Zang Shonang Yeesɔ 18:12 - Nyaa Shɔɔ Ɓɔɔ Laa a Ɓɛɛ

¹² Ka ɓɔɔ zang Rooma naa yi Gaaliyo gɔmna tipi Akaya, zang Yahudi ri kpalɛ zɔɔ, a ri yi Bulu ri daa nɛɛ wu ka nɔng ɓɔɔ zang jɛ̃ɛ zang ruu kagn ɓɛɛ.

Zang Shonang Yeesɔ 18:12 ပူးပေါင်းရင်းမြစ်များ

Matiyu 27:19

Bilatu nwang doo ka nɔng ruu jɛ̃ɛnang ɓiɓɛ, a ɓeeso shong wu nyaa tɔɔ, “Mɔɔ yi naa ka bii shɔnzang tɔ̃ɔ kiɓi kpang. N dang jĩng ka yeti rɔ̃kɔnang nɛɛ zĩi lɛɛkɔ ka ruu ɓiɓɛ dɔɔli.”

Yɔhana 19:13

Ɓɔɔ Bilatu tãa ruu keɓe, nwangsɛ Yeesɔ ka biling, a daa nwang ka yuu laa nwannang ɓɔɔ zang nwang kagn, zang jɛ̃̀ɛ́ zang ruu. Ka nɔng ɓɔɔ zang ɓaa nɛɛ “Nɔng ɓɔɔ zang wàa nɛɛ tari ɓɛɛ.” Nɛɛ nyaa Yahudi, zang ɓaa nɛɛ “Gabata.”

Zang Shonang Yeesɔ 13:12

Ɓɔɔ gɔmna zi vuu ɓɔɔ palɛ Elayima, shing danggn kaa bii Laa, ti mã naa ka danggn, ka vuu ɓɔɔ Baranaba nɛɛ Shaawulu ri tusu ka yuu Kpanti Laa ɓɛɛ.

Zang Shonang Yeesɔ 13:50

Rɛɛ zang Yahudi ri dɔ̃lɔ rɛɛ zang soro ɓɔɔ ri bang Laa ɓɛɛ, ɓɔɔ zang a ri bannang katɔ ɓɛɛ, nɛɛ rɛɛ zang bang gari kaɓa. Ri shing zang nɛɛ zang ri dang rɛɛ Bulu nɛɛ Baranaba jĩng. Ri hing ri nɛɛ tipi kaɓa.

Zang Shonang Yeesɔ 13:7

Jaa Yashuwa ɓi ka teteng rɛɛ zang ɓɔɔ ri dũng Sajiya Bulu, gɔmna Kuburu ka knti ɓɛɛ. Gɔmna keɓe, ɓi zang ɓɔɔ zi vuu dɔɔli ɓɛɛ. A gɔmna ɓaa Baranaba nɛɛ Shaawulu nyaa nɛɛ wu tãa Ruu Laa.

Zang Shonang Yeesɔ 13:8

Yɔɔ ɓɔɔ hɛ̃ɛ paa keɓe zang ɓaa wu nɛɛ Elayima nɛɛ nyaa Heleni, kasɛ nɛɛ wu zãa ri Ruu Laa kɔɔnang katɔ. Kasɛ kpang nɛɛ gɔmna wu shing danggn ka bìí Laa kpang.

Zang Shonang Yeesɔ 14:19

Zang Yahudi ɓɔɔ ri a nɛɛ Antakiya ɓɔɔ ka tipi Pisidiya ɓɛɛ, ɓɔɔ ri ti a nɛɛ Ikoniya. Ri dɔ̃lɔ zang ɓɔɔ ri kpalɛ ɓɛɛ nyaa, a zang ri ta nyaa ɓarɛ, a ri luku Bulu nɛɛ tari. Ri gɔ̃ wu ka tipi ri nwangsɛ wu nɛɛ yeti gari, ri tɔɔ naa vɔ ɓi tɔ.

Zang Shonang Yeesɔ 14:2

Rɛɛ Yahudi ɓɔɔ ri bɛ̃ɛ danggn shinnang katɔ, ri dɔ̃lɔ rɛɛ zang ɓɔɔ ri zang Isirela kpang, a ri lasɛ zɔɔ nɛɛ rɛɛ zang ɓɔɔ ri shing danggn tɔ ɓɛɛ.

