Zang Shonang Yeesɔ 16:1 - Nyaa Shɔɔ Ɓɔɔ Laa a Ɓɛɛ

¹ Bulu daa ka Daabe, a naa daa ka Lisitira nɔng ɓɔɔ yɔɔ ɓɔɔ dũng Laa ɓɔɔ zang ɓaa wu nɛɛ Timoti kagn ɓɛɛ. Niiɓɛ ɓɔɔ dũng doo Laa kɔ doori, ɓi zang Yahudi a diiɓɛ ɓi kaa zang Heleni.

Zang Shonang Yeesɔ 16:1 ပူးပေါင်းရင်းမြစ်များ

Zang Shonang Yeesɔ 14:1

Ka Ikoniya Bulu nɛɛ Baranaba ri daa yeti gãa zɔɔ kpalɛnang ka nyaa zɔɔ. Ri rang yee Laa, a zang dɔɔli, rɛɛ Yahudi nɛɛ zang Heleni ri shing danggn.

Zang Shonang Yeesɔ 14:21

Bulu nɛɛ Baranaba ri kɔɔ zang Ruu Tɔ̃ɔ Laa ka Daabe, a zang dɔɔli ri shing danggn ka bii Laa. A ri gbãayu ri sɔɔ Lisitira nɛɛ Ikoniya, ri naa a ka Antakiya ɓɔɔ ka tipi Pisidiya ɓɛɛ.

Zang Shonang Yeesɔ 14:6

Zang shonang Yeesɔ ri tãa nyaa, a ri yurɛ, ri daa ka gari Lisitira nɛɛ Daabe ɓɔɔ ka tipi Likoniya ɓɛɛ. Ri ti daarɛ ka nɔng ɓɔɔ kiiri ri nyaa ka teteng ɓɛɛ.

Zang Shonang Yeesɔ 17:14

Zang ɓɔɔ ri dũng Laa, ri tantɛ Bulu dɔ̃nang nɛɛ wu daa ka nyaa waapo. A zang yaa Siila nɛɛ Timoti ɓarɛ kaa Beriya ka nɔngkɔ.

Zang Shonang Yeesɔ 18:5

Ɓɔɔ Timoti nɛɛ Siila ri a nɛɛ Makidoniya, Bulu raa jĩng ɓi kaa Ruu Laa kɔɔrɔnang dɔ̃ɔ gbete. Kɔɔrɔ zang Yahudi nɛɛ Yeesɔ kɔ Kirisi.

Zang Shonang Yeesɔ 19:22

Shong zang ɓɔɔ ri yi wu naa ka shonang ri ziti, Timoti nɛɛ Erasitu ka tĩng ka Makidoniya, a nwang kaa Asiya tɔkn tɔkɔlɔng.

Rooma 16:21

Timoti zang ɓɔɔ ruu palɛ shonang nɛɛ wu jée nɔɔ nyaa. Lukiyu, nɛɛ Jaasong a ɓɔɔ Susibatara ɓɔɔ ri doo zang Yahudi kɔ, ri jée nɔɔ nyaa jong.

1 Koranti 16:10

Timoti nɛɛ a tɔ ka nɔng manɛ, nɔɔ palɛ vuu naa ɓɔɔ wu tãa tĩnang ɓɛɛ. Ka ruu ɓɔɔ, pàlɛ́ Kpanti Kirisi doo shonang kɔ naa ɓɔɔ n palɛ ɓɛɛ.

1 Koranti 4:17

Vuu ɓɔɔ palɛ n shong Timoti nɛɛ wu a ka bìí manɛ ɓɛɛ kɔ. Tɔ̀ɔ, wu naa kpaa nɔɔ danggn nwannang mɛɛ ka gbalang Yeesɔ Kirisi, naa ɓɔɔ n tùsù zang ka nɔng piti, a ɓɔɔ ti ka nɔng ɓɔɔ nɔɔ kpalɛ zɔɔ ka Gãa Laa ɓɛɛ piti, nɛɛ ri palɛ ɓɛɛ. Timoti ɓi jaa mɛɛ ɓɔɔ n kasɛ wu katɔ ɓɛɛ, ka ruu ɓɔɔ, ruu nɛɛ wu gbete ka bìí Yeesɔ Kirisi ɓɛɛ. Ti palɛ shonang Kpanti Yeesɔ Kirisi nɛɛ yeti gbete ɓɛɛ.

