Zang Shonang Yeesɔ 15:19 - Nyaa Shɔɔ Ɓɔɔ Laa a Ɓɛɛ

¹⁹ “Ka ruu nɔngkɔ, n kɔɔ nɔɔ, rúu kpãa zang ɓɔɔ ri zang Isirela kpang, ɓɔɔ ri a ka bii Laa ɓɛɛ kpang.

Zang Shonang Yeesɔ 15:19 ပူးပေါင်းရင်းမြစ်များ

Zang Shonang Yeesɔ 15:10

Nɔɔ nɛɛ nɔɔ gãsɛ Laa ka ruu viya? Nɔɔ nɛɛ nɔɔ shing vuu ka yuu zang ɓɔɔ ri shing danggn tɔ, vuu ɓɔɔ ruu nɛɛ rɛɛ daa ɓuru ruu zunung tuunang kpang ɓɛɛ.

Zang Shonang Yeesɔ 15:24

Ruu tãa nyaa nɛɛ zang ɓɔ̀ɔ́gn ri daa nɛɛ teteng ɓuru, ri daa kpãa nɔɔ, ri lasɛ nɔɔ yeti nɛɛ vuu ɓɔɔ ri kɔɔrɔ ɓɛɛ. Rùu ti kɔɔ ri vuu ɓɔɔ kagn nɛɛ ri daa kɔɔ nɔɔ kpang.

Zang Shonang Yeesɔ 15:28

Nyaa ɓuru daa gbete nɛɛ Suru Laa nɛɛ ruu gisi nɔɔ vuu ɓɔɔ tɔ̀ɔ́ ka yuu rɛɛ vuu ɓɔɔ daa naa ɓɔɔ nɔɔ palɛ katɔ ɓɛɛ kpang.

Zang Shonang Yeesɔ 21:21

Ri ti tãa nyaa nɛɛ mɔɔ tusu zang Yahudi ɓɔɔ ri nwang ka teteng zang ɓɔɔ ri zang Isirela kpang ɓɛɛ, nɛɛ ri dũ̀ng nyaa ɓɔɔ Musa dang ɓɛɛ takpang. Mɔɔ nɛɛ ri yee wujɛ ɓarɛ shaa kpang, nɛɛ ri dũ̀ng vuu ɓɔɔ dabang ɓuru ri kpɛ̃ɛrɛ ruu kpang.

Zang Shonang Yeesɔ 21:25

Ka ruu zang ɓɔɔ bɛ̀ɛ́ ri zang Isirela kpang, ɓɔɔ ri dũng kaa Laa kãntang ɓɛɛ, nyaa ɓuru daa gbete, a ruu bee ri laa tɔ nɛɛ ri shaa vuu ɓɔɔ zang yee vaka kpang, ri shaa zĩi kpang, ri ti shaa vuu ɓɔɔ zang bɔ̃ɔ vɔ̃ɔrɔ katɔ kpang, ri ti rooro nɛɛ zang soro ɓɔɔ soro ɓarɛ kpang, kpang.”

Zang Shonang Yeesɔ 26:20

Ɓɔɔ tĩng shɔɔnang n kɔɔ zang Ruu Laa ka Damasiku, a n ti daa kɔɔ ka Urushalima, a n ti riki tipi Yahudi nandon. N ti kɔɔ rɛɛ zang ɓɔɔ ri zang Isirela kpang jong n tɔɔ ri yaa vuu shi kpang ɓɔɔ ri palɛ ɓɛɛ, ri a ka bii Laa. Ri ti pálɛ́ vuu ɓɔɔ zang zi kagn nɛɛ ri yaa vuu shi kpang ɓɔɔ ri palɛ ɓɛɛ tɔ ɓɛɛ.

Galati 2:4

Ruu keɓe gaayu ka ɓɔɔ zang varɛ ɓɔɔ ri nwãarɛ zang nɛɛ ri dũng dòo Kirisi kɔ, ri kasɛ ɓarɛ katɔ nɛɛ, zang yèe wu shaa. Zang keɓe ɓɔɔ ri shɛ̃ɛ ka teteng ɓuru nɛɛ ri zili naa ɓuru, ri ti kãa gbalang naa ɓɔɔ zang ta yuu ɓuru ka ɓɔɔ ruu ɓakɛ yuu nɛɛ Yeesɔ Kirisi ɓɛɛ, ɓee. Ri kasɛ nɛɛ ri risi ruu naa jaafoo.

1 Tesalonika 1:9

Zang kaɓa nandon, ri kɔ̀ɔ ruu naa ɓɔɔ nɔɔ ta ruu ka ɓɔɔ ruu naa leng nɔɔ ɓɛɛ. A ɓɔɔ ti naa ɓɔɔ nɔɔ yaa vaka bannang, nɔɔ naa bang kaa Laa ɓɔɔ wukɔ niizang, a ɓi ti ningkãari ɓɛɛ.