Zang Shonang Yeesɔ 17:13

Zang Yahudi ɓɔɔ ka Tesalonika ri tãa nyaa nɛɛ Bulu nɛɛ Siila ri kɔɔ zang ruu tɔ jong ka Beriya, a ri daayi ri daa zàrɛ̀ zang nɛɛ zang ri haa nyaa.

Zang Shonang Yeesɔ 17:5

Zang Yahudi ɓɔɔ ri shing danggn kpang, ri kaa sũnyaa, a ri gaarɛ zang shi kpang ɓɔɔ ri rakɛ kɛɛm kɛɛm ɓɛɛ. Ri gaayu nyaa haanang ka gari, ri daa ka gãa yɔɔ ɓɔɔgn zang ɓaa wu nɛɛ Jaasong, ka nɔng ɓɔɔ ri kãa rɛɛ Bulu nɛɛ Siila nɛɛ ri nwàngsɛ́ ri zang ka biling ɓɛɛ.

Zang Shonang Yeesɔ 18:11

Ka ruu nɔngkɔ, Bulu nwang ka nɔngkɔ saa gbete, nɛɛ shala mangbete, tusu zang Ruu Laa.

Zang Shonang Yeesɔ 18:27

Apolo kɔɔ ka yeti ɓiɓɛ nɛɛ wu daa ka Akaya, a rɛɛ zang ɓɔɔ ri dũng Laa ri mã wu danggn, a ri bee zang ɓɔɔ ri dũng Laa ka nɔng ɓɔɔ wu daa ɓɛɛ labeenang nɛɛ ri ta wu waasɛ̃. Ɓɔɔ wu shɛ̃ɛ nɔng, yi rɛɛ zang ɓɔɔ Laa yi ri naa kagn, a ri shing danggn ka bii Laa, naa ka bii dɔɔli.

Zang Shonang Yeesɔ 19:21

Ka knti ɓɔɔ vuu keɓe palɛ tɔ nɔngkɔ, Bulu kɔɔ ka yeti ɓiɓɛ nɛɛ wu sɔɔ nɛɛ tipi Makidoniya nɛɛ tipi Akaya wu daa kaa Urushalima. A ti kɔɔyi nɛɛ, “N nɛɛ daa tɔ Urushalima, n daa katɔ, n daa zi Rooma.”

Zang Shonang Yeesɔ 25:10

Bulu kasɛ wu nyaa tɔɔ, “N shii ka tĩng rɛɛ zang ruu jɛ̃ɛnang Kayisa kɔ, wee ɓi nɔng ɓɔɔ zang nɛɛ jɛ̃ɛ m ruu kagn kɔ nwani. Mɔɔ zi tɔ n pàlɛ̀ rɛɛ zang Yahudi vuu shi kpang ɓɔɔ kagn kpang.

Rooma 15:26

Ka ruu ɓɔɔ, zang ɓɔɔ ri dũng Laa ɓɔɔ ri ka Makidoniya nɛɛ Akaya ri zɔ̃ng nɛɛ yeti ɓarɛ nɛɛ ri yi zang ɓɔɔ vuu ka naa ɓarɛ kpang, ɓɔɔ ri ka teteng zang ɓɔɔ ri dũng Laa ka Urushalima ɓɛɛ naa ka bii.

Rooma 16:5

Nɔɔ jèe m zang ɓɔɔ ri dũng Laa ɓɔɔ ri kpálɛ̀ yuu ka gãa ɓarɛ nyaa jong. Nɔ́ɔ jèe m masang Abinɛtu ɓɔɔ n kasɛ wu dɔɔli ɓɛɛ nyaa. Wukɔ zang tĩng shɔɔnang ka tipi Asiya ɓɔɔ shing danggn ka bii Yeesɔ Kirisi ɓɛɛ.

1 Koranti 16:15

Rɛɛ manzung, nɔɔ zi tɔ nɛɛ Sitifana nɛɛ zang ɓɔɔ ri ka gãa ɓiɓɛ rikɔ tá Ruu Tɔ̃ɔ Laa shɔɔnang ka tipi Akaya. Ri ti a yuu ɓarɛ tɔ nɛɛ ri palɛ shonang ri yi zang ɓɔɔ ri dũng Laa naa ka bii.

