Zang Shonang Yeesɔ 16:9 - Nyaa Shɔɔ Ɓɔɔ Laa a Ɓɛɛ

⁹ Nɛɛ zĩi Bulu rɔ̃kɔ. Zi yɔɔ tipi Makidoniya shiiyi gaa wu nɛɛ, “Tárɛ mɔɔ a ka tipi Makidoniya mɔɔ naa yi ruu naa ka bii.”

Zang Shonang Yeesɔ 16:9 ပူးပေါင်းရင်းမြစ်များ

Zang Shonang Yeesɔ 10:3

Diki ɓɔɔ kagn bɛ̀ɛ́ laa kpɛ̃ɛ tɔ, nung saka taati, Koneliyu rɔ̃kɔ. Ka rɔ̃kɔnang keɓe, zi zang nyaa shonang Laa ɓɔɔ ka lapa ɓɛɛ gbàrɛ gbàrɛ arɛ a ɓaa wu nyaa tɔɔ, “Koneliyu.”

Zang Shonang Yeesɔ 10:30

Koneliyu kasɛ wu nyaa tɔɔ, “Diki daa lɛɛkɔ dɛ̃ɛti bɛ̀ɛ́ n ka yeti gãa mɛɛ, n gàá Laa bɛ̀ɛ́ laa naa weɓe kɔ saka taati. A zang ɓɔɔ hãa fɔ̃ɔrɔ kɔlɔ katɔ nwang nyaa a shii ka tĩng mɛɛ,

Zang Shonang Yeesɔ 16:10

Ɓu doo ɓɔɔ Bulu rɔ̃kɔ naa weɓe, ruu kpalɛ bii daanang Makidoniya. Ruu zi kaa wukɔ nɛɛ Laa ɓaa ruu nyaa nɛɛ ruu daa kɔɔ rɛɛ zang kaɓa Ruu Tɔ̃ɔ ɓiɓɛ.

Zang Shonang Yeesɔ 16:12

Ruu yupaa nɛɛ nihn, ruu daa kaa Filipi ɓɔɔ wukɔ gari bang ka tipi Makidoniya ɓɛɛ. Gari keɓe, ɓi gari zang Rooma. Ruu nwang ka gari keɓe, diki bee ruu katɔ tɔkɔlɔng.

Zang Shonang Yeesɔ 18:5

Ɓɔɔ Timoti nɛɛ Siila ri a nɛɛ Makidoniya, Bulu raa jĩng ɓi kaa Ruu Laa kɔɔrɔnang dɔ̃ɔ gbete. Kɔɔrɔ zang Yahudi nɛɛ Yeesɔ kɔ Kirisi.

Zang Shonang Yeesɔ 19:21

Ka knti ɓɔɔ vuu keɓe palɛ tɔ nɔngkɔ, Bulu kɔɔ ka yeti ɓiɓɛ nɛɛ wu sɔɔ nɛɛ tipi Makidoniya nɛɛ tipi Akaya wu daa kaa Urushalima. A ti kɔɔyi nɛɛ, “N nɛɛ daa tɔ Urushalima, n daa katɔ, n daa zi Rooma.”

Zang Shonang Yeesɔ 19:22

Shong zang ɓɔɔ ri yi wu naa ka shonang ri ziti, Timoti nɛɛ Erasitu ka tĩng ka Makidoniya, a nwang kaa Asiya tɔkn tɔkɔlɔng.

Zang Shonang Yeesɔ 19:29

Nɔng shoo tãanang ɓi tɔ̀ɔ́ ka gari kpang. Zang gari ri yuku ri daarɛ ka nɔng ɓɔɔ zang kpalɛ zɔɔ kagn ka gari ɓɛɛ. Vuu ɓɔɔ ri mang ka yeti ɓarɛ gbete. Zang ti gɔ̃ɔ Gaayu nɛɛ Arisitaku zang Makidoniya ɓɔɔ ri ra doo nɛɛ Bulu ɓɛɛ, zang daa nɛɛ ri ka nɔng bìí.

Zang Shonang Yeesɔ 20:1

Nyaa ɓɔɔ zang haa ɓɛɛ naa kaa tɔ, a Bulu shong nyaa ka rɛɛ zang ɓɔɔ ri dũng Laa nɛɛ ri arɛ. Mã ri danggn, a jee ri nyaa nɛɛ wu daa kaa tɔ. A yaa ri, daa kaa tipi Makidoniya.

Zang Shonang Yeesɔ 20:3

Nwang ka Heleni shala taati. Bɛ̀ɛ́ kpalɛ bii kana nɛɛ wu vang laana wu daa kaa tipi Siriya a zirɛ zang Yahudi ri tɔ̀ng zɔɔ tɔ, ka yuu ɓiɓɛ. A mang ka yeti ɓiɓɛ, nɛɛ wu sɔɔ kaa nɛɛ tipi Makidoniya wu gbãayu.

