Zang Shonang Yeesɔ 19:8 - Nyaa Shɔɔ Ɓɔɔ Laa a Ɓɛɛ

⁸ Bulu daa ka yeti gãa zɔɔ kpalɛnang, kɔɔ zang Ruu Laa nɛɛ gbãng gbãng ning. Nwang nɛɛ ri ka nɔngkɔ shala taati. Làá nyaa nɛɛ zang, kasɛ nɛɛ ri ta ruu ɓɔɔ wu kɔ̀ɔ́ ri ka yuu Kpanti roonang Laa ɓɛɛ.

Zang Shonang Yeesɔ 19:8 ပူးပေါင်းရင်းမြစ်များ

Zang Shonang Yeesɔ 1:3

Ka knti vɔrɔ ɓiɓɛ, tusu ri yuu ɓiɓɛ diki laa ziti. Nwang nyaa ka bii ɓarɛ ka diki ka bm bm, naa ɓɔɔ ri làa nyaa takpang nɛɛ wu doo ningkãari kpang ɓɛɛ. Ri zi wu, a ti rang yee nɛɛ ri ka yuu Kpanti roonang Laa.

Zang Shonang Yeesɔ 13:14

Ri sha ɓarɛ kaa nɛɛ Paaga ri daa ka Antakiya ɓɔɔ ka tipi Pisidiya ɓɛɛ. Ka Diki Ɔ̃sɔnang, ri daa ka gãa zɔɔ kpalɛnang, a ri nwáng ka tipi.

Zang Shonang Yeesɔ 13:46

A Bulu nɛɛ Baranaba ri rang yee, ri kaa vɔrɔ kpang, tɔɔ, “Ruu nɛɛ rang nɔkɔ Ruu Laa shɔɔnang. Ka ruu ɓɔɔ, nɔɔ bɛ̃ɛyi, nɔɔ tusu yuu manɛ naa nɔɔ daa naa ɓɔɔ nɔɔ walɛ suru bii ɓɔɔ waa nyaa kpàng kpang, ruu raa jĩng kaa bii zang ɓɔɔ ri zang Isirela kpang ɓɛɛ.

Zang Shonang Yeesɔ 14:1

Ka Ikoniya Bulu nɛɛ Baranaba ri daa yeti gãa zɔɔ kpalɛnang ka nyaa zɔɔ. Ri rang yee Laa, a zang dɔɔli, rɛɛ Yahudi nɛɛ zang Heleni ri shing danggn.

Zang Shonang Yeesɔ 17:17

Ka ruu nɔngkɔ, laa zɔɔ nyaa ka gãa zɔɔ kpalɛnang nɛɛ rɛɛ Yahudi nɛɛ zang ɓɔɔ ri zang Isirela kpang, ɓɔɔ ri dũng kaa Laa ɓɛɛ. Ti rang yee jong nɛɛ rɛɛ zang ɓɔɔ ri alɛ ka nɔng ɓɔɔ zang ri kpalɛ zɔɔ kagn ka gari ɓɛɛ.

Zang Shonang Yeesɔ 18:19

Ɓɔɔ ri naa a ka Afisa, Bulu yaa rɛɛ Pirisila nɛɛ Akpiila daa ɓi kaa gãa zɔɔ kpalɛnang, ri daa laa zɔɔ nyaa ɓi nɛɛ zang Yahudi.

Zang Shonang Yeesɔ 18:26

Gaayu yee rannang ka gãa zɔɔ kpalɛnang kaa vɔrɔ kpang. Rɛɛ Pirisila nɛɛ Akpiila ri tãa vuu ɓɔɔ wu kɔɔrɔ ɓɛɛ, a ri ɓaa wu nyaa, ri daa nɛɛ wu ka gãa ɓarɛ. Ri daa tusu wu gbalang Laa kaa waasɛ̃.

Zang Shonang Yeesɔ 18:4

Bulu ri làá zɔɔ nyaa nɛɛ zang Yahudi nɛɛ zang Heleni ka Diki Ɔ̃sɔnang ka gãa zɔɔ kpalɛnang diki diki. Kasɛ nɛɛ ri ta ruu ɓɔɔ wu kɔɔ ri ɓɛɛ.

Zang Shonang Yeesɔ 19:10

Pálɛ́ nɔngkɔ, saa ziti ka ruu nɔngkɔ, zang ɓɔɔ ri ka tipi Asiya ri tãa Ruu Laa, zang Yahudi nɛɛ zang ɓɔɔ ri zang Isirela kpang ɓɛɛ nandon.

Zang Shonang Yeesɔ 19:7

Zang bìí ri zang varɛ kɔ shɛ̃ɛning kopi tu ziti.

Zang Shonang Yeesɔ 19:9

Zang ɓɔɔ ri taarɛ yuu, ri shing danggn kpang. Ri kɔɔ ruu shi kpang ka yuu gbalang keɓe, ka tĩng zang ɓɔɔ ri kpalɛ zɔɔ ɓɛɛ nandon. Ka ruu nɔngkɔ, Bulu yaa ri, sèe kaa zang ɓɔɔ ri dũng Laa kɔ shɛ̃ɛning daa nɛɛ ri ka yeti gãa ɓɔɔ zang tusu zang labeenang kagn ɓɔɔ zang ɓáa nɛɛ nung Tirana ɓɛɛ. Laa nyaa nɛɛ ri ka nɔngkɔ, ka yuu Ruu Laa diki diki.

Zang Shonang Yeesɔ 20:31

Nɔɔ gãng jĩng kagn, danggn wu ning nɔɔ naa ɓɔɔ ka saa taati, n yaa ɓɔɔ n mangkɛ zang ɓu kpang. N mangkɛ nɔɔ nɛɛ zĩi nɛɛ laagɛ̃ piti, nɛɛ miiri ka jĩng mɛɛ ɓɛɛ.

Zang Shonang Yeesɔ 28:23

Ka ruu nɔngkɔ, ri kà zɔɔ diki nɛɛ Bulu. Ɓɔɔ diki ɓɔɔ ri ka zɔɔ naa arɛ zang dɔɔli ri kpalɛ zɔɔ ka nɔng ɓɔɔ Bulu nwàng kagn ɓɛɛ. Bulu nwangsɛ ri dĩiri ruu a ti kɔɔ ri ruu ka yuu Kpanti roonang Laa nɛɛ gãndi sasak nɔng tɔɔ nɛɛ mani. Kasɛ nɛɛ ri ta ruu ɓɔɔ wu kɔɔ ri ka yuu Yeesɔ ɓɛɛ, ka ruu nɔngkɔ, rang ri yee ka yuu ɓiɓɛ ka yeti labeenang Musa nɛɛ ɓɔɔ rɛɛ zang nyaa shonang Laa.

Yahuza 1:3

Masang, ɓɔɔ n kasɛ nɔɔ dɔɔli ɓɛɛ, bɛ̀ɛ́ n wàá doo diki ɓɔɔ n bèé nɔɔ labeenang ka ruu yuu ɓuru ɓɔɔ Yeesɔ ta ɓɛɛ. A vuu ɓɔɔ shing m kãntang keɓe n bèé nɔɔ labeenang, n kasɛ n kɔɔ nɔɔ nɛɛ nɔɔ shii nɛɛ bang, ka ruu danggn shinnang kɔ Laa a zang ɓiɓɛ tɔ dɔ̃ɔ gbete ɓee.