1 Koranti 7:14

N kɔɔ nɔngkɔ, ka ruu ɓɔɔ, zang varɛ ɓɔɔ dũ̀ng Laa kpang Laa zɔ̃́ng wu ka ruu soro ɓiɓɛ. Laa ti zɔ̃ng jaa soro ɓɔɔ dũng wu kpang ka ruu varɛ ɓiɓɛ. Naa nɔngkɔ kpang, wujɛ ɓarɛ ri nwang ɓarɛ ɓɔɔ Laa kpang. Ɓɔɔ kãntang keɓe Laa tà wujɛ ɓarɛ, ri kaa zang ɓiɓɛ.

2 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a n nwang zang shonang Yeesɔ Kirisi ɓɛɛ. A ɓɔɔ manzung ɓuru Timoti, ɓɔɔ dũng doo Laa kɔ ɓɛɛ. Ruu bèé zang ɓɔɔ ri dũng Laa ɓɔɔ ri ka Koranti, nɛɛ zang Laa nandon ɓɔɔ ri ka tipi Akaya nandon ɓɛɛ.

2 Koranti 1:19

Ka ruu ɓɔɔ, Yeesɔ Kirisi Jaa Laa, ɓɔɔ Siila nɛɛ Timoti, a ɓɔɔ nkɔ, ruu kɔɔ ruu ɓiɓɛ ka teteng manɛ ɓɛɛ, ɓi zang ɓɔɔ kasɛ nyaa nɛɛ “Nn” a ɓɔɔ nɛɛ “Kpang, kpang.” Yeesɔ kɔɔ ɓi ruu ɓɔɔ niizang kɔ diki diki, ta nyaa ziti ɓi jong kpang.

Filipi 1:1

Labeenang keɓe nɛɛ bii mɛɛ Bulu nɛɛ Timoti, ɓɔɔ ruu jaafoo Yeesɔ Kirisi ɓɛɛ. Ruu bèé nɔɔ, zang Laa nandon, ɓɔɔ nɔɔ shing danggn tɔ ka bii Yeesɔ Kirisi, ɓɔɔ nɔɔ ka gari Filipi ɓɛɛ. A ɓɔɔ nɔkɔ zang bang bang nɛɛ zang ɓɔɔ ri palɛ shonang ka ruu zang Laa ɓɛɛ.

Filipi 2:19

Naa Kpanti Yeesɔ nɛɛ kasɛ tɔ, n tantɛ Timoti shɔɔnang ditɔ ka bii manɛ. Tɔ̀ɔ, nɛɛ gbãayu tɔ ka bii mɛɛ, ruu manɛ ɓɔɔ wu naa kɔɔ m, wu mã m danggn kati.

Kolosi 1:1

Labeenang keɓe nɛɛ bii mɛɛ nkɔ Bulu ɓɔɔ Laa kɔ kasɛ, a n nwàng zang shonang Yeesɔ Kirisi ɓɛɛ, a ɓɔɔ kaa manzung ɓuru Timoti.

1 Tesalonika 1:1

Labeenang keɓe, nɛɛ bii mɛɛ Bulu, a ɓɔɔ Siila nɛɛ Timoti. Ruu bee zang ɓɔɔ ri dũng Yeesɔ Kirisi ka gari Tesalonika, ɓɔɔ ri zang Daa ɓuru Laa nɛɛ Kpanti Yeesɔ Kirisi ɓɛɛ. Laa wu palɛ nɔɔ tɔ̃ɔ, wu ti shingnɛ yeti manɛ wu valɛ katɔ.

1 Tesalonika 3:2

A ruu shong manzung ɓuru Timoti, ɓɔɔ palɛ Laa shonang nɛɛ ruu ka gbalang Ruu Tɔ̃ɔ ɓɔɔ ka yeti Kirisi ɓɔɔ ruu kɔɔrɔ zang ɓɛɛ. Ruu tɔɔ wu naa shing nɔɔ, nɔɔ shii gbãng gbãng, wu ti mã nɔɔ danggn, nɔɔ yaa danggn ɓɔɔ nɔɔ shing ka bii Yeesɔ ɓɛɛ kpang.

