Zang Shonang Yeesɔ 19:22 - Nyaa Shɔɔ Ɓɔɔ Laa a Ɓɛɛ

²² Shong zang ɓɔɔ ri yi wu naa ka shonang ri ziti, Timoti nɛɛ Erasitu ka tĩng ka Makidoniya, a nwang kaa Asiya tɔkn tɔkɔlɔng.

Zang Shonang Yeesɔ 19:22 ပူးပေါင်းရင်းမြစ်များ

Zang Shonang Yeesɔ 13:5

Ri a tɔ ka Salami, a ri kɔɔrɔ zang Ruu Laa ka gãa zɔɔ kpalɛnang. Yɔhana ɓɔɔ zang ɓaa wu nɛɛ Maraku nɛɛ ri ning, yì ri naa ka shonang.

Zang Shonang Yeesɔ 16:1

Bulu daa ka Daabe, a naa daa ka Lisitira nɔng ɓɔɔ yɔɔ ɓɔɔ dũng Laa ɓɔɔ zang ɓaa wu nɛɛ Timoti kagn ɓɛɛ. Niiɓɛ ɓɔɔ dũng doo Laa kɔ doori, ɓi zang Yahudi a diiɓɛ ɓi kaa zang Heleni.

Zang Shonang Yeesɔ 16:3

Bulu kasɛ nɛɛ wu daa nɛɛ Timoti, ka ruu nɔngkɔ, yèe wu shaa kati. Yèe wu shaa, ka ruu ɓɔɔ, zang Yahudi ɓɔɔ ri ka tipi kaɓa nandon, ri zi tɔ nɛɛ dáa Timoti zang Heleni ɓɛɛ.

Zang Shonang Yeesɔ 18:5

Ɓɔɔ Timoti nɛɛ Siila ri a nɛɛ Makidoniya, Bulu raa jĩng ɓi kaa Ruu Laa kɔɔrɔnang dɔ̃ɔ gbete. Kɔɔrɔ zang Yahudi nɛɛ Yeesɔ kɔ Kirisi.

Zang Shonang Yeesɔ 19:10

Pálɛ́ nɔngkɔ, saa ziti ka ruu nɔngkɔ, zang ɓɔɔ ri ka tipi Asiya ri tãa Ruu Laa, zang Yahudi nɛɛ zang ɓɔɔ ri zang Isirela kpang ɓɛɛ nandon.

Zang Shonang Yeesɔ 19:21

Ka knti ɓɔɔ vuu keɓe palɛ tɔ nɔngkɔ, Bulu kɔɔ ka yeti ɓiɓɛ nɛɛ wu sɔɔ nɛɛ tipi Makidoniya nɛɛ tipi Akaya wu daa kaa Urushalima. A ti kɔɔyi nɛɛ, “N nɛɛ daa tɔ Urushalima, n daa katɔ, n daa zi Rooma.”

Zang Shonang Yeesɔ 19:29

Nɔng shoo tãanang ɓi tɔ̀ɔ́ ka gari kpang. Zang gari ri yuku ri daarɛ ka nɔng ɓɔɔ zang kpalɛ zɔɔ kagn ka gari ɓɛɛ. Vuu ɓɔɔ ri mang ka yeti ɓarɛ gbete. Zang ti gɔ̃ɔ Gaayu nɛɛ Arisitaku zang Makidoniya ɓɔɔ ri ra doo nɛɛ Bulu ɓɛɛ, zang daa nɛɛ ri ka nɔng bìí.

Zang Shonang Yeesɔ 20:1

Nyaa ɓɔɔ zang haa ɓɛɛ naa kaa tɔ, a Bulu shong nyaa ka rɛɛ zang ɓɔɔ ri dũng Laa nɛɛ ri arɛ. Mã ri danggn, a jee ri nyaa nɛɛ wu daa kaa tɔ. A yaa ri, daa kaa tipi Makidoniya.

Zang Shonang Yeesɔ 20:34

Nɔɔ zi tɔ, n palɛ shonang nɛɛ naa mɛɛ keɓe, ń wàlɛ̀ vuu ɓɔɔ n kasɛ, nɛɛ vuu ɓɔɔ zang ɓɔɔ ri nɛɛ n ri kasɛ ɓɛɛ.

