Zang Shonang Yeesɔ 19:13 - Nyaa Shɔɔ Ɓɔɔ Laa a Ɓɛɛ

¹³ A zang Yahudi ɓɔɔ kagn ɓɔɔ ri rakɛ ri daarɛ gari gari ri nwangsɛ suru shi kpang nɛɛ bii zang, ri kasɛ nɛɛ ri nwángsɛ̀ suru shi kpang kaa jong nɛɛ nung Kpanti Yeesɔ. Ri kɔɔyi nɛɛ, “N dang mɔɔ nyaa nɛɛ nung Yeesɔ ɓɔɔ Bulu kɔɔrɔ zang ruu ɓiɓɛ ɓɛɛ.”

Zang Shonang Yeesɔ 19:13 ပူးပေါင်းရင်းမြစ်များ

Matiyu 12:27

Naa n nwangsɛ suru shi kpang nɛɛ naa ɓɔɔ Bahazabu kpanti suru shi kpang a m, zang ɓɔɔ ri dũng nɔɔ ri nwangsɛ ɓi kaa nɛɛ naa viya? Ka ruu nɔngkɔ, vuu ɓɔɔ zang ɓɔɔ ri dũng nɔɔ ri palɛ, wukɔ tusu nɔɔ nɛɛ ruu manɛ ɓi niizang kpang.

Matiyu 26:63

Yeesɔ ti ãa nyaa ɓi kagn kpang. A Kpanti zang ɓɔɔ ri dɔɔ vuu kà Gãa Laa, kɔɔ wu tɔɔ, “N zɔ̃ɔrɔ mɔɔ katɔ nɛɛ Kpanti Laa ɓɔɔ ningkãari ɓɛɛ, kɔɔ ruu jong. Mɔkɔ Kirisi Jaa Kpanti Laa ɓɔɔ naa a ɓɛɛ ya?”

Maraku 5:7

A mɛɛ nyaa ka lapa tɔɔ, “Mɔɔ kãa vi ka bii mɛɛ viya? Yeesɔ Jaa Kpanti Laa? N zɔɔrɔ mɔɔ katɔ nɛɛ nung Laa, mɔɔ dang m jĩng kpang.”

Maraku 9:38

Yɔhana kɔɔ wu tɔɔ, “Maalang, ruu zi zang ɓɔɔ kagn nwangsɛ suru shi kpang nɛɛ nung ɓaaɓɛ, a ruu zãa wu. Ka ruu ɓɔɔ, wu ɓi nɛɛ ruu kpang ɓɛɛ.”

Luka 11:19

Naa n nwangsɛ suru shi kpang nɛɛ naa ɓɔɔ Bahazabu a m, zang ɓɔɔ ri dũng nɔɔ, ri nwangsɛ ɓarɛ kaa nɛɛ viya? Ka ruu nɔngkɔ, rikɔ naa nwang zang ɓɔɔ naa jɛ̃ɛ nɔɔ ruu ɓɛɛ.

Luka 9:49

Yɔhana kɔɔ wu tɔɔ, “Dabang, ruu zi zang ɓɔɔ kagn nwangsɛ suru shi kpang nɛɛ nung ɓaaɓɛ, a ruu zãa wu. Ka ruu ɓɔɔ, dũng knti ɓaaɓɛ ɓi nɛɛ ruu kpang ɓɛɛ.”

Zang Shonang Yeesɔ 19:14

Yɔɔ Yahudi ɓɔɔ kagn zang ɓaa wu nɛɛ Siiba, ɓi zang bang zang ɓɔɔ ri dɔɔ vuu ka gãa Laa ɓɛɛ. Wujɛ ɓiɓɛ kagn manziti ri pálɛ̀ vuu keɓe doo nɔngkɔ.

2 Koranti 11:4

N kàá nɔɔ vɔrɔ, ka ruu ɓɔɔ, n zirɛ zang ɓɔɔ nɛɛ a tɔ ka bii manɛ, nɔɔ tantɛ wu tanang ɓɛɛ. Nɔɔ tantɛ danggn shinnang ka vuu ɓɔɔ ri kɔ̀ɔ́ nɔɔ ka yuu Yeesɔ ɓɔɔ ɓɛɛ, naa dòo náabm̀ nɛɛ Yeesɔ ɓɔɔ ruu kɔɔ nɔɔ ɓɛɛ. Nɔɔ ti tá suru ɓɔɔgn naa doo Suru Laa ɓɔɔ nɔɔ ta nɛɛ bii ɓuru kpang ɓɛɛ. A nɔɔ ti ta Ruu Tɔ̃ɔ ɓɔɔgn ka yuu Laa, naa doo náabm̀ nɛɛ ɓɔɔ ruu kɔɔ nɔɔ ɓɛɛ.