Zang Shonang Yeesɔ 16:17 - Nyaa Shɔɔ Ɓɔɔ Laa a Ɓɛɛ

¹⁷ Dũng ruu nɛɛ Bulu ka knti mɛɛrɛ nyaa, kɔɔyi nɛɛ, “Zang keɓe, ri zang shonang Laa ɓɔɔ ɓa zang piti katɔ ɓɛɛ. Ri kɔ̀ɔ́ nɔɔ, naa ɓɔɔ nɔɔ ta yuu manɛ ɓɛɛ.”

Zang Shonang Yeesɔ 16:17 ပူးပေါင်းရင်းမြစ်များ

Matiyu 22:16

A ri shong zang ɓɔɔ ri mantɛ vuu ka bii ɓarɛ nɛɛ zang ɓɔɔ dũng knti Kpanti Hiridu tɔɔ, ri daa kɔɔ Yeesɔ nɛɛ, “Maalang, ruu zi tɔ, mɔɔ suu see ɓáa kpang. Mɔɔ tùsú zang ɓáa vuu ɓɔɔ niizang, ɓɔɔ Laa kasɛ nɛɛ zang wu palɛ ɓɛɛ. Ruu ɓaaɓɛ hãa ɓi kagn nɛɛ vuu ɓɔɔ shɔnzang rɛ̃rɛ ɓɛɛ kpang, ka ruu ɓɔɔ, mɔɔ ti shɛ̃ɛrɛ zang ɓáa kpang ɓɛɛ.

Matiyu 8:29

Ri sãa nyaa ka lapa nɛɛ, “Rúu ɓaaɓɛ hãa kagn nɛɛ rùu ya, Jaa Laa? Diki a gn kpang, mɔɔ arɛ, nɛɛ mɔɔ naa dang ruu jĩng kaa naa talang ya?”

Maraku 1:24

“Mɔɔ kãa vi ka bii ɓuru viya? Yeesɔ yɔɔ Nazara? Mɔɔ arɛ nɛɛ mɔɔ naa nyɔkɔ ruu katɔ ya? N zi mɔɔ nung tɔ, mɔkɔ zang tɔ̃ɔ ɓɔɔ à nɛɛ bii Laa ɓɛɛ.”

Maraku 12:14

A ri arɛ, ri hɛ̃ɛ Yeesɔ tɔɔ, “Maalang, ruu zi tɔ mɔɔ suu sèé ɓaa kpang, ruu ɓaaɓɛ hãa ɓi kagn nɛɛ vuu ɓɔɔ shɔnzang rɛ̃rɛ ɓɛɛ kpang, ka ruu ɓɔɔ, mɔɔ ti shɛ̃ɛrɛ zang ɓaa kpang ɓɛɛ. Mɔɔ mung zang ɓaa dɔ̃ɔ gbete ɓɛɛ. Mɔɔ tusu zang ɓaa vuu ɓɔɔ niizang ɓɔɔ Laa kasɛ nɛɛ zang ri palɛ ɓɛɛ. Kɔɔ ruu jong, daa naa ɓɔɔ ruu shu kpanti Kayisa saka tipi katɔ ya, kɔ ruu shu kpang?”

Maraku 5:7

A mɛɛ nyaa ka lapa tɔɔ, “Mɔɔ kãa vi ka bii mɛɛ viya? Yeesɔ Jaa Kpanti Laa? N zɔɔrɔ mɔɔ katɔ nɛɛ nung Laa, mɔɔ dang m jĩng kpang.”

Luka 1:77

Mɔkɔ naa tusu zang Laa, nɛɛ Laa naa yàá ri gbalang vuu shi kpang ɓarɛ ditɔ, tɔ̀ɔ, wu ta yuu ɓarɛ kati.

Luka 1:79

Wu yakɛ nɔng kati. Tɔ̀ɔ, zang ɓɔɔ ri nwang ka nɔng ɓɔɔ tɔ̀ɔ katɔ, nɛɛ zang ɓɔɔ ri nwang ka nɔng vɔrɔ ɓɔɔ tɔ̀ɔ katɔ, ri zi nɔng kati. Wukɔ naa tusu ruu gbalang ɓɔɔ ruu nwang nɛɛ Laa waasɛ̃ ɓɛɛ.”

