Zang Shonang Yeesɔ 2:17 - Nyaa Shɔɔ Ɓɔɔ Laa a Ɓɛɛ

¹⁷ “ ‘Laa kɔɔyi tɔɔ, “Ka rɛɛ diki ɓɔɔ koo waa nyaa ɓɛɛ, N naa a shɔnzang piti Suru mɛɛ. Wujɛ manɛ zang soro nɛɛ zang varɛ, ri naa kɔɔrɔ ruu naa ɓɔɔ zang nyaa shonang Laa kɔɔ ɓɛɛ. Wujɛ jasang manɛ, ri naa zili vuu ɓɔɔ Laa tusu zang ɓɛɛ. Rɛɛ dabang manɛ, ri naa rɔ̃kɔ rɔ̃kɔnang.

Zang Shonang Yeesɔ 2:17 ပူးပေါင်းရင်းမြစ်များ

Luka 3:6

Shɔnzang piti ri naa zi naa ɓɔɔ Laa naa ta yuu zang ditɔ.’ ”

Yɔhana 17:2

Ka ruu ɓɔɔ, mɔɔ a m naa tɔ ka yuu zang piti. Mɔɔ nɛɛ, n a zang ɓɔɔ mɔɔ a m ri ka naa, suru bii ɓɔɔ waa nyaa kpang ta ɓɛɛ.

Yɔhana 7:39

Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.

Zang Shonang Yeesɔ 10:45

Zang Yahudi ɓɔɔ ri shing danggn ɓarɛ tɔ ɓɔɔ ri a nɛɛ Bituru nɛɛ gari Joopa, ri mã naa ka danggn, ka ɓɔɔ Laa a zang ɓɔɔ ri zang Isirela kpang Suru ɓiɓɛ jong ɓɛɛ.

Zang Shonang Yeesɔ 11:27

Ka diki kaɓa, zang nyaa shonang Laa ɓɔɔ ri yupaa nɛɛ Urushalima, ri daa ka Antakiya.

Zang Shonang Yeesɔ 11:28

Zang gbete ka teteng ɓarɛ, zang ɓaa wu nɛɛ Agabu, Laa a wu naa vuu palɛnang, a yupaa kɔɔyi tɔɔ, nyɔkɔ bang a kana ka koo nandon. (Nyɔkɔ keɓe náa á ka saa ɓɔɔ Kaladiyu nwang Kpanti ɓɛɛ).

Zang Shonang Yeesɔ 2:16

Vuu keɓe, ɓi vuu ɓɔɔ zang nyaa shonang Laa Jɔɔwel kɔɔ rúu ka yuu ɓiɓɛ kɔ. Jɔɔwel kɔɔyi tɔɔ,

Zang Shonang Yeesɔ 2:18

Ka diki kaɓa, n naa a rɛɛ jaafoo mɛɛ zang soro nɛɛ zang varɛ naa, tɔɔ ri kɔɔrɔ ruu ɓɔɔ n kɔɔrɔ ri ɓɛɛ.

Zang Shonang Yeesɔ 2:33

Laa wisi wu paa, a shing wu tɔ ka nakn ɓiɓɛ, a á wu suru ɓɔɔ bɛ̀ɛ́ a ruu nyaa nɛɛ wu naa a ruu ɓɛɛ. Vuu ɓɔɔ nɔɔ zirɛ, nɔɔ ti tãa kãntang keɓe, ɓi vuu ɓɔɔ Laa tɔɔ wu a ruu ɓɛɛ kɔ.

Zang Shonang Yeesɔ 21:9

Wujɛ ɓiɓɛ zang soro dɛ̃ɛti ɓɔɔ zang gee ri gn kpang ɓɛɛ. Ri ɓaarɛ zang nyaa shonang Laa.

Rooma 5:5

Ruu nɛɛ yaa gn naa kpang, yusɛ̃ɛ tuu ruu kpang, ka ruu ɓɔɔ, Laa shìng ruu zɔ̃ng zang kasɛnang ɓiɓɛ tɔ, ka yeti ɓuru nɛɛ bii Suru ɓiɓɛ ɓɔɔ wu a ruu ɓɛɛ.

1 Koranti 12:10

Zang ɓɔɔ zang a ri naa, ri palɛ vuu ɓɔɔ zang zirɛ zang mã naa ka danggn ɓɛɛ. Zang ɓɔɔ zang a wu ɓi naa, nɛɛ wu kɔɔ vuu ɓɔɔ Laa tusu wu ɓɛɛ. Zang ɓɔɔ zang a ri ɓarɛ naa, ri zi vuu ɓɔɔ a nɛɛ bii Suru Laa, nɛɛ ɓɔɔ a nɛɛ bii Suru Laa kpang ɓɛɛ. Zang ɓɔɔ zang a ri naa, ri rang nyaa ɓɔɔ ri kpɛ̃ɛrɛ katɔ kpang ɓɛɛ. Zang ɓɔɔ zang a ri ɓarɛ naa, ri kɔɔ zang dĩiri nyaa kaɓa.

1 Koranti 12:28

Ka teteng zang ɓɔɔ ri dũng Laa ɓɛɛ, Laa kɔɔyi, nɛɛ zang ɓu wu nwangnɛ, shonang ɓiɓɛ kagn. Gaayu zɔ̃ngkɔ zang ɓɔɔ nɛɛ ri nwang zang shonang Yeesɔ Kirisi. A naa zɔ̃ngkɔ zang ɓɔɔ nɛɛ ri kɔɔ zang ruu ɓɔɔ Laa tusu ri ɓɛɛ. Ri ɓang knti zang tĩng. A zɔ̃ngkɔ zang ɓɔɔ nɛɛ ri màsɛ̀ zang kɔnang, ri ɓang knti. Zɔ̃ngkɔ zang ɓɔɔ nɛɛ ri yi zang naa ka bii. Nɛɛ zang ɓɔɔ ri nwang ɓarɛ zang bang ɓɔɔ ri yiti zang ɓɛɛ. A zang ɓɔɔ ri rang yee nɛɛ nyaa zang ɓɔɔ ri kpɛ̃ɛrɛ katɔ kpang nɛɛ náa ɓɔɔ Suru Laa a ri ɓɛɛ.

Yahudi 1:2

A ka doo knti keɓe, Laa rang ruu yee ɓi kaa nɛɛ nyaa Jaa ɓiɓɛ. Jaa keɓe, Laa zɔ̃ng wu, nɛɛ vuu piti, wu naa nwang ɓɔɔ ɓiɓɛ, a Laa mã́a koo nɛɛ bii ɓiɓɛ ɓɛɛ kɔ.

Yakubu 5:3

a zinariya nɛɛ azurufa manɛ sisaa ti shaa kina. Sisaa keɓe kɔ naa nwang vuu ɓɔɔ kɔɔ ruu ka yuu manɛ ɓɛɛ. Ti naa shaa yɔpɔ bii manɛ naa waa. Nɔɔ kpálɛ̀ saka manɛ kaa làa ɓɔɔ koo waa nyaa tɔ ɓɛɛ.

2 Bituru 3:3

Vuu ɓɔɔ n kasɛ nɛɛ nɔɔ zi shɔɔnang keɓe. N kasɛ nɛɛ nɔɔ zirɛ nɛɛ ka diki ɓɔɔ koo keɓe waa nyaa kaa tɔ, zang ɓɔɔgn ri nwangkɛ nyaa, ri palɛ vuu ɓɔɔ yeti ɓarɛ kasɛ ɓɛɛ. Zang keɓe, ri naa kpaa nɔɔ katɔ.