Zang Shonang Yeesɔ 16:19 - Nyaa Shɔɔ Ɓɔɔ Laa a Ɓɛɛ

¹⁹ Ɓɔɔ rɛɛ zang jaafoo ri zirɛ nɛɛ zang lasɛ ri gbalang ɓɔɔ ri walɛ saka nɛɛ mani tɔ, ri yiki rɛɛ Bulu nɛɛ Siila, ri gɔ̃ ri, ri daa nɛɛ ri ka tĩng rɛɛ zang bang. Ka nɔng ɓɔɔ zang jɛ̃̀ɛ́ zang ruu kagn ka lumang ɓɛɛ.

Zang Shonang Yeesɔ 16:19 ပူးပေါင်းရင်းမြစ်များ

Matiyu 24:9

“Zang ti naa yiki nɔɔ ditɔ, zang a zang ɓɔɔ ri dang nɔɔ jĩng, tɔɔ ri nyɔ nɔɔ vɔrɔ kati. Zang koo keɓe piti naa bɛ̃ɛ nɔɔ ditɔ ka ruu nung mɛɛ.

Maraku 13:9

Nɔɔ shing yuu manɛ tɔ̃ɔ tɔ̃ɔ, ka ruu ɓɔɔ, zang naa a nɔɔ zang ɓɔɔ ri jɛ̃ɛ ruu ditɔ ɓɛɛ. Zang naa nyɔ nɔɔ ditɔ ka gãa zɔɔ kpalɛnang zang Yahudi. Zang naa atɛ nɔɔ ditɔ ka tĩng rɛɛ gɔmna nɛɛ rɛɛ kpanti ka ruu mɛɛ, tɔ̀ɔ, nɔ́ɔ kɔɔ ri Ruu Laa kati.

Zang Shonang Yeesɔ 14:19

Zang Yahudi ɓɔɔ ri a nɛɛ Antakiya ɓɔɔ ka tipi Pisidiya ɓɛɛ, ɓɔɔ ri ti a nɛɛ Ikoniya. Ri dɔ̃lɔ zang ɓɔɔ ri kpalɛ ɓɛɛ nyaa, a zang ri ta nyaa ɓarɛ, a ri luku Bulu nɛɛ tari. Ri gɔ̃ wu ka tipi ri nwangsɛ wu nɛɛ yeti gari, ri tɔɔ naa vɔ ɓi tɔ.

Zang Shonang Yeesɔ 14:5

Zang ɓɔɔ ri zang Isirela kpang nɛɛ Yahudi, ri mã zɔɔ nyaa nɛɛ rɛɛ zang bang ɓarɛ, nɛɛ ri dang rɛɛ zang shonang Yeesɔ jĩng, nɛɛ ri ti luku ri nɛɛ tari.

Zang Shonang Yeesɔ 15:22

A zang shonang Yeesɔ ri nɛɛ rɛɛ zang bang bang, nɛɛ zang ɓɔɔ ri dũng Laa, nyaa ɓarɛ a gbete, nɛɛ ri shɛ̃ɛrɛ zang ɓɔɔ ka teteng ɓarɛ, ri shong ri ka Antakiya nɛɛ ri dàa nɛɛ Bulu nɛɛ Baranaba. A ri zɔ̃ng zang varɛ ziti ɓɔɔ zang ɓɔɔ ri shing danggn tɔ, ri á ri bannang dɔɔli ɓɛɛ. Yahuda ɓɔɔ zang ɓaa wu nɛɛ Basaba ɓɛɛ, ri nɛɛ Siila.

Zang Shonang Yeesɔ 15:26

ɓɔɔ ri loo yuu ɓarɛ tɔ ka nɔng ɓɔɔ ri pàlɛ́ Kpanti ɓuru Yeesɔ Kirisi shonang ɓɛɛ.

Zang Shonang Yeesɔ 15:40

A Bulu tuu ɓi kaa Siila. Ka knti ɓɔɔ zang ɓɔɔ ri shing danggn tɔ ri gàa ri Laa tɔ nɛɛ Laa wu gãng jĩng ka ri, a ri yi gbalang ri daayi.

Zang Shonang Yeesɔ 16:16

Diki ɓɔɔgn, ruu daa ka nɔng ɓɔɔ zang gaa Laa kagn ɓɛɛ, a jaa zang soro ɓɔɔ ɓi jaafoo, kpisi ruu yuu. Jaafoo keɓe suru shi kpang kagn bii ɓiɓɛ ɓɔɔ shing wu hɛ̃ɛ zang paa ɓɛɛ. Zang ɓiɓɛ, ri walɛ vuu nɛɛ wu dɔɔli, ka ruu paa ɓɔɔ wu hɛ̃ɛ ɓɛɛ.

