jĩng nɛɛ nɔɔ kãa vuu shaanang ɓɔɔ lasɛ katɔ ɓɛɛ kpang. Nɔɔ dang jĩng ka nɔng vuu shaanang ɓɔɔ lasɛ kpang dòndòng, ɓɔɔ n Jaa Shɔnzang n naa a nɔɔ ɓɛɛ. Ka ruu ɓɔɔ, wukɔ zang ɓɔɔ Laa tusu nɛɛ wu a wu naa tɔ ɓɛɛ.”

Yɔhana 7:31

Zang dɔɔli ka teteng zang ɓɔɔ ri kpalɛ zɔɔ ri shing danggn ka bii ɓiɓɛ. A ri kɔɔrɔ nɛɛ, “Naa Kirisi arɛ, naa palɛ vuu ɓɔɔ zang zirɛ zang mã naa ka danggn ɓa ɓɔɔ yɔɔ keɓe ɓu katɔ ya?”

Yɔhana 9:33

Naa yɔɔ keɓe nɛɛ a nɛɛ nɔng Laa kpang, nɛɛ zunung vuu keɓe palɛnang kpang.”

Zang Shonang Yeesɔ 13:16

A Bulu yupaa kati, wii naa, a kɔɔyi tɔɔ, “Zang Isirela nɛɛ zang ɓɔɔ nɔɔ zang Isirela kpang, ɓɔɔ nɔɔ káa vɔrɔ Laa katɔ ɓɛɛ, nɔɔ ɓaa shoo.

Zang Shonang Yeesɔ 14:27

Ri shɛ̃ɛ Antakiya tɔ, ri kpalɛ zang ɓɔɔ ri dũng Laa ɓɛɛ, a ri kɔɔ ri vuu ɓɔɔ Laa yi ri naa kagn ri palɛ ɓɛɛ. Naa ɓɔɔ Laa puu zang ɓɔɔ ri zang Isirela kpang gbalang tɔ jong nɛɛ ri shing danggn ka bìí ɓiɓɛ ɓɛɛ.

Zang Shonang Yeesɔ 2:19

N tusu vuu ka lapa zang zirɛ zang mã naa ka danggn. N ti tusu vuu ɓɔɔ zang zirɛ zang mã naa ka danggn ɓɛɛ ka tipi. Zĩi naa zɛ̃ɛ ka tipi, a waa naa shaa nɔng, zĩ̀irí ta nɔng piti.

Zang Shonang Yeesɔ 2:43

Zang piti ri kaa vɔrɔ a Laa ti palɛ vuu ɓɔɔ zang zirɛ zang mã naa ka danggn dɔɔli nɛɛ naa zang shonang keɓe.

Zang Shonang Yeesɔ 21:28

Ri gòo nyaa nɛɛ “Zang Isirela nɔɔ yi ruu naa ka bii. Wee yɔɔ ɓɔɔ tusu vuu nɛɛ nɔng piti piti, nɛɛ zang ri kasɛ ruu zang ɓuru kpang, nɛɛ zang ri dũng nyaa ɓɔɔ Musa dang ɓɛɛ kpang, kɔɔrɔ ruu shi kpang ka yuu Gãa Laa keɓe. Palɛ wu ti vuu keɓe kɔ shɛ̃ɛning kpang, átɛ̀ zang ɓɔɔ ri zang Isirela kpang ka yeti Gãa Laa keɓe. Shing tɔ nihn nwang nɔng shi kpang tɔ ka jĩng Laa.”

Zang Shonang Yeesɔ 22:8

A n hɛ̃ɛ wu nɛɛ, ‘Ɓu mɔkɔ wiya Kpanti.’ Kɔɔ m tɔɔ, ‘Nkɔ Yeesɔ yɔɔ Nazara ɓɔɔ mɔɔ dang m jĩng ɓɛɛ.’

Zang Shonang Yeesɔ 24:5

Ruu zirɛ yɔɔ keɓe, kpãa zang dɔɔli, shing zang Yahudi ɓɔɔ ri ka koo piti nɛɛ ri haa nyaa. Wukɔ ti zang bang rɛɛ vàá zang ɓɔɔ zang ɓaa ri nɛɛ zang Nazara ɓɛɛ.