2 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a n nwang zang shonang Yeesɔ Kirisi ɓɛɛ. A ɓɔɔ manzung ɓuru Timoti, ɓɔɔ dũng doo Laa kɔ ɓɛɛ. Ruu bèé zang ɓɔɔ ri dũng Laa ɓɔɔ ri ka Koranti, nɛɛ zang Laa nandon ɓɔɔ ri ka tipi Akaya nandon ɓɛɛ.

2 Koranti 11:10

Ka ruu ɓɔɔ, ruu niizang Yeesɔ Kirisi kagn ka yeti mɛɛ, zang ɓɔɔ kagn ka tipi Akaya kpang, ɓɔɔ shíng m n vɔ̃ nyaa, n kɔ̀ɔ ruu bang bang kɔ n kɔɔrɔ ɓee takpang ɓɛɛ kpang.

2 Koranti 11:26

Ka rakɛnang mɛɛ, ɓɔɔ n daarɛ dɔɔli ɓɛɛ, n dang jĩng tɔ ka mii ɓɔɔ kpaa ɓɛɛ, a ɓɔɔ ka naa zang ɓɔɔ ri ta zang vuu nɛɛ ɓangge ɓɛɛ. N dang jĩng tɔ ka naa zang ɓɔɔ ri zang Yahudi kɔ doori ɓɛɛ. A ɓɔɔ ka naa zang ɓɔɔ ri zang Yahudi kpang ɓɛɛ. N dang jĩng ka gari bang, ɓɔɔ ka jĩngti, ɓɔɔ ka mii waapo, a ɓɔɔ ka naa zang ɓɔɔ ri suu sèé nɛɛ ri doo zang ɓɔɔ ri dũng Laa kɔ.

2 Koranti 9:2

N zi tɔ, nɔɔ kasɛ nɛɛ nɔɔ yi ri naa katɔ ka bii, a ruu ti rangkɛ ruu tɔ bang bang ka yuu manɛ ka tipi Makidoniya. N kɔɔyi nɛɛ, “Rɛɛ manzung ɓuru ɓɔɔ ri ka gari Akaya ri kpalɛ bii tɔ dòo sáa ɓɔɔ, nɛɛ ri yi zang kaɓa naa ka bii.” Kasɛnang ɓɔɔ nɔɔ kasɛ nɛɛ nɔɔ yi ri naa ka bii zàrɛ̀ zang nimbang tɔ ka teteng ɓarɛ.

1 Tesalonika 2:14

Rɛɛ manzung ɓuru, vuu kɔ pálɛ̀ nɔɔ ɓee, pálɛ́ zang ɓɔɔ ri dũng Laa ɓɔɔ ri ka tipi Yahudi ɓɔɔ ri ɓakɛ yuu ɓarɛ tɔ nɛɛ Yeesɔ Kirisi ɓɛɛ doo nɔngkɔ. Zang tipi manɛ dãng nɔɔ jĩng doo nɔngkɔ, naa ɓɔɔ zang Yahudi dang ri jĩng jong ɓɛɛ.

1 Tesalonika 2:16

Ri ti kãa naa ɓɔɔ ri zãa ruu gbalang ɓɔɔ ruu kɔɔ zang ɓɔɔ ri zang Isirela kpang ruu, ɓɔɔ naa ta yuu ɓarɛ katɔ ɓɛɛ. Vuu kɔ̀ ri palɛ ɓee, kɔ shingnɛ vuu shi kpang ɓɔɔ ri palɛ diki diki ɓɛɛ, ɓèe nyaa kaa kiiri. A kãntang yeti Laa lasɛ tɔ nɛɛ ri, jɛ̃ɛ ri ruu kaa tɔ.

Yakubu 2:6

Nɔɔ risi zang ɓɔɔ ri zang ying kpang naa vĩi. Wu zang ying kɔ ri dang nɔɔ jĩng kpang ya? Wu rikɔ ɓaa nɔɔ nyaavaa kpang ya?