Zang Shonang Yeesɔ 16:20

Zang atɛ ri tɔ, ka bii zang ɓɔɔ ri jɛ̃̀ɛ́ zang ruu ɓɛɛ, a ri kɔɔyi tɔɔ, “Zang keɓe ri ɓarɛ zang Yahudi. Ri kpãa zang gari ɓuru.

Zang Shonang Yeesɔ 16:25

Nɛɛ gãmbang zĩi Bulu nɛɛ Siila ri gàá Laa, ri ti gàá wu soo. Zang ɓɔɔ zang mã ri dòo ka sãa kɔ, ɓɔɔ nimbang, ri ɓaa shoo ri tãa ri.

Zang Shonang Yeesɔ 16:29

Zang ɓɔɔ gã sãa ɓaa nyaa nɛɛ zang atɛ waa. A daa ka yeti gãa ɓɔɔ rɛɛ Bulu nɛɛ Siila kagn ɓɛɛ. Tang nɛɛ gutu ka tĩng ɓarɛ, bii zàá wu kpɔkpɔk.

Zang Shonang Yeesɔ 17:6

Ɓɔɔ ri ĩi Bulu nɛɛ Siila kpang, ri gɔ̃ yɔɔ ɓɔɔ zang ɓaa wu nɛɛ Jaasong nɛɛ rɛɛ zang ɓɔɔ ka teteng zang ɓɔɔ ri shing danggn tɔ ɓɛɛ, ri daa nɛɛ ri ka tĩng rɛɛ zang bang gari. Ri goo nyaa nɛɛ, “Zang keɓe ri kpãa zang tɔ nɛɛ nɔng piti piti. Wee ri a tɔ ka gari ɓuru ɓɛɛ,

Zang Shonang Yeesɔ 21:30

Gari nandon, nɔng shoo tãanang ɓi tɔ̀ɔ́gn kpang. Zang ri yuku nɛɛ nɔng piti piti ri arɛ, ri yi Bulu ri gɔ̃ wu, ri nwangsɛ wu nɛɛ yeti Gãa Laa. A zang tantɛ nyaa gãa kulunang.

Zang Shonang Yeesɔ 8:3

Shaawulu kãa ɓi gbalang ɓɔɔ nɛɛ wu ningsi zang ɓɔɔ ri dũng Laa ɓɛɛ, dɔ̃ɔ gbete. Dàarɛ́ ka gãa gãa, yiki zang varɛ nɛɛ zang soro, wu daa looro ri ka sãa.

Zang Shonang Yeesɔ 9:16

Ń ti tusu wu naa ɓɔɔ wu naa dang jĩng dɔɔli, ka ruu mɛɛ ɓɛɛ.”

2 Koranti 6:5

Zang nyɔ ruu tɔ nɛɛ gbãa, zang mã ruu ka sãa, a zang ti kãarɛ ruu. Zang mã ruu nyaa ka shonang sasak, ruu ti roo hingro ka jĩng kpang, a nyɔkɔ ti nyɔ ruu.

Filipi 1:30

Nɔɔ zi m katɔ ka ɓɔɔ n dang jĩng ɓɛɛ, nɔɔ ti tãa nyaa jĩng dannang mɛɛ doo naa. Kãntang keɓe, nɔɔ dang kaa jĩng jong naa ɓɔɔ n dàng ɓɛɛ.

1 Tesalonika 2:2

Nɔɔ zi naa ɓɔɔ zang dang ruu jĩng, a zang dãlɛ ruu ka Filipi tɔ, a ruu naa a ka bii manɛ ka Tesalonika. Zang dɔɔli nɛɛ ri zãa ruu Ruu Tɔ̃ɔ kɔɔnang ka gari manɛ, a Laa mã ruu danggn doo nɛɛ mani, a ruu kɔɔ nɔɔ Ruu Tɔ̃ɔ ɓɔɔ a nɛɛ bii ɓiɓɛ ɓɛɛ.

1 Timoti 6:10

Kasɛnang saka wukɔ dĩiri vuu shi kpang nandon. Zang ɓɔɔ ri làabìi walɛnang, ri yaa gbalang danggn ɓɔɔ ri shing ka bii Laa tɔ. A ri atɛ yuu ɓarɛ yeti lasɛnang ɓɔɔ kɔ̀ng dɔɔli tɔ.

Yakubu 2:6

Nɔɔ risi zang ɓɔɔ ri zang ying kpang naa vĩi. Wu zang ying kɔ ri dang nɔɔ jĩng kpang ya? Wu rikɔ ɓaa nɔɔ nyaavaa kpang ya?