Zang Shonang Yeesɔ 14:22 - Nyaa Shɔɔ Ɓɔɔ Laa a Ɓɛɛ

²² Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Zang Shonang Yeesɔ 14:22 ပူးပေါင်းရင်းမြစ်များ

Matiyu 10:38

Zang ɓɔɔ nɛɛ kasɛ nɛɛ wu dang jĩng ka ruu mɛɛ kpang, daa naa ɓɔɔ wu dũng m kpang.

Matiyu 16:24

A Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang piti ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ ɓɛɛ, wu tuu laa ɓɔɔ zang ɓaa wu kagn, wu dũng m.

Matiyu 19:24

N kɔɔ nɔɔ tɔkn, daanang zang ɓɔɔ vuu naa ɓarɛ kagn ka nɔng ɓɔɔ Laa roo kpanti, kpãa nyaa ɓa ɓɔ̀ɔ vuu vaa ɓɔɔ zang ɓaa nɛɛ hòlòng ɓú nɛɛ yeng shɔng fɔ̃ɔrɔ ɓɛɛ katɔ.”

Maraku 10:30

naa walɛ vuu ɓɔɔ wu yaa ɓɛɛ ditɔ ka koo keɓe. Naa walɛ gãa nɛɛ ɓeezung, nɛɛ ɓeenaa, nɛɛ niiɓɛ, nɛɛ wujɛ, nɛɛ tipi dakn laa maani. Zang ti naa dang wu jĩng ditɔ dɔɔli, ti naa walɛ suru bii ɓɔɔ waa nyaa kpang ditɔ.

Maraku 9:47

Jĩng ɓaaɓɛ kɔ nɛɛ dɔ̃ mɔɔ, nɛɛ mɔɔ palɛ vuu shi kpang, zɔ̃ng ta mɔɔ tasɛ. Daa nɔng ɓɔɔ Laa roo Kpanti nɛɛ jĩng dang gbete gbã̀ágbãa, ka nung ɓɔɔ zang tasɛ mɔɔ nɛɛ jĩng ɓaaɓɛ ziti piti ka waa ɓɔɔ ning ɓi kpang ɓɛɛ.

Luka 24:26

Nɔɔ zi kpang nɛɛ Kirisi dang jĩng vuu keɓe ka gbongkarɛ, tɔ̀ɔ, zang a wu bannang ɓiɓɛ kpang ya?”

Yɔhana 15:18

“Zang ɓɔɔ ri zi Laa kpang ri bɛ̃ɛ nɔɔ katɔ. Ri nɛɛ bɛ̃ɛ nɔɔ tɔ, danggn wu ning nɔɔ kpang, ri bɛ̃ɛ ɓi nkɔ shɔɔnang.

Yɔhana 15:20

Danggn wu ning nɔɔ vuu ɓɔɔ n kɔɔ nɔɔ ɓee kpang. N kɔɔ nɔɔ nɛɛ, ‘Zang shonang ɓɔɔ ɓa dabang gãa ɓiɓɛ katɔ ɓi kagn kpang.’ Zang ɓɔɔ ri dang m jĩng, ri naa dang nɔɔ jĩng doo katɔ kɔ. Ri nɛɛ ɓaa shoo ka vuu ɓɔɔ n tùsù ri, ri naa ɓaa shoo katɔ ka ɓɔɔ manɛ kɔ doori.

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Yɔhana 3:5

Yeesɔ kɔɔ wu tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi zang nɛɛ mii, a ɓɔɔ nɛɛ bii Suru Laa kpang, zang keɓe daa nɔng ɓɔɔ Laa naa roo kpanti ɓi kpang.

Zang Shonang Yeesɔ 11:23

Ɓɔɔ daa shɛ̃ɛ nɔng, a zi naa ɓɔɔ Laa á ri tĩnang tãanang tɔ, tãa tĩnang jong. A mã ri danggn nɛɛ ri dũng Laa nɛɛ yeti ɓarɛ nandon.

Zang Shonang Yeesɔ 11:26

Daa ĩi wu, a atɛ wu ka Antakiya. Ri ziti ri nwalɛ nɛɛ zang, ɓɔɔ ri dũng Laa, a ri ti tusu zang dɔɔli vuu, saa gbete. Zang gaayu zang ɓɔɔ ri dũng Laa ɓaanang ka Antakiya kɔ nɛɛ Kirista.

Zang Shonang Yeesɔ 11:29

Rɛɛ zang ɓɔɔ ri dũng Laa ri mang ka yeti ɓarɛ nɛɛ rí kpalɛ vuu naa ɓɔɔ zang ɓu walɛ katɔ ɓɛɛ, ri yi rɛɛ manzung ɓuru ɓɔɔ ri dũng doo Laa kɔ doori ka tipi Yahudi ɓɛɛ naa ka bii.