Luka 20:21

A zang keɓe ri hɛ̃ɛ wu nɛɛ “Maalang, ruu zi tɔ vuu ɓɔɔ mɔɔ kɔɔyi, nɛɛ vuu ɓɔɔ mɔɔ tusu piti tɔ̃ɔ. Mɔɔ shɛ̃ɛrɛ zang ɓaa kpang. Mɔɔ túsù Ruu Laa ɓaa tɔ̃ɔ tɔ̃ɔ.

Luka 4:34

“Ayii. Yeesɔ yɔɔ Nazara, ruu, ɓaaɓɛ hãa kagn nɛɛ ruu ya? Mɔɔ arɛ nɛɛ mɔɔ naa nyɔkɔ ruu katɔ ya? N zi mɔɔ tɔɔ, mɔkɔ zang shonang Laa ɓɔɔ a nɛɛ bii Laa ɓɛɛ.”

Luka 4:41

A suru shi kpang ti nwangkɛ kaa nɛɛ bii zang dɔɔli. Ri mɛɛrɛ nyaa kana nɛɛ, “Mɔkɔ Jaa Laa.” A mangkɛ ri, kasɛ nɛɛ ri rang yee ka yuu ɓiɓɛ kpang, ka ruu ɓɔɔ, ri zi tɔ nɛɛ wukɔ Kirisi ɓɛɛ.

Luka 8:28

Ɓɔɔ wu zi Yeesɔ hn, mɛɛ nyaa ka lapa, a tang ka tĩng ɓiɓɛ. Mɛɛrɛ nyaa kana nabm, nɛɛ “Mɔɔ kãa vi ka bìí mɛɛ viya? Yeesɔ Jaa Kpanti Laa. N zɔ̃ɔrɔ mɔɔ katɔ, mɔɔ dang m jĩng kpang.”

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Zang Shonang Yeesɔ 18:26

Gaayu yee rannang ka gãa zɔɔ kpalɛnang kaa vɔrɔ kpang. Rɛɛ Pirisila nɛɛ Akpiila ri tãa vuu ɓɔɔ wu kɔɔrɔ ɓɛɛ, a ri ɓaa wu nyaa, ri daa nɛɛ wu ka gãa ɓarɛ. Ri daa tusu wu gbalang Laa kaa waasɛ̃.

Zang Shonang Yeesɔ 19:13

A zang Yahudi ɓɔɔ kagn ɓɔɔ ri rakɛ ri daarɛ gari gari ri nwangsɛ suru shi kpang nɛɛ bii zang, ri kasɛ nɛɛ ri nwángsɛ̀ suru shi kpang kaa jong nɛɛ nung Kpanti Yeesɔ. Ri kɔɔyi nɛɛ, “N dang mɔɔ nyaa nɛɛ nung Yeesɔ ɓɔɔ Bulu kɔɔrɔ zang ruu ɓiɓɛ ɓɛɛ.”

1 Bituru 2:16

Nɔɔ nwàng manɛ naa zang ɓɔɔ ri jaafoo zang ɓɔɔ kpang ɓɛɛ. Nɔ́ɔ tɔɔ kpang nɛɛ wee nɔɔ jaafoo zang ɓɔɔ kpang ɓee, nɔɔ walɛ gbalang vuu shi kpang palɛnang tɔ kpang. Nɔɔ nwáng nwannang ɓɔɔ daa naa ɓɔ̀ɔ́ zang ɓɔɔ ri pàlɛ́ Laa shonang ɓɛɛ kati.

2 Bituru 2:2

Zang dɔɔli ri naa palɛ dũndũng ɓɔɔ maalang keɓe ri palɛ ɓɛɛ. Tɔ̀ɔ, ri shing zang kati zang ri rang ruu shi kpang ka yuu gbalang Laa ɓɔɔ niizang ɓɛɛ.