1 Tesalonika 3:6

Wee Timoti gbãayu tɔ ka bii ɓuru, ti atɛ ruu nyaa tɔ̃ɔ tɔ, nɛɛ nɔɔ shing danggn doo ka bii Yeesɔ, a nɔɔ ti kasɛ ruu katɔ. A ti kɔɔ ruu nɛɛ nɔɔ rɛ̃rɛ tɔ̃ɔ diki diki ka yuu ɓuru, nɛɛ nɔɔ kasɛ nɛɛ nɔɔ zi ruu doo naa ɓɔɔ ruu kasɛ nɔɔ zinang ɓɛɛ kɔ.

2 Tesalonika 1:1

Labeenang keɓe nɛɛ bii mɛɛ Bulu, a ɓɔɔ kaa Siila nɛɛ Timoti. Ruu bee zang ɓɔɔ ri dũng Laa ɓɔɔ ri ka gari Tesalonika ɓɛɛ. Ɓɔɔ ri zang Daa ɓuru Laa, nɛɛ Kpanti ɓuru Yeesɔ Kirisi ɓɛɛ.

1 Timoti 1:18

Jaa mɛɛ Timoti, ruu kɔ n kɔɔ mɔɔ ɓee, ɓi kaa doo ruu ɓɔɔ rɛɛ zang nyaa shonang Laa ri kɔɔ tɔ kagn ka yuu ɓaaɓɛ ɓɛɛ. Naa mɔɔ dũng nyaa keɓe, mɔɔ ta sĩiri bii ditɔ tɔ̃ɔ tɔ̃ɔ.

1 Timoti 1:2

N bèé mɔkɔ Timoti ɓɔɔ ka gbalang Laa dũnnang, mɔɔ ɓaa kaa jaa mɛɛ ɓɔɔ n kasɛ ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi Kpanti ɓuru, gn ɓaaɓɛ wu kɔng ri jong, ri ti pàlɛ̀ mɔɔ tɔ̃ɔ, ri shingnɛ mɔɔ nwang waasɛ̃.

2 Timoti 1:2

N bee mɔkɔ Timoti jaa mɛɛ, ɓɔɔ n kasɛ mɔɔ dɔɔli ɓɛɛ. N gaa Laa ɓɔɔ wukɔ Daa ɓuru nɛɛ Kpanti ɓuru Yeesɔ Kirisi, gn ɓaaɓɛ wu kɔng ri katɔ, ri palɛ mɔɔ tɔ̃ɔ, ri ti shingnɛ mɔɔ nwang waasɛ̃.

2 Timoti 1:5

Danggn ɓɔɔ mɔɔ shing gbãng gbãng, ning m kpang, naa ɓɔɔ nabang ɓaaɓɛ Looyi nɛɛ naaɓɛ Yunis, ri shing ɓɛɛ. N ti zi zɔ̃ng danggn shinnang keɓe kagn yeti ɓaaɓɛ.

2 Timoti 3:11

Mɔɔ ti zi naa ɓɔɔ zang dang m jĩng ɓɛɛ nɛɛ jĩng dannang ɓɔɔ n dang ɓɛɛ. Mɔɔ zi vuu ɓɔɔ palɛ m ka Antakiya, nɛɛ Ikoniya, nɛɛ Lisitira tɔ, jĩng ɓɔɔ zang dang m, a n mã danggn ɓɛɛ. Laa ta yuu mɛɛ ka vuu keɓe nandon.

Filimon 1:1

Labeenang keɓe nɛɛ bii mɛɛ, nkɔ Bulu, ɓɔɔ zang mã m ka sãa, ka ruu ɓɔɔ, n pàlɛ́ Yeesɔ Kirisi shonang ɓɛɛ, a ɓɔɔ Timoti ɓɔɔ nwang kaa naa jaa nàá ɓuru ka ruu danggn ɓɔɔ ruu shing nɛɛ wu gbete ɓɛɛ. Ruu bee Filimon wusang shonang ɓuru, ɓɔɔ ruu kasɛ mɔɔ dɔɔli ɓɛɛ.

Yahudi 13:23

N kasɛ nɔɔ tãayi nɛɛ, zang yaa manzung ɓuru Timoti naa tɔ nɛɛ sãa. Nɛɛ à pati, ruu naa zi nɔɔ nɛɛ wu.