Zang Shonang Yeesɔ 13:43

Zang ri daarɛ tɔ, a zang Yahudi dɔɔli nɛɛ rɛɛ zang ɓɔɔ ri dũng kaa doo gbalang zang Yahudi kɔ nɛɛ yeti gbete ɓɛɛ, ri dũng Bulu nɛɛ Baranaba. A ri rang rɛɛ zang keɓe yee, kɔɔ ri nɛɛ ri yaa gbalang tɔ̃ɔ ɓɔɔ Laa palɛ ri keɓe kpang.

Zang Shonang Yeesɔ 14:20

Ɓɔɔ zang ɓɔɔ ri shing danggn, ri naa kpalɛ zɔɔ ri kiiri wu nyaa ka teteng, yupaa a daa yeti gari. Nɔng naa gãntɛ, a daa ka gari Daabe nɛɛ Baranaba.

Zang Shonang Yeesɔ 14:28

A ri nwang kaa nɛɛ zang ɓɔɔ ri dũng Laa kaɓa ka nɔngkɔ, diki ɓarɛ bee katɔ.

Zang Shonang Yeesɔ 15:32

Yahuda nɛɛ Siila ɓɔɔ ri doo zang nyaa shonang Laa kɔɔ doori, ri rang zang yee sasak. Yee ɓarɛ mã zang danggn kati.

Zang Shonang Yeesɔ 15:41

Bulu daa ka Siriya nɛɛ Silisiya ri mã zang ɓɔɔ ri dũng Laa danggn.

Zang Shonang Yeesɔ 18:23

Nwang tɔ ka nɔngkɔ, diki bee tɔ tɔkɔlɔng a yaa nɔng kaɓa, daa ka rɛɛ tipi Galati nɛɛ tipi Fijiya, dàa mã rɛɛ zang ɓɔɔ ri dũng Laa danggn.

Zang Shonang Yeesɔ 6:7

Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.

Zang Shonang Yeesɔ 9:16

Ń ti tusu wu naa ɓɔɔ wu naa dang jĩng dɔɔli, ka ruu mɛɛ ɓɛɛ.”

Rooma 8:17

Wee ruu wujɛ ɓiɓɛ ɓee, ruu naa wàlɛ́ vuu tɔ̃ɔ ɓɔɔ Laa shìng zang ɓiɓɛ ɓɛɛ. A ruu ti naa walɛ vuu ɓɔɔ shìng Kirisi ditɔ nɛɛ wu, ka ruu ɓɔɔ, ruu nɛɛ dàng jĩng tɔ jong naa ɓɔɔ Kirisi dang ɓɛɛ, Laa ti naa a ruu bannang jong naa ɓɔɔ wu a Kirisi ɓɛɛ.

1 Koranti 1:8

Ɓi Yeesɔ Kirisi kɔ nɛɛ yuu ɓiɓɛ, yiti nɔɔ diki ɓɔɔ koo waa nyaa wu a nɛɛ mani. Tɔ̀ɔ, ka diki ɓɔɔ Yeesɔ Kirisi gbãayu, Laa wu naa dɔng nɔɔ ruu kaa takpang, nɛɛ nɔɔ pálɛ́ vuu shi kpang tɔ kpang.

Filipi 1:29

Laa ɓɔɔ yàa nɔɔ gbalang nɛɛ nɔ́ɔ shing danggn ka bii Kirisi ɓɛɛ, ti yaa nɔɔ gbalang tɔ nɛɛ nɔ́ɔ dang jĩng ka ruu ɓiɓɛ.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

1 Tesalonika 3:13

Laa wu shingnɛ nɔɔ shii gbãng gbãng, tɔ̀ɔ, zang ɓɔɔ wu tɔɔ kaa takpang nɛɛ nɔɔ palɛ vuu shi kpang tɔ kpang, ka tĩng Laa ɓɔɔ wukɔ Daa ɓuru ɓɛɛ, ka diki ɓɔɔ Kpanti ɓuru Yeesɔ naa a nɛɛ zang ɓiɓɛ ɓɛɛ.

2 Timoti 1:8

Ka ruu nɔngkɔ, yusɛ̃ɛ wu tuu mɔɔ ka nɔng ɓɔɔ mɔɔ kɔɔ ruu ka yuu Kpanti ɓuru Yeesɔ kpang. Yusɛ̃ɛ wu ti tuu mɔɔ ka yuu mɛɛ ɓɔɔ zang mã m ka sãa ka ruu Kirisi ɓɛɛ kpang. Dang jĩng jong ka ruu Ruu Tɔ̃ɔ Laa, naa ɓɔɔ n dang ɓɛɛ, nɛɛ kaka ɓɔɔ Laa a mɔɔ ɓɛɛ.

