Zang Shonang Yeesɔ 16:15 - Nyaa Shɔɔ Ɓɔɔ Laa a Ɓɛɛ

¹⁵ Zang palɛ wu batizima tɔ, nɛɛ zang ɓɔɔ ri ka gãa ɓiɓɛ, a gaa ruu nɛɛ, “Nɔɔ nɛɛ zi tɔ nɛɛ n zang ɓɔɔ shing danggn tɔ ka bii Laa, nɔɔ a ta ka gãa mɛɛ nɔɔ nwang ka nɔng.” Yi ruu tĩng ka bii, a ruu kasɛ kati.

Zang Shonang Yeesɔ 16:15 ပူးပေါင်းရင်းမြစ်များ

Matiyu 10:41

Zang ɓɔɔ nɛɛ ta zang nyaa shonang Làa, ka ruu ɓɔɔ, wu ɓi zang nyaa shonang Laa, ti naa ta ɓi doo vuu ɓɔɔ Laa shing zang nyaa shonang ɓiɓɛ kɔ. Zang ɓɔɔ nɛɛ ta zang tɔ̃ɔ ka ruu ɓɔɔ, wu ɓi zang tɔ̃ɔ, ti naa ta ɓi doo vuu ɓɔɔ Laa shing zang tɔ̃ɔ kɔ.

Matiyu 3:6

Ri kɔɔrɔ Laa vuu shi kpang ɓarɛ, a Yɔhana palɛ ri batizima ka mii rang Urudung.

Luka 14:23

A yɔɔ gãa kɔɔ zang shonang ɓiɓɛ tɔkn tɔɔ, ‘Dita gbalang jaa, mɔɔ gɔ̃kɔ m zang, mɔɔ atɛ ri ka yeti gãa, tɔ̀ɔ, gãa mɛɛ wu yi nyaa kati.

Luka 24:29

A ri bakɛ wu nɛɛ, “Nwang nɛɛ ruu, ka ruu ɓɔɔ, kaa nɔng laarang, laa ti hãa nyaa kana ɓɛɛ.” A daayi nɛɛ wu daa nwang kaa nɛɛ ri.

Zang Shonang Yeesɔ 11:14

Naa kɔ̀ɔ́ mɔɔ ruu ɓɔɔ ta yuu ɓaaɓɛ nɛɛ zang ɓɔɔ ri ka yeti gãa ɓaaɓɛ nandon.’

Zang Shonang Yeesɔ 16:31

Ri kasɛ wu nyaa tɔɔ, “Shing danggn ka bìí Kpanti Yeesɔ, mɔɔ ta yuu ɓaaɓɛ katɔ. Mɔɔ nɛɛ zang ɓɔɔ ri ka gãa ɓaaɓɛ nandon.”

Zang Shonang Yeesɔ 16:33

Zang ɓɔɔ gã sãa sèe ri dòo nɛɛ zĩi kɔ tantɛnang daa sɔɔ ri nɔɔrɔ. A ri palɛ wu batizima nɛɛ zang ɓɔɔ ri ka gãa ɓiɓɛ nandon.

Zang Shonang Yeesɔ 16:34

A see Bulu nɛɛ Siila daa nɛɛ ri ka gãa ɓiɓɛ. Daa a ri vuu shaanang nɛɛ ri shaayi. Wu nɛɛ zang ɓɔɔ ka gãa ɓiɓɛ nandon, ri tãa tĩnang dɔɔli, ka ruu ɓɔɔ, ri shing danggn tɔ, ka bìí Laa ɓɛɛ.

Zang Shonang Yeesɔ 18:8

Kiripu ɓɔɔ wukɔ zang bang gãa zɔɔ kpalɛnang shing danggn ka bii Kpanti Laa nɛɛ zang ɓɔɔ ri ka gãa ɓiɓɛ piti. Zang Koranti ɓɔɔ ri ti ɓaa shoo ka Ruu Laa ɓɔɔ Bulu rang ɓɛɛ, ri shing danggn, a zang palɛ ri batizima.

Zang Shonang Yeesɔ 8:12

Ɓɔɔ ri shing danggn ka Ruu Tɔ̃ɔ kpanti roonang Laa ɓɔɔ Filibu kɔɔ ri, a ɓɔɔ kaa nung Yeesɔ Kirisi, zang palɛ ri batizima, zang varɛ nɛɛ zang soro nandon.

Zang Shonang Yeesɔ 8:38

A kɔɔ zang ɓɔɔ raa nyaa gbantang nɛɛ kɛkɛ wu shiiyi. Filibu nɛɛ yɔɔ ɓɔɔ bii varɛ ɓiɓɛ vɔ katɔ, ri shooro kaa nɛɛ yeti kɛkɛ, ri daa ka yeti mii, a Filibu palɛ wu batizima kati.

