Zang Shonang Yeesɔ 18:27 - Nyaa Shɔɔ Ɓɔɔ Laa a Ɓɛɛ

²⁷ Apolo kɔɔ ka yeti ɓiɓɛ nɛɛ wu daa ka Akaya, a rɛɛ zang ɓɔɔ ri dũng Laa ri mã wu danggn, a ri bee zang ɓɔɔ ri dũng Laa ka nɔng ɓɔɔ wu daa ɓɛɛ labeenang nɛɛ ri ta wu waasɛ̃. Ɓɔɔ wu shɛ̃ɛ nɔng, yi rɛɛ zang ɓɔɔ Laa yi ri naa kagn, a ri shing danggn ka bii Laa, naa ka bii dɔɔli.

Zang Shonang Yeesɔ 18:27 ပူးပေါင်းရင်းမြစ်များ

Zang Shonang Yeesɔ 1:15

Ka diki ɓɔɔ kagn, zang ɓɔɔ ri shíng danggn tɔ laa maani tu bmati, ri kpalɛ zɔɔ. A Bituru seepaa a shiiyi, rang yee.

Zang Shonang Yeesɔ 11:26

Daa ĩi wu, a atɛ wu ka Antakiya. Ri ziti ri nwalɛ nɛɛ zang, ɓɔɔ ri dũng Laa, a ri ti tusu zang dɔɔli vuu, saa gbete. Zang gaayu zang ɓɔɔ ri dũng Laa ɓaanang ka Antakiya kɔ nɛɛ Kirista.

Zang Shonang Yeesɔ 15:34

[A Siila kasɛ nɛɛ wu nwang ɓi doo ka nɔngkɔ.]

Zang Shonang Yeesɔ 18:12

Ka ɓɔɔ zang Rooma naa yi Gaaliyo gɔmna tipi Akaya, zang Yahudi ri kpalɛ zɔɔ, a ri yi Bulu ri daa nɛɛ wu ka nɔng ɓɔɔ zang jɛ̃ɛ zang ruu kagn ɓɛɛ.

Zang Shonang Yeesɔ 18:18

Bulu nwang nɛɛ zang ɓɔɔ ri dũng Laa ka Koranti tɔkn diki bee wu katɔ, a naa yaa ri. Naa vang laana nɛɛ rɛɛ Pirisila nɛɛ Akpiila, ri daa tipi Siriya. Ka gari Sensheriya, Bulu yele suuyuu ɓiɓɛ, ka ruu ɓɔɔ, bɛ̀ɛ́ a Laa nyaa nɛɛ wu yélè suuyuu ɓiɓɛ kpang ɓɛɛ.

Zang Shonang Yeesɔ 19:1

Ɓɔɔ bɛ̀ɛ́ Apolo doo ka Koranti, Bulu riki tipi kaɓa, a sòo nyaa daa ka Afisa. Ĩi zang ɓɔɔ ri dũng Laa ka nɔng,

Zang Shonang Yeesɔ 9:27

A Baranaba atɛ wu ka bii rɛɛ zang shonang Yeesɔ. Naa kɔɔ ri naa ɓɔɔ Shaawulu zi Kpanti Yeesɔ ka gbalang, a Kpanti rang wu yee ɓɛɛ. A ti kɔɔ ri náa ɓɔɔ rang zang ruu ka yuu nung Yeesɔ ka Damasiku, kaa vɔrɔ kpang ɓɛɛ.

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

1 Koranti 16:3

N nɛɛ naa shɛ̃ɛ nɔng manɛ tɔ, n naa bee labeenang n a zang ɓɔɔ nɔɔ shɛ̃ɛrɛ ri ɓɛɛ, n naa shong ri, ri daa nɛɛ labeenang kaɓa. Ri túu saka ɓɔɔ nɔɔ kpalɛ ɓɛɛ, ri daa nɛɛ mani ka Urushalima.

1 Koranti 3:6

Rùu ɓuru naa zang ɓɔɔ ri lang jaa ɓɛɛ. Nkɔ ɓaa jĩng vuu, a Apolo ɓaarɛ mii kagn. Ɓi Laa kɔ ka bm gbete shingnɛ jĩng vuu tarɛ, a bangnɛ.

2 Koranti 1:24

Wu ka ruu ɓɔɔ ruu nɛɛ, rukɔ rúu tusu nɔɔ vuu ɓɔɔ nɔɔ shing danggn kagn ɓɛɛ kpang. Ruu zi tɔ, nɔɔ shii tɔ gbãng gbãng, ka danggn ɓɔɔ nɔɔ shing ɓɛɛ. Ruu palɛ shonang ɓuru nɛɛ nɔɔ, tɔ̀ɔ, nɔ́ɔ tãa tĩnang kati kɔ jong.

Filipi 1:25

Nn, nɔngkɔ niizang, ka ruu nɔngkɔ, n nwang kaa nɛɛ nɔɔ ka koo keɓe. N nwang nɛɛ nɔɔ tɔ̀ɔ, ń yi nɔɔ naa kaa bii, nɔɔ shing danggn kaa gbãng gbãng. Nɔɔ ti tãa tĩnang kaa dɔɔli.

Filipi 1:29

Laa ɓɔɔ yàa nɔɔ gbalang nɛɛ nɔ́ɔ shing danggn ka bii Kirisi ɓɛɛ, ti yaa nɔɔ gbalang tɔ nɛɛ nɔ́ɔ dang jĩng ka ruu ɓiɓɛ.

Kolosi 2:12

Ka ruu ɓɔɔ, ka ɓɔɔ zang palɛ nɔɔ batizima, nwang naa ɓɔɔ zang gbãa nɔɔ katɔ nɛɛ Yeesɔ Kirisi ɓɛɛ. Kaa batizima kɔ nwàng naa ɓɔɔ zang ti wisi nɔɔ paa jong nɛɛ Yeesɔ, ka ruu danggn ɓɔɔ nɔɔ shing ka naa vuu palɛnang Laa ɓɔɔ wisi wu paa nɛɛ saa ɓɛɛ.

Kolosi 4:10

Arisitaku ɓɔɔ zang mã jong ka sãa nɛɛ n ɓɛɛ, jee nɔɔ nyaa. Maraku ɓɔɔ dabang ɓarɛ gbete nɛɛ Baranaba ɓɛɛ, jee nɔɔ nyaa jong. (N kɔɔ nɔɔ ruu tɔ ka yuu ɓiɓɛ nɛɛ, nɛɛ a tɔ, nɔɔ ta wu waasɛ̃.)