Zang Shonang Yeesɔ 16:23 - Nyaa Shɔɔ Ɓɔɔ Laa a Ɓɛɛ

²³ Zang nyɔkɔ ri tɔ zɛ̃ɛzɛ̃ɛ, a zang loo ri ka sãa. Zang kɔɔ zang ɓɔɔ gã sãa nɛɛ wu ku ri gbãng gbãng.

Zang Shonang Yeesɔ 16:23 ပူးပေါင်းရင်းမြစ်များ

Matiyu 26:48

Yahuda ɓɔɔ nyɔ yuu Yeesɔ, kɔɔ ri tɔ, ka tĩng nɛɛ, “Zang ɓɔɔ n daa kɔng wu, wukɔ Yeesɔ. Nɔ́ɔ yi wu.”

Luka 21:12

Ɓɔɔ diki keɓe à gn kpang, zang yi nɔɔ zang ti dang nɔɔ jĩng. Zang a nɔɔ rɛɛ zang bang bang gãa zɔɔ kpalɛnang, ri jɛ̃ɛ nɔɔ ruu, ri loo nɔɔ ka sãa. Zang daa nɛɛ nɔɔ ka bii kpanti, nɛɛ bii gɔmna, ka ruu ɓɔɔ, nɔɔ ráng yee mɛɛ ɓɛɛ.

Zang Shonang Yeesɔ 12:18

Ɓɔɔ nɔng naa gãntɛ, rɛɛ sɔɔja ri haa nyaa nɛɛ zɔɔ dɔɔli nɛɛ Bituru daa ka niya?

Zang Shonang Yeesɔ 12:4

Yi Bituru tɔ, a loo wu ka sãa, a wu zang ɓɔɔ ri gã sãa ɓɛɛ ka naa, nɛɛ ri gãng jĩng ka wu. Basɛ zang sɔɔja ɓɔɔ gã wu nɔng dɛ̃ɛti. Nɔng ɓu sɔɔja kagn dɛ̃ɛti. Hiridu mang ka yeti ɓiɓɛ, nɛɛ nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ nɛɛ ɓa tɔ, wu naa jɛ̃ɛ Bituru ruu kati, ka jĩng zang piti.

Zang Shonang Yeesɔ 16:27

Zang ɓɔɔ gã sãa hingsi jĩng. Ɓu doo ɓɔɔ zi nyaa gãa sãa bm, kɔɔ ɓi naa zang ɓɔɔ ka sãa ri yuku tɔ. Ka ruu nɔngkɔ, zɔ̃ng yere bang ɓiɓɛ nɛɛ wu nyɔ yuu ɓiɓɛ kaa vɔrɔ.

Zang Shonang Yeesɔ 16:36

Zang ɓɔɔ gã sãa daa kɔɔ Bulu kati nɛɛ, “Rɛɛ zang bang ri shong nyaa ka ruu ɓaaɓɛ nɛɛ Siila, nɛɛ n yaa nɔɔ naa ta. Nɔɔ yupaa ta, nɔɔ daa waasɛ̃.”

Zang Shonang Yeesɔ 5:18

Ri yiki rɛɛ zang shonang Yeesɔ, ri loo ri ka sãa.

Zang Shonang Yeesɔ 5:23

Ri kɔɔyi tɔɔ, “Ɓɔɔ ruu daa ka sãa, ruu ĩi nyaa gãa kulu katɔ gbatagbata. Zang ɓɔɔ ri gã sãa bii ri shiiri ka nyaa gãa. A ɓɔɔ ruu puu nyaa gãa, ruu ĩi zang ɓɔɔ kaa tɔ̀ɔ́ yeti sãa kpang.”

Zang Shonang Yeesɔ 8:3

Shaawulu kãa ɓi gbalang ɓɔɔ nɛɛ wu ningsi zang ɓɔɔ ri dũng Laa ɓɛɛ, dɔ̃ɔ gbete. Dàarɛ́ ka gãa gãa, yiki zang varɛ nɛɛ zang soro, wu daa looro ri ka sãa.