Zang Shonang Yeesɔ 27:2

Ruu vang laana ɓɔɔ a nɛɛ gari Adaramitiya ɓɔɔ nɛɛ ri daa ka rɛɛ gari ɓɔɔ ka nyaa waapo tipi Asiya ɓɛɛ. A ruu yupaa daanang kati Arisitaku yɔɔ gari Tesalonika ɓɔɔ ka tipi Makidoniya ɓɛɛ daa nɛɛ ruu ning.

Zang Shonang Yeesɔ 9:38

Joopa nɛɛ Liida ri bee kpang. Ɓɔɔ rɛɛ zang ɓɔɔ ri dũng Laa ka Joopa ri tãa nyaa nɛɛ Bituru ka Liida, ri shong zang varɛ ziti ka bii ɓiɓɛ. Ri kɔɔ wu tɔɔ, “Ruu zɔ̃ɔrɔ mɔɔ katɔ, a ka bii ɓuru tantɛnang.”

Rooma 15:26

Ka ruu ɓɔɔ, zang ɓɔɔ ri dũng Laa ɓɔɔ ri ka Makidoniya nɛɛ Akaya ri zɔ̃ng nɛɛ yeti ɓarɛ nɛɛ ri yi zang ɓɔɔ vuu ka naa ɓarɛ kpang, ɓɔɔ ri ka teteng zang ɓɔɔ ri dũng Laa ka Urushalima ɓɛɛ naa ka bii.

2 Koranti 11:9

Ka ɓɔɔ n dòo nɛɛ nɔɔ, kɔ́pɔ̀ nɛɛ ka naa mɛɛ kpang, n kpãa zang gbete ka teteng manɛ nɛɛ wu yi m naa ka bii kpang. Manzung ɓuru ɓɔɔ ri dũng doo Laa kɔ, ɓɔɔ ri a nɛɛ tipi Makidoniya, rikɔ a m vuu piti ɓɔɔ n kasɛ ɓɛɛ. N ĩ̀i nɔɔ ka yuu, nɛɛ nɔkɔ nɔɔ yi m naa ka bii kpang. N ĩi kãntang keɓe kpang, n ti ĩ̀i nɔɔ kpang dòndòng.

2 Koranti 12:7

Tɔ̀ɔ, zang zãa m yuu tuunang ka lapa dɔɔli, ka ruu vuu ɓɔɔ zang zirɛ zang mã naa ka danggn ɓɔɔ n zili ɓɛɛ. Laa nɛɛ yuu ɓiɓɛ shing nɔng ɓɔɔ ka bii mɛɛ, kɔng m naa zang ɓaa m nɛɛ kɔkɔ. Kɔnang keɓe, nwang naa zang nyaa shonang Sheetang ɓɔɔ zang dɔ̃ wu nɛɛ, wu naa dang m jĩng, wu zãa m yuu tuunang ɓɛɛ.

2 Koranti 7:5

Ka knti ɓɔɔ ruu naa shɛ̃ɛ Makidoniya tɔ, ruu ɔ̃sɔ kpang tingkiring. Jĩng dannang ɓi nɛɛ nɔng piti, piti, zang ri haa nyaa nɛɛ ruu, ruu ti kaa vɔrɔ ka yeti ɓuru.

2 Koranti 8:1

Manzung ɓuru ɓɔɔ ri dũng dòo Laa kɔ ɓɛɛ, ruu tɔɔ ruu kɔ̀ɔ́ nɔɔ ruu vuu tɔ̃ɔ ɓɔɔ Laa pàlɛ̀ zang ɓɔɔ ri dũng wu ka tipi Makidoniya ɓɛɛ.

2 Koranti 9:2

N zi tɔ, nɔɔ kasɛ nɛɛ nɔɔ yi ri naa katɔ ka bii, a ruu ti rangkɛ ruu tɔ bang bang ka yuu manɛ ka tipi Makidoniya. N kɔɔyi nɛɛ, “Rɛɛ manzung ɓuru ɓɔɔ ri ka gari Akaya ri kpalɛ bii tɔ dòo sáa ɓɔɔ, nɛɛ ri yi zang kaɓa naa ka bii.” Kasɛnang ɓɔɔ nɔɔ kasɛ nɛɛ nɔɔ yi ri naa ka bii zàrɛ̀ zang nimbang tɔ ka teteng ɓarɛ.

1 Tesalonika 4:10

A nɔɔ ti tusu naa ɓɔɔ nɔɔ kasɛ rɛɛ ɓaazung ɓɔɔ ri dũng doo Laa kɔ ka Makidoniya ɓɛɛ tɔ. Ka ruu nɔngkɔ, rɛɛ manzung ɓuru, ruu gaa nɔɔ nɛɛ nɔɔ palɛ nɔngkɔ sasak.