Zang Shonang Yeesɔ 19:9 - Nyaa Shɔɔ Ɓɔɔ Laa a Ɓɛɛ

⁹ Zang ɓɔɔ ri taarɛ yuu, ri shing danggn kpang. Ri kɔɔ ruu shi kpang ka yuu gbalang keɓe, ka tĩng zang ɓɔɔ ri kpalɛ zɔɔ ɓɛɛ nandon. Ka ruu nɔngkɔ, Bulu yaa ri, sèe kaa zang ɓɔɔ ri dũng Laa kɔ shɛ̃ɛning daa nɛɛ ri ka yeti gãa ɓɔɔ zang tusu zang labeenang kagn ɓɔɔ zang ɓáa nɛɛ nung Tirana ɓɛɛ. Laa nyaa nɛɛ ri ka nɔngkɔ, ka yuu Ruu Laa diki diki.

Zang Shonang Yeesɔ 19:9 ပူးပေါင်းရင်းမြစ်များ

Matiyu 15:14

Nɔɔ yaa ri ka nɔngkɔ, ri ɓarɛ zang jĩng ringtang ɓɔɔ tusu zang jĩng ringtang gbalang ɓɛɛ. Naa zang jĩng ringtang tɔɔ wu tusu zang ɓɔɔ doo jĩng ringtang kɔ doori gbalang, ri dáa gɔlɔ zɔɔ ɓarɛ ka too nandon.”

Matiyu 16:4

Nɔɔ zang yeti shi kpang koo jaknti ɓɔɔ nɔɔ zi Laa Kpang ɓee, nɔɔ kasɛ nɛɛ n tusu nɔɔ vuu ɓɔɔ zang zirɛ zang mã naa ka danggn ɓɛɛ. N tùsù nɔɔ kpang, zang tusu ɓɔɔ zang palɛ ka bii Yunana zang nyaa shonang Laa ɓɛɛ kɔ shɛ̃ɛning. A yaa ri daayi.”

Matiyu 26:55

A Yeesɔ raa jĩng, hɛ̃ɛ zang ɓɔɔ ri a wu yinang tɔɔ, “Nɔɔ see yere bang nɛɛ labasaa ka naa gaagaa, nɛɛ nɔɔ naa yi ɓu nkɔ naa zang shɔngɓɔ ya? N nwalɛ ka yeti Gãa Laa kɔ diki diki, n tusu zang vuu, nɔɔ yi m kpang.

Yɔhana 12:40

“Laa zuu ri jĩng katɔ, a ti zãa yeti ɓarɛ vuu zinang katɔ. Nɛɛ tɔɔ, jĩng ɓarɛ wu zi nɔng kaa takpang Yeti ɓarɛ ti zi vuu kpang. Ka ruu ɓɔɔ, ri nɛɛ gbãayu ka bii ɓiɓɛ, nɛɛ wu ta yuu ɓarɛ ɓɛɛ.”

Zang Shonang Yeesɔ 11:26

Daa ĩi wu, a atɛ wu ka Antakiya. Ri ziti ri nwalɛ nɛɛ zang, ɓɔɔ ri dũng Laa, a ri ti tusu zang dɔɔli vuu, saa gbete. Zang gaayu zang ɓɔɔ ri dũng Laa ɓaanang ka Antakiya kɔ nɛɛ Kirista.

Zang Shonang Yeesɔ 14:4

Zang gari ri basɛ zɔɔ tìng ziti. Tìng gbete ri ta nyaa zang Yahudi, a ɓɔɔ gbete ri ta ɓarɛ kaa nyaa rɛɛ zang shonang Yeesɔ.

Zang Shonang Yeesɔ 17:4

Zang Yahudi ɓɔɔ ri ta ruu keɓe, a ri ɓang ka bii rɛɛ Bulu nɛɛ Siila. Rɛɛ zang soro ɓɔɔ zang a ri bannang katɔ ɓɛɛ, nɛɛ rɛɛ zang Heleni ɓɔɔ ri bang Laa ɓɛɛ, ri ɓang jong ka bii ɓarɛ.