Zang Shonang Yeesɔ 9:2

a gaa wu nɛɛ wu bee wu labeenang ɓɔɔ wu daa a zang ka rɛɛ gãa zɔɔ kpalɛnang ɓɔɔ ka gari Damasiku ɓɛɛ. Wu nɛɛ daa ĩi zang ɓɔɔ ri dũng Gbalang keɓe kagn nɔng, zang varɛ nɛɛ zang soro, wu yiki ri, wu mãlɛ naa ɓarɛ, wu a nɛɛ ri ka gari Urushalima.

2 Koranti 11:23

Ri zang ɓɔɔ palɛ Yeesɔ Kirisi shonang ya? N palɛ Yeesɔ shonang, n ɓa ri katɔ. N rang yee naa zang shoko. N palɛ shonang tɔ gbãng gbãng, n ɓa ri katɔ. Zang mã m ka sãa doo dɔɔli ɓa ri katɔ, zang nyɔ m tɔ nɛɛ gbãa dɔɔli, ɓa ɓɔɔ ɓarɛ katɔ. A zang yàarɛ́ m nung vɔrɔ gbete diki diki.

2 Koranti 6:5

Zang nyɔ ruu tɔ nɛɛ gbãa, zang mã ruu ka sãa, a zang ti kãarɛ ruu. Zang mã ruu nyaa ka shonang sasak, ruu ti roo hingro ka jĩng kpang, a nyɔkɔ ti nyɔ ruu.

Afisa 3:1

Ka ruu vuu keɓe kɔ, n gàá Laa, nkɔ Bulu ɓɔɔ zang mã m ka sãa ka ruu Yeesɔ Kirisi, ka ruu manɛ, zang ɓɔɔ ri zang Isirela kpang ɓɛɛ.

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

2 Timoti 2:9

Ka ruu ɓɔɔ, n kɔɔrɔ zang Ruu Tɔ̃ɔ Laa, n dang jĩng, a zang ti mã m nɛɛ saka, mɔɔ kɔɔ nɛɛ ǹ zang ɓɔɔ palɛ vuu shi kpang ɓɛɛ. A zang mã Ruu Laa bìí, ɓi kaa tɔ̀ɔ́ katɔ kpang.

Filimon 1:9

Ka ruu ɓɔɔ, ruu kasɛ zɔɔ katɔ ɓɛɛ, n gaa mɔɔ katɔ kɔ jong. N gaa mɔɔ ka ruu ɓɔɔ n m zang nyaa shonang Yeesɔ Kirisi ɓɛɛ, a zang ti mã m ka sãa ka ruu ɓiɓɛ ɓɛɛ.

Vuu ɓɔɔ zang nwangsɛ Yɔhana 1:9

Nkɔ Yɔhana manzung manɛ, ɓɔɔ ruu ɓakɛ zɔɔ tɔ nɛɛ Yeesɔ ɓɛɛ. Ruu mã danggn nɛɛ zɔɔ ka jĩng ɓɔɔ ruu dangnɛ, ka ruu ɓɔɔ, Yeesɔ kpanti ɓuru ɓɛɛ. Zang shing m ka tipi ɓɔɔ mii kiiri wu nyaa ka teteng, ɓɔɔ zang ɓaa nɛɛ Patimu ɓɛɛ, ka ruu ɓɔɔ, n kɔɔ zang Ruu Laa ɓɔɔ Yeesɔ kasɛ tɔ, nɛɛ ɓi niizang ɓɛɛ.

Vuu ɓɔɔ zang nwangsɛ Yɔhana 2:10

Nɔ́ɔ kaa vɔrɔ jĩng dannang ɓɔɔ yaa kaa tɔkɔlɔng nɔɔ dǎng kaa tɔ kaɓa kpang. Nɔɔ ɓaa shoo, Sheetang naa gãsɛ nɔɔ ditɔ, naa shingnɛ zang wu mã zang ɓɔɔ ka teteng manɛ ka sãa. Zang naa dang nɔɔ jĩng diki kopi kɔ nwani. Nɔ́ɔ yaa danggn ɓɔɔ nɔɔ shing ka bii mɛɛ kpang, naa zang nyɔ nɔɔ doo vɔrɔ ɓɛɛ. Tɔ̀ɔ, n a nɔɔ suru bii ɓɔɔ waa nyaa kpang, nɔ́ɔ walɛ bannang kati.