Rooma 16:23

Gaayu, zang ɓɔɔ n nwang ka gãa ɓiɓɛ, ɓɔɔ zang ɓɔɔ ri dũng Kirisi ri kpalɛ zɔɔ ka gãa ɓiɓɛ ɓɛɛ, jée nɔɔ nyaa jong. Erasitu ɓɔɔ zang gari ri shing saka ka naa ɓiɓɛ, nɛɛ manzung ɓuru Kpaatu ɓɔɔ dũng doo Kirisi kɔ, ri jée nɔɔ nyaa.

2 Koranti 1:16

Bɛɛ n mangnɛ nɛɛ, n leng nɔɔ ka gbalang ɓɔɔ n daa Makidoniya ɓɛɛ, n nɛɛ ti gbãayu kaa tɔ, n ti sɔɔ nɔng manɛ. Tɔ̀ɔ, nɔ́ɔ yi m naa kaa bii, nɛɛ vuu ɓɔɔ n daa Yahudi nɛɛ mani ɓɛɛ.

2 Koranti 11:9

Ka ɓɔɔ n dòo nɛɛ nɔɔ, kɔ́pɔ̀ nɛɛ ka naa mɛɛ kpang, n kpãa zang gbete ka teteng manɛ nɛɛ wu yi m naa ka bii kpang. Manzung ɓuru ɓɔɔ ri dũng doo Laa kɔ, ɓɔɔ ri a nɛɛ tipi Makidoniya, rikɔ a m vuu piti ɓɔɔ n kasɛ ɓɛɛ. N ĩ̀i nɔɔ ka yuu, nɛɛ nɔkɔ nɔɔ yi m naa ka bii kpang. N ĩi kãntang keɓe kpang, n ti ĩ̀i nɔɔ kpang dòndòng.

2 Koranti 2:13

A ka ruu ɓɔɔ n ĩi manzung Titu ka nɔng kpang, vuu bìí kpãa m ka yeti dɔɔli. Ka ruu nɔngkɔ, n yaa rɛɛ zang gari kaɓa, a n daa ka gari Makidoniya.

2 Koranti 8:1

Manzung ɓuru ɓɔɔ ri dũng dòo Laa kɔ ɓɛɛ, ruu tɔɔ ruu kɔ̀ɔ́ nɔɔ ruu vuu tɔ̃ɔ ɓɔɔ Laa pàlɛ̀ zang ɓɔɔ ri dũng wu ka tipi Makidoniya ɓɛɛ.

2 Koranti 8:19

Wu nɔngkɔ shɛ̃ɛning kpang, zang ɓɔɔ ri dũng Laa, ri zɔ̃ng wu tɔ, nɛɛ wu rakɛ nɛɛ ruu, ka ɓɔɔ ruu daa nɛɛ vuu kɔ zang kpalɛ ɓee. Vuu kɔ ruu bàsɛ́ ɓee, tɔ̀ɔ, wu a Kpanti Yeesɔ Kirisi bannang, wu ti tusu nɛɛ ruu kasɛ katɔ ruu yi zang ɓɔɔ ri dũng doo Laa kɔ naa ka bii.

1 Tesalonika 1:8

Ka ruu ɓɔɔ, wu Ruu Tɔ̃ɔ ɓɔɔ ka yuu Yeesɔ Kirisi ɓɔɔ nwang nɛɛ bii manɛ, bàa wu tipi Makidoniya nɛɛ Akaya kɔ shɛ̃ɛning kpang. Ruu danggn ɓɔɔ nɔɔ shing ka bii Laa, bàa nɔng tɔ jong piti piti. Vuu ɓɔɔ naa ruu kɔɔ ɓɛɛ tɔ̀ɔ́ kagn kpang.

2 Timoti 4:20

Erasitu nwàng ɓi ka Koranti, a n yaa Torofimu ka gari Miletu, ka ruu ɓɔɔ vuu pálɛ́ wu katɔ ɓɛɛ.