Zang Shonang Yeesɔ 18:5 - Nyaa Shɔɔ Ɓɔɔ Laa a Ɓɛɛ

⁵ Ɓɔɔ Timoti nɛɛ Siila ri a nɛɛ Makidoniya, Bulu raa jĩng ɓi kaa Ruu Laa kɔɔrɔnang dɔ̃ɔ gbete. Kɔɔrɔ zang Yahudi nɛɛ Yeesɔ kɔ Kirisi.

Zang Shonang Yeesɔ 18:5 ပူးပေါင်းရင်းမြစ်များ

Luka 12:50

Jĩng dannang naa ɓa m yuu naa ɓɔɔ zang hãa zang ka mii batizima ɓɛɛ.

Luka 16:28

Jaa nàá mɛɛ zang varɛ kagn maani, wu daa shaarɛ ri nyaa, ka ruu ɓɔɔ, ri nɛ̀ɛ́ a jong ka nɔng jĩng dannang keɓe ɓɛɛ.’

Yɔhana 1:41

Dàa tantɛ jaa niiɓɛ Siman kɔ ĩinang shɔɔnang, a kɔɔ wu nɛɛ, “Ruu ĩi Masiya, zang ɓɔɔ Laa a nyaa nɛɛ naa ta yuu zang tɔ.” Wukɔ “Kirisi”.

Yɔhana 10:24

Rɛɛ zang Yahudi ri kpalɛ zɔɔ ka bii ɓiɓɛ, ri hɛ̃ɛ wu nɛɛ, “Mɔɔ yaa ruu ɓu kaa naa weɓe kɔ sasak, ruu zi mɔɔ nung kpang ya? Mɔkɔ nɛɛ Kirisi, kɔɔ ruu faarik, mɔɔ wàasɛ̀ ruu kpang.”

Yɔhana 15:27

Nɔɔ dòo zang ɓɔɔ ri kɔ̀ɔ́ zang ruu ka yuu mɛɛ kɔ, ka ruu ɓɔɔ, nɔɔ doo nɛɛ n, ka diki ɓɔɔ n gaayu shonang mɛɛ palɛnang ɓɛɛ.

Yɔhana 3:28

Ɓeleng n kɔɔ m nɔngkɔ, nɔɔ ti tãa tɔ, N tɔɔ, ‘Ɓi nkɔ Kirisi kpang, Laa shong m ka tĩng ɓiɓɛ.’

Zang Shonang Yeesɔ 10:42

A á ruu nyaa nɛɛ ruu kɔɔ zang Ruu Tɔ̃ɔ Laa. Rùu kɔ̀ɔ́ zang nɛɛ Laa zɔ̃ng wukɔ nɛɛ wu nwang zang ɓɔɔ naa jɛ̃̀ɛ́ rɛɛ zang ɓɔɔ vɔ katɔ, nɛɛ zang ɓɔɔ nwang doo ningkãari ruu.

Zang Shonang Yeesɔ 15:22

A zang shonang Yeesɔ ri nɛɛ rɛɛ zang bang bang, nɛɛ zang ɓɔɔ ri dũng Laa, nyaa ɓarɛ a gbete, nɛɛ ri shɛ̃ɛrɛ zang ɓɔɔ ka teteng ɓarɛ, ri shong ri ka Antakiya nɛɛ ri dàa nɛɛ Bulu nɛɛ Baranaba. A ri zɔ̃ng zang varɛ ziti ɓɔɔ zang ɓɔɔ ri shing danggn tɔ, ri á ri bannang dɔɔli ɓɛɛ. Yahuda ɓɔɔ zang ɓaa wu nɛɛ Basaba ɓɛɛ, ri nɛɛ Siila.

Zang Shonang Yeesɔ 16:1

Bulu daa ka Daabe, a naa daa ka Lisitira nɔng ɓɔɔ yɔɔ ɓɔɔ dũng Laa ɓɔɔ zang ɓaa wu nɛɛ Timoti kagn ɓɛɛ. Niiɓɛ ɓɔɔ dũng doo Laa kɔ doori, ɓi zang Yahudi a diiɓɛ ɓi kaa zang Heleni.