Rooma 16:23

Gaayu, zang ɓɔɔ n nwang ka gãa ɓiɓɛ, ɓɔɔ zang ɓɔɔ ri dũng Kirisi ri kpalɛ zɔɔ ka gãa ɓiɓɛ ɓɛɛ, jée nɔɔ nyaa jong. Erasitu ɓɔɔ zang gari ri shing saka ka naa ɓiɓɛ, nɛɛ manzung ɓuru Kpaatu ɓɔɔ dũng doo Kirisi kɔ, ri jée nɔɔ nyaa.

2 Koranti 12:11

N palɛ vuu tɔ naa shoko. Nɔkɔ shing m n palɛ nɔngkɔ. Nɔkɔ nɛ̀ɛ́ kɔɔ ruu tɔ̃ɔ ka yuu mɛɛ. Naa n doo vuu ɓɔɔ kpang piti, zang shonang Yeesɔ manɛ ɓɔɔ bang bang kaɓa, ri ɓa m kpang.

2 Koranti 5:14

Ɓi kasɛnang ɓɔɔ Kirisi kasɛ ruu nɛɛ mani kɔ yiti ruu. Ka ruu ɓɔɔ, ruu zi ɓuru tɔ nɛɛ, zang gbete vɔ tɔ ka ruu zang piti. Nwang ɓi kaa naa ɓɔɔ ri nandon ri vɔ jong nɛɛ wu ɓɛɛ.

Galati 6:10

Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

Afisa 1:1

Labeenang keɓe, nɛɛ bii mɛɛ nkɔ Bulu ɓɔɔ Laa kɔ kasɛ, a n nwàng zang shonang Yeesɔ Kirisi ɓɛɛ. N bèé zang ɓɔɔ ri ka gari Afisa ɓɔɔ ri dũng Yeesɔ Kirisi nɛɛ yeti gbete ɓɛɛ.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

Filimon 1:17

Mɔɔ nɛ́ɛ zi m nɛɛ, n ɓaa sang ka ruu Kirisi, ta Onesimu naa ɓɔɔ mɔɔ nɛ̀ɛ́ tà m ɓɛɛ.

Yahudi 13:2

Nɔɔ yaa zang zanti tanang ka gãa manɛ kpang, Ka ruu ɓɔɔ, zang ɓɔɔ ri pálɛ́ nɔngkɔ, a ri ta zang nyaa shonang Laa ɓɔɔ ri ka lapa ɓɛɛ tɔ̃ɔ, ri zi kpang.

1 Bituru 5:12

Ɓi Siila yì m naa kagn, a bèe nɔɔ labeenang tɔkɔlɔng kɔ n a nɔɔ ɓee. N zi tɔ Siila ɓi dòo zang ɓɔɔ dũng Laa kɔ nɛɛ ruu. Siila daa naa ɓɔɔ zang shing gn ka bii ɓiɓɛ tɔ. N bèé nɔɔ ruu keɓe n tɔɔ, n mã nɔɔ danggn. N ti kɔɔ nɔɔ faarik nɛɛ niizang, wee ɓi naa ɓɔɔ Laa pàlɛ̀ ruu tɔ̃ɔ ɓɛɛ kɔ. Ka ruu nɔngkɔ, nɔɔ shíi nɛɛ kaka ka rɛɛ vuu keɓe.

2 Yɔhana 1:10

Zang piti ɓɔɔ nɛɛ alɛ ka bii manɛ, a à nɛɛ vuu kpɛ̃ɛrɛnang keɓe kɔ kpang, nɔ́ɔ ta wu ka gãa manɛ kpang. Nɔ́ɔ ti jee wu nyaa kpang tingkiring.

3 Yɔhana 1:5

Masang ɓɔɔ n kasɛ mɔɔ katɔ dɔɔli ɓɛɛ, vuu kɔ mɔɔ pálɛ̀ ɓaazung ɓɔɔ ri dũng Laa, ɓɔɔ mɔɔ zi ri nung katɔ, nɛɛ ɓɔɔ mɔɔ zi ri nung kpang, mɔɔ pálɛ̀ vuu ɓɔɔ Laa kasɛ ɓɛɛ kɔ.

3 Yɔhana 1:8

Ka ruu nɔngkɔ, ɓɔɔ ruu zang Laa, ruu yi nɔɔ zang ɓɔɔ ri palɛ shonang tɔ̃ɔ naa weɓe, naa ka bii ning. Tɔ̀ɔ, ruu nwang kaa gbete nɛɛ ri ka shonang ruu ɓɔɔ niizang palɛnang.