Zang Shonang Yeesɔ 14:16 - Nyaa Shɔɔ Ɓɔɔ Laa a Ɓɛɛ

¹⁶ Ka koo ɓɔɔ tɛɛ tɔ ɓɛɛ, Laa yaa zang koo nɛɛ ri palɛ vuu ɓɔɔ yeti ɓarɛ kasɛ ɓɛɛ.

Zang Shonang Yeesɔ 14:16 ပူးပေါင်းရင်းမြစ်များ

Zang Shonang Yeesɔ 17:30

Rɛɛ sáa ɓɔɔ bɛ̀ɛ́ nɔɔ zi vuu ɓɔɔ kagn kpang, Laa gã̀ ɓi takpang. Ɓɔɔ kãntang keɓe, Laa dang zang nyaa ka niya nandon, nɛɛ ri kɔ̃sɔ yeti ɓarɛ.

Rooma 1:28

Ka ruu ɓɔɔ, shɔnzang ri kasɛ nɛɛ ri yítì vuu ɓɔɔ niizang ɓɔɔ zang zi ka yuu Laa ka yeti ɓarɛ kpang. Laa yaa ri tɔ ri rɛ̃rɛ vuu ɓɔɔ shi kpang, tɔɔ ri palɛ vuu ɓɔɔ daa naa palɛnang kpang ɓɛɛ.

Rooma 3:25

Laa a zang wu, nɛɛ zang nyɔ wu vɔrɔ, nɛɛ tɔ̀ɔ, wu nwang kaa gbalang ɓɔɔ Laa yàá shɔnzang nandon gbalang vuu shi kpang ɓarɛ ɓɛɛ. Ka ruu danggn ɓɔɔ ri shing ka bii ɓiɓɛ ɓɛɛ. Laa palɛ vuu keɓe, tɔ̀ɔ, wu tusu zang tɔ̃ɔ ɓiɓɛ. Ka tĩng, Laa mã danggn, a yee laa ka vuu shi kpang ɓɔɔ shɔnzang ri palɛ ɓɛɛ kpang.

Afisa 2:12

Ka laa kaɓa, bɛ̀ɛ́ nɔɔ shing danggn gň ka bii Yeesɔ Kirisi kpang. Bɛɛ nɔɔ manɛ zang zanti, ka tipi Isirela, a nɔɔ manɛ ka teteng zang Laa kpang. Rɛɛ nyaa ɓɔɔ Laa mã nɛɛ zang ɓiɓɛ, a á ri nyaa kagn, ɓi ɓɔɔ manɛ kpang. Nɔɔ nwang manɛ ka koo keɓe, vuu ɓɔɔ zang shing gn kagn ɓɛɛ kpang, a Laa manɛ ti kagn kpang.

1 Bituru 4:3

Nɔɔ suukãng tɔ dɔɔli, ka nɔng ɓɔɔ nɔɔ palɛ vuu ɓɔɔ zang ɓɔɔ ri zi Laa kpang ri palɛ ɓɛɛ. Nɔɔ di nyaa ta ka nɔngkɔ. Ɓeleng nɔɔ nwang manɛ nwannang ɓɔɔ daa naa kpang ɓɛɛ. Nɔɔ palɛ manɛ vuu ɓɔɔ yeti manɛ kasɛ ɓɛɛ, nɔɔ ɓooro vuu ɓɔɔ si nɔɔ ɓɛɛ, nɔɔ gaarɛ zɔɔ nɔɔ tãa tĩnang diki diki, nɔɔ ɓooro sàa, nɔɔ ti bang vaka, vuu ɓɔɔ Laa dang nyaa nɛɛ nɔ́ɔ pálɛ̀ kpang ɓɛɛ.