Zang Shonang Yeesɔ 16:6 - Nyaa Shɔɔ Ɓɔɔ Laa a Ɓɛɛ

⁶ Suru Laa zãa ri Ruu Laa kɔɔnang ka tipi Asiya ka ruu nɔngkɔ, ri tɛ̀ɛrɛ̀ tipi Fijiya nɛɛ ɓɔɔ Galatiya.

Zang Shonang Yeesɔ 16:6 ပူးပေါင်းရင်းမြစ်များ

Luka 1:2

naa ɓɔɔ ruu tãa ka nyaa zang ɓɔɔ ri rang yee Laa ɓɔɔ ri zi naa ɓɔɔ vuu keɓe gaayu nɛɛ jĩng ɓarɛ ɓɛɛ.

Zang Shonang Yeesɔ 10:19

Bituru rɛ̃rɛ doo kana ka yuu vuu ɓɔɔ wu zi ɓɛɛ, a Suru Laa kɔɔ wu tɔɔ, “Siman, zang varɛ taati ri kãa nɔng ɓaaɓɛ.

Zang Shonang Yeesɔ 11:12

Suru Laa kɔɔ m tɔɔ n daa nɛɛ ri, ń rɛ̃rɛ gn ziti kpang. Zang ɓɔɔ ri dũng Laa mangbete zang Joopa keɓe, ri daa nɛɛ n ka Kayisariya, a ruu daa ka yeti gãa Koneliyu nandon.

Zang Shonang Yeesɔ 16:7

Ri a tɔ, ka nyaa tipi Misiya, ri tɔɔ ri daa ka tipi Bitiniya, a Suru Laa zãa ri daanang.

Zang Shonang Yeesɔ 18:23

Nwang tɔ ka nɔngkɔ, diki bee tɔ tɔkɔlɔng a yaa nɔng kaɓa, daa ka rɛɛ tipi Galati nɛɛ tipi Fijiya, dàa mã rɛɛ zang ɓɔɔ ri dũng Laa danggn.

Zang Shonang Yeesɔ 19:10

Pálɛ́ nɔngkɔ, saa ziti ka ruu nɔngkɔ, zang ɓɔɔ ri ka tipi Asiya ri tãa Ruu Laa, zang Yahudi nɛɛ zang ɓɔɔ ri zang Isirela kpang ɓɛɛ nandon.

Zang Shonang Yeesɔ 20:16

Bulu kɔɔ ɓi ka yeti ɓiɓɛ nɛɛ wu tɛɛ ɓi nɛɛ laana wu daa ka Afisa, ka ruu ɓɔɔ, wu kasɛ wu suukãng ka Asiya kpang ɓɛɛ. Làábii nɛɛ wu kasɛ wu shɛ̃ɛ Urushalima ka diki nyaalaa Pentiku.

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Zang Shonang Yeesɔ 20:4

Soopata jaa Firifu, yɔɔ gari Beriya daa nɛɛ wu, a ɓɔɔ zang gari Tesalonika rɛɛ Arisitaku nɛɛ Sakundu, nɛɛ Gaayu yɔɔ gari Daabe, nɛɛ Timoti a ɓɔɔ kaa rɛɛ Tikiku nɛɛ Torofimu zang tipi Asiya.

Zang Shonang Yeesɔ 21:27

Diki manziti bìí yaa ka tɔkɔlɔng waa nyaa kaa tɔ, a zang Yahudi tipi Asiya, ri zi Bulu ka yeti Gãa Laa. Ri zàrɛ̀ zang ɓɔɔ ri kpalɛ ɓɛɛ nandon, a ri yi wu.

Zang Shonang Yeesɔ 6:9

A zang ɓɔɔ ri ka gãa zɔɔ kpalɛnang ɓɔɔ zang ɓaa nɛɛ gãa zɔɔ kpalɛnang “Zang ɓɔɔ zang yaa ri naa tɔ”, ɓɔɔ ri ɓarɛ zang Yahudi nɛɛ gari Kiranɛ nɛɛ gari Alezandiriya, a ɓɔɔ nɛɛ tipi Silisiya nɛɛ tipi Asiya ri kasɛ ruu ɓiɓɛ kaa takpang. Zang keɓe ri gaayu nyaa laanang kaa nɛɛ wu.

Zang Shonang Yeesɔ 8:29

A Suru Laa kɔɔ Filibu tɔɔ, “Daa ka nɔng kɛkɛ kaɓa naabm, mɔɔ ra ka kagn ɓiɓɛ.”

Rooma 16:5

Nɔɔ jèe m zang ɓɔɔ ri dũng Laa ɓɔɔ ri kpálɛ̀ yuu ka gãa ɓarɛ nyaa jong. Nɔ́ɔ jèe m masang Abinɛtu ɓɔɔ n kasɛ wu dɔɔli ɓɛɛ nyaa. Wukɔ zang tĩng shɔɔnang ka tipi Asiya ɓɔɔ shing danggn ka bii Yeesɔ Kirisi ɓɛɛ.

1 Koranti 12:11

Ka vuu kɔɔ zang palɛ nandon ɓee, ɓi doo Suru gbete keɓe kɔ, a zang naa, zang ri palɛ nɔngkɔ. Wu a zang ɓu naa vuu palɛnang kaɓa náabm̀, naa ɓɔɔ wu kasɛ ka yeti ɓiɓɛ ɓɛɛ.

