Zang Shonang Yeesɔ 17:17 - Nyaa Shɔɔ Ɓɔɔ Laa a Ɓɛɛ

¹⁷ Ka ruu nɔngkɔ, laa zɔɔ nyaa ka gãa zɔɔ kpalɛnang nɛɛ rɛɛ Yahudi nɛɛ zang ɓɔɔ ri zang Isirela kpang, ɓɔɔ ri dũng kaa Laa ɓɛɛ. Ti rang yee jong nɛɛ rɛɛ zang ɓɔɔ ri alɛ ka nɔng ɓɔɔ zang ri kpalɛ zɔɔ kagn ka gari ɓɛɛ.

Zang Shonang Yeesɔ 17:17 ပူးပေါင်းရင်းမြစ်များ

Maraku 16:15

A kɔɔ ri tɔɔ, “Nɔɔ dita ka koo piti, nɔɔ daa rang zang piti, Ruu Tɔ̃ɔ Kpanti Laa.

Luka 12:3

Ka ruu nɔngkɔ, nyaa ɓɔɔ zang ɓɔɔlɔ katɔ, zang naa tãa ɓi ditɔ piti. Nɔɔ nɛɛ rang zang katɔ ka yeti gãa nɛɛ nwĩiri, zang naa kɔɔ zang nimbang ditɔ nandon.

Zang Shonang Yeesɔ 10:2

Koneliyu ɓi zang ɓɔɔ dũng Laa ɓɛɛ. Bang Laa nɛɛ zang gãa ɓiɓɛ piti. Yi rɛɛ zang Yahudi ɓɔɔ vuu ka naa ɓarɛ kpang naa ka bii, ti gaa Laa diki diki.

Zang Shonang Yeesɔ 13:16

A Bulu yupaa kati, wii naa, a kɔɔyi tɔɔ, “Zang Isirela nɛɛ zang ɓɔɔ nɔɔ zang Isirela kpang, ɓɔɔ nɔɔ káa vɔrɔ Laa katɔ ɓɛɛ, nɔɔ ɓaa shoo.

Zang Shonang Yeesɔ 13:43

Zang ri daarɛ tɔ, a zang Yahudi dɔɔli nɛɛ rɛɛ zang ɓɔɔ ri dũng kaa doo gbalang zang Yahudi kɔ nɛɛ yeti gbete ɓɛɛ, ri dũng Bulu nɛɛ Baranaba. A ri rang rɛɛ zang keɓe yee, kɔɔ ri nɛɛ ri yaa gbalang tɔ̃ɔ ɓɔɔ Laa palɛ ri keɓe kpang.

Zang Shonang Yeesɔ 13:50

Rɛɛ zang Yahudi ri dɔ̃lɔ rɛɛ zang soro ɓɔɔ ri bang Laa ɓɛɛ, ɓɔɔ zang a ri bannang katɔ ɓɛɛ, nɛɛ rɛɛ zang bang gari kaɓa. Ri shing zang nɛɛ zang ri dang rɛɛ Bulu nɛɛ Baranaba jĩng. Ri hing ri nɛɛ tipi kaɓa.

Zang Shonang Yeesɔ 8:2

Zang ɓɔɔ ri bang Laa nɛɛ yeti gbete ri gbãa Istifanu, ri kaa wu nyavɔ gbãng gbãng.

Zang Shonang Yeesɔ 9:20

A yupaa tantɛnang daa ka gãa zɔɔ kpalɛnang, a gaa tɔɔsung ɓɔɔ wu rang zang ruu ka yuu Yeesɔ kati. Kɔɔ zang nɛɛ “Yeesɔ ɓi Jaa Laa.”

2 Timoti 3:2

Ka diki keɓe, zang ri naa kàsɛ́ yuu ɓarɛ kɔ shɛ̃ɛning, ri naa kɔng jĩng nɛɛ vuu ɓarɛ, ri kɔ̀ɔrɔ́ ruu bang bang ka yuu ɓarɛ, ri naa tuu bii dɔɔli, ri naa dãlɛ zang, ri naa ɓaa shoo ka nyaa zang ɓɔɔ yiki ri kpang, ri naa zã̀a zang kpàng, ri ti naa dũng Laa kpang, ri pálɛ̀ vuu ɓɔɔ Laa kasɛ ɓɛɛ kpang.

2 Timoti 3:5

Ri naa palɛ bii mɔɔ kɔ̀ɔ́ nɛɛ ri dṹng Laa nɛɛ yeti gbete, a nwannang ɓarɛ tusu ɓi nɛɛ ri dũng Laa kpang tingkiring. Ruu ɓaaɓɛ wu hãa kagn nɛɛ rɛɛ zɔ̃ng zang keɓe kpang.