Zang Shonang Yeesɔ 16:12

Ruu yupaa nɛɛ nihn, ruu daa kaa Filipi ɓɔɔ wukɔ gari bang ka tipi Makidoniya ɓɛɛ. Gari keɓe, ɓi gari zang Rooma. Ruu nwang ka gari keɓe, diki bee ruu katɔ tɔkɔlɔng.

Zang Shonang Yeesɔ 16:9

Nɛɛ zĩi Bulu rɔ̃kɔ. Zi yɔɔ tipi Makidoniya shiiyi gaa wu nɛɛ, “Tárɛ mɔɔ a ka tipi Makidoniya mɔɔ naa yi ruu naa ka bii.”

Zang Shonang Yeesɔ 17:3

A kɔɔ ri nɛɛ Kirisi dàng jĩng gbongkarɛ, tɔ̀ɔ, wu naa yupaa nɛɛ saa. Bulu kɔɔ ri nɛɛ, “Yeesɔ kɔ n kɔ̀ɔ́ nɔɔ ruu ɓiɓɛ ɓee, wukɔ Kirisi.”

Zang Shonang Yeesɔ 18:28

Ka ruu ɓɔɔ, zunung yee rannang dɔɔli, ɓá rɛɛ zang Yahudi yuu nɛɛ ruu ɓiɓɛ, ka ɓɔɔ ri laa nyaa nɛɛ zɔɔ ka jĩng zang piti ɓɛɛ. Tùsú zang ka yeti labeenang Laa nɛɛ Yeesɔ kɔ Kirisi.

Zang Shonang Yeesɔ 2:36

“Ka ruu nɔngkɔ, zang Isirela, nɔɔ zi ta tɔ̃ɔ tɔ̃ɔ nɛɛ Yeesɔ ɓɔɔ nɔɔ ɓaa wu naa ka laa keɓe, Laa shing kaa wukɔ nwàng Kpanti, wukɔ ti Kirisi zang ɓɔɔ Laa tɔɔ, wu naa a ɓɛɛ.”

Zang Shonang Yeesɔ 20:21

N shaarɛ rɛɛ zang Yahudi nɛɛ zang ɓɔɔ ri zang Isirela kpang nyaa nandon, n tɔɔ ri yaa vuu shi kpang ɓɔɔ ri palɛ ɓɛɛ. Ri kɔ̃sɔ yeti ɓarɛ, ri a ka bii Laa. Ri shing danggn kaa bii Kpanti ɓuru Yeesɔ.

Zang Shonang Yeesɔ 20:23

Suru Laa shaarɛ m nyaa ka gari ɓɔɔ n daa kagn piti, nɛɛ zang daa mã m ka sãa, zang ti dang m jĩng.

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Zang Shonang Yeesɔ 4:20

Ka ruu ɓɔɔ, ruu zunung naa ɓɔɔ ruu yaa vuu ɓɔɔ ruu zi nɛɛ jĩng ɓuru, a ruu ti tãa nɛɛ shoo ɓuru kɔɔnang kpang ɓɛɛ.”

Zang Shonang Yeesɔ 9:22

Shaawulu ti rang zang yee Laa kaa gbãng gbãng. Ruu ɓɔɔ kɔɔyi nɛɛ tɔ̀ɔ, zang zi kati nɛɛ Yeesɔ kɔ Kirisi, wu ruu ɓɔɔ mɔɔ làá nyaa kpang. Ka ruu nɔngkɔ, zang Yahudi ɓɔɔ ri ka Damasiku ri zi vuu ɓɔɔ ri kɔɔ wu takpang.