Zang Shonang Yeesɔ 26:26

Kpanti Agiripa n kɔɔ mɔɔ ruu keɓe nyaa mɛɛ zaa kpang, ka ruu ɓɔɔ, mɔɔ zi vuu keɓe tɔ nandon ɓɛɛ. N ti zi tɔ vuu ɓɔɔ ɓa shoo ɓaaɓɛ kagn gbete ka yeti ruu keɓe kpang. Ka ruu ɓɔɔ, zang wáa katɔ zang palɛ vuu keɓe kpang ɓɛɛ.

Zang Shonang Yeesɔ 26:9

“N rɛ̃̀rɛ̀ m doo nɔngkɔ, n tɔɔ, n palɛ vuu ɓɔɔ n zunung katɔ nandon, n zãa zang nung Yeesɔ yɔɔ Nazara ɓaanang.

Zang Shonang Yeesɔ 3:12

Ɓɔɔ Bituru zi zang, kɔɔ ri tɔɔ, “Rɛɛ manzung, zang Isirela nɔɔ mã naa ka danggn ka ruu vuu keɓe ka ruu viya, a nɔɔ tɛ̃ɛ rùu jĩ́ng ka bii nɔngkɔ viya? Nɔɔ kɔɔ nɛɛ ruu masɛ yɔɔ keɓe nɛɛ naa vuu palɛnang yuu ɓuru, kɔ́ ka ruu vuu tɔ̃ɔ ɓɔɔ ruu pálɛ̀ Laa ɓɛɛ ya?

Zang Shonang Yeesɔ 3:6

A Bituru kɔɔ wu tɔɔ, “Kɔ́pɔ̀ kagn naa mɛɛ kpang tingkiring, N a mɔɔ m vuu ɓɔɔ n nɛɛ mani ɓɛɛ. Ka nung Yeesɔ Kirisi yɔɔ gari Nazara, n kɔɔ mɔɔ, yupaa ta mɔɔ rarɛ.”

Zang Shonang Yeesɔ 4:10

n kaaɓi, n kɔɔ nɔɔ nɛɛ zang Isirela piti faarik, nɛɛ yɔɔ kɔ shii ka tĩng manɛ ɓee, zang masɛ wu nɛɛ nung Yeesɔ Kirisi, yɔɔ gari Nazara ɓɔɔ nɔɔ ɓaa wu naa ka laa, a Làa naa wisi wu paa ka sàa ɓɛɛ.

Zang Shonang Yeesɔ 5:35

A rang rɛɛ zang ɓɔɔ ri jɛ̃ɛ zang ruu ɓɔɔ nimbang yee tɔɔ, “Ɓɔɔ nɔɔ zang Isirela ɓɛɛ, nɔɔ palɛ waasɛ̃, nɛɛ vuu kɔ nɔɔ mangnɛ, nɛɛ nɔɔ palɛ rɛɛ zang keɓe ɓee.

Zang Shonang Yeesɔ 6:14

Ruu ti tãayi kɔ̀ɔ́yi nɛɛ Yeesɔ yɔɔ gari Nazara keɓe, jili Gãa Laa keɓe ka tipi, wu ti kɔ̃sɔ vuu daa ɓɔɔ daa ɓuru ri tusu, ɓɔɔ Musa a ri ɓɛɛ.”

2 Koranti 12:12

Laa palɛ vuu bang bang ɓɔɔ zang zirɛ zang mã naa ka danggn nɛɛ bii mɛɛ, ka ɓɔɔ n mã danggn, n palɛ shonang mɛɛ ka teteng manɛ ɓɛɛ. Vuu kaɓa kɔ tusu zang nɛɛ n zang shonang Yeesɔ ɓɔɔ niizang.

Yahudi 2:4

Laa ti tusu jong nɛɛ ruu keɓe niizang naa ɓɔɔ ri tusu ɓɛɛ, ka ɓɔɔ wu palɛ vuu ɓɔɔ zang zirɛ zang mã naa ka danggn ka zɔ̃ng zɔ̃ng ɓɛɛ. A ti basɛ zang vuu ɓɔɔ Suru ɓiɓɛ a zang ka naa ɓɔɔ wu kasɛ ɓɛɛ.