2 Timoti 3:12

Zang piti ɓɔɔ nɛɛ kasɛ wu nwang zang ɓɔɔ dũng Laa gbãng gbãng ka ɓɔɔ wu ɓakɛ yuu nɛɛ Yeesɔ Kirisi, zang dang wu jĩng katɔ.

1 Bituru 2:21

Laa ɓaa nɔɔ nyaa nɛɛ, nɔ́ɔ nwang zang ɓiɓɛ nɛɛ naa nɔɔ nɛɛ palɛ tɔ̃ɔ a zang dang nɔɔ jĩng, nɔɔ mã danggn katɔ. Ka ruu ɓɔɔ, Yeesɔ Kirisi nɛɛ yuu ɓiɓɛ, dang jĩng ka ruu manɛ ɓɛɛ. Nwannang ɓiɓɛ kɔ tusu nɔɔ naa ɓɔɔ nɔɔ nwáng ɓɛɛ.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

1 Bituru 5:9

Nɔ́ɔ yàa wu gbalang kpang, nɔɔ shii gbãng gbãng. Nɔɔ shing danggn ka bii Laa diki diki nɔ́ɔ kaa vɔrɔ kpang. Nɔɔ zi tɔ, zang ɓɔɔ ri dũng Laa ɓɔɔ ri ka nɔng piti piti ka koo keɓe, ri dang jĩng doo nɔngkɔ, naa ɓɔɔ nɔɔ dǎng ɓɛɛ.

2 Bituru 1:11

Ka gbalang keɓe kɔ, nɔɔ naa walɛ gbalang daanang nɔng ɓɔɔ kpanti ɓuru Yeesɔ Kirisi naa roo kpanti. Yeesɔ ɓɔɔ wukɔ ti ta yuu ɓuru ɓɛɛ. Ruu naa daa nwang nɛɛ wu ka nɔng kaɓa dòndòng.

Yahuza 1:3

Masang, ɓɔɔ n kasɛ nɔɔ dɔɔli ɓɛɛ, bɛ̀ɛ́ n wàá doo diki ɓɔɔ n bèé nɔɔ labeenang ka ruu yuu ɓuru ɓɔɔ Yeesɔ ta ɓɛɛ. A vuu ɓɔɔ shing m kãntang keɓe n bèé nɔɔ labeenang, n kasɛ n kɔɔ nɔɔ nɛɛ nɔɔ shii nɛɛ bang, ka ruu danggn shinnang kɔ Laa a zang ɓiɓɛ tɔ dɔ̃ɔ gbete ɓee.

Vuu ɓɔɔ zang nwangsɛ Yɔhana 1:9

Nkɔ Yɔhana manzung manɛ, ɓɔɔ ruu ɓakɛ zɔɔ tɔ nɛɛ Yeesɔ ɓɛɛ. Ruu mã danggn nɛɛ zɔɔ ka jĩng ɓɔɔ ruu dangnɛ, ka ruu ɓɔɔ, Yeesɔ kpanti ɓuru ɓɛɛ. Zang shing m ka tipi ɓɔɔ mii kiiri wu nyaa ka teteng, ɓɔɔ zang ɓaa nɛɛ Patimu ɓɛɛ, ka ruu ɓɔɔ, n kɔɔ zang Ruu Laa ɓɔɔ Yeesɔ kasɛ tɔ, nɛɛ ɓi niizang ɓɛɛ.

Vuu ɓɔɔ zang nwangsɛ Yɔhana 2:10

Nɔ́ɔ kaa vɔrɔ jĩng dannang ɓɔɔ yaa kaa tɔkɔlɔng nɔɔ dǎng kaa tɔ kaɓa kpang. Nɔɔ ɓaa shoo, Sheetang naa gãsɛ nɔɔ ditɔ, naa shingnɛ zang wu mã zang ɓɔɔ ka teteng manɛ ka sãa. Zang naa dang nɔɔ jĩng diki kopi kɔ nwani. Nɔ́ɔ yaa danggn ɓɔɔ nɔɔ shing ka bii mɛɛ kpang, naa zang nyɔ nɔɔ doo vɔrɔ ɓɛɛ. Tɔ̀ɔ, n a nɔɔ suru bii ɓɔɔ waa nyaa kpang, nɔ́ɔ walɛ bannang kati.

Vuu ɓɔɔ zang nwangsɛ Yɔhana 7:14

A n kasɛ wu nyaa nɛɛ, “Dabang, ɓi mɔkɔ zirɛ.” A kɔɔ m nɛɛ, “Wee ɓi rɛɛ zang ɓɔɔ ri wɔ nɛɛ jĩng dannang bang kaɓa ɓɛɛ, a ri sɔɔ fɔ̃ɔrɔ ɓarɛ kaa nɛɛ zĩi Jaa Mɛ̀ɛrɛ́, a tu kaa puru shãa shãa.”