Zang Shonang Yeesɔ 15:11 - Nyaa Shɔɔ Ɓɔɔ Laa a Ɓɛɛ

¹¹ Wu nɔngkɔ kpang. Rùu shing danggn tɔ, a Laa yi ruu naa kagn nɛɛ bìí Kpanti Yeesɔ, wu ta yuu ɓuru kati naa ɓɔɔ wu ta yuu ɓarɛ ɓɛɛ.”

Zang Shonang Yeesɔ 15:11 ပူးပေါင်းရင်းမြစ်များ

Rooma 3:24

A ka ruu tɔ̃ɔ ɓɔɔ Laa palɛ zang waati, Laa yaa ri gbalang vuu shi kpang ɓarɛ a shing ri tɔ, ri nwáng zang tɔ̃ɔ tɔ, ka tĩng ɓiɓɛ nɛɛ bii Yeesɔ Kirisi ɓɔɔ wukɔ ta yuu ɓarɛ ɓɛɛ.

Rooma 5:15

Vuu ɓɔɔ Laa a zang waati, ɓi naa vuu shi kpang, kpang. Niizang, zang dɔɔli ri vɔlɔ ka ruu ɓɔɔ Adamu gbete palɛ vuu shi kpang ɓɛɛ. Nɛɛ nɔngkɔ, tɔ̃ɔ ɓɔɔ Laa palɛ, nɛɛ vuu ɓɔɔ wu a zang waati ka ruu tɔ̃ɔ Yeesɔ Kirisi, a ka bii zang dɔɔli katɔ.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

1 Koranti 16:23

Kpanti ɓuru Yeesɔ Kirisi, wu palɛ nɔɔ tɔ̃ɔ.

2 Koranti 13:14

Tɔ̃ɔ Kpanti Yeesɔ Kirisi, nɛɛ kasɛnang ɓɔɔ Laa kasɛ zang nɛɛ mani, nɛɛ nwannang ɓɔɔ zang nwang ka nyaa zɔɔ nɛɛ Suru Laa, wu nwang nɛɛ nɔɔ nandon.

2 Koranti 8:9

Nɔɔ zi tɔ̃ɔ ɓɔɔ Kpanti ɓuru Yeesɔ Kirisi pàlɛ̀ ruu ɓɛɛ tɔ. Yeesɔ ɓi jaa ying ka vuu suru, a risi yuu ɓiɓɛ nwang zang ɓɔɔ vuu ka naa ɓiɓɛ kpang ka ruu manɛ, nɛɛ tɔ̀ɔ, nɔɔ nwang wujɛ ying kati.

Galati 1:6

N mã naa tɔ ka danggn ka ruu manɛ. Knti bee gn vi, nɔɔ yaa zang ɓɔɔ ɓaa nɔɔ nyaa nɛɛ ruu tɔ̃ɔ ɓɔɔ Yeesɔ Kirisi palɛ nɔɔ, nɔɔ dũng kaa ruu ɓɔɔgn viya?

Galati 2:16

Naa dòo nɔngkɔ, ruu zi ɓuru tɔ nɛɛ shɔnzang nwáng zang tɔ̃ɔ ka tĩng Laa ka ruu danggn ɓɔɔ wu shing ka bii Yeesɔ Kirisi kɔ shɛ̃ɛning, wu ka ruu ɓɔɔ zang keɓe palɛ vuu ɓɔɔ nyaa dannang kasɛ ɓɛɛ kpang. Ruu shing danggn tɔ jong ka bii Yeesɔ Kirisi, tɔ̀ɔ, ruu nwang zang tɔ̃ɔ ka tĩng Laa nɛɛ bii danggn ɓɔɔ ruu shing ka bii Kirisi ɓɛɛ. Wu ka ruu ɓɔɔ, ruu palɛ vuu ɓɔɔ nyaa dannang kasɛ ɓɛɛ kpang. Ka ruu ɓɔɔ, zang nwàng zang tɔ̃ɔ ɓi jong ka tĩng Laa, ka ɓɔɔ zang palɛ vuu ɓɔɔ nyaa dannang kasɛ ɓɛɛ kpang.

Titu 2:11

Ka ruu ɓɔɔ, Laa túsú tɔ̃ɔ ɓiɓɛ ɓɔɔ wu ta yuu zang piti nɛɛ mani tɔ ɓɛɛ.

Vuu ɓɔɔ zang nwangsɛ Yɔhana 5:9

Ri gaa soo shɔɔ, ri kɔɔyi nɛɛ, “Mɔɔ daa naa tɔ, mɔɔ ta labeenang kaɓa, mɔɔ ti tãlɛ lang ɓɔɔ zang ɓang nɛɛ mani ɓɛɛ. Ka ruu ɓɔɔ, zang nyɔ mɔɔ vɔrɔ ka tĩng, a mɔɔ ta Laa yuu zang dɔɔli nɛɛ zĩi ɓaaɓɛ ɓɛɛ. Zang ɓɔɔ mɔɔ ta yuu ɓarɛ keɓe, ri nwangnɛ zɔ̃ng zang piti ka koo keɓe, nɛɛ nyaa ɓɔɔ ka koo piti, ri nwangnɛ tipi piti, a ɓɔɔ nɛɛ tipi rɛɛ kpanti ka bm bm.