Zang Shonang Yeesɔ 19:23

Ka diki kaɓa, zang hàa nyaa dɔɔli ka Afisa ka ruu gbalang keɓe.

Zang Shonang Yeesɔ 19:30

Bulu kasɛ nɛɛ wu daa nɔng ɓɔɔ zang kpalɛ yuu kaɓa jong, a zang ɓɔɔ ri dũng Laa ri zãa wu daanang.

Zang Shonang Yeesɔ 20:31

Nɔɔ gãng jĩng kagn, danggn wu ning nɔɔ naa ɓɔɔ ka saa taati, n yaa ɓɔɔ n mangkɛ zang ɓu kpang. N mangkɛ nɔɔ nɛɛ zĩi nɛɛ laagɛ̃ piti, nɛɛ miiri ka jĩng mɛɛ ɓɛɛ.

Zang Shonang Yeesɔ 22:4

N dang zang ɓɔɔ ri dũng gbalang keɓe jĩng, n nyɔ̀kɔ̀ ri ɓɔɔ vɔrɔ. N yiki zang varɛ nɛɛ zang soro n mã ri, n looro ri ka sãa.

Zang Shonang Yeesɔ 24:21

Ɓi ruu gbete ɓɔɔ n mɛ́ɛ nyaa ka teteng ɓarɛ n kɔɔyi nɛɛ, ‘Zang ɓàa m nyaavaa ka bii manɛ, ka ruu danggn ɓɔɔ n shingnɛ nɛɛ, zang naa yupaa ditɔ nɛɛ sàa ɓɛɛ kɔ shɛ̃ɛning.’ ”

Zang Shonang Yeesɔ 28:22

Ruu kasɛ ruu tɔɔ ruu tãa vuu ɓɔɔ ka yeti ɓaaɓɛ ɓɛɛ. Ka ruu ɓɔɔ, ruu zi tɔ zang ráng ruu nɛɛ nɔng piti piti ka ruu gbalang keɓe.”

Zang Shonang Yeesɔ 7:51

“Nɔɔ taarɛ yuu dɔɔli. Yeti manɛ nɛɛ shoo manɛ nɔɔ dòo katɔ. Nɔɔ kàsɛ̀ nɛɛ nɔɔ tãa vuu ɓɔɔ Suru Laa kɔ̀ɔ́ nɔɔ kpang. Nɔɔ pálɛ̀ dòó vuu ɓɔɔ rɛɛ dáa manɛ ri palɛ ɓɛɛ kɔ.

Zang Shonang Yeesɔ 9:2

a gaa wu nɛɛ wu bee wu labeenang ɓɔɔ wu daa a zang ka rɛɛ gãa zɔɔ kpalɛnang ɓɔɔ ka gari Damasiku ɓɛɛ. Wu nɛɛ daa ĩi zang ɓɔɔ ri dũng Gbalang keɓe kagn nɔng, zang varɛ nɛɛ zang soro, wu yiki ri, wu mãlɛ naa ɓarɛ, wu a nɛɛ ri ka gari Urushalima.

Rooma 11:7

Ruu keɓe, kɔɔ ɓu kaa nɛɛ viya? Zang Isirela ri ĩi vuu ɓɔɔ ri kãa ɓɛɛ kpang. Ɓi zang ɓɔɔ Laa zɔ̃ngkɔ rikɔ ri ĩiyi. Zang nimbang ri huuru shoo ɓarɛ katɔ, ri tãa nyaa ɓɔɔ Laa ɓayi ɓarɛ takpang.

Rooma 9:18

Nɛɛ nɔngkɔ, gn kɔng Laa ka ruu zang ɓɔɔ gn ɓarɛ kɔng wu katɔ ɓɛɛ. Wu ti shing zang ɓɔɔ, ri táarɛ́ yuu.

