Zang Shonang Yeesɔ 17:11 - Nyaa Shɔɔ Ɓɔɔ Laa a Ɓɛɛ

¹¹ Zang Yahudi ɓɔɔ ka nihn, ri ɓarɛ naa ɓɔɔ Tesalonika kpang. Ri ɓaa shoo gbãng gbãng ka ɓɔɔ ri tãa Ruu Laa ɓɛɛ. Ri gã Ruu Laa diki diki nɛɛ ri zirɛ vuu ɓɔɔ Bulu kɔɔyi nɛ́ɛ niizang ɓɛɛ.

Zang Shonang Yeesɔ 17:11 ပူးပေါင်းရင်းမြစ်များ

Matiyu 13:23

Jĩng vuu ɓɔɔ shili ka tipi tɔ̃ɔ, ɓi ka zang ɓɔɔ tãa Ruu Laa, a ti zi vuu ɓɔɔ kagn katɔ ɓɛɛ. Ruu Laa nwang ri vuu tɔ̃ɔ, a ri naa nwang ka naa jĩng vuu ɓɔɔ ra jaa, laa maani, ɓɔɔ laa taati, a ɓɔɔ bmati tu kopi ɓɛɛ.”

Luka 1:2

naa ɓɔɔ ruu tãa ka nyaa zang ɓɔɔ ri rang yee Laa ɓɔɔ ri zi naa ɓɔɔ vuu keɓe gaayu nɛɛ jĩng ɓarɛ ɓɛɛ.

Luka 11:3

A ruu vuu shaanang ɓɔɔ ruu shaa ɓɛɛ jɔng diki diki.

Luka 16:29

“Ibirayi kasɛ wu nyaa tɔɔ, ‘Labeenang ɓɔɔ Musa beeyi nɛɛ ɓɔɔ zang nyaa shonang Laa ri beeyi kagn. Ri ti ɓaa shoo ka labeenang ɓarɛ.’

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Yɔhana 3:21

Zang ɓɔɔ palɛ vuu ɓɔɔ niizang ɓɛɛ, á ɓi katɔ ka nɔng ɓɔɔ yakɛ katɔ ɓɛɛ, tɔ̀ɔ, zang zi kati nɛɛ vuu ɓɔɔ wu pálɛ̀, ɓi Laa yi wu naa kagn.

Yɔhana 5:39

Nɔɔ ĩi jĩng ka ɓɔɔ nɔɔ gã labeenang waasɛ̃, ka ruu ɓɔɔ, nɔɔ kɔɔ nɛɛ nɔɔ wàlɛ́ suru bii ɓɔɔ waa nyaa kpang katɔ kagn ɓɛɛ. Labeenang Laa keɓe, kɔɔ ruu ka yuu mɛɛ kɔ.

Zang Shonang Yeesɔ 10:33

A n tantɛ nyaa kaa shonang ka bii ɓaaɓɛ. Mɔɔ ti pálɛ́ tɔ̃ɔ tɔ, ka ɓɔɔ mɔɔ arɛ ɓɛɛ. Wee ruu kpalɛ zɔɔ tɔ nandon ka tĩng Laa ɓee, kɔɔ ruu vuu ɓɔɔ Laa kɔɔ mɔɔ nɛɛ mɔɔ kɔɔ ruu ɓɛɛ ta.”

Zang Shonang Yeesɔ 11:1

Rɛɛ zang shonang Yeesɔ, nɛɛ rɛɛ zang ɓɔɔ ri shing danggn tɔ, ɓɔɔ ri ka tipi Yahudi nandon, ri tãayi nɛɛ zang ɓɔɔ ri zang Isirela kpang, ri ta Ruu Laa tɔ jong.

Zang Shonang Yeesɔ 17:1

Bulu nɛɛ Siila ri sɔɔ nɛɛ rɛɛ gari Amfipoli nɛɛ Apoloniya, ri a ka Tesalonika, nɔng ɓɔɔ gãa zɔɔ kpalɛnang zang Yahudi kagn ɓɛɛ.

Zang Shonang Yeesɔ 2:41

Zang dɔɔli ri ta ruu ɓiɓɛ, a zang palɛ ri batizima. Ka diki kaɓa, zang ɓɔɔ gisi ka yuu zang ɓɔɔ ri shing danggn tɔ ka bii Laa ɓɛɛ ri daa nung zang labang taati katɔ.

1 Tesalonika 1:6

Nɔɔ kpɛ̃ɛrɛ nwannang tɔ naa ɓɔɔ ruu nwang ɓɛɛ, a ɓɔɔ ti naa ɓɔɔ Kpanti Yeesɔ nwang ɓɛɛ. Zang dang nɔɔ jĩng dɔɔli, a nɔɔ ta ruu ɓɔɔ ka yuu Yeesɔ Kirisi doo nɛɛ mani, nɔɔ tãa tĩnang ɓɔɔ Suru Laa shing zang, zang tãa ɓɛɛ.

1 Tesalonika 2:13

A vuu ɓɔɔ shingnɛ ruu zãa Laa diki diki ɓɛɛ kagn. Ruu atɛ nɔɔ ruu ɓɔɔ Laa shong nyaa nɛɛ mani ɓɛɛ, nɔɔ tãayi, a nɔɔ tarɛ. Wu naa nyaa shonang shɔnzang kpang, naa nyaa shonang Laa. Ti nyaa shonang Laa kɔ niizang. Ka ruu nɔngkɔ, Ruu Laa ti kɔ̃̀sɔ́ yeti manɛ kana ɓɔɔ nɔɔ shing danggn tɔ ɓɛɛ.

2 Tesalonika 2:10

Naa nwãarɛ zang ɓɔɔ ri naa shaarɛ katɔ ɓɛɛ, nɛɛ zɔ̃ng nwannang ɓɔɔ a nɛɛ bii vuu shi kpang ɓɛɛ, ka zɔ̃ng zɔ̃ng. Ri shaarɛ ka ruu ɓɔɔ ri kasɛ ruu ɓɔɔ niizang a ri ti tarɛ, tɔɔ zang ta yuu ɓarɛ kati kpang ɓɛɛ.

Yakubu 1:21

Ka ruu nɔngkɔ, nɔɔ yaa gbalang vuu shi kpang ɓɔɔ nɔɔ palɛ, nɛɛ gɔ̃ɔ ɓɔɔ nɔɔ kãa ɓɛɛ nandon. Nɔɔ ta Ruu Laa ɓɔɔ Laa shing nɔɔ ka yeti manɛ ɓɛɛ. Nɔ́ɔ ti tà nɛɛ jĩng gbakɛnang kpang. Ka ruu ɓɔɔ, ruu keɓe ta yuu manɛ katɔ ɓɛɛ.

1 Bituru 2:2

Nɔɔ nwáng manɛ naa wujɛ rɛ̃ɛting ɓɔɔ ri kaa nyɔkɔ mii nàá ɓarɛ, diki diki ɓɛɛ kɔ jong. Nɔɔ kaa manɛ nyɔkɔ Ruu Laa ɓɔɔ wukɔ mii ɓɔɔ niizang, ɓɔɔ shing nɔɔ, nɔɔ zũng danggn ɓɛɛ. Diki ɓɔɔ Laa naa ta yuu manɛ wu a nɛɛ mani.