Zang Shonang Yeesɔ 19:11 - Nyaa Shɔɔ Ɓɔɔ Laa a Ɓɛɛ

¹¹ Laa palɛ vuu ɓɔɔ zang zirɛ zang mã naa ka danggn dɔɔli, ɓɔɔ zang zi gngn kpang ɓɛɛ nɛɛ naa Bulu.

Zang Shonang Yeesɔ 19:11 ပူးပေါင်းရင်းမြစ်များ

Yɔhana 14:12

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, palɛ shonang ɓɔɔ n palɛ ɓɛɛ katɔ. Ti palɛ shonang ɓɔɔ ɓa ɓɔɔ n palɛ katɔ. Ka ruu ɓɔɔ, n gbãayu n daa kaa bìí Daa mɛɛ ɓɛɛ.

Zang Shonang Yeesɔ 14:3

Bulu nɛɛ Baranaba ri nwang ka nihn diki ɓarɛ bee katɔ. Ri rang yee Laa ri kaa vɔrɔ kpang a Laa tusu zang nɛɛ yee tɔ̃ɔ ɓiɓɛ niizang kɔ nwani, ka ɓɔɔ yaa rɛɛ Bulu nɛɛ Baranaba ri palɛ vuu ɓɔɔ zang zirɛ zang mã naa ka danggn ɓɛɛ.

Zang Shonang Yeesɔ 15:12

Zang ɓɔɔ ri kpalɛ zɔɔ, ri nwang kaa kikiri, ka ɓɔɔ ri tãa naa ɓɔɔ Baranaba nɛɛ Bulu ri kɔɔrɔ vuu ɓɔɔ zang zirɛ zang mã naa ka danggn, ɓɔɔ Laa yi ri naa kagn, ri pálɛ̀ ka teteng zang ɓɔɔ ri zang Isirela kpang ɓɛɛ.

Zang Shonang Yeesɔ 16:18

Pálɛ̀ naa weɓe diki diki, a yeti Bulu naa lasɛ, a raa jĩng kɔɔ suru shi kpang tɔɔ, “N dang mɔɔ nyaa nɛɛ nung Yeesɔ Kirisi, nwangnɛ mɔɔ yaa wu bii.” A suru shi kpang tantɛ nwannang.

Zang Shonang Yeesɔ 5:12

Rɛɛ zang shonang Yeesɔ, ri palɛ vuu ɓɔɔ zang zirɛ zang mã naa ka danggn dɔɔli ka teteng zang. A zang ɓɔɔ ri shíng danggn tɔ ri kpálɛ́ zɔɔ diki diki ka nɔng gbete, ka nɔng ɓɔɔ zang ɓaa nɛɛ Putali Sulemanu ɓɔɔ ka Gãa Laa ɓɛɛ.

Zang Shonang Yeesɔ 8:13

Siman nɛɛ yuu ɓiɓɛ shing danggn jong ka knti ɓɔɔ zang palɛ wu batizima tɔ, ràkɛ́ kaa nɛɛ Filibu diki diki. Siman mã naa ka danggn, ka ruu vuu ɓɔɔ zang zirɛ zang mã naa ka danggn ɓɔɔ wu zìlí Filibu palɛ ɓɛɛ.

Galati 3:5

Laa a nɔɔ Suru ɓiɓɛ, a ti palɛ vuu ɓɔɔ zang zirɛ zang mã naa ka danggn ka teteng manɛ. Palɛ ka ruu ɓɔɔ nɔɔ pálɛ̀ vuu ɓɔɔ nyaa dannang kasɛ ɓɛɛ ya, kɔ palɛ ka ruu ɓɔɔ, nɔɔ tãa Ruu Tɔ̃ɔ, a nɔɔ shing danggn ɓɛɛ?

Yahudi 2:4

Laa ti tusu jong nɛɛ ruu keɓe niizang naa ɓɔɔ ri tusu ɓɛɛ, ka ɓɔɔ wu palɛ vuu ɓɔɔ zang zirɛ zang mã naa ka danggn ka zɔ̃ng zɔ̃ng ɓɛɛ. A ti basɛ zang vuu ɓɔɔ Suru ɓiɓɛ a zang ka naa ɓɔɔ wu kasɛ ɓɛɛ.