Zang Shonang Yeesɔ 18:18 - Nyaa Shɔɔ Ɓɔɔ Laa a Ɓɛɛ

¹⁸ Bulu nwang nɛɛ zang ɓɔɔ ri dũng Laa ka Koranti tɔkn diki bee wu katɔ, a naa yaa ri. Naa vang laana nɛɛ rɛɛ Pirisila nɛɛ Akpiila, ri daa tipi Siriya. Ka gari Sensheriya, Bulu yele suuyuu ɓiɓɛ, ka ruu ɓɔɔ, bɛ̀ɛ́ a Laa nyaa nɛɛ wu yélè suuyuu ɓiɓɛ kpang ɓɛɛ.

Zang Shonang Yeesɔ 18:18 ပူးပေါင်းရင်းမြစ်များ

Matiyu 4:24

Ka ruu nɔngkɔ, nyaa Yeesɔ baa nɔng ka tipi Siriya nandon. A zang atɛ wu zang kɔnang ka zɔ̃ng zɔ̃ng, nɛɛ zang ɓɔɔ kɔnang ɓarɛ dang ri jĩng dɔɔli ɓɛɛ, nɛɛ zang ɓɔɔ suru shi kpang ka bii ɓarɛ, nɛɛ zang ɓɔɔ ri mã katɔ ɓɛɛ, a ɓɔɔ zang ɓɔɔ ri kàa katɔ ɓɛɛ. A Yeesɔ masɛ ri kaa nandon.

Maraku 6:46

Jée zang nyaa tɔ, a naa seepaa daa ka kɔpɔ, nɛɛ wu daa gaa Laa.

Zang Shonang Yeesɔ 1:15

Ka diki ɓɔɔ kagn, zang ɓɔɔ ri shíng danggn tɔ laa maani tu bmati, ri kpalɛ zɔɔ. A Bituru seepaa a shiiyi, rang yee.

Zang Shonang Yeesɔ 15:23

A zang shong ri nɛɛ labeenang keɓe tɔɔ, “Rukɔ zang shonang Yeesɔ, ruu nɛɛ rɛɛ zang bang bang, ɓɔɔ ruu manzung manɛ ɓɛɛ, ruu shong nyaa nɛɛ zang jèe ruu rɛɛ manzung ɓuru ɓɔɔ ri ɓarɛ zang Isirela kpang, a ri zi Laa ɓarɛ tɔ kati ɓɛɛ. Ɓɔɔ ri nwang ka Antakiya nɛɛ tipi Siriya nɛɛ Silisiya ɓɛɛ.

Zang Shonang Yeesɔ 15:41

Bulu daa ka Siriya nɛɛ Silisiya ri mã zang ɓɔɔ ri dũng Laa danggn.

Zang Shonang Yeesɔ 18:2

Bulu ĩi yɔɔ Yahudi ɓɔɔ kagn ka gari Koranti zang ɓaa wu nɛɛ Akpiila nɛɛ ɓeeso Pirisila. Akpiila ɓi zang gari Pontu. Wee nɛ́ɛ a doo naa nɛɛ Italiya ɓɛɛ, ka ruu ɓɔɔ, kpanti Kaladiyu dang nyaa nɛɛ zang Yahudi nandon, ri yaa Rooma ta ɓɛɛ. Bulu daayi nɛɛ wu daa leng ri.

Zang Shonang Yeesɔ 18:26

Gaayu yee rannang ka gãa zɔɔ kpalɛnang kaa vɔrɔ kpang. Rɛɛ Pirisila nɛɛ Akpiila ri tãa vuu ɓɔɔ wu kɔɔrɔ ɓɛɛ, a ri ɓaa wu nyaa, ri daa nɛɛ wu ka gãa ɓarɛ. Ri daa tusu wu gbalang Laa kaa waasɛ̃.

Zang Shonang Yeesɔ 18:27

Apolo kɔɔ ka yeti ɓiɓɛ nɛɛ wu daa ka Akaya, a rɛɛ zang ɓɔɔ ri dũng Laa ri mã wu danggn, a ri bee zang ɓɔɔ ri dũng Laa ka nɔng ɓɔɔ wu daa ɓɛɛ labeenang nɛɛ ri ta wu waasɛ̃. Ɓɔɔ wu shɛ̃ɛ nɔng, yi rɛɛ zang ɓɔɔ Laa yi ri naa kagn, a ri shing danggn ka bii Laa, naa ka bii dɔɔli.

Zang Shonang Yeesɔ 21:23

Ka ruu nɔngkɔ, palɛ vuu ɓɔɔ ruu kɔ̀ɔ́ mɔɔ keɓe. Zang varɛ ri kagn ka nihn dɛ̃ɛti ɓɔɔ ri tũng vuu ka tĩng Laa ɓɛɛ.

Zang Shonang Yeesɔ 21:24

Daa nɛɛ ri, mɔɔ pálɛ́ vuu ɓɔɔ zang pálɛ̀, tɔɔ zang nwang zang tɔ̃ɔ tɔkn ka tĩng Laa ɓɛɛ. Mɔkɔ mɔɔ shu vuu ɓɔɔ ri nɛɛ shu ɓɛɛ nandon, tɔ̀ɔ, zang kpɛ̃ɛ ri yuu kati. Tɔ̀ɔ, ri zi kati nandon, nɛɛ vuu ɓɔɔ zang kɔɔrɔ ri ka yuu ɓaaɓɛ ɓi niizang kpang. Nɛɛ mɔɔ dũng ɓaa doo nyaa ɓɔɔ Musa dang ɓɛɛ kɔ.

Zang Shonang Yeesɔ 21:3

Ruu a tɔ ka nɔng ɓɔɔ ruu zi gari Kuburu kaa tɔ ɓɛɛ, ruu yaa wu kaa ka nagang. Ruu daa ɓuru kaa tipi Siriya, ruu naa shooro ka gari Taya ka ruu ɓɔɔ laana wìtí zang vuu ka nihn kɔ ɓɛɛ.

Rooma 16:1

N kasɛ nɔɔ zirɛ nɛɛ Fibi, jaa soro ɓɔɔ shing danggn dòo naa ɓɔɔ ruu shing kɔ, ɓi zang tɔ̃ɔ. Fibi keɓe, palɛ zang Laa shonang ka gari Sensheriya.

1 Koranti 9:20

N nɛɛ nwàng nɛɛ zang Yahudi n palɛ vuu naa zang Yahudi, tɔ̀ɔ, n atɛ ri, ri naa dũng Yeesɔ Kirisi. Naa nyaa dannang ɓɔɔ Laa a Musa yi m doo kpang, naa n nwang nɛɛ zang ɓɔɔ nyaa dannang keɓe yi ri katɔ, n pálɛ̀ bii naa zang ɓɔɔ nyaa dannang yi wu doo katɔ kɔ ɓɛɛ. Tɔ̀ɔ, n gɔ̃ ri jong ri naa dũng Yeesɔ Kirisi.

Galati 1:21

Nɛɛ knti, n naa daarɛ ka nɔng ɓɔɔ ka tipi Siriya nɛɛ tipi Silisiya.