1 Koranti 16:1

Ka ruu saka ɓɔɔ nɔɔ kpalɛ nɛɛ nɔɔ yi zang ɓɔɔ ri dũng doo Laa kɔ, ɓɔɔ ri ka Urushalima naa nɛɛ mani ka bii ɓɛɛ. Nɔɔ pálɛ́ doo naa ɓɔɔ n kɔɔrɔ zang ɓɔɔ ri ka rɛɛ Gãa Laa ɓɔɔ ka tipi Galati nɛɛ ri palɛ ɓɛɛ kɔ.

1 Koranti 16:19

Zang ɓɔɔ ri dũng Laa ɓɔɔ ri ka tipi Asiya nandon, ri jee nɔɔ nyaa. Akpiila nɛɛ Pirisila, nɛɛ zang ɓɔɔ ri dũng Laa ɓɔɔ ri kpalɛ zɔɔ ka gãa ɓarɛ, ri ti jee nɔɔ nyaa jong tɔ̃ɔ tɔ̃ɔ. Ka ruu ɓɔɔ, nɔɔ nɛɛ ri gbete ka bii Kpanti Yeesɔ ɓɛɛ.

2 Koranti 1:8

Rɛɛ manzung ɓuru, ruu kasɛ nɛɛ danggn jĩng ɓɔɔ ruu dang ka tipi Asiya wu ning nɔɔ kpang. Jĩng dannang kaɓa, bang dɔɔli, bɛ̀ɛ́ ruu yaa gn naa tɔ nɛɛ ruu nwàng tɔ̀ɔ́ ningkãari kpang.

Galati 1:2

Rɛɛ manzung ɓuru ɓɔɔ ri nɛɛ n ka nihn nandon, ruu jee nɔɔ ɓɔɔ nɔɔ dũng Laa ka tipi Galati nyaa.

Galati 3:1

Ɓɔɔ nɔɔ zang tipi Galati nɔɔ shoko niizang. Ɓu wi zuu nɔɔ jĩng nɔngkɔ wiya? Zang kɔɔ ka shoo manɛ naa ɓɔɔ zang ɓaa Yeesɔ Kirisi naa ka laa a vɔrɛ ɓɛɛ.

2 Timoti 1:15

Mɔɔ zi tɔ nɛɛ, rɛɛ Figelu nɛɛ Hamɔgini nɛɛ zang ɓɔɔ ri dũng Laa ka tipi Asiya nandon, ri yaa m tɔ.

2 Timoti 4:10

ka ruu ɓɔɔ, Dema kasɛ ruu vuu koo keɓe, yaa m tɔ, daa tɔ ka gari Tesalonika. Karasika daa ka Galati, a Titu daa ɓi kaa Dalamatiya.

Yahudi 11:8

Danggn shinnang Ibirayi shing wu ka ɓɔɔ zang ɓaa wu nyaa nɛɛ wu daa nɔng ɓɔɔ naa nwáng ɓɔɔ ɓiɓɛ ɓɛɛ, ɓaa shoo a daayi. Naa doo ka ɓɔɔ wu zi nɔng ɓɔɔ wu daa kpang ɓɛɛ.

1 Bituru 1:1

Nkɔ Bituru zang nyaa shonang Yeesɔ Kirisi, n bèé nɔɔ labeenang keɓe, n jee nɔɔ nyaa, zang ɓɔɔ Laa shɛ̃ɛrɛ ri katɔ ɓɛɛ. Ɓɔɔ zang tantɛ nɔɔ nɛɛ nɔng piti piti ka rɛɛ tipi Pontu nɛɛ Galati nɛɛ Kapaadoosiya nɛɛ Asiya a ɓɔɔ tipi Bitiniya ɓɛɛ. Nɔɔ nwalɛ zanti ka nɔngkɔ ɓɛɛ.

Vuu ɓɔɔ zang nwangsɛ Yɔhana 1:11

Kɔ̀ɔ́ m nɛɛ, “Tuu labeenang mɔɔ bée vuu kɔ mɔɔ zili ɓee, mɔ́ɔ shòng zang ɓɔɔ ri dũng Laa ka Gãa Laa manziti kaɓa. Gãa Laa ɓɔɔ ri ka gari Afisa nɛɛ gari Simina nɛɛ gari Pagamu, nɛɛ gari Tayatira nɛɛ gari Sadisu, nɛɛ ɓɔɔ gari Filadifiya a ɓɔɔ gari Lawodikiya ɓɛɛ.”

Vuu ɓɔɔ zang nwangsɛ Yɔhana 1:4

Labeenang keɓe nɛɛ bii mɛɛ, nkɔ Yɔhana n bèé nɔɔ zang Laa ɓɔɔ nɔɔ ka rɛɛ Gãa Laa manziti ɓɔɔ ka tipi Asiya ɓɛɛ. Laa wu palɛ nɔɔ tɔ̃ɔ, wu shingnɛ yeti manɛ wu valɛ katɔ. Laa ɓɔɔ ɓi ningkãari kãntang keɓe, ɓɔɔ bɛ̀ɛ́ ɓi ningkãari, ka ɓɔɔ bɛ̀ɛ́ zang mãa koo gn kpang, ɓɔɔ ti naa gbãayu ditɔ ka koo keɓe ɓɛɛ. Rɛɛ suru Laa manziti ɓɔɔ ri shiiri ka tĩng ɓiɓɛ, ka ɓɔɔ wu nwang ka yuu laa kpanti ɓiɓɛ ɓɛɛ. Ri palɛ nɔɔ tɔ̃ɔ jong, ri ti shingnɛ yeti manɛ wu valɛ katɔ.