2 Koranti 1:19

Ka ruu ɓɔɔ, Yeesɔ Kirisi Jaa Laa, ɓɔɔ Siila nɛɛ Timoti, a ɓɔɔ nkɔ, ruu kɔɔ ruu ɓiɓɛ ka teteng manɛ ɓɛɛ, ɓi zang ɓɔɔ kasɛ nyaa nɛɛ “Nn” a ɓɔɔ nɛɛ “Kpang, kpang.” Yeesɔ kɔɔ ɓi ruu ɓɔɔ niizang kɔ diki diki, ta nyaa ziti ɓi jong kpang.

2 Koranti 11:9

Ka ɓɔɔ n dòo nɛɛ nɔɔ, kɔ́pɔ̀ nɛɛ ka naa mɛɛ kpang, n kpãa zang gbete ka teteng manɛ nɛɛ wu yi m naa ka bii kpang. Manzung ɓuru ɓɔɔ ri dũng doo Laa kɔ, ɓɔɔ ri a nɛɛ tipi Makidoniya, rikɔ a m vuu piti ɓɔɔ n kasɛ ɓɛɛ. N ĩ̀i nɔɔ ka yuu, nɛɛ nɔkɔ nɔɔ yi m naa ka bii kpang. N ĩi kãntang keɓe kpang, n ti ĩ̀i nɔɔ kpang dòndòng.

2 Koranti 5:14

Ɓi kasɛnang ɓɔɔ Kirisi kasɛ ruu nɛɛ mani kɔ yiti ruu. Ka ruu ɓɔɔ, ruu zi ɓuru tɔ nɛɛ, zang gbete vɔ tɔ ka ruu zang piti. Nwang ɓi kaa naa ɓɔɔ ri nandon ri vɔ jong nɛɛ wu ɓɛɛ.

Filipi 1:23

N shii kaa teteng vuu ziti keɓe. N kasɛ gbãng gbãng, n yaa koo keɓe, n daa nwang kaa nɛɛ Yeesɔ Kirisi. Ka ruu ɓɔɔ, wukɔ tɔ̃ɔ, ɓa nwannang ningkãari ka koo keɓe katɔ ɓɛɛ.

1 Tesalonika 3:2

A ruu shong manzung ɓuru Timoti, ɓɔɔ palɛ Laa shonang nɛɛ ruu ka gbalang Ruu Tɔ̃ɔ ɓɔɔ ka yeti Kirisi ɓɔɔ ruu kɔɔrɔ zang ɓɛɛ. Ruu tɔɔ wu naa shing nɔɔ, nɔɔ shii gbãng gbãng, wu ti mã nɔɔ danggn, nɔɔ yaa danggn ɓɔɔ nɔɔ shing ka bii Yeesɔ ɓɛɛ kpang.

1 Tesalonika 3:6

Wee Timoti gbãayu tɔ ka bii ɓuru, ti atɛ ruu nyaa tɔ̃ɔ tɔ, nɛɛ nɔɔ shing danggn doo ka bii Yeesɔ, a nɔɔ ti kasɛ ruu katɔ. A ti kɔɔ ruu nɛɛ nɔɔ rɛ̃rɛ tɔ̃ɔ diki diki ka yuu ɓuru, nɛɛ nɔɔ kasɛ nɛɛ nɔɔ zi ruu doo naa ɓɔɔ ruu kasɛ nɔɔ zinang ɓɛɛ kɔ.

1 Bituru 5:12

Ɓi Siila yì m naa kagn, a bèe nɔɔ labeenang tɔkɔlɔng kɔ n a nɔɔ ɓee. N zi tɔ Siila ɓi dòo zang ɓɔɔ dũng Laa kɔ nɛɛ ruu. Siila daa naa ɓɔɔ zang shing gn ka bii ɓiɓɛ tɔ. N bèé nɔɔ ruu keɓe n tɔɔ, n mã nɔɔ danggn. N ti kɔɔ nɔɔ faarik nɛɛ niizang, wee ɓi naa ɓɔɔ Laa pàlɛ̀ ruu tɔ̃ɔ ɓɛɛ kɔ. Ka ruu nɔngkɔ, nɔɔ shíi nɛɛ kaka ka rɛɛ vuu keɓe.