1 Koranti 16:9

Laa puu m gbalang tɔ nɛɛ n palɛ shonang bang ɓɔɔ nwang vuu tɔ̃ɔ ɓɛɛ, a zang dɔɔli ri shing jĩng kaa tɔ̀ɔ́ nɛɛ n kpang.

1 Timoti 6:5

a ri hãa nyaa diki diki. Zang keɓe, yeti ɓarɛ zunung rɛ̃rɛnang tɔ̃ɔ kpang, ri ti zi ruu ɓɔɔ niizang ɓarɛ kpang. Zang keɓe, ri kɔɔ ɓarɛ nɛɛ gbalang Laa ɓi gbalang ɓɔɔ zang walɛ saka kagn ɓɛɛ.

2 Timoti 1:15

Mɔɔ zi tɔ nɛɛ, rɛɛ Figelu nɛɛ Hamɔgini nɛɛ zang ɓɔɔ ri dũng Laa ka tipi Asiya nandon, ri yaa m tɔ.

2 Timoti 3:5

Ri naa palɛ bii mɔɔ kɔ̀ɔ́ nɛɛ ri dṹng Laa nɛɛ yeti gbete, a nwannang ɓarɛ tusu ɓi nɛɛ ri dũng Laa kpang tingkiring. Ruu ɓaaɓɛ wu hãa kagn nɛɛ rɛɛ zɔ̃ng zang keɓe kpang.

2 Timoti 4:2

Kɔ̀ɔrɔ̀ zang Ruu Tɔ̃ɔ Laa, yi tĩng ɓaa ka kɔɔrɔnang, naa nɛɛ làá kɔɔnang, naa nɛɛ ti laa kɔɔnang kpang piti. Mangkɛ zang, mɔɔ ti mã̀ zang danggn. Mɔɔ mã danggn ka nɔng ɓɔɔ mɔɔ tusu zang vuu ɓɛɛ.

Yahudi 3:13

Nɔɔ mã zɔɔ danggn katɔ kɔ jong diki diki, tɔɔ vuu shi kpang wu shing zang ɓɔɔ kaa tɔ̀ɔ́ ka teteng manɛ wu taarɛ yuu kpang, ka laa ɓɔɔ nɔɔ doo ningkãari kɔ, zang ɓaa nɛɛ “Lɛɛkɔ” ɓee.

2 Bituru 2:12

Zang keɓe ri rangkɛ yee shi kpang ka yuu vuu ɓɔɔ ri zi tɔ̃ɔ tɔ̃ɔ kpang ɓɛɛ. Ri palɛ vuu naa shoko. Ri palɛ vuu teetee naa yɔpɔ jĩngti ɓɔɔ zang yi ri nɛɛ, ri nɛɛ bang tɔ, zang yirɛ zang yee ɓɛɛ. Niizang, ri shàarɛ́ dòo nɔngkɔ, naa yɔpɔ jĩngti, zang tãa nung ɓarɛ takpang.

2 Bituru 2:2

Zang dɔɔli ri naa palɛ dũndũng ɓɔɔ maalang keɓe ri palɛ ɓɛɛ. Tɔ̀ɔ, ri shing zang kati zang ri rang ruu shi kpang ka yuu gbalang Laa ɓɔɔ niizang ɓɛɛ.

Yahuza 1:10

A zang keɓe ri dãlɛ vuu piti ɓɔɔ ri zi dĩiri ɓiɓɛ kpang ɓɛɛ. Vuu ɓɔɔ kagn ri zi katɔ, a ri zi kaa tɔ̀ɔ́ ka rɛ̃rɛnang ɓɔɔ ri rɛ̃rɛ ka yuu ɓiɓɛ kpang, ri tãa ɓarɛ nɛɛ bii naa ɓɔɔ yɔpɔ jĩngti ɓɔɔ rang yee ɓi kpang tãa ɓɛɛ. Ti vuu keɓe kɔ ningsi ri.